Кандидатот за градоначалник на Општина Чаир од движењето Вреди, Изет Меџити, денеска од Старата скопска чаршија го промовираше четвртиот столб на својата изборна програма, културата, која, како што истакна, ќе биде клучна за економскиот, социјалниот и урбаниот развој на општината.

– Не сме случајно во Чаршија за да го промовираме четвртиот столб на програмата, културата, бидејќи позитивните и европските практики покажуваат дека културата го подобрува имиџот на општините и има значително влијание врз економијата – изјави Меџити, додавајќи дека меѓународните искуства се инспирација за нови пристапи во развојот на Чаир.

Како пример за успешна културна трансформација, тој ја посочи збратимената општина Боткирка во Стокхолм, која, според него, преку културни активности успеала да го подобри својот имиџ и да го зајакне локалниот економски развој.

– Општина Боткирка има 60 отсто жители со странско потекло и 40 отсто Швеѓани. Преку културата тие успеале да ја променат сликата за својата заедница и да станат препознатливи по позитивни вести – нагласи Меџити.

Тој истакна дека влијанието на културата е веќе видливо и во Старата Чаршија, каде враќањето на студентите и бројните културни активности ја оживуваат општината.

– Бројните културни активности и концентрацијата на креативниот потенцијал донесоа пресврт. Враќањето на младите го врати животот во Чаршијата – рече тој.

Меџити најави дека културата ќе биде основен столб во неговото идно управување со Чаир, заедно со младите, спортот и образованието.

– Денес ветувам дека културата ќе биде важен столб на Општина Чаир. Сакам „Звуците на Чаршијата“ да ги претвориме во културна порта, нешто како во Охрид или во Скопје. Идејата е да создадеме природна сцена во Чаршијата која ќе функционира како жива културна точка – изјави кандидатот.

Како дел од неговата програма, Меџити најави реконструкција на културниот простор кај Куршумли Ан, кој ќе се претвори во отворена сцена за постојани културни настани.

– Културните здруженија ќе ги насочиме кон Чаршијата, што ќе биде голем поттик за културниот развој и вистинско оживување на ова историско јадро – додаде Меџити.

The post МЕЏИТИ СО ВЕТУВАЊЕ ОД СТАРАТА ЧАРШИЈА Културата ќе го оживее Чаир и ќе донесе нов дух во Скопје appeared first on plusinfo.mk.

The post МАКЕДОКС ПО 14. ПАТ ГО НАПОЛНИ КУРШУМЛИ-АН Почна фестивалот на креативен документарен филм во Скопје appeared first on plusinfo.mk.

Гостите имаа несекојдневна привилегија да уживаат во настапот на историското друштво од Кастиљон Фиорентино, кое преку своите трубадури и вејачи на знамиња ја претстави италијанската средновековна традиција на веење знамиња, која датира уште од 13 век.

Претставата совршено се вклопи во магичниот амбиент на Куршумли ан, кој за оваа прилика беше свечено уреден и осветлен во боите на италијанското знаме.

По интонациите на двете химни, Амбасадорот на Република Италија, Андреа Силвестри ги потенцираше одличните билатерални односи и соработка која особено се интензивира во последните неколку месеци преку билатерални средби на високо ниво.

Разновидната понуда на врвни италијански специјалитети и некои од најпознатите италијански брендови како PERONI, ILLY и SELECT беше надополнета со прекрасна италијанска музика.

Волшебно и величествено изгледаше проекцијата на песната „Воларе“ од македонскиот тенор Благој Нацкоски….

The post КУРШУМЛИ АН БЛЕСНА ВО БОИТЕ НА ИТАЛИЈА Прославен е Денот на републиката appeared first on plusinfo.mk.

„Куршумли ан е изграден во средината на ХVI век и претставува споменик на културата. Со оваа одлука се овозможува негово трајно зачувување во изворна состојба, ширење на вредностите и значењето на Куршумли ан, како и спречување дејствија, појави и влијанија со кои се врши или може да настане оштетување или деградирање на овој културно-историски споменик од архитектонското наследство“, соопшти владината прес-служба.

The post КУРШУМЛИ АН ЗА КУЛТУРНО НАСЛЕДСТВО ОД ОСОБЕНО ЗНАЧЕЊЕ Владата донесе одлука за споменикот на културата appeared first on plusinfo.mk.

– Овогодинешната тема на ПичПрич галата ќе го стави во фокус овој вид на комуникација, како и формите што ги добива низ дигиталната ера. Низ оваа призма ќе го разгледаме прашањето за согласноста, како и начинот на кој односите на моќ и доминација се провлекуваат низ ваквиот тип на изразување љубов во писмена форма. Од несмасни и скромно срочени реченички, до претенциозни висини на поетскиот израз,
љубовните писма се насекаде и вешто се трансформираат и на интернет. Дали ова значи дека содржински се менуваат или едноставно се дигитализираат ќе слушнеме од нашите раскажувачки – најавуваат организаторите.

