На прашање дали со неговата изјава дека додека е премиер нема да има етнички вработувања ја демантирал изјавата на неговиот заменик Изет Меџити дека ќе бидат вработени 2000 до 3000 Албанци, Мицкоски во интервју за ТВ Алсат одговори „тоа можете како сакате да се сфати“.

– Во суштина, нема да има политички вработувања, нема да има партиски вработувања, без разлика дали таа партија е етнички албанска, турска, ромска, српска, повеќеетничка, македонска итн. Ценам дека треба да го надминеме оној Рубикон кога функциониравме по принципот „како до сега“ и партиски препораки, треба да се гледа квалитетот бидејќи ако сакаме да одиме напред, и ако сакаме да создадеме општество во кое сакаме да живееме тогаш треба да гледаме квалитет, а не да гледаме било какви партиски препораки… Јас познавам многу квалитетни и Албанци, и Срби, и Турци, и Роми, и Македонци… – рече Мицкоски.

Посочи дека е во фаза изработка на законот кој ќе гарантира правила на застапеност на етничките заедници и на централно, и на локално ниво.

– Затоа што во некои заедници и Македонците се помалкуброен етникум, како што е, да речеме, во Тетово, во Гостивар итн. Работиме на тој закон и цениме дека многу скоро од денеска ќе биде готов. Идејата и концептот е готов уште во декември, но сакаме да вклучиме во процесот професори по уставно право, коишто ќе дадат толкување. Уставни експерти го анализираат, меѓу себе се консултираат и дебатираат и цениме дека кога ќе биде готов концептот како таков, пред да биде однесен во собраниска процедура, ќе биде испратен на Венецијанска комисија на мислење за да нема можност никој потоа од тоа да прави политика – рече Мицкоски во гостувањето во Дневникот на ТВ Алсат.

Суштината, рече, не е во тоа колку брзо законот ќе биде донесен, туку да биде решение „кое во моментов ќе ни гарантира вистинска правична застапеност, но и уставност“.

Додаде и дека откако е претседател на Владата не отворил етнички теми зашто сака главно да се фоксуира на економија, развој и подобар живот.

– Затоа што ако постојано се занимаваме со политички и етнички теми кои ќе произлезат од опозицијата, ќе има помалку простор да се занимаваме со вистинските работи и вистинскиот живот, зашто сите граѓани сакаат да живеат убаво – истакна премиерот.

Одговори дека никому „слепо не верува“ откако беше прашан дали слепо му верува на неговиот заменик Изет Меџити, откако Владата вчера експресно ги отфрлила наводните докази на СДСМ и ДУИ за незаконско работење на првиот вицепремиер.

– Јас никому слепо не верувам, но тоа што го доставија СДСМ и ДУИ е навистина класично политиканство. Нема никаква врска ниту со прекршување на закон, ниту, пак, има било каква суштина… Требаше во Обвинителство, но тие мене ме повикуваа. Тие не го повикуваа обвинителот, туку мене ме повикуваа. И затоа мојот одговор беше таков – ако имате било какви докази, тогаш доставете ги. Тие ги доставија, тоа што го доставија, би рекол, нема никаква суштина, ниту па елементарна основа за било што, така што, тука се затвори таа тема – рече Мицкоски.

The post ЏАБЕ КНИШКА, НЕМА ПОВЕЌЕ ПАРТИСКИ ВРАБОТУВАЊА Мицкоски најави нов закон, работа ќе се добива според квалитетот appeared first on plusinfo.mk.

Договорот го потпишаа директорите на двете институции – Влатко Стојкоски од Државниот пазарен инспекторат и Седад Рушани од Бирото за метрологија, во присуство на министерката Сања Божиновска, со што ја формализираа соработката насочена кон поголема контрола и транспарентност во обезбедувањето на квалитетни течни горива.

– Со овој потег, државата праќа јасна порака: неквалитетните горива немаат место на македонскиот пазар. Потрошувачите добиваат квалитет и сигурност, додека институциите покажуваат дека се посветени на повисоки стандарди и подобра заштита на јавниот интерес – истакна Божиновска.

