Полицијата во Битола, заедно со Одделот за криминалистичка полиција при Бирото за јавна безбедност, поднесе кривична пријава до Обвинителството во Битола против четири лица – В.П. (40) од селото Стење, ресенско, Г.М. (54) со престој во Скопје, едно засега непознато лице и В.М. (51) од Охрид.

Тројца од нив се товарат за измама, додека четвртата осомничена се сомничи за помагање во измамата.

Случајот се однесува на добро познатиот „телефонски трик“ со лажни сообраќајки и тешко повредени роднини.

На 5 февруари 2026 година, на улицата „Маврово“ во Битола, осомничените измамиле 72-годишна жена. Ја убедиле дека нејзината снаа е тешко повредена и дека итно се потребни пари и злато за операција. Исплашената жена му предала златен накит на првоосомничениот, кој подоцна го предал на второосомничениот. Штетата во овој случај изнесува околу 40.000 денари.

Само еден ден подоцна, на 6 февруари, кај Саат кулата во Битола, на ист начин биле измамени 76-годишна жена и нејзиниот сопруг. Од нив биле земени околу 430.000 денари.

Според истрагата, во периодот од ноември 2025 до 21 февруари 2026 година, второосомничениот и четвртоосомничената ги пренесувале парите добиени од измамите во Бугарија, односно во Софија, каде што ги предавале на третото лице. Дел од парите задржувале за себе.

Истражителите утврдиле дека групата со вакви измами во повеќе градови низ земјата прибавила противправна имотна корист од околу 3.700.000 денари.

Судија на претходна постапка при Основниот суд во Битола му одредил осумдневен притвор на Г.М., додека првоосомничениот веќе се наоѓа во притвор.

The post СО ЛАЖНИ СООБРАЌАЈКИ ИЗВЛЕКЛЕ 3,7 МИЛИОНИ ДЕНАРИ Кривични за четворица измамници, „мозокот“ бил во Софија appeared first on plusinfo.mk.

Лишен од слобода e маж од Ресенско поради измами со лажни лекари и сообраќајни несреќи, а одреден му е и притвор од 8 дена.

СВР Битола поднесе кривична пријава против В.П.(40) од селото Стење, Ресенско, со престој во Битола и против непознато лице, поради постоење на основи на сомнение за сторено кривично дело по чл. 247 ст.1 од Кривичниот законик „измама“.

На 05.02.2026 околу 11:30 часот во Битола, пријавените довеле во заблуда 72-годишна битолчанка. На нејзиниот мобилен телефон ѝ се јавил второпријавениот и ѝ кажал дека нејзината снаа е тешко повредена и дека мора да даде пари и злато за да се направи операција. По кратко време, второпријавениот дошол во домот на пријавителката и таа му дала една златна огрлица и едно златно ланче со привезоци. Со стореното кривично дело двајцата измамници се стекнале со имотна корист од околу 40.000 денари.

На 06.02.2026 околу 09.30 часот во близина на Саат кулата во Битола, пријавените довеле во заблуда 76 -годишна битолчанка и нејзиниот сопруг. Второпријавениот се јавил на телефонскиот број на оштетената и се претставил како доктор од охридска болница. Тој рекол дека нејзината внука е тешко повредена и дека мора да даде пари за да се направи операција. Оштетените, според договореното, отишле кај Саат кулата во Битола и му дале 7.000 евра на првопријавениот.

По добиените пријави, полицијата извршила претреси на повеќе локации кои ги користел провопријавениот, при што пронајдени биле предмети кои потекнуваат од кривичното дело. Потоа В.П. бил лишен од слобода, поднесена е кривична пријава, а од страна на судија на претходна постапка одредена му е мерка притвор во траење од осум дена.

Полицијата трага по второпријавеното лице.

The post ЛАЖЕН ЛЕКАР ИЗМАМИЛ БРАЧЕН БАР ОД БИТОЛА ЗА 7.000 ЕВРА Едниот измамник е во притвор, по другиот се трага appeared first on plusinfo.mk.

Две скопјанки биле измамени преку телефонски повици за лажни сообраќајки поради кои биле наведени да платат пари за да спасат свои роднини.

Како што соопшти полциијата, на 17.07.2025 во 11.00 часот во СВР Скопје, 80-годишна жена од Скопје пријавила дека на 16.07.2025 била измамена од машко лице за сума од околу 900 евра.

Според пријавеното, лицето ѝ се јавило телефонски, се претставило како полициски службеник и ѝ кажало дека нејзината внука предизвикала сообраќајна несреќа во која прегазила дете, кое починало и доколку не сака таа да лежи во затвор, требало да плати. Како што е пријавено, таа парите ги фрлила преку тераса, како што претходно ѝ кажало лицето, а подоцна сфатила дека била измамена.

Вчера попладне, во 17.45 часот во СВР Скопје, 68-годишна жена од Скопје пријавила дека околу 15.30 часот била измамена од машко лице за сума од околу 1.300.000 денари или за околу 21.000 евра.

Лицето ѝ се јавило телефонски, се претставило како лекар, вработен во Градска болница и ѝ кажало дека нејзината ќерка се здобила со повреди и дека треба да прави операција, а за тоа треба да се плати. Жената ги оставила парите на договореното место и подоцна сфатила дека била измамена.

The post ЕДНА МУ ФРЛИЛА 900 ЕВРА ОД ТЕРАСА, ДРУГА ОСТАВИЛА 21.000 ЕВРА Две скопјанки измамени преку телефон со лажни сообраќајки appeared first on plusinfo.mk.

Во изминатиот период во Министерството за внатрешни работи од граѓаните пријавени се повеќе кривични дела „измама“, кои се извршени врз повозрасни лица.

„Сторителите ги доведуваат во заблуда лицата на тој начин што им се јавуваат телефонски и им се претставуваат како службени лица, најчесто полициски службеници, и од нив бараат финансиски средства за ослободување од кривичен прогон на нивни деца или внуци кои, наводно, непосредно пред јавувањето направиле сообраќајна несреќа со смртни последици.

Измамниците ги контактираат жртвите најчесто на фиксен телефон, но има случаи каде што се контактирани и преку мобилен телефон со скриен број, а за да бидат поуверливи во позадина се слуша глас кој бара помош“, информира МВР.

Министерството за внатрешни работи ги известува граѓаните дека се преземаат мерки и активности за расчистување на досега пријавените кривични дела и воедно апелираме до граѓани да не наседнуваат на ваквиот вид на измами, а доколку бидат контактирани, веднаш да пријават во полиција.

The post МВР ПРЕДУПРЕДУВА ЗА ТЕЛЕФОНСКИ ИЗМАМИ Не наседнувајте на лаги за лажни сообраќајки, пријавете веднаш! appeared first on plusinfo.mk.

Како што информира МВР, Р.М. се сомничи  дека во јануари, март и април годинава со лажно прикажување на факти измамил лице од Охрид и двајца српски државјани и противправно се стекнал со вкупна имотна корист од 2.210 евра.

– На оштетените телефонски или преку пораки им се јавувал дека нивни блиски загинале во сообраќајни несреќи и дека преку друго лице треба да му испратат пари за транспортни или други трошоци велат од  МВР.

Р.М. и претходно бил кривично пријавуван и на идентичен начин досега вкупно измамил четириесетина лица од нашата земја и од Косово, Србија и Албанија. Тој денеска ќе биде изведен пред судија во претходна постапка на Основниот суд Тетово

The post Тетовец заработил над 2.000 евра со мамење за загинати во сообраќајки appeared first on plusinfo.mk.