Британското Министерство за одбрана покрена истрага откако руската фрегата „Адмирал Григорович“ испука предупредувачки истрели во правец на британска цивилна јахта која ѝ се приближила на околу 500 метри во Ламанш, јужно од островот Вајт, пренесоа денеска британските медиуми.

Според наводите на весниците „Телеграф“ и „Гардијан“, инцидентот се случил околу 20 наутички милји јужно од островот Вајт, надвор од британските територијални води. Во инцидентот немало повредени ниту материјална штета, а британските власти оценија дека станува збор за „изолиран инцидент“.

Портпаролот на британското Министерство за одбрана потврди дека се проверуваат информациите за настанот во Ламанш. Британската јахта го продолжила своето патување по инцидентот, додека патролен чамец од бродот на британската Кралска морнарица „HMS Tyne“ бил упатен кон пловилото за да собере информации и да ја провери безбедноста на членовите на екипажот.

Инцидентот се случи два дена откако британските специјални сили за првпат пресретнаа и запреа санкциониран руски нафтен танкер од „флотата во сенка“, „Смиртос“, во Ламанш. Од октомври 2025 година, и француската воена морнарица спроведе четири слични операции против руски танкери, со цел да се намалат приходите од извозот на нафта со кои, според наводите на западните земји, се финансира војната во Украина. Сепак, воени извори изјавија за „Гардијан“ дека денешниот инцидент не е поврзан со пресретнувањето на танкерот во текот на викендот.

Русија вечерва потврди дека воен брод испукал предупредувачки истрели во Ламанш кон британска јахта „која опасно се приближувала“, јави ТАСС.

Руското Министерство за одбрана го потврди инцидентот, наведувајќи во соопштение дека екипажот на фрегатата „Адмирал Григорович“ во 12:45 часот по московско време забележал дека цивилната едрилица под британско знаме „Брајт Фјучер“ се приближува опасно блиску до бродот со вклучен мотор. Морнарите прво испукале ракети и дале звучни сигнали, но јахтата го продолжила својот курс кон фрегатата, доближувајќи и се на 150 метри. Командантот на рускиот воен брод потоа дал наредба да се испукаат предупредувачки истрели, по што британскиот брод веднаш почнал да се оддалечува. Никој не бил повреден.

„Екипажот на фрегатата ’Адмирал Григорович‘ дејствувал во строга согласност со меѓународните правила за навигација и ги презел сите потребни мерки за да спречи инцидент“, нагласи руското Министерство за одбрана.

The post РУСКА ФРЕГАТА ОТВОРИ ОГАН КОН БРИТАНСКА ЈАХТА!? Инцидент во Ламанш, Лондон води истрага appeared first on plusinfo.mk.

Работата за санирање на дефектот во железничките линии меѓу Евротунелот помеѓу Британија и Франција продолжи и во текот на ноќта, а некои линии на „Еуростар“ и „ЛеШатл“ оттогаш се делумно обновени, но работат со значителни задоцнувања, јавува Би-Би-Си.

Илјадници луѓе останаа заглавени на пероните и терминалите во тунелот поради прекин на електричната енергија, што предизвика хаос во пресрет на новогодишните празници. Патувања биле откажани, семејства останаа во автомобилите натерминалите за поаѓање, а некои дури биле затекнати во подземните линии под Ла Манш не можејќи да го продолжат патот кон Франција.

Се работи за проблем со надземните кабли за струја и дефект на воз на „ЛеШатл“. Според Би-Би-Си, најмалку десет возови на „Еуростар“ помеѓу Лондон, Париз, Брисел и Амстердам биле откажани уште пред пладне. Компанијата се извинила на патниците и понудила враќање на средствата, промена на датумот на патување или е-ваучер.

Патниците чекаа 6 до 7 часа за да се отстрани дефектот.

Очај и солзи на станиците

Меѓу патниците имало и туристи кои патувале со аранжмани планирани месеци претходно. Американките Хејли Адамс и Хана Хагар, кои требало да стигнат во Париз за роденден, биле принудени да платат повеќе од 580 долари за лет од Лондон и дополнителна ноќ во хотел.

– Тука сме веќе пет часа, редиците не се движат, сите сме уморни – изјавила Адамс.

Во исто време, семејство од Мексико, предводено од Монсерат Ернандес, се надевало дека „патувањето на животот“ нема да заврши на станицата Сент Панкрас.

– Велат дека денес нема превоз. Ова изгледа како американски филм – рекла таа, барајќи алтернативен лет за Париз.

Hours spent hardly moving, no communication from @LeShuttle, no food or drink.

Kids losing the will to live and no end in sight. Absolute shambles #bbcnews #skynews #eurotunnel pic.twitter.com/FXzGtxUJo1

— Richard Frewin (@RFrewin) December 30, 2025

Патници заглавени под Ла Манш

Во францускиот град Кале, Бен Кларк со своето семејство бил меѓу стотиците кои останале во „ЛеШатл“.

