Прв на списокот е актуелниот олимписки вицешампион во таеквондо, Дејан Георгиевски, кој ќе инкасира по 1.600 долари, додека на списокот сè уште двајца од истиот спорт и тоа Филип Додевски со 1.100 долари Анамарија Георгиевска со 800 долари. Првиот македонски спортист кој обезбеди норма за ланските Игри во Токио, Магомедгаджи Нуров, ќе добива по 1.300 долари, а неговиот „соборец“, Владимир Егоров, ќе добива по 1.100 долари. Помош ќе добиваат и атлетичарот Дарио Ивановски и Борјан Бранковски во спортско стреличарство, кои ќе добиваат по 800 долари.

Според информацијата од МОК, оваа листа не е конечна бидејќи ќе биде обезбедена финансиска помош и за други спортисти, кои во меѓувреме ќе докажат со своите најдобри резултати дека евентуално ќе можат да освојат норма за учество на ЛОИ во Париз.

The post ЗАПОЧНА МИСИЈАТА „ЛОИ ПАРИЗ 2024“ Седум спортисти ќе добиваат стипендија од МОК appeared first on plusinfo.mk.

Организацискиот комитет на Летните олимписки игри (ЛОИ) во Париз 2024 го усвои проектот за церемонијата на свеченото отворање, која за прв пат во историјата на олимпизмот нема да се одржи на стадион, туку на реката Сена во самиот центар на француската престолнина.

Организаторите најавија дека земјите – учеснички ќе продефилираат на свеченото отворање со околу 200 бродови, а поворката ќе плови по Сена во должина од околу шест километри. Завршната церемонија ќе се одржи на плоштадот Трокадеро.

За присутните на церемонијата крај реката Сена ќе бидат поставени монтажни трибини и гледачите ќе мораат да платат влезници, додека на Трокадеро публиката ќе има бесплатен пристап до церемонијата.

Поради опасност од можни терористички напади, како што јавија локалните медиуми, француските власти надлежни за безбедноста сакаат да го ограничат бројот на гледачи на 250.000 луѓе, додека организаторите и локалната власт во Париз целат кон церемонија од отворен тип за околу два милиони гледачи.

The post ВО ПАРИЗ ЌЕ ПЛОВАТ БРОДОВИ Олимпсиките игри ќе започнат спектакуларно appeared first on plusinfo.mk.

Церемонијата на затворање на Олимписките игри во Токио беше следено директно кај новиот домаќин – Париз, каде за оваа прилика, беше уредена фан зона во градините на Трокадеро, каде имаа пристап само оние со сертификат за вакцинација.

Во оваа прилика, градоначлничката на Париз Ан Идалго беше во Токио за да го преземе олимиското знаме, додека Тони Естангет, претседател на ОК Париз 2024 година беше присутен на плоштадот Трокадеро заедно со сите француски спортисти кои освоија медали во Токио.

Публиката присутна во подножјето на Ајфеловата кула можеше да го набљудува поминувањето над кулата на Патролата на Франција, но и емитувањето на „уметничка секвенца од Париз 2024 година“. Организацискиот комитет не сакаше да ги открие сите изненадувања кои ги очекуваат гледачите. Над Ајфеловата кула се развеа огромно знаме, големо колку еден фудбалски терен.

Концертот на уметникот Вудкид, кој ја потпиша оригиналната музика за Олимписките игри во Париз 2024 година, снимена со националниот оркестар на Франција и Маитрис де радио Франс, дефинитивно го означи крајот на ова уникатно издание, обележано со отсуството на публиката во Јапонија поради ситуацијата со пандемијата на Ковид-19, со надеж дека ќе се врати во нормала во 2024 година.

The post ЗБОГУМ ТОКИО Париз со нетрпение го очекува огранизирањето на Игрите appeared first on plusinfo.mk.

Дванаесет нови случаи на инфекција со коронавирус беа идентификувани на Летните олимписки игри во Токио во текот на вчерашниот ден. Ова го објави прес-службата на Меѓународниот олимписки комитет (МОК).

Двајца од заразените се странски спортисти кои се сместени во Oлимпиското село, другите десет се работници поврзани со организацијата на Игрите и службени лица.

Олимписките игри официјално ќе започнат утре и ќе траат до 8 август.

The post Нови 12 случаи на ковид-19 на ЛОИ во Токио appeared first on plusinfo.mk.