Во изминатите пет години, и покрај склучените договори за соработка, беа реализирани незначителен број анализи на течни горива, а со овој договор се предвидува драстично зголемување на обемот на инспекциските проверки. Инспекциските тимови ќе ја користат лабораторијата за мострирање и тестирање согласно однапред дефинирани годишни планови, но и за вонредни инспекции.

– Според планот за 2025 година, кој е составен дел од договорот, ќе се извршат дури 220 анализи на квалитетот на горивата, со што се поставуваат повисоки стандарди за усогласеност со македонските регулативи и стандарди – истакна директорот на Државниот пазарен инспекторат Влатко Стојкоски.

– Со овој договор, Бирото за метрологија ја става својата лабораторија – мобилна и фиксна – во служба на инспекциските тимови. Лабораторијата е акредитирана за 26 методи на тестирање и ќе овозможи брзи и прецизни анализи на квалитетот на горивата директно на терен – истакна директорот на Бирото за метрологија Седад Рушани.

Со користење на акредитираната лабораторија на Бирото за метрологија, инспекциските тимови ќе спроведуваат детални и брзи тестирања на терен, што ќе ја гарантира контролата на квалитетот и ќе испрати јасна порака дека неквалитетните горива немаат место на нашиот пазар.

The post ГОРИВАТА ПОД ЛУПА, ЌЕ СЕ ПРОВЕРУВА КВАЛИТЕТОТ Се заоструваат инспекциските контроли на македонскиот пазар appeared first on plusinfo.mk.

Овоштарите и годинава се незадоволни од откупната цена која им се наметнува од трговците и во чие формирање нe учествуваат. Индустриското јаболко веќе се откупува по цена од 8 денари килограм, а откупната цена цената за трпезното јаболко се движи од 17 до 22 денари за килограм.

Пресметките на овоштарите се дека исплатлива цена на годинашното производство би била од 20 денари за понеквалитетното јаболко до 25 денари за најквалитетното јаболко.

– Со оглед дека нашите трошоци заедно со трошоците за работна рака годинава се енормно зголемени, откупните цени со кои почна сезоната се ниски. Во наредниот период очекуваме откупот на индустриското јаболко кое се бара во моментот да порасне за 2 денари, на 10 денари за килограм. Не може да се каже дека трпезното јаболко ќе има повисока цена бидејќи овоштарите не учествуваат во формирањето на оваа цена. Малите и големите трговци заедно ја формираат цената и со неа настапуваат пред земјоделците. Но, за разлика од порано веќе кај овоштарите се јавува интерес и тие да формираат цена со која би преговарале за откупот. Па се надевам дека веќе следната година како производители ќе учествуваме во формирањето на откупната цена – вели претседателот на здружението на овоштари Љубе Пампулески.

Годинава овоштарите загубија 40% од приносите како резултат на сушата и дневните нагли промени на температурата кои предизвикаа здравите јаболка да паѓаат од дрвјата и да завршуваат како индустриски, но и како резултат на болеста „ервинија“ која ги зафати овошките во април.

– Нашите процени се дека овошките загубија 25-30% од родот поради болеста, а неколкуте дневни температурни разлики, сушата и неможноста дел од површините да се наводнуваат, исто така придонесоа за намалување на родот за 20-30%. За годинава очекувавме меѓу 90.000 – 100.000 тони вкупен род, но мислам дека ќе биде понизок за овие проценти. Сепак, секој земјоделец ќе може да каже колку загубил на крајот на бербата – вели Пампулески.

Овоштарите велат дека иако приносите се пониски од планираното квалитетот на јаболкото годинава е висок. Според нивните процени, две третини од производството се со висок квалитет, а една третина ќе заврши како индустриско не само поради тоа што не се квалитетни, туку и поради наглите дневни температурни разлики кои предизвикаа квалитетното овошје да паѓа од дрвјата.

Овоштарите сметаат дека годинашното производство е доволно да го задоволи домашниот пазар и дел од него да се пласира на регионалните пазари каде што исто така поради климатските промени производството на јаболка е намалено.

Овоштарите се жалат дека покрај тоа што ја нема, работната рака годинава е поскапена. Сега за осумчасовна работа со јадење и сместување работниците бараат 2.000 денари дневница. Цената и натаму расте, па дел од берачите кои главно се од Албанија бараат и по 2.300 денари.

