Премиерот Христијан Мицкоски денеска се сретна со Мирослав Лајчак, специјален претставник на ЕУ за Западeн Балкан и дијалогот Белград – Приштина, со кого, како што објави Мицкоски на социјалните мрежи, разговарале за стратешките аспирации на земјава и потребата Европската Унија да се заложи поинтензивно за забрзување на интегративните процеси кои пречесто се оптоварени со билатерални пречки и спорови.

– Ја истакнав заложбата на Македонија за напредок на тој план како и нашите позиции во однос на надминување на пречките со источниот сосед. Македонија заслужува да биде член на европското семејство – напиша Мицкоски на својот официјален фејсбук профил.

Лајчак денеска учествуваше на Седмата пленарна конференција на Националната конвенција за Европската унија во Македонија (НКЕУ-МК), што се одржа во Собранието, каде порача дека членството во ЕУ е најдобрата опција, како за Македонија, така и за регионот во овој момент на нов геополитички контекст.

The post СТРАТЕШКИ РАЗГОВОРИ ПОМЕЃУ МИЦКОСКИ И ЛАЈЧАК Европските амбиции на Македонија ја дефинираат иднината appeared first on plusinfo.mk.

Вака изјавил за медиумот „Политико“ косовскиот премиер Албин Курти изнесувајќи детали од средбите за дијалог со српскиот претседател. „Политико“ забележува дека, иако минатата недела беа на иста средба, двајцата лидери не разговарале директно.

Косовскиот премиер во интевјуто ја обвини Србија за одолговлекување на дијалогот за нормализација на односите меѓу двете држави и изјави дека српскиот претседател, Александар Вучиќ го засолнил лидерот на терористичката група која го изврши минатогодишниот напад во Бањска во северно Косово, Милан Радоичиќ.

Исто така, Курти ги обвини и посредниците на Европската Унија во дијалогот меѓу Приштина и Белград, Жозеп Борел и Мирослав Лајчак, дека не ја оствариле својата улога.

Според косовскиот премиер, „пристапот на Србија не е за нормализација на односите со Косово“.

Како што напоменува „Политико“, Курти изјавата ја дал еден ден откако учествуваше на ручекот организиран во Брисел од Европската комисија со лидерите на Западен Балкан.

– Како е можно (од Белград) да кажат да за Охридскиот договор, а истиот да одбијат да го потпишат? – изјави Курти.

Тој ги обвини и дипломатите на Европската унија, високиот претставник за надворешна политика Жозеп Борел и емисарот за дијалог Мирослав Лајчак за пристрасност во однесувањето кон преговарачките страни.

– Проблемот е што господинот Борел и господинот Лајчак не свират кога има прекршок. Замислете судија кој на фудбалскиот терен излегува без свирче – изјави Курти.

The post КОГА ЈАС ЗБОРУВАМ, ВУЧИЌ СЕ ЖАЛИ Борел и Лајчак „не свират кога има прекршок“, вели Курти appeared first on plusinfo.mk.

Дипломатите имаат средби во кабинетот на косовскиот премиер Албин Курти, а потоа ќе продолжат за Белград, каде што ќе се сретнат со претседателот на Србија Александар Вучиќ.

Петтемина емисари, според информациите на порталот „Газета експрес“, го носат со себе нацрт-статутот на Заедницата на општини со српско мнозинство, подготвен од нивните тимови.

Овој нацрт-статут на Заедницата, според порталот, се заснова на Пакетот на Марти Ахтисари, кој пак е усогласен со Уставот на Косово.

Од претставувањето на француско-германскиот план за решавање на споровите меѓу Косово и Србија, кој беше сработен на почетокот на годинава, Западот инсистира косовската страна да излезе со нацрт-статут за Заедницата на општините со српско мнозинство, што се смета за клучен дел од договорот. Од косовска страна досега нема дејствија на тој план.

На состанокот на 14 септември во Брисел косовската страна го отфрли планот и редоследот предложени од медијаторите, со кои се предвидуваше имплементацијата на Охридскиот анекс да започне со почетокот на изработката на документите за основање на Заедницата во замена за отстранувањето на фуснотата/ѕвездичката, со која Косово е претставено на некои регионални форуми.

