Се појавија нови детали во врска со повредата на плејмејкерот на Лејкерси, Лука Дончиќ.

Според „Атлетик“, преглед спроведен во Шпанија откри дека повредата на словенечкиот кошаркар е посериозна отколку што првично се очекуваше по неговата првична магнетна резонанца.

Првично беше објавено дека на Дончиќ му е дијагностициран истегнување на тетивата од втор степен. Сепак, подоцнежниот, пообемен медицински преглед откри пообемна и потешка повреда.

Дончиќ ја претрпе повредата на 2 април во натпревар против Оклахома Сити. Поради повредата, тој целосно го пропушти крајот на регуларната сезона и плејофот на НБА. Словенецот отпатува во Шпанија за да ја санира повредата.

Без Дончиќ, Лејкерси го победија Хјустон во првото коло од плејофот (4-2) пред да загубат од Оклахома Сити со 4:0 во второто коло.

The post ПОВРЕДАТА НА ДОНЧИЌ Е ПОСЕРИОЗНА ОТКОЛКУ ШТО СЕ МИСЛЕШЕ Направил нови прегледи во Шпанија appeared first on plusinfo.mk.

НБА ѕвездата и член на Лос Анџелес Лејкерс, Леброн Џејмс, може да го напушти тимот по сезоната 2025/26.

Според инсајдерот во најсилната светска кошаркарска лига Марк Штајн, иницијативата за раскинување на договорот со 40-годишниот Американец ќе дојде од клубот.

Во сезоната 2024/25, Џејмс одигра 70 натпревари во НБА, со просек од 24,4 поени, 8,2 асистенции и 7,8 скока по натпревар.

Леброн Џејмс игра за Лејкерси од 2018 година.

The post „БОМБА“ ВО НБА Леброн Џејмс си заминува од Лејкерс? appeared first on plusinfo.mk.

Кошаркарот на Лос Анџелес Лејкерс, Лука Дончиќ, не бараше изговори во заморот по поразот од Минесота со 113:116 во дуел од првото коло од плејофот на Западната конференција на НБА.

Дончиќ постигна 38 поени за 46 минути на теренот, а Лејкерси веќе заостануваат со 1:3 во серијата.

– Ова се плејоф натпревари. Заморот не треба да игра никаква улога. Играв многу минути, но тоа не треба да има значење. Мислам дека играа подобро дефанзивно во последните неколку минути – рече Лука Дончиќ.

Една од ѕвездите на Лос Анџелес Лејкерс сè уште верува во шансите на тимот.

– Ситуацијата дефинитивно е разочарувачка, но ништо не е изгубено. Мораме да продолжиме да веруваме – додаде Словенецот, цитиран од специјализираното издание „Еурохупс“.

The post ДОНЧИЌ НЕ БАРА ИЗГОВОРИ ВО ЗАМОРОТ Го призна поразот од Минесота, но верува во Лејкерс appeared first on plusinfo.mk.

The post 🎥 НА ДОНЧИЌ МУ ДОЈДЕ ПРЕКУ ГЛАВА ВО ЗАВРШНИЦАТА СО МЕМФИС Бурно реагираше на грубиот фаул appeared first on plusinfo.mk.

Словенечката суперѕвезда во редовите на Лос Анџелес Лејкерс, Лука Дончиќ не бегаше од одговорноста по поразот на Лејкерси од Орландо со резултат 118:106.

Дончиќ мечот го заврши со 32 поени, седум асистенции, исто толку скокови и една украдена топка за 38 минути на теренот.

– Мислам дека јас и Леброн мораме да го водиме тимот. Очигледно е дека треба подобро да се снаоѓам, повеќе да разговарам. Зборував во првото полувреме, но не бев толку гласен во второто и тоа не треба да се случува. Платени сме да го правиме ова. Не треба да има изговори. Во одреден момент, секој има тежок распоред. Важно е да видиме како играме. Едноставно мораме да бидеме подобри – изјави Дончиќ.

Лејкерси се петти на Западот со скор од 43 победи и 28 порази, а следен ривал ќе им биде Индијана на гости во четврток (00.30 часот).

The post „ЈАС И ЛЕБРОН МОРА ДА ГИ ВОДИМЕ ЛЕЈКЕРС“ Дончиќ испрати порака по поразот од Орландо appeared first on plusinfo.mk.

Словенечкиот кошаркар Лука Дончиќ му се одмазди на својот поранешнен клуб Далас Maверикс со победата на домашен терен. Се чини дека тоа не беше единственото нешто кое го направи Словенецот кој сè уште работи на тимската игра во своето ново опкружување.

Пред натпреварот Дончиќ направи серија склекови, а потоа упати остар поглед кон генералниот менаџер на Далас, Нико Херисон, кој беше главен иницијатор на смената на Дончиќ.