– Нашите пресметки се дека за осумчасовна берба со еден или два оброка цената треба да биде 1.600 денари. Но како и за откупната цена другите ја формираат цената, а овоштарите се принудени да прифатат или не. Но реално е да има различна цена кај овоштарите кои покрај надницата даваат со јадење и сместување и оние кои не нудат такви услови – вели Пампулески.

Проблемот, вели тој, очекуваат да го надминат со ангажирање домашни работници, пензионери или невработени од останатите региони и градовите во земјата.

– Веќе преговараме со поединци кои ветуваат дека ќе донесат по 30 до 50 работници од други градови во земјава главно невработени или пензионери кои сакаат да заработат дополнителни пари во текот на бербата и се надеваме дека со официјалниот почеток на бербата кој стартува на 27 септември ќе ги имаме и домашни работници. Нашите млади летово заминаа во Хрватска и голем дел од нив не се вратија за бербата, па проблемот дополнително се зголеми – додава Пампулески.

Овоштарите се загрижени и за тоа како ќе помине бербата во октомври со оглед на променливите временски услови во кои е можно и натамошно оштетување на родот.

The post ЖЕШКОТО ЛЕТО И БОЛЕСТИТЕ ИЗЕДОА 40% ОД РОДОТ НА ЈАБОЛКОТО Берачите бараат по 2.300 денари дневница appeared first on plusinfo.mk.

Во однос на реакциите од албанскиот блок по одлуката на Уставниот суд, вклучително и партнерите во владината коалиција, Мицкоски вели дека ја видел и дека е во согласност со тоа што „ние сме го зборувале во минатото“.

– Да, ја видов. Таа реакција е во согласност со тоа што ние сме го зборувале во минатото, практично унапредувањата и вработувањата треба да се темелат на квалитет и тоа е она кое што ние практично цело време го заговараме – изјави Мицкоски, кој денеска присустуваше на почеток на поплочување на улицата „Ванчо Прќе“ во Општина Штип.

Одлуката, посочи Мицкоски, не е конечна, туку практично тие тој дел од законот го ставаат во мирување, до носење на конечна одлука.

– Јас ќе останам на мојата позиција дека одлуките на Уставниот суд не треба да се коментираат – изјави Мицкоски.

The post „ЦЕЛО ВРЕМЕ ЗАГОВАРАМЕ ВРАБОТУВАЊАТА ДА СЕ ТЕМЕЛАТ НА КВАЛИТЕТ“ Мицкоски не ја коментира одлуката на Уставниот суд за балансерот appeared first on plusinfo.mk.

Квалитетот на живот е важен показател што вообичаено се зема предвид при рангирањето на најдобрите градови во светот. Сè – од гастрономски понуди до стапката на криминал може да влијае на квалитетот на животот на граѓаните. Новиот „Глобален индекс за градовите“ на „Оксфорд економикс“ (Oxford Economics) содржи нова топ-10 листа врз основа на шест показатели: Очекуван животен век, приход по лице, еднаквост на приходи, рекреација и културна понуда, интернет-брзина и трошоци за домување.

Според овие критериуми, Гренобл, Франција е град со најдобар квалитет на живот во светот. „Главниот град на Алпите“ е позната омилена планинарска дестинација, но е и центар за научни истражувања, пишува „Тајм аут“ (Time out).

На второто место е Канбера – главниот град на Австралија, што воедно е и единствениот неевропски град во првите десет. Инаку, три града од Швајцарија се меѓу 10-те градови со најдобар квалитет на живот. Топ-10 списокот изгледа вака:

1. Гренобл, Франција;

2. Канбера, Австралија;

3. Берн, Швајцарија;

4. Берген, Норвешка;

5. Базел, Швајцарија;

6. Луксембург, Луксембург;

7. Рејкјавик, Исланд;

8. Цирих, Швајцарија;

9. Гент, Белгија;

10. Нант, Франција.

The post 📷 ВО ОВОЈ ГРАД НАЈАРНА Е ЖИВЕАЧКАТА Три од топ 10-те најквалитетни градови во светот се во Швајцарија appeared first on plusinfo.mk.

