По новите закани упатени кон новинарот на Канал 5, Александар Видиновски, реагираа политички партии, а се бара МВР и Обвинителството итно да ги идентификуваат и санкционираат одговорните.

Нови закани за физичко насилство кон новинарот на Канал 5, Александар Видиновски, се појавија на социјалните мрежи, откако под видео објавено од градоначалникот на Скопје, Орце Ѓорѓиевски, беше оставен коментар со повик за насилство.

Во коментарот, корисник на социјалните мрежи напишал:

„Ај бе преку таквото со тој Видиновски… Што направил корисно, што снимал ѓубре?! […] само газење.“

Според информациите, случајот е пријавен во Министерството за внатрешни работи, а за заканите реагирале и новинарските здруженија.

Во реакцијата се посочува дека заканите кон новинарите претставуваат директен напад врз слободата на медиумите и правото на јавноста да биде информирана.

Од ВМРО-ДПМНЕ најостро ги осудија заканите упатени кон Видиновски, оценувајќи дека во демократско општество новинарите мора да можат слободно и без страв да ја вршат својата работа.

„Заканите, говорот што поттикнува насилство и повиците за физичка пресметка се целосно неприфатливи и претставуваат директен удар врз слободата на медиумите и правото на информирање“, наведуваат од партијата.

Оттаму ги повикаа Министерството за внатрешни работи и Јавното обвинителство без одлагање да ги идентификуваат лицата кои упатуваат вакви закани и да преземат соодветни законски мерки.

„Секој што повикува на насилство мора да сноси одговорност, без разлика на неговата политичка или која било друга припадност“, порачуваат од ВМРО-ДПМНЕ.

Со осуда се огласи и Либерално-демократската партија (ЛДП), од каде оценуваат дека заканите кон новинарите не смеат да се релативизираат.

„Заканите кон новинари не се личен конфликт, туку директен напад врз слободата на медиумите и демократскиот поредок“, наведуваат од ЛДП.

Партијата предупредува дека говорот на омраза и навредливата политичка комуникација создаваат атмосфера во која насилството станува прифатлив начин на пресметка со неистомислениците.

Од ЛДП побараа надлежните институции итно да ги идентификуваат и санкционираат одговорните за заканите и да обезбедат ефикасна заштита за новинарот.

The post „САМО ГАЗЕЊЕ“ ЗА ВИДИНОВСКИ Нови закани кон новинарот, се бара итна реакција од МВР и Обвинителството appeared first on plusinfo.mk.

Изборните реформи влегуваат во завршна фаза вели Министерството за правда по денешната седма по ред седница на Работната група за изборни реформи. Следната седница  е закажана на 12 јуни по што законските измени ќе се  финализираат и ќе се достават во понатамошна процедура.

Министерството ги демантира наводите на Дејанчо Цветановски од ЛДП кој тврди дека процесот оди во лоша насока и дека големите политички партии зад кулисите се обидуваат да да го заштитат својот монопол.

Министерството вели дека е нејасно како Цветановски зборува за процес што наводно се водел „зад затворени врати“, кога токму тој како претставник на ЛДП активно учествува во работата на групата, присуствува на состаноците и има можност директно да ги изнесе своите ставови и предлози.

„Работната група функционира транспарентно, со учество на претставници на парламентарните политички партии и независни пратеници. Секој предлог и од институциите и граѓанскиот сектор е разгледуван и дискутиран, а процесот се води исклучиво во насока на усогласување на Изборниот законик со препораките на ОБСЕ/ОДИХР. Оттука, обидите за создавање перцепција дека процесот е нетранспарентен претставуваат политички спин кој не соодветствува со фактите. Факт е дека Цветановски беше дел од дискусиите, ги слушна сите аргументи и имаше еднаква можност како и останатите учесници да придонесе во процесот“, соопшти Министерството за правда.

Оттаму дополнуваат дека процесот се одвива во духот на дијалог, професионалност и заедничка одговорност за унапредување на демократските стандарди во државата.

Следната седница  е закажана на 12 јуни по што законските измени ќе се  финализираат и ќе се достават во понатамошна процедура.

The post ИЗБОРНИТЕ РЕФОРМИ ВЛЕГУВААТ ВО ЗАВРШНА ФАЗА Не е точно дека се водат заткулисни преговори appeared first on plusinfo.mk.

Либерално-демократската партија (ЛДП) бара и ќе инсистира, покрај измените на Законот за пратеници, да се изменат и законите во кои се регулира изборот на сите избрани и именувани функционери.