Како што е најавено, цел на посетата е да се постигне конкретен напредок во имплементацијата на Договорот на патот кон нормализација на односите меѓу двете држави и деескалација на состојбата по последните случувања во северно Косово.

The post „ГОЛЕМАТА ПЕТОРКА“ ГО ДОНЕСЕ ВО ПРИШТИНА ПЛАНОТ ЗА ЗСО Заедницата на српски општини е клучен дел од договорот appeared first on plusinfo.mk.

Во врска со ова Курти рече дека претставниците Мирослав Лајчак и Жосеп Борел работеле „во хор“ со српскиот претседател Александар Вучиќ против Косово и барале од него итно формирање на Заедницата на српски општини според членот 7 од основниот договор без претходно да бидат спроведени бриселскиот и охридскиот договор, како што вели по лош редослед.

Според Курти, ЗСО не може да биде услов за спроведување на договорот и дека прашањето мора да се реши во рамките на 10-те точки од Основниот договор.

Курти рече дека на трилатералната средба „бев изложен на сценариото што Лајчак одамна го смислил“.

– Ништо не измислив, ниту додадов ништо на планот. Откако Вучиќ и Лајчак заеднички ме одбија, им поставив основно прашање: Бидејќи го одбивте мојот предлог, кажете ми дали Србија некогаш предложила некаков план за редослед (на спроведување на договорот). Лајчак рече да, со целосно убедување, дека и Србија потврдила. Им побарав некаков документ, но не ми дадоа. По многу инсистирање, тој (Лајчак) ми донесе документ за кој ми кажа дека е предлог на Србија за планот за редоследот – рече тој.

Курти вели дека не го прифатил договорот бидејќи „планот на Лајчак го спроведува она што Србија го бара“.

– Им кажав гласно, кратко и јасно – не можам да ви дадам кафе без шолја. Де факто прво признавање. Оти, кој е легалниот, правен извор на таа ЗСО – дали е тоа Уставот на Косово или Уставот на Коштуница. Ако е Уставот на Косово, јас сум тука како премиер на Косово, ако е Уставот на Коштуница – зошто вие самите не го креирате, зошто јас? Ако легалниот и правен извор е Уставот на Србија, тогаш зошто дојдовте овде во Брисел да преговарате со мене? Преговорите со мене имаат смисла бидејќи легален, правен извор на таа Заедница е Уставот на Косово, но тоа не беше прифатено – рече Курти, одговарајќи на прашања на новинарите денеска во Приштина, на заедничката конференција со шефот на преговарачкиот тим, Бесник Бислими.

Тој додава дека разговарале за заедницата, преговарале за нацрт-статутот, но оти, како што вели, српската страна, не само претседателот туку и Владата, „не сака да разговара за духот, карактерот на таа Заедница на Општините“.

– Ако извршните органи го сакаат тоа ЗСО, од кого ќе го земат? Од мојата влада? Не сум лесен човек да ми ги одземат надлежностите… Од општините на Ахтисари? Ова веднаш се коси со Уставот на Косово. Во Републиката нема вакуум. Ако сакате извршни овластувања, тогаш треба да ги земете од некаде. Извршните овластувања ги има мојата влада, општините, оние со српско мнозинство се привилегирани и КФОР. Од каде ги добиваат овие надлежности? Мора да дојдат од некаде. Тоа е главниот проблем што се однесува до ЗСО – изјави тој.

Курти го нарече Договорот од Брисел во 2013 година „најдраг договор за Србија“.

The post НЕ ДАВАМ КАФЕ БЕЗ ШОЛЈА! Курти вели дека Лајчак и Борел работат „во хор“ со Вучиќ appeared first on plusinfo.mk.

– Трето, Владата на Косово ќе даде јавна изјава во која ќе го поддржи одржувањето на изборите во четири северни општини. Четвртата е за поканата што ЕУ ќе ја испрати до главните преговарачи за финализирање на секвенцискиот план за Договорот за нормализација – рече косовскиот премиер Албин Курти.

