Американскиот претседател Доналд Трамп издаде извршна наредба со која се воведува дополнителна царина од 25% за Индија зашто купува руска нафта. Тоа ќе ја зголеми вкупната царина за увоз од Индија на 50%, една од највисоките што ги воведоа САД.

Трамп претходно предупреди дека ќе ги зголеми давачките за Индија, велејќи дека „на Индија не ѝ е гајле колку луѓе убива руската воена машинерија во Украина“.

„Дејствијата на Руската Федерација во Украина претставуваат постојана закана за националната безбедност и надворешната политика на САД. Увозот на руска нафта во Индија ги поткопува напорите на САД да се спротивстават на штетните активности на Русија. Со увозот и последователната препродажба на руска нафта на пазарот од страна на Индија дополнително ѝ се овозможува на економијата на Руската Федерација да ја финансира својата агресија во Украина“, се наведува во соопштението на Белата куќа.

Индија ги критикуваше американските царини, во услови кога самите САД продолжуваат да тргуваат со Русија. Минатата година, трговијата на САД со Русија изнесувала околу 3,5 милијарди долари, и покрај строгите санкции и царини.

The post ТРАМП ГИ ЗГОЛЕМИ ЦАРИНИТЕ ЗА ИНДИЈА НА 50 ОТСТО Ја казни зашто купува руска нафта appeared first on plusinfo.mk.