Лишена од слобода e докторка од Битола која вчера била фатена како прима поткуп, соопшти полицијата.

Вчера, (16.07.2025) полициски службеници од СВР Битола, во координација со Јавно обвинителство Битола, ја лишиле од слобода И.Д.(67) од Битола, вработена во Клиничката болница во Битола поради сомнение за сторено кривично дело „примање поткуп“, казниво по член 357 од Кривичен законик.

По претходно добиени оперативни сознанија и пријавен настан во СВР Битола истиот ден, од страна на полициските службеници извршен е претрес во службените простории кои ги користи И.Д., како и личен претрес врз неа, при што биле пронајдени пари кои потекнуваат од кривичното дело.

СВР Битола, до Основното јавно обвинителство, против И.Д. поднесе кривична пријава.

Според Обвинителството, осомничената, доктор офталмолог при ЈЗУ Клиничка болница „Д-р Трифун Пановски“ Битола, побарала од лице од Ресенско подарок во износ од сто евра за да изврши службено дејствие кое што секако би морала да го изврши, односно да изведе операција – отстранување на катаракта кај сопругата на пријавителот.

На 16 јули, таа го повикала пријавителот на одделението за офталмологија во болницата за да ги земе парите и да закажат операцијa. Тој ѝ дал една банкнота од 100 евра која претходно била обележана, па веднаш откако осомничената ги примила парите полициски службеници извршиле претрес и кај неа ги пронашле парите.

Јавниот обвинител до судијата на претходна постапка достави предлог за определување мерка куќен притвор за осомничената.

Министерството за здравство вчера соопшти дека веднаш е иницирана постапка за утврдување дисциплинска одговорност.

ЛЕКАРКА ФАТЕНА КАКО ПРИМА МИТО Поткуп во битолската болница, жестока реакција на министерството

The post НА БИТОЛСКАТА ЛЕКАРКА Ѝ ДОШЛО ДО 100 ЕВРА Наместо во пензија ќе оди по судови appeared first on plusinfo.mk.

Директорката на Педијатриската клиника на Универзитетската болница во Парма, Италија, каде што се лекувал штипјанецот Симон Крстев, кој беше еден од 193-те повредени во трагедијата во Кочани, денеска дошла во Штип да го посети Симон, на покана на неговите родители, објави на својот профил Сашо Клековски, директор на Фондот за здравство (ФЗО).

Симон, во соработка со Цивилната заштита на Италија, на 18 март, 2 дена по трагичниот настан во кој во пожар во дискотеката „Пулс“ животот го загубија 62 лица, бил пренесен во Италија.

„Младиот Симон Крстев од Штип е еден од повредените во трагедијата во Кочани. На 18 април, во соработка со Цивилната заштита на Италија, пренесен е во Италија, во Педијатриската клиника на Универзитетската болница на Падова. Примен е со „хемиска пневмонија“ и со изгореници од втор степен. Симон добива сеопфатен третман и веќе на 1 април се враќа дома. Испратен е од персоналот на целиот оддел и тогаш родителите на Симон ја покануваат проф. Сузана Езпосито (Susanna Esposito), директорка на клиниката, да ги посети во Штип. Денеска проф. Сузана Езпосито го посети Симон во Штип. Симон не само што е лекуван во Парма, туку ја добил сета емотивна поддршка во тие тешки моменти. Поддршка толку силна да ја донесе проф. Сузана Езпосито во Штип. Ѝ се заблогодарив на проф. д-р Сузана Езпосито за сѐ што е направено за Симон и порачав дека секогаш е добредојдена во Македонија!“, посочи Клековски во својата објава на социјалната мрежа Фејсбук.

The post 📷 ТАА ГО ЛЕКУВАШЕ ВО ИТАЛИЈА, ТОЈ ЈА ДОЧЕКА ВО ШТИП Средба на Симон со лекарката што му го спаси животот appeared first on plusinfo.mk.

Обвинетата, како што соопшти Јавното обвинителство, како лекар-специјалист по општа медицина, била ангажирана со договор за повремени и привремени работи во Специјалистички завод Демир Капија – станбена единица во село Куршеница.

Таму во периодот од 1.10 до 5.10.2020 година укажувала лекарска помош заради покачена телесна температура и дијареа на едно оштетено дете, родено 2009 година, сместено во Заводот како лице со тешко нарушување на психо-физичкиот развој и церебрална парализа.

Спротивно на Договорот, здравствената помош ја укажувала без да изврши непосреден физикален преглед на детето, ординирала терапија и неговата состојба ја следела со телефонски известувања, не дала инфузија, па поради тоа дошло до влошување на здравствената состојба на детето, настанала дехидрираност на неговиот организам и на 5.10.2020 година настапила смрт.​​

The post НЕСОВЕСНО ЛЕКУВАЛА ШТИТЕНИК ОД ЗАВОДОТ ВО ДЕМИР КАПИЈА Покренато обвинение против лекарка appeared first on plusinfo.mk.

