Во видео споделено на Тик-Ток на 14 јануари, 49-годишната актерка Рис Витерспун ги предупреди обожавателите да не се вклучуваат во лажни профили што се претставуваат како неа.

– Еј, ова е важно – го започна видеото ѕвездата на Big Little Lies.

– Сакам само да ви кажам со што се справувам во последните 24 часа. Има повеќе луѓе на Тик-Ток и Инстаграм кои се претставуваат како мене и влегуваат во туѓите пораки обидувајќи се да изградат врска, се обидуваат да извлечат лични информации, планираат термини за средби.

Сакам да знаете, ова не сум јас. И толку е вознемирувачки што луѓето би го користеле моето име за да манипулираат со луѓе, но сакам да знаете дека јас никогаш, ама баш никогаш не би ве манипулирала – рече Витерспун, истакнувајќи дека таа „никогаш не би се обратила за пари, за приватни информации, за да закаже термин за средба.

– Затоа, ве молам погледнете ги овие сметки што го прават ова и проверете дали се верифицирани.

Ако некој ви се обраќа, тоа не сум само јас. Ова се случува насекаде, но навистина ме вознемирува што ова се случува во толку голем обем. Затоа, ве молам бидете внимателни и ве молам знајте дека никогаш, никогаш не би ви се обратила за да ве манипулирам или да ви земам нешто, во ред? – го заврши видеото ѕвездата на „Legally Blonde“.

Витерспун е најновата позната личност што ги предупреди обожавателите да бидат внимателни поради онлајн измами. Во јуни 2025 година, Хелен Мирен ги повика обожавателите да ги игнорираат пораките од е-пошта, за која таа вели дека го користела нејзиното име за претставување на лажна добротворна организација.

Сандра Булок, Џони Деп и Том Хенкс, исто така, издадоа слични предупредувања до своите обожаватели во последните месеци.

@reesewitherspoon

I would never manipulate you. Please check for verification.

♬ original sound – Reese Witherspoon

The post 🎥 РИС ВИТЕРСПУН ПРЕДУПРЕДУВА ЗА ИЗМАМНИЦИТЕ ШТО ГО КОРИСТАТ НЕЈЗИНИОТ ЛИК „Вознемирувачки е што луѓето го користат моето име за да манипулираат со вас“ appeared first on plusinfo.mk.

Илјадници профили на социјалната мрежа ТикТок ширеле лаги за Украина и за украинските профили, открива Би-Би-Си во сопствено истражување. Милиони корисници на ТикТок биле изложени на лгит дека високи украински функционери и нивните роднини купувале луксузни автомобили или вили во странство од почетокот на војната. Пропагандата на овие профили биле клучни и за разрешувањето на украинскиот министер за одбрана Олексеј Резников, тврди неговата ќерка.

Би-Би-Си проверил речиси 800 вакви лажни сметки на ТикТок, додека самиот ТикТок објави дека отстранил повеќе од 12.000. Тие се претставувале како корисници од европски земји: Германија, Франција, Полска, Израел и од Украина. Лажните профили користеле слики од имоти од различни сајтови за продажба.

Начинот на којшто Би-Би-Си ги разоткрило лажните корисници бил по тоа како го користат јазикот од земјата за која се претставувале дека се. Тие користеле руски конструкции за да формираат реченици.

Една од лагите, дека ќерката на министерот Резников купила вила во Шпанија била направена со помош на глас генериран од вештачка интелигенција. Анастасија Штајнхаус била изненадена кога нејзиниот сопруг ѝ го пратил видеото прашувајќи ја дали навистина ја купила куќата. Таа рекла дека не поседува имот никаде надвор од Украина.

Анастасија вели дека оваа слика за Резников која била вештачки создавана одиграла улога во отпуштањето на нејзиниот татко: „Тоа влијаеше на животот на татко ми и неговата кариера“. Едно видео само по себе можеби немало никаков ефект, рече Штајнхаус, но кога ќе се повтори пет пати од различни делови на светот и земја, почнува да работи.

