Штипјанец се претставувал како полицаец, одзел автомобил, а потоа нападнал жена и ѝ го зел кучето. Поради овие настани, полицијата поднесе кривична пријава против 45-годишниот Б.Х.Ј.

Според информациите од СВР Штип, осомничениот на улицата Рибник сопрел автомобил „пежо“ во сопственост на правно лице, лажно претставувајќи се како полициски службеник. Откако го убедил возачот, го презел возилото и заминал.

Подоцна истиот ден, на улицата Сутјеска, додека го управувал одземениот автомобил, застанал до жена, физички ја нападнал и ѝ го одзел кучето.

Против него е поднесена кривична пријава за лажно претставување, одземање моторно возило и тешка кражба на дрзок начин.

The post ОДЗЕЛ „ПЕЖО“, ПА НАПАДНАЛ ЖЕНА И Ѝ ГО УКРАЛ КУЧЕТО Приведен лажен полицаец во Штип appeared first on plusinfo.mk.

82-годишна скопјанка била измамена и останала без околу 170.000 денари, откако лице што телефонски ѝ се претставило како полициски службеник ја убедило дека мора да плати за да ја спаси својата внука од затвор, соопшти Министерството за внатрешни работи.

Според пријавата поднесена во СВР Скопје, измамникот телефонски ја контактирал жената и ѝ кажал дека нејзината внука наводно предизвикала сообраќајна несреќа во која загинало дете. Тој побарал итно да предаде пари за „да не оди внуката во затвор“, претставувајќи го тоа како полициска постапка.

Исплашената жена излегла на улица и му ги предала парите на машко лице за кое верувала дека е дел од „постапката“. По кратко време сфатила дека нејзината внука воопшто не учествувала во несреќа и дека станува збор за класична измама.

Од МВР соопштуваат дека се преземаат мерки за идентификација на сторителот и целосно расчистување на случајот.

The post ЈА УБЕДИЛЕ ДЕКА ВНУКАТА УБИЛА ДЕТЕ СО КОЛА Скопјанка измамена за 170.000 денари од лажен полицаец appeared first on plusinfo.mk.

Скопјанец бил ограбен од лице кое му се претставило како полицаец. Лажниот полицаец од жртвата одзел документи, пари и платежна картичка.

„На 29.10.2025 година во 11.10 часот во СВР Скопје, М.А.(61) од Скопје пријави дека на 28.10.2025 година околу 00.30 часот на подрачјето на Гази Баба, додека бил во своето патничко возило, едно лице кое му се претставило дека наводно е полициски службеник, му одзело документи од возилото. Потоа, според пријавеното, му рекол на М.А. да влезе во друго возило и му одзел пари и платежна картичка. Подоцна го симнал на подрачјето на општина Аеродром“, соопшти полицијата.

Се преземаат мерки за расчистување на случајот.

The post ГО ИЗЛАЖАЛ ДЕКА Е ПОЛИЦАЕЦ, МУ ОДЗЕЛ ДОКУМЕНТИ, ПАРИ И ПЛАТЕЖНА КАРТИЧКА Го качил во возило и го возел од Гази Баба до Аеродром appeared first on plusinfo.mk.

Според пријавеното, лицето ѝ се јавило на телефон и претставувајќи се како полициски службеник ја известило дека нејзината ќерка предизвикала сообраќајна незгода во која прегазила дете мигрант и ќе треба да плати за да не одговара кривично.

„Таа ги однела парите на договореното место, а подоцна се слушнала со нејзината ќерка и сфатила дека е измамена“, информираат од МВР.

The post КУМАНОВКА НА „ПОЛИЦАЕЦ“ МУ ДАЛА 30.000 ЕВРА Ја излажал дека нејзината ќерка прегазила дете мигрант appeared first on plusinfo.mk.

Според пријавеното, како што информираат од МВР, на почетокот на април оваа година лицето дошло со брат му во нивниот дом и претставувајќи се дека е полициски службеник, им ветил дека преку обвинител ќе може да им помогне за случај од пред неколку години, во кој биле измамени од друго лице.

Како што е пријавено, за услугата тој им побарал мобилен телефон како подарок за обвинителот, а откако му го дале телефонот продолжиле со комуникација до крајот на мај, од кога лицето станало недостапно, по што сфатиле дека се измамени.

Се преземаат мерки за расчистување на случајот.

The post ЛАЖЕЛ ДЕКА Е ПОЛИЦАЕЦ ЗА ДА ДОБИЕ МОБИЛЕН ТЕЛЕФОН НА ПОДАРОК Измамени се тројца скопјани appeared first on plusinfo.mk.

Како што велат од полицијата, тој се однесувал агресивно кон полициски службеници кои извршувале службени дејствија.

„На 06.04.2023 во 01.30 часот од угостителски објект на подрачјето на Центар, полициски службеници од Полициската станица Центар го привеле П.Ѓ.(27) од Пехчево, затоа што се однесувал агресивно кон полициски службеници кои извршувале службени дејствија, a претходно агресивно се однесувал кон присутните во објектот, лажно се претставувал и барал од гостите и вработените да се легитимираат“, информираат од МВР.

The post ИМ БАРАЛ ЛИЧНИ КАРТИ НА СИТЕ ВО КАФУЛЕТО Уапсен е 27-годишник од Пехчево, лажно се претставувал како полицаец appeared first on plusinfo.mk.

Како што соопшти МВР, тој се сомничи дека довел во заблуда лице од Штип, лажно претставувајќи се како вработен во МВР и му ветил дека може да му извади лиценца за обезбедување и возачка дозвола без полагање, при што во два наврати му земал вкупно 1.782 евра.

При претрес во домот во кој престојува во Скопје, извршен со судска наредба, биле пронајдени и одземени предмети поврзани со кривичното дело.

Тој бил приведен и задржан во полициска станица и по целосно документирање на случајот против него ќе биде поднесена соодветна пријава.

The post ЛАЖЕЛ ДЕКА Е ПОЛИЦАЕЦ И „ПРОДАВАЛ“ УСЛУГИ Приведен е 28-годишник од Крива Паланка appeared first on plusinfo.mk.