В0 јавноста се појавија и шпекулации дека клубот намерно пуштал гласини дека Дониќ има прекумерна тежина за да избегне да му понуди подобар договор летово.

Во замена за Дончиќ, Далас го доби Ентони Дејвис.

Luka hitting pushups with Nico Harrison in the background

(via @ArashMarkazi)pic.twitter.com/1O9edEh4qZ

— Legion Hoops (@LegionHoops) February 26, 2025

The post 📽 СКЛЕКОВИ ЗА ИНАЕТ НА ЧОВЕКОТ КОЈ ГО ИЗБРКА ДОНЧИЌ ОД ДАЛАС Лука не сака да биде „дебелиот Лука“ appeared first on plusinfo.mk.

Првиот дуел на Лејкерс и Далас по трансферот на Лука Дончиќ во тимот од Лос Анџелес заврши со победа за Лејкерс. Се чини дека словенечкиот кошаркар конечно го наоѓа своето место во новиот тим. Тој му се „одмазди“ на својот поранешен тим со трипл-дабл.

Лејкерсите утринава го совладаа Далас на домашен терен со 107:99 во натпревар од регуларниот дел од НБА-сезона.

Словенецот имаше проблеми со реализацијата, но тоа не го спречи да постигне одлични бројки на овој натпревар. За 35 минути игра заработи 19 поени, 15 скока, 12 асистенции и украде две топки. Ова беше неговиот прв трипл-дабл од неговото доаѓање во Лејкерс.

Дончиќ стана четврт кошаркар во историјата на НБА лигата кој во првите пет меча во клубот постигнал двоцифрен учинок во три колони.

На почетокот на февруари, Маверикс го разменија Словенецот со Лејкерси за Ентони Дејвис, кој го пропушти натпреварот поради повреда.

Лејкерси го добија третиот последователен натпревар и се искачија на четвртата позиција во Западната конференција. Далас е на деветтото место.

The post 📽 ДОНЧИЌ ГО НАЈДЕ СВОЕТО МЕСТО ВО ЛЕЈКЕРС Со трипл-дабл му се одмазди на Далас appeared first on plusinfo.mk.

Лука Дончиќ блесна во ноќешниот триумф на ЛА Лејкерс против Денвер, постигнувајќи 32 поени, 10 скокови и 7 асистенции, а неговата одлична партија беше клучна за прекинување на серијата од девет последователни победи на Никола Јокиќ и Нагетс.

Ова беше најдобриот настап на словенечкиот ас откако пред три недели пристигна од Далас. Очигледно, Дончиќ конечно се привикна на промената. По натпреварот, тој зборуваше за адаптацијата во новата средина.

– Тешки и поинакви три недели. Но, среќен сум што играм кошарка и секој ден ќе биде сè подобро. Ми се допаѓа што сум тука, а играњето со овие момци е одлично – изјави Дончиќ.

“Hard. Different. … I’m happy for the new journey.”

—Luka Doncic tells @saltersl what the last few weeks have been like after his best game with the Lakers. pic.twitter.com/jdDUChI2Xk

— ESPN (@espn) February 23, 2025

Посебно се осврна на соработката со Леброн Џејмс.

– Имаме уште многу простор за напредок. Ова ми беше само четврти меч во Лејкерс, а хемијата се гради со време. Но, веќе се гледа напредок и ќе станува уште подобро – дополни Словенецот.

Најголем акцент стави на амбициите на тимот.

– Нашата цел… Не, не мислам, знам дека нашата цел е титулата. Тоа е единствената цел. Имаме тим за тоа, за тоа и дојдов тука – решително порача Дончиќ.

Српскиот центар Никола Јокиќ беше крајно искрен по поразот на Денвер на домашен терен од Лејкерси (123:100).

Сепак, Лука Дончиќ одигра одличен натпревар, а кошаркарите на Денвер немаа одговор за тоа.

– Тој е човекот што требаше да го запреме. Помеѓу нас нема презиме и „неволја“. Ние не го правиме тоа, меѓу нас отсекогаш бил пријателски однос – започнал Јокиќ.

На Денвер му претстојат тешки натпревари и речиси и да нема време за одмор.

– Не знам дали ќе ги гледаме снимките од натпреварот, имаме тежок распоред, четири гостувања против големи тимови од Истокот. Не можеме толку многу да ја губиме топката, особено на гостински натпревари. Треба да бидеме поотпорни, да играме подобро – додаде Никола.

Nikola Jokić on playing struggling teams during the winning streak:

“Maybe we tricked ourselves.” pic.twitter.com/PNS1JOtsi2

— DNVR Nuggets (@DNVR_Nuggets) February 23, 2025

РЕЗУЛТАТИ: Чикаго – Феникс 117-121, Филаделфија – Бруклин 103-105, Денвер – ЛА Лејкерс 100-123, Јута – Хјустон 124-115, Портланд – Шарлот 141-88.