Резников беше разрешен од функцијата министер за одбрана во септември поради низа скандали во Министерството за одбрана кои вклучуваа набавка на стоки и опрема за војската по надуени цени. Но, тој лично не беше обвинет за корупција.

Украинскиот претседател Зеленски објавувајќи ја одлуката за разрешување на Резников рече дека „на министерството му требаат нови пристапи“. Иако тој не ја спомна корупцијата во својата изјава, некои во Украина ја поздравија оставката, која уследи по повеќекратните обвинувања за корупција во кои се вмешани подредените на Резников.

Од ТикТок изјавиле дека сè уште истражуваат кој стои зад мрежата и дека пронашол лажни видеа на два други јазици – италијански и англиски.

И покрај исклучувањето на 12.000 профили Би-Би-Си тврди дека апликацијата уште нуди десетици видеа кои се чини дека се дел од истата пропагандистичка мрежа.

The post РАЗОТКРИЕНА РУСКА ПРОПАГАНДНА МРЕЖА НА ТИК-ТОК Илјадници профили ширеле лаги за Украина и влијаеле на угледот на тамошните министри appeared first on plusinfo.mk.

Лажните профили и црните операции

Ханан го користел кодното име тим „Хорхе“ за да праќа мејлови и да соработува со повеќе држави. Тој тврди дека со години поседува армија од 30.000 лажни профили. Тројца новинари му пристапиле претставувајќи се како потенцијални клиенти кои сакаат да влијаат избори во една африканска земја. Ханан, односно „Хорхе“ им рекол дека тој работел на „црни операции“ низ Африка, Јужна и Централна Америка, САД и Европа.

Рекол дека би им наплатил од 6 до 15 милиони долари за мешање во изборите и дека прима наплата и во криптовалути. Снимката која ја објави Гардијан го поврзува Хорхе со „Кембриџ Аналитика“, сега веќе непостоечката компанија која беше обвинета дека преку лажни статистики му помогна на Доналд Трамп да стане претседател во 2016 година.

Софтверот кој може да направи сè

Но, според мејловите кои Гардијан ги анализирал испаѓа дека тимот на Ханан наплаќал помали суми. Еден од нив сугерира дека во 2015 година тој побарал 160.000 долари од сега веќе непостоечката британска консултантска компанија „Кембриџ Аналитика“ за учество во осумнеделна кампања во една латиноамериканска земја.

Една од клучните услуги на тимот Хорхе е софистициран софтверски пакет, „Advanced Impact Media Solutions“ или АИМС – во превод, „цели“. Софтверот брзо создава лажни профили со цели биографии. Некои аватари имаат дури и сметки на Амазон со кредитни картички, биткоин паричници и сметки на Ер-Би-Ен-Би.

Нема докази дека било која од кампањите за кои работел тимот на Ханан продолжила. Меѓутоа, другите протечени документи откриваат дека кога тимот работел тајно на претседателската трка во Нигерија во 2015 година, тоа го сторил заедно со „Кембриџ Аналитика“.

Каков профил сакате, шпански, руски, азиски…?

Покажувајќи како работи софтверот АЈМС, Ханан во видеото поминува низ десетици аватари и покажа како може да се создадат лажни профили за миг, користејќи опции за избирање националност и пол и потоа да се усогласат профилните слики со измислени имиња.

– Ова е шпански, руски, гледате азијци, муслимани. Ајде да направиме кандидат заедно – им рече тој на тајните новинари, пред да се реши на една слика на бела жена.

– Софија Вајлд, ми се допаѓа името, британско е. Таа веќе има е-пошта, датум на раѓање, сè – додава тој.

Фотографијата на „Софија Вајлд“ се чини дека е украдена од руски профил на социјалните мрежи што ѝ припаѓа на жена која живее во Лидс.

