Измијте, не користете антисептици, сопрете го крвавењето и веднаш побарајте доктор. Тоа се клучните работи на кои предупредува грчкиот Црвен крст по последниот инцидент на Пефкохори, каде зајачка риба касна туристка додека влегувала во морето.

Туристката успеала да излезе од морето, а луѓето на плажата веднаш ѝ помогнале да го запре крвавењето. Подоцна била пренесена во здравствен центар, каде примила серум против тетанус, антибиотска терапија и лекарска нега.

Што советува грчкиот Црвен крст?

По ваков инцидент, грчкиот Црвен крст препорачува:

• раната веднаш да се измие со многу вода и сапун;
• да не се користат антисептици без препорака од лекар;
• да се изврши притисок врз раната со чист завој или крпа;
• повредениот екстремитет да се држи подигнат ако има крварење;
• што е можно побрзо да се побара лекарска помош.

Во итни случаи, граѓаните можат да се јават на бројот 166 или на европскиот број за итни случаи 112.

Силни вилици, остри заби, сериозни повреди

Зајачката риба, позната и како лагокефалос, последниве години сè почесто се појавува во грчките води. Станува збор за инвазивен вид кој пристигнал од Црвеното Море и е познат по исклучително силното каснување.

Научните извештаи бележат повеќе случаи на повреди во Грција, Турција, Кипар, Либија и Сирија.

Во еден од најсериозните документирани случаи, осумгодишно девојче во Турција претрпело тешки повреди на прстите по каснување од ваква риба.

Поголем ризик е ако се најде на трпеза

Експертите предупредуваат дека најголемата опасност не е каснувањето, туку консумирањето на рибата. Во нејзините органи се наоѓа тетродотоксин, силен нервен отров што може да предизвика парализа и сериозни здравствени последици.

Поради ширењето на овој вид во Средоземното Море, грчката влада неодамна воведе и финансиски поттик за рибарите.

За секој уловен килограм зајачка риба се исплаќаат 5,33 евра.

ЗАЈАЧКАTA РИБА КАСНА ЖЕНА НА ХАЛКИДИКИ Не ја пуштала додека жената очајно ја тресела ногата

The post ШТО ДА ПРАВИТЕ АКО ВЕ КАСНЕ ЗАЈАЧКАТА РИБА? Грчкиот Црвен крст излезе со препораки appeared first on plusinfo.mk.

Жена завршила на лекарска помош откако била касната од зајачка риба додека влегувала во морето на плажа во Пефкохори. Таа тврди дека рибата се закачила за ногата и одбивала да ја пушти.

Според нејзиното сведоштво за грчката телевизија АНТ1, мирно влегувала во морето кога одеднаш почувствувала силна болка.

– Реков: „Нешто ме гризе и не ме пушта“. Погледнав надолу и видов огромна риба. Знаев како изгледа лагокефалосот бидејќи претходно бев информирана. Се исплашив и почнав да ја тресам ногата за да се ослободам – раскажала жената.

„За среќа забите не влегоа подлабоко“

Таа успеала да стигне до брегот, но била видно вознемирена и во шок. Нејзините пријатели веднаш излегле од водата и ѝ помогнале.

Според неа, вистинска среќа било тоа што рибата ја каснала во пределот на глуждот.

– За среќа, ме касна преку коската на глуждот, па забите не успеаја да навлезат подлабоко во ткивото. Сепак, ми остави голема и видлива рана – изјавила таа.

Присутните на плажата веднаш ѝ укажале прва помош и го запреле крварењето.

Потоа била пренесена во локален здравствен центар, каде примила серум против тетанус, антибиотска терапија и дополнителен третман.

Веќе добро познат гостин во грчките води

Последниве години зајачката риба сè почесто се појавува во грчките води, а рибарите редовно известуваат за улов на овој вид во Егејското Море.

Жената е убедена дека станувало збор токму за лагокефалос.

– Нема никаква можност да била друга риба. Јасно ја видов и невозможно е да ја помешам – рекла таа.

Грчкиот Црвен крст претходно предупреди за зголемено присуство на овој вид долж грчкото крајбрежје.

Силни вилици и остри заби

Зајачката риба се смета за еден од најинвазивните видови во Средоземното Море. Има исклучително силни вилици и остри заби, поради што може да предизвика сериозни повреди.

Експертите сметаат дека нејзиното сè почесто присуство во Егејското и Јадранското Море е поврзано со промените на температурата на морската вода.

Грчките власти нудат 5 евра за килограм улов од оваа риба која е опасност по биодиверзитетот во водите.

The post ЗАЈАЧКАTA РИБА КАСНА ЖЕНА НА ХАЛКИДИКИ Не ја пуштала додека жената очајно ја тресела ногата appeared first on plusinfo.mk.