Редовната вакцинација е многу важна за спречувањето на епидемии и спасување на човечки животи, беше кажано на денешниот брифинг на тема „Редовна вакцинација на децата – факти и дезинформации”, во организација на Министерството за здравство.

– Ниту една вакцина во земјава го нема достигнато препорачаниот опфат од 95%. Опфатот со МРП вакцина бележи благо зголемување во однос на 2021 (70,4 отсто) и во земјава во 2022 е 70,7 отсто, а со ревакцинација е 89, 32 отсто, и сѐ уште е со низок опфат. Во 2022 и 2023 веќе има зголемување на падот на вакцинираноста. Се надевам дека апелите ќе стигнат до родителите. Бидејќи во моментот кога ќе се намали опфатот, ризикот за појава на морбили е исклучително висок – кажа проф. д-р Грозданова.

Професорката потсети дека во нашата земја во 2018 година се појави првиот случај на морбили, во 2019 година во февруари беше прогласена епидемија со морбили, при недоволен опфат на вакцинирани деца. Во тој период морале да се преземат активности за интензивно вакцинирање на сите оние деца кои не беа вакцинирани. Во следните шест биле дадени 41 илјада и шестотини вакцини на деца до 14 години. На најголем дел од родителите, грижата околу вакцината им била поради страв од аутизам. Но, до денеска, не било констатирано такво нешто. Тоа, нагласи, е потврда дека вакцината е навистина безбедна. Благодарение на вакцинацијата, рече, во овој период не се појавени нови епидемии со морбили.

– Исклучително е битно на родителите да им се објаснува дека таа вакцина се дава со децении наназад, подвлече таа, нагласувајќи дека вакцината е правилна одлука за да се заштитат децата од болеста.

Портпаролот на Комисијата за заразни болести, д-р Злате Мехмедовиќ потврди дека процентот на вакцинирани со неколку вакцини задолжителни за деца е со мал опфат во Куманово, но 60 проценти е вакцинацијата со ХПВ вакцината, што пак во Скопје е само 13 проценти.

– Во основа треба да се работи на детекција на проблемите што се јавуваат, во редовна комуникација помеѓу здравствените работници и помеѓу  родителите – додаде тој, нагласувајќи дека е многу важно да се пренесува пораката за тоа колку се важни вакцините.

Мехмедовиќ подвлече дека единствено бројка од 95 проценти вакцинираност гарантира дека при појава на случаи на морбили, ќе нема епидемија.

На значењето на вакцините се осврна и Патриција Ди Џовани, претставник на УНИЦЕФ, нагласувајќи дека редовната имунизација  е многу важна тема. Таа нагласи дека новите генерации ги имаат бенефитите, кога претходните редовно се вакцинирале и се искорениле болести што можат да доведат до смрт. Порача дека редовната вакцинација да продолжи и понатаму.

Бојан Кордалов, виш комуникациски специјалист, се осврна на тоа колку е важно да се спречат лажните вести и ненаучните информации околу вакцинацијата, затоа што предизвикуваат страв и низок опфат со вакцинирање. Важно е правилното информирање, со цел да не се загрози сопственото и здравјето на другите.

Со помал опфат на вакцинираноста беа споменати делови од Скопје и Струмица, додека во Кочани, со одредени вакцини, опфатот бил и над 95 проценти. Беше кажано дека треба да се следи примерот и искуството на општините што имаат поголем процент на вакцинираност.

The post НИКОЈ НЕ ПРАШУВА КАКВА Е ВАКЦИНАТА КОГА ТРЕБА ДА ПАТУВА НА МАЛДИВИТЕ Дезинформациите може да убијат и да доведат до враќање на искоренети болести appeared first on plusinfo.mk.

Земјоделците сега бараат државата да најде начин како да се искористи пченицата иако е со послаб квалитет. Тие предлагаат да се снижат критериумите за употреба на житото за човечка исхрана, за да не заврши поголемиот дел од произведеното како сточна храна.

