Таа ги негираше наводите за изјави од родители на деца од ова училиште дека до училиштето стигнало писмо од МОН во коешто се вели дека третооделенецот ќе биде испишан и запишан во друга општина.

– Информацијата не е точна дека има такво писмо од МОН. Прашање дали детето е проблематично или системот е проблематичен, и системот не е спремен да се справи со проблемите кои се појавуваат во него. МОН постапува според закони и свои можности, иако ингеренциите на МОН во овој случај се најмали. Тука многу поголеми ингеренции имаат училиштето, општината, социјалните служби. Но, ние детето нема да го напуштиме и се уште сме во процес на барање на најсоодветно решение за момчето – рече министерката Јаневска на новинарско прашање.

МОН во декември лани, формираше интердисциплинарна комисија во врска со случајот со третоодделенецот од Основното училиште „Лазо Ангеловски“ во Скопје кој требаше да биде префрлен во Основното училиште „11 Октомври“ во општина Центар. Комисијата требаше да го разгледа случајот и да донесе мерки коишто ќе бидат во интерес и на ученикот и на сите инволвирани страни.

Третоодделенецот од чие однесување се жалеа родители од ОУ „Лазо Ангеловски“ во Ново Лисиче требаше да биде префрлен во ОУ „11 Октомври“ во Центар. Родителите на учениците од „11 Октомври“ ја бојкотираа наставата, па одлуката беше повлечена, а ученикот требаше да се врати во матичното училиште „Лазо Ангеловски“. Следеше повторно бојкот на наставата во „Лазо Ангеловски“. Проблемот времено беше надминат со донесување заклучок дека детето до крајот на првото полугодие ќе продолжи со онлајн настава, за да се изврши соодветна проценка за заштита на детето и останатите деца во одделението.

The post ТРЕТООДДЕЛЕНЕЦОТ ОД „ЛАЗО“ ЌЕ ПРОДОЛЖИ ОНЛАЈН Јаневска ги негира наводите за префрлување на ученикот appeared first on plusinfo.mk.

За решение на проблемот МОН формираше комисија со претставници на Центарот за социјални работи, кои во наредниот период ќе ја следат состојбата и стручни лица ќе работат со детето со агресивно и асоцијално однесување, вклучувајќи го и неговото семејство.

Проблемот со ученикот се актуализираше по најавата тој да биде префрлен во ОУ „11 Октомври“ во Центар. Бојкот почнаа родители на децата што учат таму, па директорката ја повлече одлуката, а откако детето требаше да се врати на настава во „ОУ „Лазо Ангеловски“, бојкот почнаа и во матичното училиште.

Во решавање на проблемот се вклучи и МОН. Министерката Весна Јаневска минатата недела изјави дека секое дете има право на образование кое е задолжително и дека „детето не може и не смее да остане на улица“.

– Државата е должна, заедно со училиштата, да му овозможат на детето да поминува низ образовен процес. Министерството сериозно ќе се заложи да го реши овој проблем иако тоа не се негови ингеренции. Поголеми ингеренции имаат општините, педагошките служби, социјалните служби и управителите на училиштата – рече Јаневска.

The post ОУ „ЛАЗО АНГЕЛОВСКИ“ ГО ПРЕКИНА БОЈКОТОТ Учениците утре продолжуваат со настава appeared first on plusinfo.mk.

– Министерството за образование и наука учествува во изнаоѓањето решение за случајот со ученикот со кој јавноста е веќе запознаена и во таа насока, на иницијатива на МОН е формирана интердисциплинарна комисија составена од претставници на Министерството, Бирото за развој на образованието, општината, училиштето и социјалните служби, која се состанува за разгледување и преземање соодветно мерки и активности согласно законската регулатива, во чиј фокус се најдобрите интереси на ученикот, но и на сите инволвиран – велат од МОН.

Третоодделенецот од чие однесување се жалат родители од ОУ „Лазо Ангеловски“ во Ново Лисиче требаше да биде префрлен во ОУ „11 Октомври“ во Центар. Родителите на учениците од „11 Октомври“ ја бојкотираа наставата, а по повлекување на одлуката и негово враќање во матичното училиште „Лазо Ангеловски“, денеска празно остана и ова училиште.

Министерката за образование и наука Весна Јаневска вчера изјави дека случајот добил „преголема, непотребна и донекаде неправедна јавност, обем и јавна дискусија“.

– Сметам дека е пренагласена реакцијата на сите родители, но сметам дека и училиштата треба посериозно да ја сфатат работата во однос на децата кои имаат потешкотии во учењето или во однос на децата кои имаат потешкотии во однесувањето и социјализација во сопствената средина. Овој случај трае премногу, преземени се одредени мерки, па дури и МОН формирало комисија која се вмеша во решавање на проблемот. Препорачано е детето да ја промени средината. Ако стручни лица препорачале така, значи треба да ја промени средината – изјави Јаневска.