The post 📽️ ДОНЧИЌ БЛЕСНА ВО ДРЕСОТ НА „ЕЗЕРЏИИТЕ“ Словенецот ги предводеше Лејкерс до убедлива победа над Јокиќ и Денвер appeared first on plusinfo.mk.

Лос Анџелес Лејкерс беа поразени од Феникс Санс по пресврт од 100:97. Дебитантот на Лејкерс, Лука Дончиќ постигна 14 поени, заедно со 11 скока и осум асистенции, но имаше и шест загубени топки и слаб процент на голови од поле.

Ова беше трет натпревар на словенечкиот кошаркар, а неговиот соиграч Леброн Џејмс вели дека му треба време да се врати во форма и да се запознае со системот на игра на новиот клуб.

– Сè уште не ги знае нивоата и системот на нашата игра, не ги знае сите детали за одбраната и покривањето. Тој не ги знае сите сигнали и работи што ги изградивме од септември. Значи, очигледно се обидуваме да ги забрзаме работите со него. Тој се врати од повреда и се враќа во форма. Работиме на тоа – рече Џејмс.

Словенецот сè уште се бара себеси во редовите на Лос Анџелес Лејкерс.

– Нозете сè уште не ми се во најдобра состојба, тоа ме мачи, но оди на подобро од ден во ден. Моментално се радувам на секој нареден меч, среќен сум што играм за Лејкерс. Ова е еден од најголемите клубови во светот, потребно ми е уште малку време, но горд сум што ги бранам овие бои – вели Дончиќ.

The post УШТЕ РАБОТИМЕ НА ТОА Дончиќ се „пронаoѓа себеси“ во Лејкерс, Леброн го одбрани appeared first on plusinfo.mk.

Дебито на Лука Дончиќ за Лос Анџелес Лејкерс помина во голем стил, но тој самиот призна дека му било малку непријатно и имал трема.

Дончиќ го одигра првиот натпревар во дресот на „езерџиите“ по трејдот, против Јута. Во своето деби за својот нов клуб, тој постигна 14 поени, забележа пет скока и четири асистенции, додека Л.А. го совлада противникот за шестата последователна победа (132:113).

– Леле, многу луѓе. Тоа беше нешто посебно. Кога ги гледав момците на теренот на последните натпревари, само мислев дека сакам да играм со нив – рече Лука Дончиќ при пристигнувањето на прес-конференцијата по долгоочекуваното деби за Лос Анџелес Лејкерс.

Дончиќ во дебито постигна 14 поени, но шутот не му одеше најдобро. Тој погоди 5 од 14 обиди од поле по долгото лекување на повредата на глутеалниот мускул, а последен пат играше на Божиќ.

– Бев малку нервозен. Тоа не ми се случило пред натпревар долго време. Не сум играл долго време. Ова е нов тим за мене. Но, беше забавно на теренот, призна словенечкиот репрезентативец и додаде: „Ова е нов тим, ново сè. Ми се допаѓа начинот на кој ми помогнаа – моите соиграчи, Роб (Пелинка, ГМ), Џини (Бас, сопственик). Чувствував голема поддршка. Беше очигледно… Кога дојдов во салата, ги видов сите дресови „Лука“. Надреално чувство“.

 

View this post on Instagram

 

A post shared by Los Angeles Lakers (@lakers)

Пред натпреварот го охрабри и Леброн Џејмс кој му порача да биде тоа што е.

– За Леброн да каже нешто такво ми дава дополнителна самодоверба. Се наежив. Посебно е. Тој ја гледа играта поинаку од многу луѓе, неговата интелигенција е луда. И знаете, имајќи двајца такви момци на теренот, мислам дека тоа ќе му помогне на целиот тим – рече Дончиќ.

Натпреварот го следеше и Дирк Новицки, легендата на Далас Маверикс.

– Многу ми значи. Дека дојде. Тој е мој голем пријател, секогаш сум го гледал, тој е одличен ментор. Фактот што се појави, што долета од Далас е неверојатно и јас навистина, навистина го ценам тоа – додаде Дончиќ.

Luka Dončić’s first game as a Laker is in the books!

14 PTS | 5 REB | 4 AST | 6th straight Lakers W

Just getting started on his new era in Los Angeles pic.twitter.com/hsW0Nxao4F

— NBA (@NBA) February 11, 2025

The post 📽️ „ЛЕЛЕ МНОГУ НАРОД, ОДАМНА НЕ СУМ ИМАЛ ТРЕМА“ Дончиќ дебитираше за Лејкерс, а фановите добија подарок дрес appeared first on plusinfo.mk.