Град Скопје го бележи најдобриот прв квартал во својата историја според реализацијата на капиталните инвестиции, соопшти градската администрација, посочувајќи дека за првпат е постигната рекордна реализација уште во првите месеци од годината.

Според податоците од Градот, во Основниот буџет за 2026 година биле планирани капитални инвестиции во износ од 1,85 милијарди денари, што претставува зголемување од 32,4 проценти во однос на претходната година. Во првиот квартал биле реализирани 335,75 милиони денари, односно 18,12 проценти од вкупно планираните капитални инвестиции, што претставува најдобар резултат досега за овој период од годината.

Од Град Скопје истакнуваат дека позитивниот тренд продолжува и во вториот квартал. Само во април биле реализирани капитални инвестиции во вредност од 464,45 милиони денари, што е највисока априлска реализација во историјата на градот. Заклучно со 8 мај 2026 година, реализацијата надминала 480 милиони денари, односно веќе се реализирани 26 проценти од планираните капитални инвестиции за целата година.

Во соопштението се наведува дека резултатите се постигнати и покрај, како што велат, наследените долгови, нефункционалните системи и тешката финансиска состојба во јавните претпријатија. Градската администрација оценува дека со дисциплинирано и одговорно работење започнала стабилизација на системот и враќање на редот во функционирањето на институциите и јавните служби.

Паралелно со капиталните инвестиции, обезбедени биле средства и за исплата на наследени субвенции за велосипеди, азбестни кровови, инвертер-клими, чистење оџаци, средношколски стипендии и други мерки за граѓаните.

Дополнително, за јавните претпријатија биле обезбедени повеќе од 467,9 милиони денари субвенции за „Паркови и зеленило”, „Комунална хигиена”, „Дрисла”, „Лајка”, „Улици и патишта” и ЈСП, со цел стабилизација на нивното работење и подобрување на јавните услуги.

Од Градот информираат и дека во изминатите 4,5 месеци обврските на јавните претпријатија биле намалени за околу 38,5 милиони евра, при што најголемо намалување е регистрирано во ЈП „Водовод и канализација”. Воедно, обврските на Град Скопје биле намалени за околу 11,6 милиони евра, а исплатени биле и долгови по основ на експропријација, тужби и преземени обврски.

Од градската администрација порачуваат дека ова е само почеток на процесот на стабилизација и развој на Скопје, со најави за продолжување на инвестициските активности и реализација на нови проекти во интерес на граѓаните.

Во објава на Фејсбук градоначалникот на Скопје Орце Ѓорѓиевски ги поздрави ваквите резултати во работењето на градската администрација.

„Кога се работи со љубов, почитувани мои скопјани, со посветеност и јасна визија, резултатите не можат да изостанат. И покрај затекнатиот хаос, наследените долгови, нефункционалните системи, парализираните јавни претпријатија и град кој со години беше оставен без вистинско водство, успеавме за краток период да го исправиме Скопје на нозе

Денес, со гордост можам да кажам дека Град Скопје го бележи најдобриот прв квартал во својата историја, со највисока реализација на капитални инвестиции досега“ – напиша Ѓорѓиевски.

Градоначалникот вели дека веќе може да најави дека и реализацијата на капиталните инвестиции во вториот квартал ќе биде рекордна.

„Наследивме долгови, проблеми и нефункционалност. Но не баравме изговори. Работевме и решававме. Стабилизиравме. Инвестиравме. И денес, Скопје бележи историски резултат.

Ова е само почеток, почитувани! Продолжуваме со уште посилно темпо, со уште повеќе работа за Скопје да стане функционален, уреден, модерен и достоинствен град, каков што заслужуваат сите негови граѓани“ – напиша градоначалникот Орце Ѓорѓиевски на својот профил на Фејсбук.

The post ЃОРЃИЕВСКИ • НАЈДОБАР ПРВ КВАРТАЛ ВО ИСТОРИЈАТА НА СКОПЈЕ! Убедливо најдобра реализација на капитални инвестиции! appeared first on plusinfo.mk.

Градежништвото и секторот транспорт и складирање се двигатели развојот со раст од 7,3% и 6%, соопшти ВМРО-ДПМНЕ коментирајќи ги економските политики на владата во однос на, како што велат, економскиот пустош наследен од СДСМ.

Според ВМРО-ДПМНЕ економијата се стабилизираше, додека, како што се вели во текстот, четири квартали последователно, бруто домашниот производ расте со три или над 3%.

