– Подобрувањето на достапноста на современата терапија и дијагностика за онколошките пациенти во Република Македонија, почна во 2018 со стратегија за подигнување на здравствената грижа на граѓаните, која беше на иницијатива на министерот за здравство д-р Венко Филипче, информираат од министерството за здравство.

Со решавањето на долгогодишниот проблем со паралелниот увоз на лекови, сега сите пациенти со малигни заболувања се сигурни дека примаат оригинална терапија и терапија при чие транспортирање се запазени сите мерки на добра дистрибутивна пракса (ладен ланец и сл.).

– Во изминатите четири години овозможивме широка достапност на иновативна терапија според високите стандарди на земјите од Европската Унија. Над триесет нови молекули кои во моментов не се на позитивната листа на лекови, станaa достапни за граѓаните на кои им е неопходен третман, пред се за пациенти со тешки хронични и онколошки заболувања. Во делот на онкологија стана достапна биолошка терапија за цервикален канцер и оваријален канцер, како и за канцер на дојка, бели дробови, колоректален канцер, меланом и др. Сега, повеќе нема пациент со карцином на дојка за кој не е обезбедена најквалитетна, иновативна биолошка терапија и можност за скрининг во повеќе центри низ земјата. Пациентите имаат можност да се третираат според најновите препораки на Европската асоцијација на медицински онколози од 2021 година, што е голем напредок – рече министерот за здравство.

Министерот Филипче истакна дека набавена е иновативна терапија за ХЕР2 позитивен карцином на дојка, за рана и метеастатска болест. Оваа терапија им дава најдобра шанса за излекување и долготрајна ремисија на над 200 пациенти кои ја имаат оваа многу агресивна форма на рак на дојка.

– Обезбедивме и нова субкутана формулација за пациентките кои се борат со HER2 позитивен карцином на дојка. Станува збор за повеќе од 100 пациенти на годишно ниво кои сега можат да ја примат терапијата само за 5 минути за разлика од интравенските инфузии кои траат два и повеќе часa.Особено е важно што ова е во насока на превенција и заштита на оваа ранлива категорија на пациенти во актуелната ковид-пандемијата. Со комбинирање на делотворните целни терапии и прецизната дијагностика како што се моментално достапните генетски анализи и сеопфатното геномско профилирање кое планираме да го воведеме наскоро, придонесуваме за унапредување на концептот на персонализирана медицина. Нашата визија е обезбедување на ефикасна и безбедна терапија за пациентите согласно нивниот единствен геномски профил. Секој човек е уникатен, затоа се стремиме секое лице кое се бори со канцер да добие најсоодветен третман за неговата специфична болест и со тоа да добие најдобра шанса за излекување и квалитетен живот – рече на Конференцијата министерот Филипче.

The post ФИЛИПЧЕ ЗА КАРЦИНОМОТ НА ДОЈКА Нема пациент за кој не е обезбедена најквалитетна терапија appeared first on plusinfo.mk.

Инаку станува збор за видео-концерт во времетраење од речиси еден час, каде може да ги слушнете најголемите странски и домашни хитови.

Како што велат од бендот, со овој проект сакале да испратат и порака до својата публика до сите оние кои ја сакаат музиката.

– По повеќе од година и половина рестрикции, ограничувања, карантини решивме преку овој аудио-видео проект опфаќајќи што повеќе жанрови и музички правци сакаме да испратиме една и единствена порака – Ја славиме музиката, го славиме животот. Се надеваме ќе ви се допадне – порачуваат од групата.

Целта на нивната објава до сите медиуми во земјата е да се поддржат македонските музичари!

Инаку покрај квалитетот на аудио-снимката, момците се потрудиле буквално за сите детали. Од прекрасна локација за снимање, разновидни инструменти, стајлинг и сè што е потребно останато …

Погледнете го најновото видео групата „Арија“ и уживајте во квалитетната музика.

ИНСТРУМЕНТИ:
Тапани: Ставре Ставрев
Бас: Никола Автовски
Клавијатури: Благоја Перуновски
Гитара & Вокал: Горан Милошковски
Саксофон, Тромбон: Здравко Ангелов

Женски вокал: Јулијана Николовска
Машки Вокал: Филип Пешевски

Аудио: Blackmagic studios
Микс: Никола Автовски
Мастеринг: Љупчо Павловски
Светло: Студио Фантазија

Оператори:
• Атанас Алексов
• Шаба Вајлд Младеновски
• Мартин Алексов

Видео од: Black Magic Studios

The post ЈА СЛАВИМЕ МУЗИКАТА, ГО СЛАВИМЕ ЖИВОТОТ Групата „Арија“ со подарок за својата публика (ВИДЕО) appeared first on plusinfo.mk.