Курти рече дека четвртина од полицајците ќе бидат распределени на други места во тие општини и ќе си ја продолжат својата работа онаму каде што е најпотребно.

По летото, според Курти, ќе бидат распишани и нови избори, но во законската рамка.

– Владата на Косово ќе даде јавна изјава за поддршка на одржување на предвремени избори во тие општини. Тоа ќе се случи по завршувањето на летната сезона и секако со целосно почитување на законската рамка. Но, за да се постигне ова, неопходно е да се создаде средина што овозможува вистинска кампања, политички плурализам, учество на локалните заедници и што гарантира неповредливост на гласот. Не можеме да правиме компромиси со владеењето на правото бидејќи тоа сериозно би ја поткопало демократијата – вели Курти.

Тој очекува дека договорот со ЕУ ќе влијае на укинување на санкциите против Приштина.

Претседателот на Србија, Александар Вучиќ во врска со ова изјави дека одлуката на Владата на Косово да го намали полициското присуство ќе биде причина да се обвини Србија.

– Сега ќе видите уште еден трик што некои луѓе од Запад се обидуваат да го спроведат. А тоа значи дека ќе речат – вратете се и зборувајте нормално. Деескалација е кога ќе се повлечат 25 проценти од нешто? Господ знае што значи ова, но тие бараат причина да ја обвинат Србија – рече Вучиќ.

Претседателката на Европската Комисија, Урсула фон дер Лајен ги повика Косово и Србија да го спроведат планот за деескалација на ситуацијата на северот на Косово.

– Постои многу јасен и посветен план за деескалација, на кој работеа двете страни претходно оваа година. Ова е апсолутно важно за да се оди напред на мирен начин. И јасно е дека двете страни треба да го исполнат договореното – рече Урсула фон дер Лајен, претседателка на ЕК.

The post ЕУ МУ ДАДЕ ДВЕ НЕДЕЛИ НА КОСОВО Курти се согласи да ги намали полициските сили, но избори ќе има по летото appeared first on plusinfo.mk.

Смирување на ситуацијата на северот на Косово, нови избори и враќање на дијалогот заеднички побараа Мирослав Лајчак од ЕУ и Габриел Ескобар, специјалниот претставник на САД за Западен Балкан.

Нивното барање е упатено до косовскиот претседател Албин Курти. Но, Лајчак и Ескобар изјавија дека се само „на почетокот на мисијата“.

Европските и американските дипломати денеска во Белград ќе ги продолжат разговорите за ситуацијата на Косово со српскиот претседател Александар Вучиќ, откако претходно ја посетија Приштина. Во Приштина Лајчак речиси два часа зборуваше со Курти каде му ги претстави трите барања на ЕУ и САД во средба за која реча дека била „долга, искрена и тешка“.

– Да постигневме договор (за изборите), ќе го кажев тоа – изјави Лајчак по средбата, пренесува Танјуг, повикувајќи се на медиуми од Косово.

Лајчак рекол и дека новите албански градоначалници во општините на северот на Косово се избрани легално, но дека немаат легитимитет.

500 нови војници на НАТО ќе пристигнат од Турција во Косово како засилување по неодамнешните инциденти на северот на Косово, каде повредни беа триесетина припадници на КФОР и педесетина Срби.

The post НОВИ ИЗБОРИ, ДИЈАЛОГ И СМИР-СМИР Три барања за Косово од ЕУ и од САД appeared first on plusinfo.mk.

Веќе со часови трае втората рунда од заедничката средба на српскиот премиер Александар Вучиќ со косовскиот премиер Албин Курти, на која посредуваат шефот на европската дипломатија Жозеп Борел и специјалниот претставник на ЕУ за Западен Балкан, Мирослав Лајчак.

Првата рунда од трилатералната средба траеше нешто повеќе од еден час, по што беше дадена пауза. Втората рунда трае невообичаено долго, а Борел го откажа летот за враќање во Брисел.

Новинарите коишто го следат самитот во Охрид, на кој се разговара за Договорот за нормализација на односите меѓу Косово и Србија, без успех се обидуваат да дознаат што се случува и за што толку долго се разговара.