Гардијан и неговите партнери за известување ја следеле активноста на ботовите поврзани со Ајмс на интернет. Тие ботови стоеле зад лажни кампањи на социјалните мрежи, кои претежно вклучуваат комерцијални спорови, во околу 20 земји, вклучувајќи ги Велика Британија, САД, Канада, Германија, Швајцарија, Мексико, Сенегал, Индија и Обединетите Арапски Емирати.

Тројцата новинари кои му пристапиле на Ханан, односно „Хорхе“ биле од Радио Франс, Хаарец и ДеМаркер. Тие сега имаат шест часа снимки од разговори со некогашниот израелски разузнавач.

The post РАЗОТКРИЕН ТИМОТ „ХОРХЕ“ КОЈ МЕСТЕЛ ИЗБОРИ ШИРУМ СВЕТОТ Створиле армија од 30.000 лажни профили и дебело наплаќале appeared first on plusinfo.mk.

„Во иднина, секој Твитер-профил кој ќе се занимава со имитирање на некого, без јасно да се наведе ‘пародија’ ќе биде трајно суспендиран. Претходно издававме предупредување пред отстранувањето, но сега кога воведуваме широка верификација, и нема да има предупредување”, твитна Маск.

Илон Маск исто така рече дека каква било промена на името ќе предизвика привремено губење на ознаката „проверено”. Овој потег уследи откако платформата, наводно, ги отстранила корисниците кои ги сменија своите кориснички имиња во Илон Маск, вклучувајќи ги и оние на американската комичарка Кети Грифин и на глумецот Рич Сомер.

По случајот со Грифин, Маск на Твитер напиша дека таа е банирана „зашто се претставувала како комичар”. Тој сега може да ѝ го врати профилот, „ако таа навистина го сака тоа – за осум долари”, напиша новиот сопственик на Твитер.

Маск го приврши своето преземање на платформата од 44 милијарди долари минатата недела, веднаш намалувајќи го бројот вработени и воведувајќи месечна претплата за потврдување веродостојност на профилите на корисниците.

The post ТВИТЕР ПРАВИ ЧИСТКА НА ЛАЖНИТЕ ПРОФИЛИ За почеток трајно се бришат профилите-имитатори appeared first on plusinfo.mk.

Група од 56 профили на Фејсбук и 243 на Инстаграм беа пронајдени во рекламната и маркетинг агенција Фазе, која работи од Русија за непознат клиент. Групата користеше лажни налози за да шири погрешни наводи кои ја оспоруваат безбедноста на тие вакцини. Профилите беа насочени кон Индија, Јужна Америка и, во помал степен во САД, користејќи неколку социјални платформи, како Фејсбук и Инстаграм.

Русија активно ја нуди својата вакцина Спутник V во странство, за која некои аналитичари велат дека ги следи геополитичките цели. Претставниците на Фејсбук одбија да направат претпоставки за можната мотивација на оваа клеветничка кампања.

The post ФЕЈСБУК ОТСТРАНИ СТОТИЦИ ПРОФИЛИ Руска агенција шири дезинформации за вакцините на „Фајзер“ и „АстраЗенека“ appeared first on plusinfo.mk.

Поради кршење на правилата на Фејсбук за забрана на координирано неавтентично однесување, Фејсбук ги затвори профилите на една американска мрежа која ширела лажни вести за „теорија на заговор и длабока држава со која управува претседателот Трамп“.

Мрежата прво ги негирала заканите и загриженоста за епидемијата на коронавирус, а потоа го сменила наративот и почнала да промовира надрилекарство и теорија на заговор дека 5Г мрежата и глобалната елита се „заслужни“ за коронавирусот.

Укината е и иранска мрежа со која раководел државниот информативен сервис, поради критики на сметка на САД и Израел и нивниот однос кон пандемијата.

Руската мрежа на корисници, која според компанијата Фејсбук ја создале руските државни медиуми на Крим, промовирала ставови и теории на заговор за потеклото на коронавирусот.

The post Генералка на Фејсбук, се бришат лажни профили appeared first on plusinfo.mk.