– Квалитетот на пченицата годинава е катастрофален поради климата и новите болести кои се појавија поради високата влажност. Дождот го преполови квалитетот на зрното. Иста е состојбата и во соседството од каде што се увезува пченицата. Соседите секако ќе најдат начин да ја употребат и со ваков квалитет за човечка исхрана. Но кај нас никој не размислува за тоа, бидејќи предност имаат мелничарите. Ние предлагаме државата да реагира со намалување на критериумот за хектолитарска маса, со тоа што сега наместо од 100 килограми пченица да се произведат 70 или 80 килограми брашно, да се произведат 65 килограми. Со тоа ќе се овозможи поголеми количини од пченицата да се искористат и да не завршат како сточна храна, но тоа нема да влијае на квалитетот на брашното, да бидат сигурни граѓаните. Дополнително, бараме при пополнување на стоковите резерви да се откупува домашната пченица, а при утврдување на квалитетот да има присутен и претставник на земјоделците – вели претседателот на Асоцијацијата на земјоделци Петре Стојкоски.

Според него, не држи изјавата на државниот советник во Министерството за земјоделство Трајан Димковски дека слабите приноси и квалитет на пченицата се поради тоа што земјоделците штеделе на ѓубрива и не користеле заштита.

– Главна причина за слабиот квалитет и приноси на пченицата е климата, но ако смета Димковски дека сме штеделе на употребата на ѓубрива нека издејствува повеќе пари за земјоделците наесен. Ние сме инвестирале во пченицата колку што ни била долга чергата и во период кога тоа е најпотребно за нашето производство, а ако државата смета дека треба повеќе треба да размислува како да нѐ стимулира. Лесно е да се даваат изјави од канцеларија без да се има увид во фактичката состојба. Секоја година имаме нова болест на пченицата, ние се обидуваме да одговориме на сето тоа – вели Стојкоски кој додава дека земјоделците се гневни од изјавата на Димковски.

Тој додава дека земјоделците знаат кога треба да ги прихранат посевите и која количина на ѓубриво да фрлат во тој период и каква заштита да употребат, но поголемиот дел од нив немаат средства и можност тоа да го направат навреме бидејќи нивниот производ секоја година има ниска откупна цена, а разликата на производната и откупната цена е висока.

– Земјоделците се загрижени дека со откупната цена на пченицата која годинава падна на 9 денари за килограм од ланските 20 денари, нема да можат да инвестираат во новото производство. Како земјоделци не можеме да се справиме со берзанските цени, но со оглед дека годинава имаме ниска откупна цена нашите загуби ќе бидат високи што ќе влијае и на следната производна година. Не се знае и каква година нѐ очекува за следното производство. Сето тоа го прави земјоделецот несигурен во производството – вели Стојкоски.

Тој смета дека наместо државата да ги обвинува земјоделците за ниските приноси треба да ги поттикнува да употребуваат нови агротехнички методи кои ќе бидат соодветни на климатските промени.

Димковски вчера обвини дека земјоделците штеделе на ѓубрива и не употребиле заштини мерки од болести на пченицата.

– Годинава житата потфрлија, со намален принос, но и со квалитет и тука е клучот што постојано го зборуваме. Кај нас житото се заштитува само од плевели, но последниве години покажаа дека мора да се заштити и од болести. Затоа сѐ повеќе при креирањето на политиките даваме значење на тој сегмент, мора да се користи вештачко ѓубре во оптимални количини. Во одредени подрачја или површини каде е слабо користено, излезе и со 56 хектолитри квалитетот на пченицата што е послабо и од јачменот. Имавме и со 73. Јасно е дека кој колку вложил, толку и добива. На исти површини за иста класа земја има и 2,5 – 3 тона, но и 6 – 7 тона по хектар печница, зависно од домаќинството колку вложило – рече Димковски.

Цветан Трупуновски, претседател на комисијата за земјодлество во ВМРО-ДПМНЕ смета дека државата, ако не сака наредното производство на пченица да биде под очекувањата треба итно да го повлече огласот за стокови резерви.

– Откако ќе го стои тоа треба да ги промени и условите. Да го намали хектолитарксиот квалитет, да стави услов дека треба да се откупи само домашна пченица и тоа да биде во повеќе лотови. Треба да се изврши и интервентен откуп за да се намалат количините кои ќе се складираат кај земјоделците поради можност од расипување на зрното – вели Трипуновски.