– Првите часови не беа толку лоши, но децата стануваат немирни. Ги потрошивме сите закуски и немаме план Б – изјавил тој.

Обнова на сообраќајот преку една линија

Компанијата „Гетлинк“, управувач на Евротунелот, соопштила дека дел од сообраќајот е обновен преку еден од двата тунела, со доцнења од пет часа. Оштетениот воз бил извлечен, а патниците биле предупредени да не патуваат кон Сент Панкрас доколку нивниот воз е откажан.

Првата линија на „Еуростар“ тргнала од Лондон кон Брисел нешто по 16 часот. Возилата што чекале да се качат предизвикале метеж и на автопатот М20 кај терминалот Фолкстоун.

The post ТРГНАА ВОЗОВИТЕ ПОД ЛА МАНШ, НО СЕМЕЈСТВАТА УШТЕ ЧЕКААТ Се скрши новогодишната магија за илјадници патници во Европа appeared first on plusinfo.mk.

Поради проблеми со напојувањето со електрична енергија и дефект на еден воз, денеска е во прекин железничкиот сообраќај низ тунелот под Ла Манш, соопшти железничката компанија „Еуростар“ (Eurostar).

Од компанијата ги повикаа патниците да ги одложат патувањата со возовите што сообраќаат меѓу Франција и Велика Британија, вклучувајќи ги и композициите што превезуваат возила.

„Им препорачуваме на сите наши патници да го одложат своето патување за друг датум. Ве молиме да не доаѓате на станица доколку веќе немате билет“, се наведува во соопштението на „Еуростар“.

Подводниот железнички тунел под Ла Манш е долг 50,5 километри и ги поврзува Фолкстон во Англија со Кокел во северна Франција. Низ тунелот сообраќаат патнички и товарни возови.

The post ПРЕКИН ПОД ЛА МАНШ Возовите меѓу Британија и Франција запрени поради дефект appeared first on plusinfo.mk.

Македонскиот пливач Евгениј Поп Ацев стана петтиот Македонец што го преплива каналот Ла Манш.

„Огромни честитки до Евгениј Поп Ацев од Македонија, кој денес го заврши своето пливање во Каналот за неверојатно време од 9 часа и 43 минути. Евгениј е трикратен светски шампион и е примен во Меѓународната сала на славните за маратонско пливање. Има учествувано на 107 натпревари од светска класа во кариерата што траеше од 2007 до 2021 година. Неверојатно пливање Евгениј…..и благодарност до целиот екипаж на бродот, се вели во информацијата на Асоцијацијата на пливање преку каналот Ла Манш“, се вели во објавата.

Пред Поп Ацев од македонските пливачи Ла Манш го препливаа: Нико Нестор, Атина Бојаџи, Томи Стефановски и Игор Димовски.

The post 📷 ЕВГЕНИЈ ПОП АЦЕВ Е НОВИОТ ГОСПОДАР НА ЛА МАНШ Тој е петтиот Македонец што го покорил каналот appeared first on plusinfo.mk.

Македонската пливачка легенда Томи Стефановски и оваа година, по втор пат, ќе плива за поголема инклузија во спортот. За денеска (14.08.2025) околу 12:30 часот е закажан негов пречек на охридското пристаниште по испливани 16 км.

Со секој испливан километар, Томи ја носи пораката за заедништво и сплотеност – инспирација за сите да го поддржат спортот како место каде секој добива можности.

Повеќе информации и начини за поддршка на лицата со атипичен развој ќе најдете во писмото за донации на следниот линк: [https://drive.google.com/…/1C_aMNz0eJGU3niUW…/view…]

Едно од најголемите достигнувања во кариерата на Стефановски е препливувањето на каналот Ла Манш на 14 август 2009 година. Таа година беше 50-годишен јубилеј од првото препливување на каналот од страна на еден Македонец (Нико Нестор, 1958) и 40-годишнината од препливувањето на првата Македонка (Атина Бојаџи, 1969).

Подвигот на Стефановски траеше 7 часа и 42 минути. Тоа е 13. резултат на вечната листа во 149-годишната историја на препливувањата на каналот (Капетан Метју Веб, 1875).

– На 14 август 2025 година ќе бидат одбележани 16 години од моето препливување на каналот Ла Манш, и по тој повод ќе се одржи хуманитарен настан на кој ќе се обидам да препливам 16 километри по Охридското Езеро од месноста Пештани до црквата „Св. Јован Канео“ во Охрид, па назад до Охридското пристаниште. Мојот јубилеј би сакал да го посветам кон хумани цели, поточно да ја подигнам свеста и да креирам подобри услови за лицата со атипичен развој и инвалидизираните лица во спортот и во физичкото образование. Заедно со вас и вашата поддршка ќе им дадеме можност на многу лица и деца да го достигнат својот потенцијал, да уживаат во благодетите од спортот и да имаат поисполнет живот – изјави Стефановски пред подвигот.

