Државјанин на Турција пријавил дека бил измамен за 6.650 евра откако преку социјална мрежа стапил во контакт со лице кое му ветувало документи за работа и престој во Македонија.

Како што пријавил во СВР Скопје, измамата започнала во октомври минатата година, кога лицето се претставило како посредник кој може да му помогне во регулирање на неговиот престој во земјава. Во текот на неколку месеци, оштетениот во повеќе наврати му исплаќал пари, дел лично, а дел преку банкарска трансакција.

Освен тоа, Турчинот платил и за договор за закуп на стан, кој бил заверен кај нотар, што дополнително ја зајакнало неговата доверба дека станува збор за легална постапка.

Откако подолг период не успеал да стапи во контакт со лицето и не добил никакви документи, сфатил дека е измамен и случајот го пријавил во полиција.

Надлежните служби преземаат мерки за расчистување на случајот и за идентификување на сторителот.

The post ИЗМАМА ПРЕКУ СОЦИЈАЛНИ МРЕЖИ Турчин останал без 6.650 евра за документи за престој appeared first on plusinfo.mk.

Двајца државјани на Турција, 21-годишниот У.Ј.А. и 14-годишник, биле уапсени на скопскиот аеродром додека се обидувале да ја напуштат државата со фалсификувани португалски пасоши.

Како што соопшти Министерството за внатрешни работи, при пасошката контрола на Граничниот премин „Меѓународен аеродром – Скопје“, полициските службеници утврдиле дека документите што ги приложиле осомничените биле лажни.

„Полициските службеници веднаш ги лишија од слобода двете лица и презедоа соодветни мерки. Постапката за 21-годишниот осомничен продолжува во Прифатниот центар за странци во Скопје, додека малолетникот, по наредба на Јавен обвинител, е предаден на родител“, информираа од полицијата.

Надлежните органи продолжуваат со истрагата за тоа како двојката ги набавила фалсификуваните патни исправи и дали зад нив стои организирана мрежа за издавање лажни документи.

The post ТУРЦИ ЛАЖЕЛЕ ДЕКА СЕ ПОРТУГАЛЦИ, НО ПОЛИЦИЈАТА ГИ РАЗОТКРИ Двајца приведени со лажни документи на скопскиот аеродром appeared first on plusinfo.mk.

44-годишниот Н.А.(44) вчера бил приведен вчера од полициски службеници од Полициското одделение Чегране, постапувајќи по претходна пријава од 20-годишник од истото село дека во мај 2024 година тој и неговиот татко биле измамени од Н.А. за сума од 5.000 евра.

Според пријавеното, тој им ги побарал парите за да им посредува за издавање странски документи, а откако им биле издадени било констатирано дека се фалсификувани.

Со судска наредба, полициски службеници од ОВР Гостивар извршиле претрес во домот на Н.А., при што биле пронајдени и одземени предмети за кои постои сомнение дека се поврзани со делото. Тој бил задржан во полициска станица и по целосно документирање на случајот, против него ќе биде поднесена соодветна пријава.

The post МАНИПУЛАЦИЈА СО СТРАНСКИ ДОКУМЕНТИ 44-годишен маж лишен од слобода откако за измамата зел 5.000 евра appeared first on plusinfo.mk.

Станува збор за Дејан Ториќ по кој е распишана црвена потерница од Интерпол.

Како што дознава Аваз, Ториќ бил пронајден во стан, кој бил изграден да служи како наменско скривалиште. Поседувал и лажни документи од  Македонија.

Уапсениот е предаден во надлежност на Судот на Босна и Херцеговина. Босанската ФУП во потрагата по Ториќ била во координација со  ЕВРОПОЛ.

The post МАКЕДОНЕЦ ОСОМНИЧЕН ЗА УБИСТВО УАПСЕН ВО БОСНА Имал лажни документи и се криел во Бихаќ appeared first on plusinfo.mk.

„На 14. 1. 2024 во 18:40 часот на Граничниот премин „Деве Баир“, поради постоење основи на сомнение за сторено кривично дело фалсификувани полиси за осигурување, од слобода бил лишен A.Д.И. (41) од Република Бугарија, кој управувал товарно моторно возило „ивеко” со полуприколка со турски национални ознаки“, информираат од МВР.

Тој бил предаден на полициски службеници од Полициската станица Крива Паланка за понатамошна постапка.

The post БУГАРИН СЕ ОБИДЕЛ ДА ВЛЕЗЕ ВО МАКЕДОНИЈА СО ЛАЖЕН ДОКУМЕНТ Приведен е на Деве Баир appeared first on plusinfo.mk.