Во своето обраќање на церемонијата Пендаровски истакна дека „меѓу бројните, несоборливи докази за тоа кои сме ние Македонците, доволно е да го цитираме музичкото творештво и наследство на „Леб и сол“ кои и во 21-от век продолжува да ги инспирира музичарите да истражуваат нови предели додека ги почитуваат сопствените корени“.

– Вечерва ве пречекавме со леб и сол, традиција која постои не само кај нас, туку и кај многу други народи, нордиски, балтички, кај Евреите, кај Албанците, кај балканците и секаде каде што постои таа традиција таа означува една иста работа – а тоа дека гостите се добредојдени. Само кај нас во македонскиот јазик тој израз има и друго посебно значење. Имено, кај нас леб и сол означува култ, категорија, институција со наднационално значење и вонвременски карактер. Зборуваме за музиката, опусот, животното дело на Влатко Стефановски, Бодан Арсовски, Кокан Димушевски и Гарабет Тавитјан – рече Пендаровски во своето обраќање.

Претседателот додаде дека зборуваме за национално наследство кое е одамна впишано во културната и социјална ДНК на нашата држава, на македонскиот народ и на сите наши граѓани.

– Вечерва сите ние присутни овде сме дојдени да искажеме почит и да се заблагодариме на нашата скопска четворка за тоа што ја прославија државата високо на глобалната карта на уметнички достигнувања. Вашата музика, драги лауреати, во дамарите на македонската душа има митски димензии затоа што претставува културно наследство со кое се идентификуваа и растеа, и сѐ уште растат и живеат генерации Македонци – нагласи Пендаровски.

Тој истакна дека уште од нивниот прв албум објавен далечната 1978 година, „Леб и сол“ беа дефинирани како неприкосновени инструментални виртуози и пионери во она што критичарите го нарекоа „world music fusion„ – комбинирајќи рок, џез и традиционални македонски ритми, при тоа, создавајќи музика која далеку ги надмина границите на времето.

– Пред речиси половина век, „Леб и сол“ се етаблираа во национална гордост и категорија, статус кој без напор го одржуваат низ годините, сѐ до ден-денешен. Во 1990-тите, членовите на групата започнаа и солистички кариери, соработувајќи со исклучителни музичари од целиот свет, проширувајќи ги музичките хоризонти, но, останувајќи верни на етничкото наследство и националниот дух без кои не можете да оставите белези на глобален план – кажа Пендаровски.

Последниве години, нагласи Пендаровски, испровоцирани од оние кои не се сигурни за сопствениот идентитет, многу време залудно трошиме во дебати за националниот идентитет на нас, Македонците, иако тој е заокружен од дамнешни времиња.

– Во таа смисла, меѓу бројните, несоборливи докази за тоа кои сме ние Македонците, доволно е да го цитираме музичкото творештво и наследство на Леб и Сол кои и во 21-от век продолжува да ги инспирира музичарите да истражуваат нови предели додека ги почитуваат сопствените корени. Прашајте кој било млад човек кога за прв пат навлегува во светот на музиката, дали знае за гитарското интро на Влатко во „Бистра вода“, фретлес бас-линиите на Бодан во истата нумера, аранжманите на Кокан во „Учи ме мајко, карај ме“ или седумосминските ритми на Гаро кога тапанот ќе грмне со подземен екот. Патувањето на „Леб и сол“ од Скопје до меѓународно призната музичка постава е доказ за моќта на нивното креативно изразување кое далеку ги надминува националните граници. Преку специфичните миксови на наследството на нашата нација со планетарните музички влијанија, „Леб и сол“ не само што го збогатија културниот идентитет на македонското општество, туку, дадоа суштински придонес и за развојот на музиката и на глобално ниво – заклучи Пендаровски во своето обраќање.

The post (ФОТО) „ЛЕБ И СОЛ“ Е ИНСТИТУЦИЈА Пендаровски им додели орден на заслуги на Влатко, Бодан, Кокан и на Гаро appeared first on plusinfo.mk.