Училиштето од кое потекнува, рече таа, има на располагање стручна служба (педагог, психолог, социјален работник) и директор кои треба да го решат проблем.

Министерката нагласи дека „детето не може и не смее да остане на улица“ затоа што „секое дете има право на образование кое е задолжително“.

Како што рече, „државата е должна, заедно со училиштата, да му овозможат на детето да поминува низ образовен процес“.

The post КОМИСИЈА ЌЕ ГО РЕШАВА СЛУЧАЈОТ СО УЧЕНИКОТ ОД „ЛАЗО АНГЕЛОВСКИ“ Со проблемот ќе се занимаваат повеќе институции appeared first on plusinfo.mk.

Основното училиште „Лазо Ангеловски“ во Ново Лисиче, кое е едно од најголемите училишта во Македонија, доби целосно ново Лед осветлување.

„Станува збор за инвестиција во вредност од околу 50.000 евра, реализирана од Општина Аеродром со поддршка на Програмата за развој на Обединетите нации – УНДП. Проектот беше спроведен низ транспарентен процес и повеќе форумски сесии, во кои граѓаните даваа свои предлози, а потоа како приоритетен го избраа проектот за енергетски-ефикасно осветлување во ова основно училиште“, велат од општината.

Проектот опфаќа реконструкција и обнова на електротехничката инсталација, при што застареното флуоресцентно осветлување се заменува со ново и модерно ЛЕД осветлување. Со оваа промена и поставување на енергетски ефикасно осветлување, ќе се намалат трошоците за електрична енергија, се отстрануваат сите опасности како УВ зрачењето и се поставува осветлување кое не содржи токсични материи.

Оваа вест на својот Фејсбук профил ја сподели градоначалникот Тимчо Муцунски, кој изрази благодарност за вклучувањето на граѓаните, но и партнерите од УНДП за креирање на побезбедна и поздрава средина за едукација и работа на учениците и наставниот кадар.

The post ЛЕД ОСВЕТЛУВАЊЕ ВО ОУ „ЛАЗО АНГЕЛОВСКИ“ Општината инвестира во побезбедна и поздрава средина за едукација appeared first on plusinfo.mk.

Изминатиот период Општина Аеродром започна активности за целосна реконструкција на кујните и трпезариите во основните училишта „Блаже Конески“ и „Лазо Ангеловски“. По завршување на реконструкцијата која ќе заврши пред почетокот на новата учебна година, двете училишта ќе добијат нови кујни и трпезарии со имплементиран ХАСАП стандард. За прв пат оваа година оброците во училиштето „Блаже Конески“ ќе бидат целосно подготвувани во новата кујна.

Градоначалникот Муцунски на својата фејсбук страна потенцираше дека Општина Аеродром подготвено ја дочекува новата учебна година и прави се таа да биде причина за радост и среќа кај дечињата.

„Грижата за учениците и подобрувањето на условите за одвивање на наставата ја потврдуваме и со низа градежни интервенции во неколку основни училишта. Овие инвестициите, набавката на новите таблети и униформи и субвенциите за учениците од прво одделение со сигурност ја прават Аеродром општина која обезбедува модерен и современ образовен процес“, истакна Муцунски во својата објава.

Аеродром е убава општина, со модерни училишта и современи услови за реализација на наставата. Преку проектите и инвестициите во образованието создаваме подобри услови кои се директен придонес за подобра едукација, раст и развој.

The post „БЛАЖЕ КОНЕСКИ“ И „ЛАЗО АНГЕЛОВСКИ“ ДОБИЈА РЕНОВИРАНИ КУЈНИ И ТРПЕЗАРИИ Општина Аеродром се подготвува за новата учебна година appeared first on plusinfo.mk.

Како што соопшти МВР, утрово во СВР Скопје и СВР Куманово било пријавено дека на електронските адреси на училишта во Скопје и Куманово е упатена закана за поставена експлозивна направа.

– Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите – информираа од МВР.

Дојави за бомби, како што претходно објавивме има во основните училиште „Александар Македонски”, „Лазо Ангеловски” и „Ѓорѓија Пулевски”, „Димитар Македонски“ и „Браќа Миладиновци“ на територија на Општина Аеродром, како и во ОУ „Киро Глигоров” во Центар.

И од ОУ „Браќа Миладиновци” во Куманово и од Советот на родители, потврдија дека утрово добиле дојава за поставена бомба во училиштето.

– Екипите на СВР Куманово се на терен, учениците и наставниците безбедно се евакуирани – изјави директорката на училиштето Јасмина Спасовска.