„Со ВМРО-ДПМНЕ на власт веќе почна постепеното заживување и развој на целокупното стопанство. Во второто тримесечје од годинава, бруто домашниот производ во Македонија порасна за 3,4%, додека градежништвото и секторот транспорт и складирање се двигатели развојот со раст од 7,3% и 6%.

Сето ова резултира и со отворање повеќе и подобро платени работни места и намалување на невработеноста. Имено, во вториот квартал годинава, споредено со истиот период лани, стапката на невработеност е намалена на 11,5%, односно еден процент помалку.

Преточени во бројки овие проценти значат дека денес имаме околу 10.000 нови вработени и за седум илјади помалку невработени.

Позитивни резултати има и кај надворешната трговска размена, така што во јули извозот порасна за 4,69%, додека во периодот од јануари до јули извозот е зголемен за 5,41%.

Ова не се само статистички проценти, туку реални резултати на одговорни и добро проектирани мерки и политики кои значат подобри услови за економијата, повеќе работни места и подобар живот за граѓаните.

Овие податоци се потврда дека ВМРО-ДПМНЕ знае, сака и умее со посветена и чесна работа да покаже резултати во интерес и за подобар живот на сите, велат од партијата во соопштение до јавноста.

The post ГРАДЕЖНИШТВОТО ПОРАСНА ЗА 7,3, ТРАНСПОРТОТ И СКЛАДИРАЊЕТО ЗА 6% Четири квартали по ред економијата се зголемува за 3% и повеќе appeared first on plusinfo.mk.

Компанијата ОКТА оствари силна профитабилност во првиот квартал од 2025 година во услови на меѓународно опкружување исполнето со предизвици, велат од ОКТА во соопштение. Компанијата ги претстави финансиските резултати во табела.

*Прилагодена на ефектот на вреднување назалихите

„Во првиот квартал од 2025 година, цените на суровата нафта се движеа помеѓу 60 и 68 долари за барел што претставува намалување во однос на опсегот од 68 до 93 долари за барел, во првиот квартал од 2024 година. Ваквиот пад првенствено беше предизвикан од неизвесноста околу развојот на глобалниот трговски протекционизам, инфлаторните притисоци и геополитичките тензии. Инфлацијата доведе до повисоки трошоци за производство, додека геополитичките прашања го дестабилизираа пазарот. Како резултат на трговските тензии, проекциите за растот на глобалната побарувачка за нафта беа намалени,  за разлика од општото зголемување на цените во првиот квартал од 2024 година, предизвикано од геополитички ризици и нарушувања во снабдувањето“, се вели во анализрата на ОКТА.

Понатаму во текстот се вели дека „обемот на продажба во првиот квартал од 2025 година изнесуваше 247 илјади М³, со пад од 10% споредено со истиот период минатата година. Производите беа пласирани на двата пазари на кои компанијата традиционално работи (домашниот и извозниот), при што извозот учествуваше со 24% во вкупниот обем на продажба“.

Бруто-добивката на ОКТА достигнала 269 милиони денари, што, како што се вели во анализата, претставува намалување од 9% споредено со истиот период минатата година. Добивката пред оданочување изнесува 107 милиони денари.

„Прилагодената ЕБИТДА за периодот достигна 137 милиони денари, бележејќи годишен раст од 25%. Ова е резултат од зголемената продажба на домашниот пазар, зголемените чисти извозни бруто-маржи, повисоката бруто маржа на електрична енергија и намалувањето на оперативните трошоци за 5%. Остварената ЕБИТДА забележа пад од 15% споредено со истиот период лани, главно поради  негативниот ефект на вреднување на залихите од 20 милиони денари, наспроти позитивниот ефект од 28 милиони денари постигнат во претходната година“, истакнуваат од ОКТА.

Комопанијата нагласува дека инвестирала во проекти за обновливи извори на енергија.

„Во согласност со своите стратешки приоритети и одлуката да ги зајакне инвестициите во почисти извори на енергија и да ги намали емисиите на јаглерод диоксид, компанијата инвестираше 9 милиони денари во проекти за обновливи извори на енергија во текот на првиот квартал од 2025 година. Овие тековни инвестиции не само што придонесуваат кон одржливоста на животната средина, туку обезбедуваат и  значителни економски придобивки“.

ОКТА вели дека за компанијата 2025 година започнала со фокус на децата и младите.