Поранешниот фудбалер, кој има 71,4 милиони следбеници на таа социјална мрежа, изјави дека сака да ја истакне „неверојатната работа“ на медицинскиот персонал кој работи среде руската инвазија. Доктор Ирина, која раководи со регионалниот перинатален центар во текот на неделата објавила исечоци и фотографии на инстаграм-профилот на Бекам, покажувајќи како војната влијаела на работата на нејзиниот тим.

„Денес ќе ви покажам како работиме за време на војната и кои станавме во текот на овие воени денови“, рекла таа. Ирина сподели видеа на кои се гледа подрумот каде што бремените жени и новопечените мајки биле евакуирани во првите денови од инвазијата, единицата за интензивна нега каде што се лекуваат бебињата и генераторите на кислород донирани од УНИЦЕФ. Ирина рекла дека сега работи „24/7“ и дека: „Веројатно си ги ризикуваме животите, но воопшто не размислуваме за тоа. Ја сакам својата работа“. Таа објави и приказна за Јана и нејзиниот син Михајло, кој е роден на вториот ден од војната со проблеми со дишењето, а чија семејна куќа била уништена за време на борбите. Таа рече дека детето е „подобро сега“.

Поранешниот играч на Манчестер Јунајтед и Реал Мадрид, Бекам (46) е амбасадор на УНИЦЕФ од 2005 година. Тој ги повика своите придружници да донираат за добротворна организација која работи во Украина за да им обезбеди на семејствата пристап до чиста вода и храна, да обезбедат продолжување на услугите за заштита на децата и да ја следат ситуацијата со бегалците во соседните земји.

 

View this post on Instagram

 

A post shared by David Beckham (@davidbeckham)

„Благодарение на вашите донации, генераторите на кислород што ги добија им помагаат на новороденчињата да преживеат во ужасни услови“, рече Бекам.

Харков, вториот по големина град во Украина, веќе три недели е цел на руските напади.

David Beckham gave his Instagram account to Ukrainian doctor Irina Kondratova so that she could show the whole world the work of the perinatal center in #Kharkiv

David’s audience is over 71 million subscribers.

David and his wife donated a $1 million to #Ukrainian children. pic.twitter.com/JKEwPDQOkK

— NEXTA (@nexta_tv) March 20, 2022

ФОТО: Инстаграм

The post БЕКАМ ГО ОТСТАПИ СВОЈОТ ИНСТАГРАМ НА УКРАИНСКА ДОКТОРКА Неверојатен гест на фудбалерот (ФОТО) appeared first on plusinfo.mk.

Министерството за внатрешни работи денеска соопшти дека едно лице најнапред вербално, а потоа и физички нападнало вработена во Инфективното одделение во Охрид. Случајот е пријавен денеска, во 9.19 часот, во СВР Охрид.

Директорот на охридската болница доктор Горан Балевски за „Слободен печат“ потврдил дека утринава во амбулантата на инфективното одделение, пациент што чекал на ред почнал да ја дави една од двете лекарки на смена. Лекарката инфектолог има 62 години и по индицентот се чувствува добро.

СВР Охрид презема мерки за расчистување на случајот.

The post ПАЦИЕНТ САКАЛ ДА ДАВИ ЛЕКАРКА Инцидент на Инфективно во Охрид appeared first on plusinfo.mk.

– Дваесетина минути по полноќ, полициски службеници на СВР Тетово го лишиле од слобода 46-годишниот Џ.Б. од тетовски Порој, кој претходно се однесувал агресивно на Детското одделение во тетовската Клиничка болница, им се заканувал на вработените, се обидел физички да ја нападне лекарката и ја оштетил влезната врата од амбулантата – информира СВР Тетово.

За агресивно однесување кон полицајци, пак, околу 2 часот и 20 минути, во угостителски објект во тетовско Желино, во кој се спроведувала акциска контрола приведени се Б.Б.(30) од тетовско Џепчиште и Х.И.(38) од кумановско Липково.

The post СЕ ОБИДЕЛ ДА НАПАДНЕ ЛЕКАРКА Тетовец ја оштетил и вратата од амбулантата appeared first on plusinfo.mk.

Лекарка од Куманово, специјалист за очни болести е осомничена дека барала поткуп од пациенти за да изврши операција на катаракта.

Основното јавно обвинителство Куманово информира дека отворило постапка против жителка на Куманово, на возраст од 51 година, поради, како што вели, постоење на основано сомневање дека сторила едно продолжено  кривичнo делo  – злоупотреба на службената положба и овластување од член 353 став 4 во врска  со став 2 во врска со став 1, а во врска со член 45 став 1 и едно продолжено кривично дело – примање поткуп од член 357 став 6 во врска со сатав 2 во врска со член 45 став 1 од Кивичниот законик.

„На 22.09.2021 година во временски период од 7 до 14 часот, искористувајќи ист траен однос, во својство на лице што врши работи од јавен интерес специјалист за очни болести, вработена во ЈЗУ „Општа болница Куманово“- Очно одделение во Куманово, со искористување на својата службена положба и овластување за себе прибавила корист и потешко ги повредила правата на друг. Осомничената директно побарала и примила корист за себе, парични средства, за да изврши службено дејствие што морало да се изврши. Таа во два наврати, на свои пациенти, им побарала износ од по 12.000 денари за да им изврши операција на катаракта, под изговор дека ваквите средства ѝ се неопходни за набавка на леќи, иако леќите ги набавува самата болница, а оштетените не биле должни да го платат наведениот износ, односно требале да платат само партиципација. Побараниот паричен износ  пред да бидат извршени операциите, оштетените и го платиле директно на рака на обвинетата, при што не добиле никаква потврда за уплатата3, се вели во информацијата од обвинителството.

