Лажни се дојавите за поставени бомби во два трговски центра во Скопје, информираше Министерството за внатрешни работи.

Денеска (19.04.2026) на електронска адреса на Министерството за внатрешни работи е добиена порака со закана дека во трговските центри „East gate“ и „Diamond“ во Скопје се поставени експлозивни направи.

Веднаш по добиените пријави преземени се соодветни мерки и активности од страна на полициски службеници во внатрешноста и околу објектите, при што е утврдено дека станува збор за лажни дојави за бомби.

The post ЛАЖНИ СЕ ДОЈАВИТЕ ЗА БОМБИ ВО ТРГОВСКИТЕ ЦЕНТРИ Полицијатa ги прoверила објектите на „Ист гејт“ и на „Дајмонд“ appeared first on plusinfo.mk.

Министерството за образование на Србија соопшти дека сите пријави за поставени бомби во основни и средни училишта се лажни. Учениците веднаш се вратиле на настава, откако полицијата извршила детални проверки на објектите.

Според Министерството за внатрешни работи, утрово биле пријавени бомби во вкупно 807 основни и средни училишта на територијата на Србија. По добивањето на дојавите, училиштата веднаш ја известиле полицијата, која извршила увид во сите пријавени објекти.

Министерството за образование апелираше училиштата да дејствуваат во координација со полицијата и да ги почитуваат сите безбедносни процедури за заштита на учениците и вработените. Дополнително, се предупредува да не се шири паника и да не се нарушува редовниот образовен процес. Министерството ги повика надлежните институции да ги пронајдат и санкционираат лицата одговорни за лажните дојави.

Сите училишта кои биле опфатени со дојавите за бомби, по проверките на полицијата, се безбедни и наставата продолжува редовно. Надлежните власти продолжуваат со истрага за да ги санкционираат сторителите на лажните пријави.

The post ПРОВЕРЕНИ 807 УЧИЛИШТА, ДОЈАВИТЕ СЕ ЛАЖНИ Српската полицијата не најде бомби, продолжува наставата appeared first on plusinfo.mk.

Пронајдени и идентификувани се 14-годишно и 15-годишно момче од Белград, кои се сомничат дека преку платформа за игри нарачале испраќање заканувачки пораки до нивните училишта на територијата на Белград. Ова се лажни дојави за бомби.
Одделот за криминалистичка полиција на кантонот Тузла, во координација со МУП на Србија, пронашол момче од Босна и Херцеговина кое исто така користело иста платформа за игри за да нарача заканувачки пораки и пријави за експлозивни направи во своето училиште.

Постои сомнение дека малолетниците од Белград во специјално создадена група на гејмерската платформа барале испраќање закани од нивните врсници, кои претходно во полициската акција беа идентификувани како испраќачи на над 80 мејлови за наводно подметнати експлозивни направи во едукативни и други институции на територијата на Србија и регионот.

Во исто време, малолетниците на платформата разменувале искуства за начините за заштита на анонимноста на Интернет, пишува Кликс.

Против малолетниците во редовната постапка е поднесена кривична пријава поради постоење на основано сомнение дека сториле кривично дело предизвикување паника и неред. Против родителите на осомничените во редовната постапка ќе биде поднесена кривична пријава поради сомнение дека сториле кривично дело запуштање и малтретирање на малолетно лице, пренесуваат српските медиуми.

The post ДЕЦА НАРАЧУВАЛЕ ЛАЖНИ ДОЈАВИ ЗА БОМБИ ПРЕКУ ИНТЕРНЕТ Идентификувани двајца малолетници во Белград и еден во Тузла appeared first on plusinfo.mk.

„На 17.12.2022 од својот мобилен телефон, пријавениот С.Ѓ. се јавил во Одделението за внатрешни работи во Делчево, при што лажно се претставил и пријавил дека на повеќе локации во градот има поставено бомби. Полициски службеници извршиле преглед на посочените објекти, при што не биле пронајдени сомнителни предмети. По преземени мерки и активности, на 22.12.2022 С.Ѓ. бил лишен од слобода и во Полициската станица Тетово со него бил извршен службен разговор, по што му бил одземен телефонот и две СИМ картици“, наведено е во соопштението.

The post ТЕТОВЕЦ ГИ ПЛАШЕЛ ДЕЛЧЕВЦИ СО ЛАЖНИ БОМБИ Се јавил во полиција и се заканил дека ќе го крене градот во воздух appeared first on plusinfo.mk.