„Посветеноста на компанијата на својата стратегија за ООП останува цврста и доследна, особено во поглед на поддршката на средината и заедницата каде што ОКТА работи. Годината започна со фокус на иднината на земјата – децата и младите. Преку нашата годишна донација од 6.000 литри екстра лесно масло за греење на СОС Детското село во Скопје, обезбедивме доволни количини за целосно покривање на потребите за греење за целата година. Ваквиот придонес значително ги подобрува условите за живот на децата без родителска грижа“, се вели во соопштението.

Во текот на првиот квартал од годината, ОКТА ја најави својата програма за стипендии за постдипломски студии во земјата и во странство.

„Оваа иницијатива го поддржува нашето уверување дека инвестирањето во образованието и новата генерација значи инвестирање во поодржлива и посигурна иднина. Нашите вработени пак, повторно ја покажаа својата посветеност на општествената добробит преку учеството во првата традиционална крводарителска акција за оваа година, потврдувајќи ја својата непоколеблива посветеност на хуманоста и благосостојбата на заедницата“, порачува компанијата.

Понатаму во текстот се вели дека „ОКТА има за цел да ја задржи својата лидерска позиција на локалниот пазар преку обезбедување на редовно и непрекинато снабдување со горива од највисок квалитет до своите клиенти на пазарите на кои работи“.

Компаниајата вели дека ја подобрува и својата ефикасност, но и дека придонесува за подобро општество.

„Унапредувајќи ги своите иницијативи за автоматизација, компанијата работи на подобрување на својата организациска ефикасност, намалување на трошоците и поставување на цврста основа за идни остварувања. Преку прифаќање на иновациите и приспособливоста, ОКТА не само што обезбедува континуитет, туку и придонесува за подобрување на општеството, поттикнувајќи одржлив напредок и стабилност за сите“.

The post ОКТА ОСТВАРИ СИЛНА ПРОФИТАБИЛНОСТ ВО ПРВИОТ КВАРТАЛ Годината започна со предизвици на меѓународниот пазар appeared first on plusinfo.mk.

– Економијата покажува значителни знаци на опоравување и стабилизирање – резултат на политиките што ги спроведува Владата. Потврда за истото стигнува од објавените податоци на Државниот завод за статистика за раст на БДП во последниот квартал од 2024 година од 3,2%. Затекнавме економија која беше во стагнација со раст на БДП од 1,2% во првиот квартал, 2,3% во вториот квартал. Тоа бараше итни и неодложни мерки на краток рок за да овозможиме економијата да почне да се опоравува и да се фокусираме на политики коишто ќе овозможат засилена економска активност со просечни стапки од 5 проценти – напиша министерката за финансии на својот ФБ профил.

Таа додава дека инвестициите се главна карика на концептот на оваа Влада и дека со тој концепт ќе се продолжи и во наредниот период.

The post ЕКОНОМИЈАТА СЕ ОПОРАВУВА И СТАБИЛИЗИРА Димитриеска Кочоска објави дека во четвртиот квартал растот на БДП е 3,2 проценти appeared first on plusinfo.mk.

– Задоволни сме од постигнатите резултати и финансискиот раст во сите клучни сегменти на работењето – велат од компанијата, додавајќи дека и во иднина ќе се фокусираат на иновации и на подобрување на услугите за своите корисници.

Награди и признанија за најдобра мрежа

Македонски Телеком ја освои престижната награда на Ookla® за најдобра мрежа, врз основа на анализи кои покажуваат дека компанијата нуди најголема брзина и најдобар квалитет на мобилната и фиксната мрежа во земјата.

– Нашите постојани вложувања во инфраструктурата и новите технологии овозможуваат супериорна услуга и најдобра покриеност со оптика – посочуваат од Македонски Телеком.

Компанијата денес има 339 илјади пристапи до оптика, со 12 проценти раст во споредба со истиот период минатата година, а нејзината 5G мрежа е достапна за 93 проценти од населението.

Супериорно корисничко искуство и нови програми за наградување

Компанијата продолжува со пораст на корисничката база во сите сегменти, вклучувајќи и широкопојасен интернет, каде што бројот на корисници е зголемен за 3,8 проценти.

– Со нашата програма Magenta Moments, достигнавме бројка од 230 илјади задоволни корисници – изјавија од компанијата.

Програмата, која обезбедува награди и поволности, е значаен дел од стратегијата на компанијата за подобрување на корисничкото искуство.

Во мобилниот сектор, Македонски Телеком има стабилна пазарна позиција со удел од 47,9 проценти и база од 1,3 милиони корисници, додека во фиксната телефонија останува лидер со 62,5 проценти удел.