Во текот на билатералните средби на Вучиќ и на Курти со посредниците, претставникот на САД за Западен Балкан, Габриел Ескобар, ги намали очекувањата од самитот, изјавувајќи дека очекува финализирање на анексот за спроведување на договорот, но не и негово потпишување.

Претседателот Вучиќ уште пред доаѓањето во Охрид најави дека на оваа средба нема ништо да потпише.

Интересно е дека во медиумите во Србија засега нема никакви посериозни шпекулации околу исходот на средбата.

The post ЗАСЕДНАА ВУЧИЌ, КУРТИ И ПОСРЕДНИЦИТЕ И НЕ ИМ СЕ СТАНУВА Можно ли е самитот во Охрид да заврши со изненадување? appeared first on plusinfo.mk.

Во Охрид почна заедничката средба на претседателот Александар Вучиќ и премиерот на Косово Албин Курти, со високиот претставник за надворешна политика и безбедност Жосеп Борел и специјалниот претставник за дијалогот меѓу Косово и Приштина, Мирослав Лајчак.

Претходно Лајчак и Борел одржаа поеднинечни средби во Курти и Вучиќ.

Најавено е дека по заедничката средба, Борел на прес-конференција ќе го соопшти исходот од средбата.

Но, веќе се знае дека самитот во Охрид ќе заврши без потпишување на договорот за нормализација на односите меѓу Косово и Србија. Претставникот на САД за Западен Балкан, Габриел Ескобар изјави дека очекува финализирање на анексот за спроведување на Договорот, но не и негово потпишување.

ВУЧИЌ, КУРТИ И ПОСРЕДНИЦИТЕ ГО „ПЕГЛАА“ ДОГОВОРОТ, НО ПЕНКАЛАТА ОСТАНАА МИРНИ Што се случуваше на средбите во Охрид?

The post ВУЧИЌ И КУРТИ СЕДНАА НА ИСТА МАСА ВО ОХРИД Ништо спектакуларно не се очекува, освен добри фотографии   appeared first on plusinfo.mk.

Доколку нема ЗСО, нема ни договор, посочи специјалниот пратеник на ЕУ за дијалог меѓу  Приштина и Белград, Мирослав Лајчак во интервју за емисијата „Око“ на српската радиотелевизија, пренесува Данас.

– Целта не е некој да победи или да загуби. Целта е да се бара вин-вин ситуација и да се отвори европската врата – изјави Лајчак.

Според него предлогот на ЕУ зборува за нормализација, а не за некаква капитулација. Тој потсети дека средбата во Охрид има за цел страните да се договорат околу исполнувањето и во моментот имаат поддршка од ЕУ каква што не се памети во минатото.

Лајчак денеска ќе ги продолжи разговорите со српскиот претседател Александар Вучиќ и со дел опозицијата во земјата.

The post НЕМА ЗСО, НЕМА ДОГОВОР Лајчак се надева на вин-вин за Белград и Приштина во Охрид appeared first on plusinfo.mk.

Лајчак на Твитер објави дека имал одлична средба со вицепремиерот на Северна Македонија Бојан Маричиќ и дека ѝ е благодарен на Северна Македонија за силната поддршка за дијалогот.

„Со нетрпение ја очекувам следната средба за дијалог во Охрид подоцна овој месец“, напиша Лајчак.

Тој додаде дека со Маричиќ разговарал и за суштински прашања за иднината на Северна Македонија.

Претседателот на Србија Александар Вучиќ по разговорите во Брисел на 27 февруари најави дека следната средба во рамките на дијалогот ќе биде на 18 март во Северна Македонија.

Had an excellent meeting with DPM Marichikj. I am grateful to for its strong support to the Dialogue and am looking forward to the next Dialogue meeting in Ohrid later this month. We also discussed issues of essence to North Macedonia’s future. pic.twitter.com/zqxumS28Tw

— Miroslav Lajčák (@MiroslavLajcak) March 2, 2023

The post ВУЧИЌ И КУРТИ ЌЕ ПРЕГОВАРААТ ВО ОХРИД Лајчак ја потврди следната фаза од дијалогот appeared first on plusinfo.mk.