– Затворена е темата уставни измени за ВМРО-ДПМНЕ. Уставот нема да се менува, ова го кажувам на ваков начин за да се смири јавноста особено Македонците и кои на средбите молат да не се попушта. Тука ја затвораме темата. Нема потреба повеќе да се дебатира за уставни измени, бидејќи нашиот став нема да се промени – рече таа.

Во врска со работната група, Ласовска истакна дека партиските претставници сакаат да си направат референца за биографија за Уставни судии, додека професорите по Уставно право одбија да бидат дел од неа.

– Работната група која е составена дел од кривичари и малку ексерти по Уставно право. Најеминентните професори по Уставно право се изјаснија дека не сакаат да учествуваат во работната група затоа што нема консензус. Членот 131 од Уставот е многу јасен – одлука за пристапување кон измена на Уставот донесува Собранието со двотретинско мнозинство гласови од вкупниот број на пратеници, рече Ласовска.

Таа потенцира ајде за зборуваме за криминалот, за образованието, за руинираното здравство, Уставот е затворена тема.

The post ЗА ВМРО-ДПМНЕ Е ЗАТВОРЕНА ТЕМАТА ЗА УСТАВНИТЕ ИЗМЕНИ Ласовска вели дека ставот на партијата нема да се промени appeared first on plusinfo.mk.

„Пратеничката група на ВМРО-ДПМНЕ ги искористи сите можни и пред се демократски права кои ги нуди Деловникот на Собранието да го спречи носењето на овој штетен и дискриминаторски закон. И покрај инаетењето и ароганцијата на министерката Мила Царовска како пратеници нема да дозволиме обезличување на идните генерации и експериментирање со најважната категорија на граѓани, а тоа се учениците. Таканаречената реформа, да се менува на ваков радикален начин концептот на учење преку исфрлање на хартиени учебници и сето тоа во време на пандемија кога бројот на ранливи категории на граѓани е огромен, мораше да заврши на ваков начин. Како пратеничка група и покрај повлекувањето на законот, будно ќе ја следиме ситуацијата бидејќи свесни сме дека СДСМ и Мила Царовска можеби повторно тактизираат само за да се повлече иницијативата за референдум која беше покрената од граѓански иницијативи и повторно да го вратат овој закон во Собрание со злоупотреба на европското знаменце. Сакаме да ѝ порачаме на Мила Царовска дека време е да стане свесна за штетните политики кои ги води во овој многу битен ресор и да си даде оставка бидејќи единствено што како министерка покажа е самобендисаност, ароганција и заткулисни игри кои се на штета на нашите деца – рече Ласовска.

The post Ласовска: Штетниот закон за учебници е повлечен, на ред е оставка на Мила Царовска appeared first on plusinfo.mk.

Таа потенцираше дека законот за недела да биде неработен ден е еден популистички закон со кој власта сака да ги избегне посериозните теми кои во овој момент се од круцијална важност.

– Во моменти на пандемија во која што Македонија забележа поразителни бројки на заболени и починати, во моменти кога во Република Македонија има над 50.000 невработени како резултат на пандемијата, власта турка закон за недела да биде неработен ден – додаде Ласовска.

Според Ласовска, ова законско решение нема да опфати над 30 стопански гранки, односно тие нема да видат никаков бенефит од законот, иако за воља на вистината законот е во ред и голем дел од работниците во Република Македонија заслужуваат еден неработен ден во седмицата.

– Но, Владата нека се фокусира на важните работи кои во овој момент мора да се менаџираат многу подобро, бидејќи државата се соочува со огромна економска и здравствена криза. Додека сите останати соседни земји веќе имаат одреден број на вакцини кои што ги набавиле за граѓаните, Владата на Република Македонија моли за милостина и манипулира со граѓаните дека вакцините штотуку не стигнале. Додека во фирмите низ државата се случува работници да примат плата од цели 2 денари, а инспекциите тоа да не го забележат, власта вели дека ќе обезбеди неработен ден за работниците. Е тоа се дволичните игри на власта, која што цели 5 години од ден во ден само лаже и купува ден повеќе на политичката сцена – истакна Ласовска.

– Одредени стопански гранки веќе реагираат за ова законско решение и велат дека ваквиот закон не треба да биде само од полза на одредена категорија на работници, туку на сите. За жал според нив, овој закон не е идеален и нема да помогне на сите работници, напротив ќе придонесе за нови кратења од работните ангажмани на голем број работници – заврши Ласовска.

The post Ласовска: Јавноста се дефокусира од приоритетните проблеми на земјава appeared first on plusinfo.mk.

