Станува збор за флуорирани гасови, кои еколошката организација Гринпис ги опиша како најлоши гасови со ефект на стаклена градина.

Споменатите гасови имаат и до 25.000 пати посилно влијание врз глобалното затоплување од јаглерод диоксидот и се произведуваат умерено.

Употребата на флуорираните гасови во Европската унија двојно порасна од 1.990 со 2.014 година, но по 2015 година, кога се донесени нови еколошки законски мери, се почнува со намалување на нивната употреба.

The post ЗБОГУМ ЗА ЛАДИЛНИЦИТЕ, КЛИМАТИЗЕРИТЕ И ТОПЛОТНИТЕ ПУМПИ Европската унија планира до 2050 година да забрани уреди кои создаваат моќни стакленички гасови appeared first on plusinfo.mk.

Граѓаните сѐ почесто се жалат дека во голем број трговски објекти не може да се купи разладена вода или друг вид пијалак, бидејќи ладилниците во кои се сместени, скоро и да не ладат. Трговците, пак, тврдат дека освен, ако ладилникот е дефектен или треба да се чисти, не може да се случи да биде исклучен за да се штеди струја.

– Пред неколку месеци штедеа струја бидејќи била скапа, па ни продаваа полусмрзната храна, а сега ладилниците за пијалаци ги исклучуваат, а нудат разладен пијалак. Неколку дена се обидувам да купам разладена вода или друг вид пијалак, но безуспешно, бидејќи во најблиската продавница до моето работно место во ладилниците за пијалаци има шишиња со топла вода, бидејќи ладилникот скоро и да не лади. Ја прашувам продавачката во што е проблемот, а таа вели моментално е исклучен бидејќи треба да се чисти. А дали и вчера се чистеше и ден пред тоа, прашувам, но не добивам одговор. И не само во оваа продавница, туку и во други сум забележал дека ладилниците со пијалаци речиси се исклучени. Мојот сосед вели дека и пивото веќе не е ладно иако дошле топлите денови – реагира скопјанецот Марио А.

Друг граѓанин, пак, тврди дека во некои продавници пијалаците во пластична амбалажа многу често може да се видат изложени на високи температури.

– Освен што нема разладен пијалак во некои од помалите продавници, пластични шишиња со вода и газирани пијалаци можат да се видат наредени покрај прозорци каде што сонцето пече. Колку што знам хемија, треба да се чуваат на темно и ладно место за да не испуштаат отровни хемикалии. Ладилниците се посебна приказна. Прво ги исклучија внатрешните светла во нив, па мора да отвориш за да видиш кој пијалак го има, а сега и термостатите ги поместија на потопло – вели тој.

Трговците со кои разговаравме велат дека ги почитуваат сите пропишани норми за чување на храната и пијалаците во ладилниците и дека не станува збор за штедење струја.

– Температурата на ладилниците, барем кај мене, е на онаа што е пропишана за секоја храна, па и за пијалаците. Досега немам жалби за тоа. Но, не можам да тврдам дека некои од моите колеги не ги поместуваат термостатите, а најлесно тоа се прави кај пијалаците, бидејќи тие не се расиплива храна која треба да биде складирана на одредена температура. Цената на струјата не е толку висока колку што беше во изминатите месеци, па не верувам дека некој би се обидел на ваков начин да штеди, дали е мал или голем трговец – вели продавач.

За проблемот со ладилниците знаат и во Организацијата на потрошувачи. До Организацијата на потрошувачите во овој период не добиле поплаки за исклучени ладилници кај одделни трговци, но апелираат поплаките граѓаните да ги упатуваат до АХВ.

– Досега немаме ваков вид поплаки од граѓаните. Меѓутоа, трговците имаат законски обврски за нивно чување, одредени услови и соодветна температура. Точно се знае која храна или пијалак на колку степени треба да се чува. Им советуваме на граѓаните поплаките кои се однесуваат на чување на храната и пијалаците да ги упатуваат до Агенцијата за храна и ветеринарство која има ингеренции да контролира и да постапи во вакви случаи – велат од ОПМ.

Според законот, храната и пијалаците во трговските објекти треба да се складираат на одредена температура која е пропишана на секој од нив.

Контролата на безбедноста на храната ја врши Агенцијата за храна и ветеринарство.

The post КОЈ ПИЕ ТОПЛО ПИВО НА ПЛУС 40? Трговците ги исклучуваат фрижидерите со пијалаци, многу им трошеле струја appeared first on plusinfo.mk.

Оттаму информираат дека министерот Венко Филипче денеска ги посетил овие дистрибутери и нивните ладни соби, и фрижидерите во кои веќе се чуваат вакцини од имунолошкиот календар на Министерството за здравство.

Тој се информирал и за тоа како на кој начин ќе се чува и дистрибуира вакцината за ковид-19, кога ќе пристигне во нашата земја.

Операторите во своите постоечки капацитети имаат комори и ладни соби од 0 до 8 степени целзиусови, како и фрижидери до -20 степени целзиусови, како и возила со ладилници како би го запазиле „ладниот синџир“ при дистрбуција на вакцините.

Дополнително Министерството за здравство операторите ќе ги снабди со фрижидери до – 70 степени целзиусови кои во земјава ќе пристигнат кон средината на јануари.

The post Каде ќе се чуваат вакцините за ковид-19? appeared first on plusinfo.mk.