ТИТАН Усје работи како одговорна компанија во земјата повеќе од 7 децении, придонесувајќи за националниот развој, локалната економија и за снабдувањето со основни материјали за клучни инфраструктурни објекти, вклучувајќи болници, брани, патна и јавна инфраструктура, соопшти цементарницата.

„Грижата за животната средина е основна вредност за ТИТАН Усје. Свесни сме дека заштитата на животната средина и квалитетот на воздухот предизвикуваат загриженост кај граѓаните и во нашето општество како целина. ТИТАН Усје внимателно ја следи јавната дебата, ги сфаќа сериозно овие проблеми и дава транспарентен придонес кон нивно решавање“, се вели во соопштението.

Работиме целосно во согласност со сите важечки закони, подзаконски акти и барањата на нашата А – Интегрирана еколошка дозвола, се додава, честопати применувајќи внатрешни стандарди кои се и построги од законските обврски.

„Нашите емисии континуирано се мерат преку 24-часовен независен мониторинг, со податоци јавно достапни и редовно доставувани до надлежните органи и до медиумите. Редовните и ненајавените инспекции од страна на надлежните тела не констатираат никакви надминувања на законските лимити“, соопшти Усје.

Како членка на Групацијата ТИТАН, се придржуваме до најдобрите меѓународно признаени практики и ЕСГ стандарди, покажувајќи ја нашата долгорочна посветеност и одговорност кон заштитата на животната средина, вклучувањето на заедницата и модерното корпоративно управување, додава цементарницата.

„Во текот на изминатите 15 години, инвестиравме повеќе од 29 милиони евра во одржливо производство и напредни еколошки технологии, а дополнителни 3 милиони евра се планираат до 2029 година.
Нашите приоритети остануваат јасни – силни партнерства, благосостојба на вработените и континуирана поддршка за заедницата“, се вели во соопштението на Усје.

Иницијативата „Стоп за Усје“ денеска почна осумчасовна блокада пред цементарницата, а активистите ќе го блокираат главниот влез на фабриката до 23 часот, со порака против аерозагадувањето.

The post РАБОТИМЕ ПО СТАНДАРДИ КОИ СЕ ПОСТРОГИ ОД ЗАКОНСКИТЕ Усје порачува дека се грижат за околината и работат според правилата appeared first on plusinfo.mk.

Ова е дел од проектот „Справување со загадувањето во Скопје“, финансиран од Владата на Шведска, а го спроведува Програмата за развој на Обединетите нации (УНДП), во партнерство со Град Скопје и со Министерството за животна средина и просторно планирање. Со ова почнуваат теренските истражувања во рамките на Студијата за пропорционирање на загадувачите.

Собраните примероци од уредите поставени во Карпош – урбана област и Лисиче – област со индустрија, сообраќај и резиденцијална зона, кои ќе земаат агрегирани 24-часовни примероци на ситните фракции на честички ПМ 2,5 ќе бидат анализирани со користење на референтни методи и строги аналитички протоколи и врз основа на тоа ќе бидат изработени модели кои овозможуваат поврзување на измерената маса на поедини загадувачки материи на дадена локација, со групи на извори на загадување.

Студијата треба да обезбеди информации за поединечните извори на загадување на воздухот во агломерацијата Скопје, како и придонесот на поединечните извори, индустрија, согорување на биомаса, сообраќај, управување со отпад, итн. во вкупното загадување на избраните репрезентативни локации, а кои треба да бидат основа за креирање на ефикасни и реални политики за контрола на загадувањето.

Сите предвидени активности ќе бидат во целост извршени согласно „Референтниот прирачник за пропорционирање на изворите на загадување и изработка на рецепторни модели“, издаден од Заедничкиот истражувачки центар на Европската комисија, а финалните резултати ќе бидат објавени кон крајот на 2021 година.

Како дел од проектот „Справување со загадувањето во Скопје“, во финална фаза е и оценувањето и изборот на околу 100 домаќинства во Лисиче, кои ќе бидат поддржани со грантови до 10.000 американски долари по домаќинство за унапредување на енергетската ефикасност на домовите. Тоа предвидува замена на начинот на греење, замена на прозорци, врати, фасади и покриви и други мерки со цел да се зголеми нивото на енергетска ефикасност и да се намали загадувањето во овој дел од Скопје.

The post За една година од сега ќе знаеме кој загадува во Карпош и во Лисиче appeared first on plusinfo.mk.