Возачот на комбето е уапсен на местото на настанот, а истрагата е во тек, изјави портпаролката на локалната полиција.

Таа додаде дека се верува дека станува збор за изолиран инцидент.

Несреќата се случила околу 15 часот по локално време, во градот Амкви со околу 6.000 жители.

Канадскиот премиер Џастин Трудо упати сочувство за несреќата.

The post КОМБЕ ГАЗЕШЕ ЛУЃЕ НА ТРОТОАР Двајца загинати и деветмина повредени во инцидентот во Квебек (ВИДЕО) appeared first on plusinfo.mk.

– Работиме на нов данок за сите возрасни кои одбиваат да примат вакцина против коронавирусот бидејќи тие претставуваат финансиски товар за сите граѓани – рече премиерот на покраината, Франсоа Лего.

Лего додаде дека 10 отсто од граѓаните на Квебек не примиле вакцина и нагласи дека останатите 90 отсто вакцинирани не треба да страдаат поради нив. Според него, тие 10 отсто невакцинирани возрасни лица претставуваат 50 отсто од луѓето на одделенијата за интензивна нега во болниците.

Во Квебек, кој има околу 8 милиони жители, моментално се хоспитализирани вкупно 2.742 лица, а околу 255 луѓе се на одделенијата за интензивна нега.

The post КВЕБЕК ВОВЕДЕ ДАНОК НА НЕВАКЦИНИРАНИ Не треба да страдаат 90 отсто вакцинирани appeared first on plusinfo.mk.

Млад човек облечен во средновековна облека и вооружен со меч уби две лица и рани петмина во синоќа во центарот на Квебек. Набрзо беше уапсен.

„На крајот од потрагата во стариот дел на градот, уапсивме маж на дваесетгодишна возраст во еден часот по полноќ по локално време“, изјави за медиумите Етиен Дојон, портпарол на полицијата.

„Според наше прво сознание, осомничениот го стори тоа од лични причини, а не од која било друга причина“, се вели во полицискиот твит.

Мажот е официјално идентификуван, но полицијата не го објави неговиот идентитет ниту откри дали тој бил претходно познат на нивните служби.

The post Момчето во Квебек убивало од лични причини appeared first on plusinfo.mk.

Монтреал е средиште на корона кризата во Канада, а покраината Квебек е седмото најсмртоносно место на светот по бројот на дневни смртни случаи, објави „Гардијан“.

Монтреал, град кој туристичките водичи го прогласуваат за „Европа на Северна Америка“, поради својата богата култура и начинот на живот, е епицентар на епидемијата од ковид -19 во Канада.

Од 70.000 заразени и 5.000 мртви во цел Квебек, во овој град од два милиони жители, има 20.000 заразени и повеќе од 2.000 починати, или околу 64 отсто од вкупниот број починати во целата провинција.

Во принцип градот се придржува до наредбите за останување дома. Но, зошто тогаш толку луѓе се разболуваат и умираат?

Многумина заразени со коронавирусот се луѓе кои веќе доживуваат системска нееднаквост, сиромаштија и дискриминација – што ги отвора прашањата кои постоеја многу пред вирусот и кои сега се уште повидливи.

Прво, се работи за старите луѓе. Монтреалски „Ле прес“ откри дека локалниот старечки дом, познат како „CHSLD“, прикрил смрт на 31 штитеник. Повеќето од нив починале откако поголем број од персоналот ја напуштило установата, а последните денови старите лица ги поминале без вода, храна и чисти пелени.

Податоците на покраината Квебек покажуваат дека околу 82 отсто од починатите живееле во старечки домови. Од вкупно 2.003 мртви во Монтреал, 74 отсто биле постари од 80 години, а 97 отсто постари од 60 години.

Другиот дел од приказната за Монтреал е приказна за мигрантите, жители на населбата Северен Монтреал, една од најсиромашните населби во цела Канада, каде живеат голем број азиланти. Половина од жителите на оваа населба се припадници на видливото малцинство, а 42 проценти се имигранти. Многу од нив сега работат без државјанство, во старечки домови, а потоа си одат дома во пренатрупани станови кои ги делат со семејството и пријателите.

Секој петти заразен жител на Монтреал е здравствен работник, а од нив никој не добива надомест за опасност. Во населбата Северен Монтреал заразени се 23 отсто од луѓето, тврди активистот на заедницата Вил Проспер.

– Луѓето кои не така одамна сакавме да ги избркаме, сега се грижат за нас – вели Проспер.

Слично е и со другите области на Монтреал тешко погодени од епидемијата: ниските примања, големите заедници на имигранти, многу луѓе со друга боја на кожата, живот со лош квалитет.

Нарџес Мустафа, активистка и претседателка на организацијата за зајакнување на младите „Худсток“, наведува долг список на причини заради кои ковид-19 толку длабоко ја погоди оваа населба: недостаток на здравствени услуги, луѓето кои живеат во пренатрупани станови, лоши односи со полицијата.

Исто така, 42 проценти од популацијата е составена од семејства со еден родител, што дополнително ја отежнува грижата за децата. Недостаток на пристап до интернет го отежнува добивањето каква и да е помош и информација, кои се пренесуваат единствено на тој начин.

– Способноста за социјална дистанца е привилегија. Тешко е да се применат мерките во Северен Монтреал – вели таа.

The post Поради овие причини Монтреал е жариштето на ковид-19 во Канада appeared first on plusinfo.mk.

Трудо додаде дека тие припадници на канадските вооружени сили имаат медицинска обука.

Извор на канадската Влада соопшти дека над 2.000 луѓе се пријавиле и се подготвени да волонтираат во Квебек, каде што Ковид-19 зарази луѓе во повеќе домови за стари лица.

Трудо, исто така, објави дека Отава ќе ослободи милијарда долари дополнителни финансиски средства за агенциите за регионален развој.

Премиерот најави дека ќе му помогне и на секторот за уметност, култура и спорт со 500 милиони долари.

Канада планира да инвестира 1,7 милијарди долари за финансирање на деконтаминација на напуштените нафтени наоѓалишта, за зачувување работни места во енергетскиот сектор и создавање нови.

Според најновите информации, Квебек има 15.557 потврдени случаи на заразени со новиот коронавирус и 630 смртни случаи од кои половина од смртните случаи се во домови за грижа за стари лица

The post Армијата ќе помага во покраината Квебек appeared first on plusinfo.mk.