Постапувајќи по поднесената кривична пријава, во Основното јавно обвинителство Куманово оформен е предмет, а до судијата на претходна постапка при Основен суд Куманово поднесен е предлог за определување на мерката притвор против осомничената поради непречено одвивање на постапката.

Судот со решение  на осомничената и определи мерка притвор во траење од осум дена. ​​

The post ЛЕКАРКА ОСОМНИЧЕНА ПОРАДИ ПОТКУП ОД 200 ЕВРА ЗА ОПЕРАЦИЈА Обвинителството бара притвор appeared first on plusinfo.mk.

Лекарката со иницијали Е.С. е приведена и против неа ќе биде поднесена соодветна кривична пријава до ОЈО Куманово.

– Е.С. ја злоупотребила службената положба и овластување казниво по чл. 353 и примала поткуп од пациенти, казниво по чл. 357 од КЗ на РСМ така што правела хируршки интервенции во службени простории на ЈЗУ Општа болница-Куманово и за интервенциите противправно зела по 12.000 денари, иако пациентите се здравствено осигурени преку ФЗО и за истата интервенција би требало да платат само партиципација. Но партиципација не им била наплаќана, со што не само што се оштетува буџетот на РСМ, туку парите пациентите ги давале лично на пријавената, непосредно пред да се изврши хируршката интервенција, а за што пациентите не добивале документ за платената услуга – велат од МВР.

The post ЛЕКАРКА ОД КУМАНОВО КЕШИРАЛА ПО 200 ЕВРА ОД ОПЕРАЦИЈА Во возилото се најдени 98.000 денари appeared first on plusinfo.mk.

Наместо вакцина против коронавирусот, граѓаните на Добој беа вакцинирани против сезонски грип со вакцината „Ваксигрип“, а здравствениот дом Добој, како и полициската управа, која ги презема сите активносто во истрагата, го потврдија настанот, пишуваат српските медиуми.

Здравствениот дом Добој соопшти дека на 31 јули, работникот М. П. применил сезонска вакцина кај осум сограѓани наместо вакцина против коронавирус „Синофарм“ и дека тие го прекинале процесот на вакцинација откако дознале за несаканиот настан.

– Работникот М. П. беше отстранет од работното место и работниот процес, а вакцинацијата ја продолжија други работници на институцијата. Во понеделник, 2 август, во 7 часот наутро, итно со писмо за несаканиот настан беше известен Институтот за јавно здравје на РС, полициската управа Добој и Републичката управа за инспекциски работи, здравствениот инспекциски сектор, со барање да се преземат итни мерки за решавање на овој несакан настан – велат од Здравствениот дом во Добој.

Лекарите вработени во Службата за семејна медицина ги известиле своите сограѓани кои примиле вакцина против сезонски грип, дека не постои опасност по нивниот живот и здравје или каква било други последици.

The post Лекарка ги утнала вакцините, по грешка боцкала против грип, наместо против корона appeared first on plusinfo.mk.

– Оформен е предмет по добиена анонимна пријава на 12 јануари 2021 година, а во врска со постапување на лекари специјалисти – гинеколози од Клиничка болница Битола и едно лице странски државјанин за кое постојат основи на сомневање дека без лиценца за работа преземало медицинска интервенција – велат од Обвинителството.

Од таму информираат дека кон предметот е припоена и кривична пријава поднесена од СВР Битола на 8.2.2021 против три лица заради преземени дејствија со кои ги пречекориле своите посебни овластувања во вршење на должноста и овозможиле лице без соодветна лиценца за работа издадена од Лекарска комора на РСМ, да даде медицинска помош- изврши оперативна интервенција врз родилка, породување со царски рез во ЈЗУ Клиничка болница Битола – операциона сала на Одделение за гинекологија и акушерство.

– По завршувањето на интервенцијата,едно од лицата во оперативниот дневник внело невистинит податок, односно во графата податоци за оператор, ги внело своите податоци и податоците на колегата, а од стариот оперативен дневник отстранило страници на кои третото лице ги запишало извршените оперативни интервенции на 1.1.2021 година. Обвинителството издаде  Наредба за собирање потребни известувања до СВР Битола. Испитани  се две лица кои дадоа свои сознанија за настанот и поднесено е барање до Лекарската комора на РСМ. На 3.2.2021 година јавниот обвинител издаде Наредба за вештачење на Оперативни дневници на Одделот за Гинекологија и акушерство при Клиничка болница Битола, за кои постои сомнение дека содржат невистинити податоци, односно се отстранувани страници – велат од Обвинителството.

The post Обвинителството отвори предмет за нелиценцираната лекарка која извршила царски рез во Битолската болница appeared first on plusinfo.mk.