44-годишниот некогашен тренер-пионир од Вардар никогаш досега не изгубил натпревар со своите фудбалерки, откако пред две години ја преземал селекцијата на САД. За жал, неговата матична земја, Македонија, нема сопствена репрезентација за фудбал на Олимпијадата.

Десет години без грешка во Вардар

Влатко Андоновски беше деветгодишно дете кога научи дека пораз не се прифаќа. Во пионерите на Вардар го научи тоа многу рано. Андоновски израсна во фудбалско семејство, во престолнината на Македонија, а откако се приклучи на академијата на најголемиот и најпопуларен клуб во земјата, во 1985 година, влогот беше зголемен.

Во Вардар доаѓаа најталентираните деца од цела Македонија, а самата конкуренција во тимот беше исклучително силна. Да бидете прифатен таму е само почеток. Оттаму, талентите мораа да си го чуваат местото и да го заработат, практично секој ден.

– Да загубиш два меча на 12 години, повеќе не си дел од тимот. Просто е. Нема мама, тато… Или играш добро или си во аут – вели Дино Делевски, соиграч од младинците на Вардар на Андоновски и близок пријател со кој Андоновски дојде во САД.

Една деценија помина Андоновски во вардаровата Академија. Тој не ги памети сите победи, ама ги памети сите порази. И вкупно беа – два!

– Една работа е да победите, а сосема друга работа е да сте најдобар долго време – вели Андоновски.

Уште повеќе, уште подобро

Ако знаеме дека фудбалерките на САД се најконкурентна репрезентација и фаворит во светот во моментов, можеме да го замислиме каков бил притисокот за Андоновски да ги тренира фудбалерките. Короната дошла токму навреме за да ги расипе плановите, но тоа само го направило посилен него и неговите девојки.

Кристи Мевис една деценија го познава Андоновски, а вели дека имала неколку разговори со него, кои прво ги опишала „како не многу брутални“, ама тоа е кога знаеш дека биле навистина брутални.

Беки Соербрн, репрезентативката која Андоновски најдобро ја познава, вели дека селекторот станал „потежок“ откако првпат ја тренирал во 2013 година.

– На почетокот тој беше толку подготвен да даде, а фудбалерките да не возвратат со иста мерка, а тој ќе продолжи да дава повеќе, и повеќе, и уште повеќе. Ама, сега, тој ќе бара сите ние да возвратиме на највисоко ниво – вели Соербрн.

Андоновски е подготвен да се справи со секој предизвик, а знае дека фудбалерките не треба да ги учи како да победуваат, туку како да бидат уште подобри. Знае и дека не треба дополнително да наметнува конкуренција, ама и во такво хипер-компетативно опкружување, Карли Лојд ја нарече таа битка како нешто удобно, зашто некој секогаш ќе ја подигне летвичката погоре и ќе бара уште повеќе и уште подобро.

– Јас го правам тоа за да не ги повредам, а го правам за да им помогнам – вели Андоновски.

Ако победи, Андоновски ќе влезе во историјата на фудбалот

Работата на Андоновски доаѓа со преголеми очекувања откако ја наследи легендарната Џил Елис, а тој дојде пред 21 месец и пред него е целта да освојува трофеи, да победува и ниту еднаш да не загуби. Скорот му е 22 победи и реми, нема пораз засега.

– Јас знам во што се впуштив – потенцира Андоновски.

До пандемијата сè одеше извонредно, беше победена Јапонија, тимот изгледаше подготвен за олимпиското злато. Подготовката што ја направи има приказна и ќе ја видиме веќе во среда, кога САД со непоразениот Андоновски ќе тргне на олимпискиот турнир против Шведска на стадионот во Токио. А, тимот е дојден во голема форма и со улога на голем фаворит.

За очекувањата, самиот Андоновски е свесен – сè освен златен медал ќе биде неуспех!

На некој начин олимпискиот женски турнир е посилен од Мундијалот. Нема лесен противник, тимовите се помали, мечевите се брзи и бесни.

– Тие се борци, тие се големи борци, такви се и тие секогаш напредуваат во битките – посочува Андоновски.

Ако успее Андоновски да дојде до целта, а тоа е олимписко злато од ЛОИ во Токио, тогаш тој ќе влезе во историјата на американскиот фудбал, ама и на македонскиот, зашто ќе биде прв тренер кој успеал да стигне до златен медал на фудбалски олимписки турнир.

The post Македонецот „кој не може да загуби“ ќе освојува олимписко злато за САД appeared first on plusinfo.mk.