MagentaTV – Лидер на ТВ пазарот

На ТВ пазарот, Македонски Телеком продолжува да биде на првата позиција со 35,3 проценти пазарен удел. Новата дигитална телевизија, MagentaTV, се наметнува како најдобар избор за корисниците благодарение на своите напредни функции и иновативно ТВ искуство. Бројот на ТВ корисници на компанијата се зголеми за 4,1 проценти, со што базата достигна 155,4 илјади корисници.

– Горди сме што MagentaTV ги надминува очекувањата на нашите корисници и им овозможува уникатно дигитално доживување – додаваат од Македонски Телеком.

The post МАКЕДОНСКИ ТЕЛЕКОМ СО РАСТ И СТАБИЛНИ РЕЗУЛТАТИ Компанијата се пофали со финансискиот пораст и наградата за најдобра мрежа appeared first on plusinfo.mk.

Вкупниот раст на приходите од продажба е комбинација на растот остварен во продажбата на домашниот пазар, каде во третиот квартал од оваа година е регистрирано зголемување од 68%, и од натамошното зголемување на продажбата на странските пазари од што се остварени приходи кои се за 20,7% повисоки од лани.

Кумулативно, за изминатите девет месеци од оваа година, „Реплек АД“ оствари продажба на домашниот пазар во вредност од близу 5,3 милиони евра, што е за 54,8% повеќе од лани, како и продажба на странските пазари во вредност од над 16 милиони евра, што е за 17% повисоко од остварувањето во истиот период минатата година

– Задоволни сме од остварените резултати во овој период на годината, кои ги надминаа и нашите првични очекувања предвидени со годишниот план за продажба. Ваквиот позитивен тренд е резултат на големата посветеност и енергија што ја вложува целокупниот тим на Реплек во реализација на нашата компаниска развојна стратегија која се темели на инвестиции и модернизација, градење на силно портфолио на производи и јакнење на пазарните позиции, како и унапредување на задоволството на вработените. Уверен сум дека позитивните резултати кои ги бележиме во континуитет во изминатиот период ќе ни влеат дополнителна енергија и мотив за реализација на нашата визија за развој на Реплек како современа, динамична компанија која со своите континуирани успеси и понатаму ќе дава значителни придонес за развојот на македонската економија, истовремено креирајќи дополнителна вредност за вработените, акционерите и за сите наши партнери – изјави Душан Пецовски, главен и извршен директор на „Реплек АД“.

Растот на приходите од продажба во деветте месеци од оваа година ја прави повеќе од извесна реализацијата на предвидувањата за очекуваните годишни приходи од продажба, кои според финансискиот план за 2024-та се очекува да достигнат околу 31 милион евра, што е за околу 23% повеќе во однос на претходната година.

The post „РЕПЛЕК“ ПРОДОЛЖУВА СО ИМПРЕСИВНИТЕ РЕЗУЛТАТИ Компанијата бележи раст на приходите од 24,3% во првите 9 месеци appeared first on plusinfo.mk.

Успешното работење продолжува како резултат на фокусот на модернизацијата и ширењето на мрежата, пионерството во воведувањето нови технологии и посветеностa на најдоброто корисничко искуство.

„Оперативната добивка пред камати, оданочување и амортизација (EBITDA) е зголемена за 4,4 проценти споредено со минатата година, а нето добивката е во пораст од дури 15,2 проценти. Приходите од продажбата се зголемени за 3 проценти во споредба со истиот период од претходната година и изнесуваат 2.967 милиони денари“, велат од компанијата.

The post ПРИХОДИ ОД ПРОДАЖБА ОД 2.967 МИЛИОНИ ДЕНАРИ Македонски телеком оствари импресивни резултати од првиот квартал appeared first on plusinfo.mk.

Оперативната добивка пред камати, оданочување и амортизација (EBITDA) е зголемена за 11,6 проценти споредено со истиот период минатата година, а нето добивката е во пораст од дури 29,7 проценти. Приходите од продажбата се стабилни и кај нив се бележи раст на приходите од основниот бизнис од 5,3% во мобилниот сегмент и 4,3% во фиксниот сегмент.

Ширење и развој на гигабитна мрежа

Доследни на нашата определба да ги поврземе сите, продолжуваме со интензивното ширење на оптичката и 5G инфраструктура на целата територија. Во првите девет месеци од годината, бројот на оптички пристапи е зголемен за 13% и изнесува 303 000. Ова е резултат од масовната миграција на корисниците од бакар на оптика во сите делови од државата каде што има оптичко покривање. Продолжува ширењето и на 5G мрежата, којашто сега можат да ја користат 82% од населението со гигабитни брзини во повеќето градови во Македонија.