– Едно правило да важи за сите. Доста е од дволичности и двојни стандарди. Критериумите и законите треба да важат за сите веднаш и без одлагање. Двојно државјанство не треба да имаат пратеници, министри, директори, јавни обвинители и судии и тоа да важи за сегашните, ама да важи и за идните и тоа без одлагање – вели членот на ИО на ЛДП, Александар Цветкоски.

Тој додава дека нема потреба од половични решенија од типот ќе важи овој мандат, ќе важи другиот мандат, ќе важи за едните, нема да важи за другите.

– Предлагачите на законот нека побараат од сите актуелни носители на функции да ги достават на увид нивните досиеја и сите што имаат двојно државјанство да поднесат оставка – вели Цветкоски.

ЛДП ќе поднесе закон со кој ќе бара од сите избрани именувани лица под морална и кривична одговорност да потврдат дека немаат двојни државјанства.

The post ЛДП БАРА И МИНИСТРИ И СУДИИ ДА НЕМААТ ДВОЈНО ДРЖАВЈАНСТВО Ќе бара измени во изборот на сите избрани и именувани функционери appeared first on plusinfo.mk.

Либерално-демократската партија ќе предложи измени на Изборниот законик со кои ќе бара поверениците што Владата ќе ги назначи во општините во кои поради немање цензус не се избраа градоначалници, да не може да се кандидираат на повторените избори.

„Измените во Изборниот законик кои ќе ги предложи ЛДП се однесуваат на тоа владините повереници да не можат да се кандидираат на повторените избори за градоначалници во општините Гостивар, Врапчиште, Маврово и Ростуше и Центар Жупа. Овие измени ЛДП ќе ги предложи за да нема никој нефер предност пред останатите кандидати за градоначалници, но и да се намали можноста за евентуални злоупотреби и несовесни работења на поверениците во периодот додека не се одржат повторените избори“, велат од ЛДП.

Според партијата, доколку се усвојат измените на Изборниот законик и се воведе ограничувањето за поверениците ќе се овозможат фер услови за коректен политички натпревар, ослободен од какви било сомнежи за дополнителни злоупотреби и политички влијанија.

The post ВЛАДИНИТЕ ПОВЕРЕНИЦИ ВО ОПШТИНИТЕ ДА НЕ СМЕАТ ДА СЕ КАНДИДИРААТ ЗА ГРАДОНАЧАЛНИЦИ Предлог на ЛДП за измена на Изборниот законик appeared first on plusinfo.mk.

Претседателката на Либерално-демократската партија (ЛДП), Моника Зајкова, денеска даде јавна поддршка за кандидатот на СДСМ и актуелен градоначалник на Општина Центар, Горан Герасимовски, за негов втор градоначалнички мандат.

Зајкова порача дека граѓаните треба да се определат за луѓе кои носат резултати, одговорност и отчетност, а не за оние што нудат празни ветувања.

– Одејќи накај Собрание, бидејќи работиме на новиот Предлог-закон за комунална полиција, наидов на предизборните активности на кандидатот за градоначалник на општината во која живеам. Водејќи се од визијата дека на граѓаните им се потребни искусни луѓе кои испорачуваат резултати, а не изговори, упатувам особен повик до сите граѓани кои во првиот круг гласаа за кандидати кои не влегоа во вториот круг – поддржете кандидат кој ги разбира вашите потреби, кој со своето искуство и посветеност ќе испорача повеќе резултати и веднаш ќе започне со работа – порача Зајкова во објава на Фејсбук.

Таа нагласи дека со поддршката на Герасимовски сака да испрати порака дека Центар заслужува продолжување на проектите кои веќе се започнати, но и реализација на нови решенија во интерес на сите граѓани.

– Затоа давам поддршка за луѓе како Горан, кои ја препознаваат граѓанската визија, имаат искуство и се подготвени да работат посветено за доброто на заедницата. Сега е моментот да избереме резултати, одговорност и отчетност, а не празни ветувања – додаде Зајкова.

The post „СЕГА Е ВРЕМЕ ЗА РЕЗУЛТАТИ, НЕ ЗА ПРАЗНИ ВЕТУВАЊА“ Моника Зајкова со поддршка за Герасимовски во вториот круг appeared first on plusinfo.mk.

Со пораки за обединување на центарот и успех на претстојните локални избори во недела, финишираше завршниот митинг на коалицијата „Искуство за успех“, стои во соопштението на Либерално-демократската партија.