Трипуновски, како и земјоделците и земјоделските експерти, вели дека за да се добијат високи приноси и висок квалитет на зрното на пченицата мора да се работи на нови агротехнички методи за да се приспособи пченицата на променетите климатски услови и да се создаваат нови сорти пченица кои ќе бидат поотпорни на овие промени.

– Тоа е работа на Министерството за земјоделство кое треба стратешки да планира како ќе се справи со климатските промени во секторот. Оваа стратегија треба да се води заедно со научните институции кои ќе работат на подобрени сорти на пченица кои ќе дадат квалитет и во вака променети услови за одгледување на оваа култура која е стратешка за земјава. Треба да се внимава да не се дестимулираат земјоделците кои годинава имаат загуба од 50 отсто, да продолжат да сеат пченица – додава Трипуновски.

Во Хрватска, на пример, заврши двегодишно истражување со кое се докажа дека со фолијарната прихрана на пченицата со уреа се добиваат повисоки приноси и нема поголеми оштетувања на растенијата. Се добива и подобар хемиски состав на зрната, првенствено во протеини.

Истражувањето кое го спроведе Факултетот за агробиотехнички науки во Осиек покажа дека се постигаат одлични резултати, ако двапати поголеми количини од растворената уреа се примени во два наврата – некаде од средината до крајот на цветањето и седум до десет дена подоцна.

Истражувањето докажало дека со поголем процент на уреа нема поголеми оштетувања на посевите, а просечните приноси се движеле од околу 7 до 8 тони по хектар.

ЗА ЖАЛ, НАШЕТО ЖИТО ЌЕ ЗАВРШИ КАКО СТОЧНА ХРАНА Земјоделците штеделе, родот потфрли

The post НОВИ БОЛЕСТИ ЈА НАПАДНАА ПЧЕНИЦАТА ГОДИНАВА Земјоделците бараат да се снижат критериумите за жито за човечка исхрана appeared first on plusinfo.mk.

– На Клиниката примаме шест пациенти, а двајца ќе се водат на Клиниката за пулмологија. Од осумте пациенти, двајца се во навистина во критична состојба. Седум пациенти се над 18 години, а еден пациент е дете. Добивме нешто пониска цена од предвидената, од онаа јавно објавената. Дадовме барање до Фондот за здравство, дополнително во рамките на истиот буџет да бидат вклучени уште четворица пациенти – изјави д-р Нацева Фуштиќ.

Директорката објаснува дека станува збор за годишна терапија за пациентите болни од цистична фиброза. Пациентите ќе добиваат таблети еднаш месечно и нема да се обврзани да останат в болница. Терапијата вклучува земање две таблети наутро и една навечер.

Министерот за здравство Фатмир Меџити рече дека во соработка со премиерот Димитар Ковачевски се бара решение и за останатите засегнати пациенти со оваа дијагноза.

– Очекуваме со оваа терапија значително да се подобри квалитетот на животот на пациентите со цистична фиброза – нагласи министерот.

Тој повтори дека пациентите се во фокусот на нивната заложба.

Во земјава има околу 130 пациенти со цистична фиброза кои изминативе месеци молат и протестираат за државата да им го обезбеди современиот лек „трикафта“ со кој значително се подобрува животот.

The post ЛИЦАТА СО ЦИСТИЧНА ФИБРОЗА ГО ДОБИЈА ЛЕКОТ „ТРИКАФТА“ Започнува терапијата за осумтемина најкритични appeared first on plusinfo.mk.

Со капацитет за производство од 30.000 шишиња годишно, Винарија Кукутанов е нова радовишка винска приказна каде за почеток, фокусот е на добропознатото Шардоне, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар. Природни вина наменети за страсните љубители на винoто.

Климатските услови во Радовишката котлина се идеални за производство на хармонични вина поради изобилството на сончеви денови и постудените ноќи во периодот на зреење на грозјето. Во целокупниот производствен процес во винаријата, од приемот, преку примарната преработка, ферментацијата, до негата и зреењето, се обрнува големо внимание. Се користат исклучиво бочви направени од македонски даб (благун), избран од Готен планина. Од нашето вино не боли глава, можеш да испиеш повеќе и да уживаш со сите сетила, додава г. Кукутанов.