The post ТОМИ СТЕФАНОВСКИ ЌЕ ПЛИВА 16 КМ ПО ОХРИДСКО ЕЗЕРО Испраќа порака за вклучување на лицата со атипичен развој и инвалидизираните лица во спортот appeared first on plusinfo.mk.

Американскиот милијардер Илон Маск денеска предложи Ла Манш да се преименува во „Канал Џорџ Вашингтон“, во чест на првиот американски претседател.

„Ново име за водите што ги делат Англија и Франција“, напиша Маск во објавата на мрежата X, приложувајќи географска карта на теснецот со предложеното име напишано преку него.

Американскиот претседател Доналд Трамп претходно потпиша извршна наредба со која се наредува отпочнување на процесот за преименување на Мексиканскиот залив во „Заливот на Америка“ и нареди во следните 30 дена да се преземат мерки за официјална промена на името.

New name for the water that separates England and France pic.twitter.com/R6Lipj1Dra

— Elon Musk (@elonmusk) January 26, 2025

The post 📷 MАСК ПРЕДЛАГА ДА СЕ СМЕНИ ИМЕТО НА ЛА МАНШ Теснецот меѓу Франција и Англија да биде со „американска“ нота appeared first on plusinfo.mk.

„Поради инфраструктурен проблем на линијата за супербрзи возови во близина на Лондон, принудени сме да откажеме некои линии што поаѓаат од Лондон и чија дестинација е Лондон“, објави компанијата „Еуростар“ на својата веб-страница.

Овие откажувања, кои се случуваат за време на еден од најпрометните викенди во годината, ќе заглават илјадници патници.

Според британската новинска агенција PA, железничкиот сообраќај е во прекин поради поплавен тунел на југот на Англија. Линиите ќе бидат во прекин до крајот на денот бидејќи се очекуваат обилни врнежи.

Патниците од возовите на „Еуростар“ на 21 декември се соочија со голем број откажани линии поради штрајкот што го парализираше тунелот под Ла Манш.

The post 14 ВОЗОВИ ЗАГЛАВЕНИ ПОРАДИ ПОПЛАВЕН ТУНЕЛ КАЈ ЛОНДОН Прекинот ќе трае до крајот на денот, велат надлежните appeared first on plusinfo.mk.

Метеоритот, инаку голем околу еден метар, е виден утрово нешто пред 03:00 часот по средноевропско време.

Многу граѓани беа возбудени од глетката и ја снимаа со своите телефони. Метеоритот најјасно можеше да се во јужна Англија и северна Франција. Паднатото вселенско тело е наречено „Сар 2667“.

The post СРЕДЕ НОЌ СЕ ОСВЕТЛИ НЕБОТО НАД ЛА МАНШ Метеорит влезе и согоре во атмосферата appeared first on plusinfo.mk.

Според снимките што се појавија на социјалните мрежи, патниците морале да ги напуштат своите возила, го напуштиле возот и биле евакуирани пеш преку тунел за вонредни ситуации. Патниците потоа биле транспортирани до терминалот во Фокстон, Кент.

Компанијата која управува со возовите под Ламанш соопшти дека алармите на возот се активирани и дека во тек е истрага.

Портпаролот на Евротунел изјави дека ситуацијата се враќа во нормала и дека таквите инциденти се невообичаени, но не и исклучени. Многу се почести во возовите што превезуваат камиони, отколку оние со приватни автомобили.

Сите патници ќе бидат контактирани од компанијата за да се договори надомест.

Со 37,9 километри ова Ла Манш е најдолг подводен тунел во светот.

The post НЕКОЛКУ ЧАСА БИЛЕ ЗАРОБЕНИ ВО ТУНЕЛОТ ЛА МАНШ Невообичаен инцидент во воз што превезувал патници appeared first on plusinfo.mk.

Бројот на мигранти кои вчера го преминаа Каналот изнесуваше 607, трет пат годинава бројот на мигранти да надмине 600 во еден ден. Вкупниот број на мигранти годинава достигна 20.017.

Минатата година британските власти регистрираа 28.526 мигранти кои пристигнале на британска територија откако го преминале Ла Манш. Минатата година во ова време бројот на овие мигранти изнесуваше нешто повеќе од 11.300.

Досега во август се регистрирани 3.618 мигранти, од кои 1.694 пристигнале во Велика Британија во изминатата недела.

Најголем дневен број на мигранти годинава е забележан на 1 август, кога Ла Манш го преминале 696 со 14 пловни објекти – т.е. на еден брод  во просек имало по 43 луѓе.

The post НИТУ ЛА МАНШ НЕ ГИ СПРЕЧУВА Над 20.000 мигранти преку каналот стигнале во Британија appeared first on plusinfo.mk.