Пред полната сала за последен пат пред почетокот на изборниот молк се обратија лидерите на партиите кои ја сочинуваат коалицијата, ЛДП, ГРОМ, Интегра и ПЦЕР со поздравни говори, во кои го повикаа своето членство на мобилизација и ги споделија своите очекувања за изборите во недела.

– Се воздржував цела кампања да не влезам во дебатата која се трудат да ја наметнат лидерите на двете бивши најголеми партии. Наместо да се бават со локалните проблеми на граѓаните, упорно се занимаваат со теми кои се однесуваат на национални прашања. Престанете со изговори, на народот му требаат резултати. Затоа оваа Коалиција на овие избори се занимаваше со идентификување на клучните проблеми и понуда на решенија. Народот се гуши во смрдеа, умира од карциноми, заглавен е во сообраќаен метеж. ЛДП заедно со оваа коалиција ја презема опозиционата палка на оние во државата кои што се водат од разум и идеја да се направи нешто, а не само да се критикува, плука и навредува. Доста е – порача во својата изјава претседателката на ЛДП и пратеничка во македонското Собрание, Моника Зајкова, додавајќи дека „големите партии“ 20 дена се рекламираат со народни пари, без да понудат ништо конкретно.

Во својот говор Зајкова вели дека не е точно дека гласот за малите партии е изгубен. Напротив, секој глас е силен и вреден и тоа совршено добро го знаат, затоа и се противат на воведување една изборна единица и отворени листи. Тие, ‘големите партии’, зад себе имаат цели машниерии, имаат милиони народни пари, имаат платени од вас граѓаните аналитички центри, имаат платеници во разни општествени слоеви.

Но, ние имаме искуство, имаме дела, имаме храброст, имаме визија, имаме сон за подобро утре и на крајот и најважно ве имаме вас, драги сограѓани. И вашето присуство вечерва тука е доказ дека сме успеале, сме успеале да создадеме здраво ткиво спремно на борба за промени, спремно за работа, за подобра иднина“, посочува претседателката Зајкова и побара поддршка за бројот 1 да биде нов почеток на граѓанско-политички центар во државата.

– И додека останатите се надвикуваат меѓусебно објаснувајќи кој е повеќе виновен за денешната катастрофа, а всушност сите они се највиновни, ние сме тивки и вредни. Додека останатите ветуваат автопати и авении, ние скромно, со системски решенија чекориме по нашиот пат. Но, убедена сум и како жена и како млада личност, дека веќе во понеделник ќе станеме сериозно гласни, дека нашиот пат, на 19 октомври ќе нѐ одведе на светлата страна на успехот. Затоа што ова општество мора да се помрдне од статус-квото што го живееме повеќе од три децении – изјави Зајкова, завршувајќи го своето обраќање со повик до граѓаните да стават крај на поделбите и во недела да го заокружат бројот 1.

На митингот се обрати и Стевчо Јакимовски, лидерот на ГРОМ, ги поздрави присутните граѓани и ги претстави проектите за наредните 4 години во Општина Карпош. Со поздравни говори се обратија и носителот на советничката листа за Советот на Град Скопје од коалицијата „Искуство за успех“, Ристо Пенов, кандидатот за градоначалник на Град Скопје, Александар Трајановски.

The post „В НЕДЕЛА ДА ГО ЗАОКРУЖИМЕ БРОЈОТ 1 И ДА СТАВИМЕ КРАЈ НА ПОДЕЛБИТЕ“ Зајкова побара поддршка за коалицијата која има искуство за успех appeared first on plusinfo.mk.

Поранешниот министер за надворешни работи и потпретседател на Демократската унија за интеграција (ДУИ), Бујар Османи, денеска на својот Фејсбук-профил најави дека за следните парламентарни избори неговата партија ќе предложи отворени листи.

„Граѓаните мора да имаат право да изберат не само партија, туку и кандидатот што ќе ги претставува“, напиша Османи на Фејсбук.

Според него, тоа е најправичниот начин да се зајакне гласот на избирачот и да се обезбеди вистинско претставување во Собранието.

Оваа изјава на Османи доаѓа откако во земјава се актуелизираше идејата за една изборна единица, односно по најавите дека ЛДП и Демократски сојуз ќе поднесат предлог-закон за воведување една изборна единица и отворени листи.

Премиерот Христијан Мицкоски рече дека пратениците од ВМРО-ДПМНЕ ќе поддржат една изборна единица во која право на глас ќе има и дијаспората.

The post ДУИ ЌЕ ПРЕДЛОЖИ ОТВОРЕНИ ЛИСТИ НА СЛЕДНИТЕ ПАРЛАМЕНТАРНИ ИЗБОРИ Се бара најправичниот начин да се зајакне гласот на избирачот appeared first on plusinfo.mk.