– Не правиме никаков компромис во процесот на создавање вино.  Цврсто се придржуваме кон своите основни принципи: беспрекорност во квалитетot, највисоки производни стандарди во комбинација со традиционални методи и употреба на квалитетно грозје од сончевите радовишки лозови насади. Затоа се и такви нашите вина, вистинско богатство на вкусови, направени за уживање со сите сетила, кои откако еднаш ќе ги пробате, сакате повторно да се вратите на нив! Не правиме компромис со квалитетот, бидејќи за да се успее, па дури и во Македонија, каде постојат огромен број на официјално регистрирани винарии, мора да се креира нешто навистина уникатно, специфично, што ќе се одвои од останатите вина – вели г. Кукутанов.

Станува збор за фамилијарна винарија, во која постои неколку генерациска традиција на производство на вино и други алкохолни пијалоци, каде пред многу години првичното хоби прераснува во силна страст, за денес дa се креира автентична винска приказна, која ја раскажува приказната за “убавината” на македонските вина!

The post КВАЛИТЕТ БЕЗ КОМПРОМИС Од Македонија доаѓаат најубавите вина, едни од нив се вината Кукутанов! appeared first on plusinfo.mk.

Ова е трета реакредитација по ред за болницата што е евидентен доказ за континуитетот во одржување на високите стандарди во грижата на пациентите. Ревизијата на болницата од страна на стручниот тим експерти од  Joint Commission International се одвиваше во периодот од 6 до 10 февруари.

Во петдневната контрола беа опфатени сите структури во болницата, сите услуги, како и процеси и процедури поврзани со грижа и нега на пациентите и тие беа оценети на највисоко ниво досега.

Најуспешната реакредитација досега е само потврда дека целиот тим на болницата успешно ги одржува JCI-стандардите и континуирано се стреми кон унапредување на квалитетот и безбедноста на пациентите.

ИМПЛЕМЕНТАЦИЈАТА НА JCI-СТАНДАРДИТЕ ГАРАНТИРА ВИСОКА БЕЗБЕДНОСТ ЗА ПАЦИЕНТИТЕ

Сите процеси и процедури што се опфатени според JCI-протоколите гарантираат почит и исполнување на Интернационалните цели за безбедност на пациентите, кои се од исклучителна важност, а тоа се: правилна идентификација на пациентот, ефективна комуникација, подобрување на безбедноста на високоризични лекови, сигурна и безбедна операција, намалување на ризик од интрахоспитални инфекции, намалување на ризикот од повреда, како резултат на пад во болнички услови.

Клиничка болница „Аџибадем Систина“, како акредитирана болница, ги има имплементирано сите JCI-стандарди и нуди висок квалитет и безбедност на медицинска услуга во секој детаљ, од прием на пациентот сè до напуштање на болницата. За секоја процедура во болницата постојат точно утврдени упатства и правила. Согласно со стандардите, „Аџибадем Систина“ располага со над 3,500 пишани процедури, формулари и упатства кои се достапни за сите вработени и кои секојдневно се почитуваат при работата со пациентите.

ПАЦИЕНТОТ ВО ФОКУСОТ НА ГРИЖАТА, ЗОШТО Е ВАЖНО ДА СЕ ПРИМЕНУВААТ СТАНДАРДИТЕ

Исполнувањето на стандардите има една основна цел, пациентот да биде ставен во фокусот на грижата, сè со цел да се избегне и најмала грешка при неговиот третман. Целокупниот персонал во „Аџибадем Систина“ следи точни упатства како да постапи во секој дел од работата со пациентот.

Точна идентификација на пациентот – пациентот за време на престојот во „Аџибадем Систина“ е соодветно идентификуван со идентификациски алки преку кои персоналот е запознаен со одредени состојби уште при самиот влез во болничката соба и презема соодветни акции. На информациските алки се назначени најважните информации – лични податоци, дали пациентот е  алергичен на одредена храна и лекови, дали има одредено инфективно заболување, дали кај него постои ризик од пад, одредено ограничување. Доколку истовремено во болницата е присутен уште еден пациент со исто име и презиме, соодветно се означуваат за да не дојде до грешка при одредени медицински активности.