Церемонија на одликување со Орден за заслуги за Република Македонија ќе се одржи во Кабинетот на претседателот во 19:30 часот.

Бодан Арсовски, Кокан Димушевски, Влатко Стефановски и Гарабет Тавитјан се смета дека ја сочинуваат најоригиналната постава на легендарните „Леб и сол“, култната македонска група која со своето делување ја испиша современата македонска музичка историја

The post ОРДЕН ЗА ЗАСЛУГИ ЗА МАКЕДОНИЈА Пендаровски денеска ќе ги одликува членовите на „Леб и сол“ appeared first on plusinfo.mk.

„Освен „half-speed“ мастерингот, направен од Мајлс Шоуел, изданието вклучува богата книгичка со фотографии од Георги Христовски, архивски фотографии од „Croatia Records“ и придружни текстови. Иако беше издаден во 1987 година, бендот почна да експериментира со идеи за нов студиски албум неколку години порано. По албумите „Калабалак“ од 1983 и „Тангента“ од 1984, издадени за „Југотон“, следеше „Звучни зид“ од 1986 година, албум со песни што во меѓувреме, беа напишани специјално за театар, филм и телевизијa. Групата, ќе признаат членовите, минуваше низ прилично кризен период од 1985 година, а евентуалниот неуспех на планираното студиско издание, секако ќе означeше распад на уште еден рок гигант“, пишува во соопштението.

Бендот, за да го максимизира потенцијалот на новиот материјал, во состав на Влатко Стефановски, Бодан Арсовски и Гарабет Тавитјан, одлучува да го покани младиот виртуоз на клавијатури Кирил Џајковски, кој станува постојан член, а покрај него, на снимањето се приклучуваат и саксофонистот Гоце Мицанов, пејачките Беби Дол и Ана Костовска, гајдашот Рони Ватен и перкусионистот Мишко Михајловски.

„Целиот материјал е снимен во познатото „М-2“ студио на Радио-телевизија Скопје, каде меѓу другите снимаше и групата „Бијело дугме“. Албумот „Kao какao“ звучи неверојатно свежо концептуално и продукциски, па дури и според денешните продукциски стандарди е навистина извонреден албум. За звукот на овој албум, меѓу другите, беше задолжен и Братислав Зафировски, кој освен за снимањето, беше заслужен и за миксот, а со Влатко и Бодан ја потпиша и продукцијата на „Као какао“. Со ова издание, „Леб и сол“ го обезбеди статусот на еден од најголемите состави во историјата на нашите простори“, пишува во соопштението.

Винилното реиздание на „Као какао“, фановите од државава можат да го нарачаат онлајн, преку веб-продавницата на „Croatia Records“.

The post „КАО КАКАО“ ПАК НА ПЛОЧА ПО 35 ГОДИНИ „Кроација рекордс“ го реиздаде легендарниот винил на Леб и Сол appeared first on plusinfo.mk.

Како што јави дописникот на МИА од Белград Ѓуричиќ беше хоспитализиран на крајот на минатиот месец поради коронавирус.

Роден е во Цетиње на 10 февруари 1953 година. Има свирено во „Леб и сол“, „Ју Група“, „Кербер“ и беше тапанар на Здравко Чолиќ и Ѓорѓе Балашевиќ.

Има пишувано и музика за театарски претстави.

Ѓуришиќ зеде активно учество во граѓанските протести во Србија во 1996 година, предводејќи група од 30 тапанари.

The post Почина некогашниот тапанар на „Леб и сол“ Драгољуб Ѓуричиќ appeared first on plusinfo.mk.

Познатиот музичар кој свиреше во групите „Леб и сол“, „Кербер“, со Ѓорѓе Балашевиќ и Здравко Чолиќ, како и со други познати изведувачи, имал температура од 39 степени Целзиусови со денови минатата недела, но дури пет дена подоцна тој решил да побара лекарска помош.

The post Тапанарот Драгољуб Ѓуришиќ, кој свиреше во „Леб и сол“, заврши на интензивна поради коронавирус appeared first on plusinfo.mk.