Вечер со почеток од 20 часот, во дворот на „Куршумли ан“ гостите – раскажувачки ќе споделат приказни за највпечатливи љубовни писма коишто ги добиле или пак некому ги напишале. Настанот ќе го модерираат Румена Бужаровска и Ана Василева, а приказните ќе ги раскажуваат: филмската критичарка и новинарка Марина Костова, топ моделот Катарина Ивановска, новинарките Сашка Цветковска и Ивана
Смилевска, писателката на феминистички текстови Елена Гаговска и Маја Казакова – радио водителка.

ПичПрич ќе ги следи сите актуелни мерки за здравствена заштита и според тоа ќе може
да се присуствува само со сертификат за извршена вакцинација, односно применa
најмалку една доза вакцина или сертификат за прележан ковид во изминатите 45 дена,
сметајќи од денот на оздравувањето, за сите лица над 18-годишна возраст. Влезот на
настанот е бесплатен, но бројот на места ќе биде ограничен и нема да може да се
резервира однапред.

По настанот во Ла Кања во Стара скопска чаршија, ќе следи диџеј сетот на Мартина Пенева.

The post ПРИКАЗНИ ВО КУРШУМЛИ АН ПичПрич за љубовните писма appeared first on plusinfo.mk.

Фестивалот ќе се одржи во Куршумли-ан, МКЦ, Музејот на современа уметност и Музејот на Македонија. Како што посочи Дарко Набаков, извршен директор на фестивалот, мотото симболизира преиспитување што и како да правиме од сега па натаму.

– Со самото тоа и мотото на фестивалот гласи „Where do we go now“, односно „Што сега“. Некако во овие две години сите имаме некоја желба да патуваме или да се поместиме од место, всушност сме вкоренети во едно исто место. Можеби тоа треба да го искористиме за да се преиспитаме што сега, како сега и како од сега понатаму – рече Набаков на денешната прес-конференција.

Тој посочи дека на фестивалот ќе бидат прикажани околу 70 документарни филмови, поделени во пет натпреварувачки категории.

Главната програма која се бори за наградата „Кромид“, на овие автори, односно „Млад кромид“, кратки документарни филмови „Сецкан кродмид“, студенстката програма „Кокарче“, но и награда за етички идеи, која традиционално се доделува на фестивалот, а е сочинета од филмови кои се наоѓаат во програмите нови автори и главната документарна програма.

Ќе има плус уште две програми надвор од компетиција, тоа е Земја во фокус. Оваа година во фокусот е Украина, а ќе има и програмата за деца и млади.

Жирито го сочинуваат 15 интернационални професионалци од документарниот свет. Според Набаков, ново е тоа што за разлика од претходната година оваа година на фестивалот ќе има 30 странски гости.

– Сите филмови ќе ги даваме само физички, односно оваа година фестивалот ја зазема физичката форма, немаме хибриден фестивал како претходната година. Освен делот за филмски професионалци, мастер класовите, работилниците, и копродукс форумот ќе бидат онлајн со некоја си хибридна форма – појасни Набаков.

Петрула Велјановска, од програмскиот тим на „МакеДокс“ на прес-конференцијата посочи дека фестивалот оваа година ќе биде отворен со филмот „Луѓе од гаражи“ на режисерката Наталија Јефинкиња, тоа е филм од „Њу камер“ програмата, филм кој ќе биде во натпреварувачката програма за дебитански филм.

Во оваа програма ќе се натпреваруваат филмовите како што е „Зиндер“ на режисерката Ајџа Џамаки, еден од филмовите кој доаѓа од Африка.

Како што рече Велјановска, во главната програма оваа година на „МакеДокс“ ќе се најдат осум филмови, кои биле присутни на светски познатите фестивали за документарни филмови.

Во главната програма ќе биде и филмот Гунда на режисерот Виктор Косаковски, кој пред две години беше присутен на „МакеДокс“.

Во главната програма ќе се најдат и филмовите кои беа фестивалски хитови во 2020 година.

– Оваа година на „МакеДокс“, во фокус програмата ќе биде земјата Украина, земја која изминативе години покажа исклучтиелно добра документаристичка продукција, филмови кои многу често беа наградувани на светските филмски фестивали и освоија многу награди – рече Велјановска.

Отворањето на Земја во фокус ќе биде следниот ден по официјалното отворање на фестивалот, на 20 август, во Куршумли-ан, со филмот „This rain will never stop“, кој што ја доби наградата за најдобар дебитантски филм на Интернационалниот фестивал во Амстердам.

Режисерката на филмот ќе биде присутна на фестивалот, а покрај неа ќе има уште пет гости од Украина, кои ќе бидат присутни со своите филмови. Ќе има и две гостинки од фестивалот за човекови права на Украина.

– Студентската програма ќе се состои од седум исклучителни студентски филмови, тука се филмовите на албанската режисерка Лугина Шкупа, како и на режисерката Виф Ли „I dont feel at home anywhere anymore“. Во програмата за кратки филмови ќе има 17 кратки филмови – додаде таа.

И годинава ќе има детска и младинска програма на фестивалот. Избрани се девет норвешки анимирани детски филмови, но и неколку кратки документарни филмови.

The post ПОЧНУВА „МАКЕДОКС“ Што сега? appeared first on plusinfo.mk.

Концертот ќе го отвори пејачот Никола Зацески.

The post Концерт на „Синтезис“, Наум Петрески и Зуица Лазова викендов во Куршумли Ан appeared first on plusinfo.mk.