Ефективна комуникација – секој пациент во „Аџибадем Систина“ навремено е информиран за својата состојба и за интервенциите што треба да му бидат изведени. Преку специјални формулари се врши соодветна, брза и навремена комуникација помеѓу медицинските лица во болницата, со што се намалува можноста за пренос на грешна информација. Според JCI- стандардите,  лекот што треба да се аплицира кај кој било пациент мора да има тројна контрола, првенствено од докторот што ја препишува, потоа контрола и потврда од секторот за фармација и на крај медицинската сестра пред да го аплицира. Во болницата се имплементирани електронски системи преку кои медицинските лица што се грижат за пациентот може да дојдат до потребната информација за третманот на пациентот.

Подобрување на безбедноста на високоризични лекови – Особено се посветува внимание на начинот на обележување, чување и апликација на високоризичните лекови. Согласно со стандардите, овие лекови се посебно обележани и имаат посебен начин на апликација, односно мора да бидат потврдени од две медицински лица пред да се аплицираат на пациентот.  Во оваа група спаѓаат и лекови што звучат или изгледаат слично и тие исто така соодветно се обележуваат, со цел да се намали ризикот од грешка при нивна апликација.

Сигурна и безбедна операција – пред да се започне со операција и интервенција со анестезија во „Аџибадем Систина“, се прави дополнителна проверка на идентитетот на пациентот, видот на интервенција, проверка на тимот кој работи во сала и видот на анестезија за да се избегне каква било грешка која би ги загрозила здравјето и животот на пациентот. Пред секоја интервенција се врши целосна проверка на инструментите за стерилизација. При годинешната ревизија, контролорите дадоа позитивна забелешка за работата на Централна стерилизација во „Аџибадем Систина“ која работи според највисоки стандарди. Во овој дел се следат сите индикатори за потврда на стерилизација, а на секој апарат за стерилизација секојдневно се врши тест за биолошка контрола и исправност на апаратот. Пред стерилизација се прави инспекција на секој инструмент и се редат во сетови за стерилизација. Секој инструмент се запишува во формулар за контрола на сите фази на дезинфекција и стерилизација. Начинот на чување на инструментите се одвива во просторија каде што се контролираат температурата и влажноста на воздухот.  На овој начин се запазени сите највисоки протоколи за стерилност и исправност на инструментите со кои се изведува хируршката интервенција.

Намалување на ризик од интрахоспитални инфекции – Согласно со JCI-стандардите, во болницата постои мултидисциплинарен тим кој се грижи за превенција и контрола на интрахоспиталните инфекции. Во болницата се користат најсовремени дезинфекциски средства за хигиена на раце и одржување на целокупната хигиена во болницата на највисоко ниво. Од особено значење е континуираната едукација на пациентите, персоналот и посетителите за важноста за одржување на дезинфекција и хигиена на раце.

ТРЕТАТА РЕАКРЕДИТАЦИЈА СО НАЈДОБРИ РЕЗУЛТАТИ ДОСЕГА

Третата реакредитација на Клиничка болница „Аџибадем Систина“ ревизорите на Joint Commission International ја оценија како најуспешна досега, со минимален број забелешки. Позитивни критики беа упатени во однос на целокупната грижа за пациентите и начинот на кој се спроведуваат процедурите и протоколите за работа. Особено беа издвоени процесот на работа на единиците за интензивна нега и високите критериуми според кои се лекуваат критично болните пациенти. По спроведената контрола, ревизорите го издвоија и Одделот за кардиохирургија како врвен кардиохируршки центар и согласно со JCI-стандардите, овој оддел е на ниво на светските кардиохируршки центри.

Во имплементацијата и одржувањето на стандардите беа вклучени сите вработени во болницата, а со целокупниот процес раководеше Одделот за квалитет. Првата JCI-акредитација клиничка болница „Аџибадем Систина“  ја доби во 2016 година и со тоа стана првата JCI- акредитирана болница во Македонија и во поширокиот регион.

The post ПАЦИЕНТОТ НА ПРВО МЕСТО „Аџибадем Систина“ по трет пат ја доби акредитацијата за квалитет и безбедност на пациентите appeared first on plusinfo.mk.