Фокус на задоволството на корисниците

Расте бројот на корисници во сите сегменти, што е резултат на нашата посветеност да им пружиме на корисниците врвни услуги и постојана поврзаност секогаш и секаде. Остануваме број 1 според TRI*M индексот за мерење на задоволството на корисниците, којшто на крајот на третиот квартал бележи зголемување и изнесува 94 поени.

Бројот на корисници на широкопојасен интернет е зголемен за 2,8 проценти и изнесува 208,7 илјади, а вкупниот број на интернет пристапи порасна за 2,7 проценти.

Ја задржуваме лидерската позиција на ТВ пазарот со удел од 33,6 проценти и раст од 1,1 проценти или 149,3 илјади корисници. И во мобилните комуникации се бележи зголемување на базата на корисници за 2,8 проценти, со што бројот на корисници достигна 1,33 милиони. Во фиксната телефонија, остануваме на водечката позиција со удел од 61,8 проценти и 227 илјади корисници на крајот од првите девет месеци од 2023 година.

– Стабилниот раст продолжува и во третиот квартал од годинава и покрај сите предизвици. Продолжуваме со силен фокус да инвестираме во гигабитна мрежа којашто ќе овозможи целосна поврзаност и подеднакво учество во дигиталниот свет. Горди сме на порастот на бројот на корисници во сите сегменти, како и на високиот индекс на корисничко задоволство, TRI*M, според кој сме број еден повеќе години и кој достигна 94 во третиот квартал. И покрај сите неизвесности коишто влијаат врз глобалната економија, ќе продолжиме да работиме за да ги надоместиме негативните трендови и да овозможиме најдобро корисничко искуство – истакна Славко Пројкоски, главен директор за финансии на Македонски Телеком.

The post МАКЕДОНСКИ ТЕЛЕКОМ ЈА ЗАДРЖУВА ЛИДЕРСКАТА ПОЗИЦИЈА Интензивно ја шири оптичката и 5G мрежата appeared first on plusinfo.mk.

Американскиот реален бруто домашен производ (БДП) во периодот од април до крајот на јуни се намали со годишна стапка од 0,9 отсто, се вели во извештајот на Министерството за трговија во Вашингтон.

Во првиот квартал од 2022 година, најголемата светска економија се намали за 1,6 отсто по годишна стапка.

Со неочекуваниот пад на БДП-то втор квартал по ред, најновите податоци сигнализираат дека американската економија е во техничка рецесија. Имено, економистите очекуваа раст на БДП од 0,5 отсто.

Во извештајот на Министерството за трговија понатаму се забележува дека падот се јавува во контекст на континуирана инфлација, ниска невработеност, континуирани предизвици во синџирите на снабдување и зголемување на клучните каматни стапки.

Годишната стапка, која покрај САД, ја користат само Јапонија и Канада, ја покажува стапката со која БДП би опаѓал за една година (4 квартали) доколку падне во секој квартал со истата стапка со која паѓал во претходниот квартал во однос на претходните три месеци.

Во однос на првиот квартал, американскиот БДП падна во вториот квартал за 0,2 отсто, покажуваат првите проценки на Министерството.

The post ЕКОНОМИЈАТА ПРОДОЛЖИ ДА ПАЃА Технички САД е во рецесија appeared first on plusinfo.mk.

Прилагодената заработка по акција беше 2,27 долари, додека аналитичарите анкетирани од компанијата за собирање и обработка на финансиски податоци, Refinitiv, најавуваа дека ќе биде 2,07 долари по акција. Мајкрософт во извештајот забележа дека околу 3,3 милијарди долари од неговата добивка е резултат на еднократниот прилив врз основа на олеснување на данокот на доход добиен од трансферот на нематеријални производи, но додаде дека заработката без таа придобивка ќе биде 2,27 долари по акција.

Вкупниот приход на компанијата порасна за речиси 22 отсто, од минатогодишните 37,15 милијарди долари на 45,32 милијарди долари во тој квартал, аналитичарите предвидуваа дека ќе изнесуваат 43,97 милијарди долари. Ова е највисоката стапка на раст на приходите од 2018 година.

The post РАСТЕ БОГАТСТВОТО НА БИЛ ГЕЈТС Мајкрософт оствари квартален профит од над 20 милијарди долари appeared first on plusinfo.mk.