Градоначалникот на општина Куманово Максим Димитриевски ја информира јавноста дека дојави за бомби пристигнале во девет основни и едно средно училиште на територија на Општина Куманово. Станува збор за основните општински улилишта „11 Октомври”, „Бајрам Шабани”, „Браќа Миладиновци”, „Крсте Мисирков”, „Браќа Рибар”, „Јероним Дерада”, „Карпош” – Умин Дол, „Кирил и Методиј”, „Кочо Рацин” и средното општинско улилиште „Гоце Делчев”.

ПОВТОРНО ДОЈАВИ ЗА БОМБИ Овој пат мета се неколку основни училишта во Oпштина Аеродром

The post МВР ГИ ПОТВРДИ ДОЈАВИТЕ Евакуирани се неколку училишта во Скопје и едно основно во Куманово appeared first on plusinfo.mk.

Тој сега повторно е советник државен-инспектор за надзор во високото образование во Државниот просветен инспекторат.

Раководителот на секторот Африм Саљиу за Плусинфо ја потврди оваа информација, велејќи дека до оваа институција нема пристигнато никаков допис или правен акт за да се спречи Арсеновски и натаму да ја врши функцијата инспектор.

– Како што знаете, според законската регулатива работното место се става во мирување за избрано или именувано лице, а откако ќе заврши на мандатот, лицето е вратено на претходното работно место. Арсеновски пред повеќе од четири години беше избран да ја врши функцијата во ОУ „Лазо Ангеловски“, па по завршувањето на мандатот, тој беше вратен повторно во Државниот инспекторат – ни рече Саљиу.

Тој додава дека ниту до него, ниту до директорот на институцијата нема пристигнато никаков допис за ова лице кое претходно беше поврзувано со наводно негово недолично однесување, па поради тоа што поседува лиценца за инспектор, а и ги исполнува законските услови, во моментов е на работно место инспектор во oдделение за инспекциски надзор во високото образование, научните институти и студентските домови.

Иако Арсеновски бил повторно предложен да раководи со најголемото училиште во Аеродром, градоначалникот Тимчо Муцунски, како што информираше во февруари, „од етички и морални причини одби да го именува на таа функција, со цел заштита и одржување на угледот на училиштето, на наставниот кадар и на самите ученици“.

„За претходниот директор на ООУ ‘Лазо Ангеловски’ имаше бројни поплаки. Тој со своето однесување предизвика бурни реакции во јавноста и нанесе голема штета на училиштето во кое со децении наназад работат врвни професионалци. Децата се нашата иднина, а одговорноста е на сите нас да им обезбедиме безгрижно детство и најдобри услови за нивниот правилен раст, развој и квалитетно образование водено и спроведено од професионален и посветен кадар“ – соопштија тогаш од Општина Аеродром.

Коалиција Маргини и Хелсиншкиот комитет за човекови права лани информираа дека Граѓанскиот суд во Скопје утврдил постоење на насилство од директорот кон вработена во истото училиште при што вработената која заработила и отказ, издејствувала мерки за заштита од базирано насилство, како забрана да се заканува дека ќе стори семејно насилство; забрана за малтретирање, вознемирување и да врши семејно насилство врз неа; забрана за вознемирување и телефонирање; забрана да за вознемирување на членовите на нејзиното семејство, и двете малолетни деца.

Во скандалот, повеќе жени, вработени во училиштето, но и мајки на ученици пријавуваа и предупредуваа на недолично однесување на директорот, а имаше и сведочења за сексуално вознемирување.

The post РАЗРЕШЕНИОТ ДИРЕКТОР НА ОУ „ЛАЗО АНГЕЛОВСКИ“ СЕ ВРАБОТИ КАКО ИНСПЕКТОР Поседувал лиценца и ги исполнувал законските услови appeared first on plusinfo.mk.

– Изградбата на новите училници е од исклучителна важност за учениците, бидејќи не само што ќе се прошири капацитетот на училиштето туку и ќе се реши деценискиот проблем, а тоа е укинувањето на третата смена –  изјави градоначалникот Марин.

Проектот предвидува изградба на приземје и кат со вкупна површина од 390 м2, хол, канцеларии и санитарни јазли, што ќе бидат поврзани со веќе постојниот објект на училиштето.

The post Со доградбата на училиштето, ќе се укине третата смена во ООУ „Лазо Ангеловски“ appeared first on plusinfo.mk.

– Во иднина училиштето нема да работи во три смени и со самото тоа проблемите што со години ги тиштат родителите, учениците и училиштето во делот на реализација на наставата ќе биде надминат – изјави Арсеновски.

Тој посочи дека со дејствување на Општината и Советот на Општина Аеродром постигната е целта за која училиштето се залагало долго време.

Арсеновски се надева на брзо надминување на пандемијата и очекува учениците да се вратат што поскоро во современите простории, што ќе бидат пуштени во употреба во наредните три до четири месеци.

The post Нови 4 училници добива ОУ „Лазо Ангеловски“, ќе се укине третата смена appeared first on plusinfo.mk.