– Средношколската унија на Македонија, или на средношколците ја бојкотираат наставата со барање за олеснување на матурантите за полагање на матура. Бараат матурата да се состои од проектна задача, и полагање на два премети наместо четири и тоа: еден задолжителен мајчин јазик или македонски,  албански или турски јазик и уште еден предмет кој што ќе биде соодветен за понатамошен упис на факултет за оние кои што планираат секако да се запишат на факултет. Делот од матурантите остануваат на барањата да полагаат два наместо четири предмети од државната матура, но неодамна видовме дека претседателот на оваа средношколска унија вели дека дел од оние кои што протестираат односно бојкотираат имаат и закани од претставниците на училиштата, директорите. Тие бараат олеснувања затоа што им беа ветени скратени програми затоа што не им се обезбедени услови за пристојна онлајн настава и затоа што дел од нив не можат и не можеа да ја следат заради лош интернет и едноставно немаа компјутери – појасни Ласовска.

Таа укажа дека средношколците ја бојкотираат наставата и бараат матурата да се состои од мајчин јазик или македонски, албански, турски и уште еден од областа која е потребна за оние кои ќе се запишуваат на факултет. Или дел бараат да се полагаат два предмети, наместо четири.

Пратеничката укажа на тоа дека кон оние кои протестираат има закани од претставници на училиштата, а протестите се само затоа што им се ветија скратени прогами, а ги нема, им ветија услови за онлајн настава, а ги нема.

– Министерката за образование Царовска еднаш вели 80 проценти имаат компјутери, потоа 90 проценти. Министерке потребен е број, и едно дете да нема компјутер тоа е дискриминација, а вие тоа не требаше да го дозволите и требаше да им овозможите услови – рече Ласовска.

Во овој контекст Ласовска праша: „Дали останувате на став за матурата и нема да им излезете во пресрет на средношколците“. Според неа министерката треба да се сретне со нив и да ги слушне нивните барања. Ласовска се осврна и идејата на Царовска за спојување на двата предмети географија и историја како дел најавената реформа.

Пратеничката напомена дека ова доаѓа во период кога како што рече „имаше многу негативни критики за реформата, кога Бугарија бара бришење на настани и факти од историјата“. Според неа реформа не може да биде желба на министерката и мора да има јавна расправа и тоа во Собранието која може и треба да ја организира единствено надлежната Комисија за образование.

Оттука Ласовска праша: „Врз основа на која анализа дојдовте до идејата да се спојат предметите географија и историја“.

The post Ласовска: Министерке и едно дете да нема компјутер тоа е дискриминација, требаше да им овозможите услови appeared first on plusinfo.mk.

– Амандманите не се ништо друго туку вашите ветувања кои не ги реализиравте во изминатиот период – рече Ласовска.

Таа рече и дека треба да се вложи во здравствениот сектор за да не ни одат здравствените работници од државен во приватен сектор.

– Нашите експерти од економијата  веќе кажаа дека решението е во инвестирањето во секторот.Да им се зголемат платите, да се укине персоналниот данок, да им се овозможи да напредуваат во кариерата, да се обезбеди да бидат почитувани – рече Ласовска.

The post Ласовска: Ќе гласаме за овој ребаланс, ако се прифатат нашите 170 амандмани appeared first on plusinfo.mk.

– Посипаа мизогинија, сексизам, шовинизам врз Тамара, и око не им трепнува, во исто време кога устите им се полни со Европа, вредности, магии. И затоа вам Ви се обраќам вам Заев, затоа што инспиратор на ваквите напади врз интегритетот врз жената сте токму вие, и за сѐ понатаму, ќе ве сметам лично одговорен за ваквото варварство. И не само затоа што веројатно со воодушевување ја гледате таа драма со која се гази по женските слободи, туку и поради тоа што не преземате ништо за да го осудите истото, пишува Ласовска.

Таа го потсети Заев дека во негово време полицајка се самоповредуваше во „Пајак”, затоа што била немоќна поради хибридниот режим да се спротивстави.

– Да го споменувам ли антисемтизмот посипан во 21 век врз Рашела Мизрахи чии перјаници денес се блиску до вас во оваа кампања. Тргнавте во атак врз дваесетина години возрасна девојка, затоа што немате што друго да понудите. Атакот врз Тамара е ваш срам, и пример за тоа каков однос имате кон жените во Македонија. И иако тие закани, навреди, и сексизам изгледаат многу бучни по социјалните мрежи, тие се израз на немоќ, доказ за паника и чувството на страв од пораз. И колку погласно се обидувате да атакувате врз жените толку поголем ќе ви биде поразот, пишува Ласовска.

Според неа, билбордите на кои Заев се сликани со женски кандидати не го прави почитувачи на правата на жените туку секојдневниот однос кон нив.

– И да, очекувам да се извините, поради срамот и атакот на социјалните мрежи од вашите активисти врз млад човек, жена. Тоа е и ваш срам. А Тамара, и сличните како неа ќе останат во Македонија, и ќе продолжат со бунтовноста, затоа што за правата на жената постојано се бори, во секој час во овој ден, и насекаде. Иво Андриќ ќе напише „жената стои, како капија, на излезот како и на влезот на овој свет”, очигледно со овој атак врз жените вие излегувате и се пензионирате од светот на политиката,пишува Ласовска во отвореното писмо до Заев.

The post Ласовска во отворено писмо до Заев: Атакот врз Тамара е ваш срам и пример за тоа каков однос имате кон жените appeared first on plusinfo.mk.