Израел почнал да планира напад врз Иран уште во декември, откако уништувањето на терористичката група Хезболах и падот на режимот на Башар ал-Асад во Сирија отворија воздушен коридор кон Иран, рекле извори за „Њујорк Тајмс“.

Според „Тајмс оф Израел“, израелскиот премиер Бенјамин Нетанјаху му одржал презентација на нападот на американскиот претседател Доналд Трамп во февруари при посетата во Овалната соба, а Трамп, наместо да се придружи или да се повлече од нападот избрал среден курс – да одобри „неоткриена поддршка од американското разузнавање“.

Во извештајот на „Њујорк Тајмс“ се вели дека има мали шанси конфликтот меѓу Израел и Иран да се реши дипломатски. Весникот тврди и дека Трамп не можел да одолее да ја преземе заслугата за израелскиот напад врз Иран во петокот, 13 јуни, кога „неговата омилена телевизија Фокс њуз емитуваше снимки од нападот“.

Би-Би-Си напиша дека Трамп одржал 90-минутен состанок со својот тим во врска со можно вклучување на САД на страната на Израел во конфликтот. Тема на разговорот бил можен удар на подземната база Фордо во Иран.

• ТРАМП РАЗМИСЛУВА ДА ВОЈУВА, ЦЕЛТА Е ПОДЗЕМНА БАЗА НА ИРАН? Само Американците имаат доволно тешка бомба за да го уништат Фордо

Конфликтот меѓу Тел Авив и Техеран трае веќе шест ден. Додека Израел се пофали дека има целосна контрола на небото над Техеран и дека уништил третина од иранските ракетни лансери, Иранската армија тврди дека во нападот ноќта на 17 према 18 јуни употребила хиперсонична ракета од типот Фата-1.

„Волстрит Џурнал“ напиша дека на Израел му снемува одбранбени пресретнувачи на ракети „Аrrow“. Тоа е горниот слој на ракетната одбрана на Израел, заедно со „Железната купола“, која ги елиминира заканите од удари со краток дострел како што се напади од минофрлачи и ракети.

• „ЦЕЛОСНА НАДМОЌ ВО НЕБОТО НАД ТЕХЕРАН“ Израел тврди дека уништил третина од иранските лансери за ракети

Системот „Аrrow“ не е единствената одбранбена мерка што се користи против иранските ракети. САД, исто така, имаат системи за ракетна одбрана „Патриот“ и системи за воздушна одбрана на голема надморска височина на Блискиот Исток, способни да пресретнат балистички ракети.

Според написот, разорувачи на американската морнарица, исто така, собориле ракети.

The post ТРАМП ЗНАЕЛ ЗА ИЗРАЕЛСКИОТ НАПАД УШТЕ ВО ФЕВРУАРИ? Нетанјаху му одржал предавање во Овалната соба appeared first on plusinfo.mk.

Израелските одбранбени сили уништија една третина од иранските лансери за балистички ракети и успеаја да попречат „големи делови“ од плановите на Иран за напад врз Израел, изјави портпаролот на Израелските одбранбени сили (ИДФ), бригаден генерал Ефи Дефрин.

Дефрин на прес-конференција изјави дека израелските воздухопловни сили воспоставиле „целосна воздушна супериорност“ над Техеран.

What did the IAF accomplish in Iran last night?

20+ surface-to-surface missiles were dismantled minutes before they were to be launched toward Israel’s home front.

Approx. 100 military targets were struck in Isfahan, central Iran.

Around 50 fighter jets and aircraft… pic.twitter.com/8FLXjp6qI0

— Israel Defense Forces (@IDF) June 16, 2025

ИДФ соопшти дека иранските напади се состоеле од околу 30 до 60 ракети поединечно и дека Иран се обидел да испука стотици балистички ракети одеднаш, но дека нападите на израелските одбранбени сили врз системи за лансирање балистички ракети во Иран ги попречиле нивните напади.

Дефрин изјави дека 65 ирански балистички ракети и десетици дронови биле лансирани врз Израел вчера вечерта и утрово, во два напада, од кои повеќето биле пресретнати, и дека осум лица биле убиени, а речиси 300 ранети во три напади.

The post „ЦЕЛОСНА НАДМОЌ ВО НЕБОТО НАД ТЕХЕРАН“ Израел тврди дека уништил третина од иранските лансери за ракети appeared first on plusinfo.mk.