Ако навреме се фатиме за работа, тогаш не гледам причина зошто на следните парламентарни избори да не успееме да одиме со една изборна единица, изјави денеска премиерот Христијан Мицкоски, одговарајќи на новинарско прашање на денешниот настан по повод 80-годишнината од постоењето на Државниот завод за статистика (ДЗС).

– Политичката партија ЛДП денеска најави дека ќе поднесе во Собранието предлог за укинување на шесте изборни единици и воведување една изборна едиица со можност да гласа и дијаспората. Јас веќе еднаш потврдив дека пратениците на ВМРО-ДПМНЕ ќе го поддржат ваквиот предлог. Секако, потребно е тој предлог да дојде во наши раце, добро да го прочитаме и да го анализираме, ама начелно се согласуваме со ваквите измени – порача Мицкоски.

ЌЕ ГЛАСАМЕ НА КИЛОМЕТАРСКИ ЛИВЧИЊА, АМА СЕКОЈ ГЛАС ЌЕ ВРЕДИ ИСТО Македонија никогаш поблиску до една изборна единица!

The post ЌЕ ИМАМЕ ЕДНА ИЗБОРНА ЕДИНИЦА ЗА СЛЕДНИТЕ ПАРЛАМЕНТАРНИ ИЗБОРИ Пратениците на ВМРО-ДПМНЕ ќе го поддржат предлогот на ЛДП и на Демократски сојуз appeared first on plusinfo.mk.

Либерално-демократската партија (ЛДП) предлага поставување на рисот на новиот грб, како препознатлив вид, карактеристичен токму за нашата држава. Партијата вели дека доколку се постави рисот, се покажува поглед кон иднината наместо „враќање назад и гледање во минатото“.

„Тоа е симбол кој со ништо нема да потсетува на било која соседна држава и да создаде проблеми. Прифатлива е само уникатност, посебност, новина, свежина, иднина и заштита на своето – како што е Балканскиот рис, кој потекнува од Шар Планина, е ретко и заштитено животно, и е еден од нашите национални државни симболи“, се вели во соопштението на ЛДП.

Партијата истакнува дека „посебноста на Македонија мора да биде главната водилка кон прифаќањето на било каков предлог за државниот грб. Притоа, тоа мора да биде и решение, кое ќе ги задоволи сите граѓани на Македонија, без разлика на националната, етничката, партиска, верска или било која друга припадност“.

Партијата смета дека е потребно општо прифатливо решение за државниот грб.

„Предлагаме општо прифатливо решение. Бидејќи доколку сите се водиме од своите партиски обележја или позиции, ЛДП би се придржувала до македонската флора и фауна и би предложила поставување на соколот како уникатен македонски симбол и дел од нашиот македонски фолклор. Покрај тоа што во Македонија живеат 9 посебни видови на соколи, во нашата народна музика со гордост се опева соколот кој пие вода од нашиот Вардар, песна која е и химна на партијата”.

Рисот како симбол се наоѓа на металната петденарка, се најде на националниот фудбалски дрес и е заштитен со повеќе меѓународни конвенции.

The post ЛДП ГО ПРЕДЛАГА РИСОТ КАКО СИМБОЛ ЗА ДРЖАВЕН ГРБ Партијата смета дека е потребен поглед кон иднината appeared first on plusinfo.mk.

„Оттука ја поздравуваме одлучноста на Владата за прифаќање на нашиот предлог. За ЛДП, овој чекор претставува позитивен пример за тоа како добрите предлози и идеи кои се во интерес на граѓаните и државата треба да бидат прифатени и имплементирани од сите релевантни чинители. Воедно, упатуваме апел до сите надлежни институции за побрзо завршување на постапката за воведување на оваа мерка, која доколку се спроведе и успешно реализира, веруваме дека ќе доведе до значително намалување на злоупотребата и поголема совесност на оние функционери кои имаат право на користење на возилата, спречување на нивна злоупотреба за приватни цели, зголемена доверба на граѓаните, преку видливост и отчетност на јавните ресурси, усогласеност на институциите во однос на транспарентноста и рационализацијата“, наведено е во партиската реакција.

The post КАЗНИ ЗА СИТЕ ШТО ГИ ЗЛОУПОТРЕБУВААТ СЛУЖБЕНИТЕ ВОЗИЛА ЗА ПРИВАТНИ ЦЕЛИ Унифицираните регистарски таблици ќе ја зголемат довербата кај граѓаните appeared first on plusinfo.mk.