Поднесено е обвинение за корупција и купување парламентарни гласови против лидерката на партијата „Татковина“ Јулија Тимошенко, поранешна премиерка на Украина, соопшти портпарoлката на украинското Специјално обвинителство за борба против корупцијата (САП) Олга Постољук.

Тимошенко е обвинета за поткуп на службено лице, односно на други членови на Врховната Рада на Украина, за што ѝ се заканува казна затвор од пет до 10 години.

Украинското Национално биро за борба против корупцијата (НАБУ) објави аудио-снимка од разговорот меѓу Тимошенко и пратеник во парламентот, во кој таа зборува за плаќање за парламентарни гласови. Во видеото, Тимошенко зборува речиси шепотејќи. Таа му кажува на пратеникот како правилно да гласа.

Агенциите за спроведување на законот забележаа дека откако НАБУ и САП открија случаи во декември кога пратениците добивале нелегални бенефиции во замена за одлуки за нацрт-закони во парламентот, осомничената влегла во преговори со одредени пратеници за воспоставување систематски механизам за обезбедување нелегални бенефиции во замена за лојално однесување за време на гласањето.

„Ова не е еднократен случај, туку редовен механизам на соработка, што е поврзан со авансни плаќања и бил планиран подолг период. Пратениците требало да добијат упатства за тоа како да гласаат, а во некои случаи дали да гласаат „воздржано“ или да не учествуваат во гласањето“, забележа САП.

Тимошенко денеска потврди дека канцелариите на нејзината партија „Татковина“ (Баткившчина) биле претресени, при што биле најдени пари, но ги негираше обвиненијата што ѝ се ставаат на товар.

Yulia Tymoshenko, ex-PM and Batkivschyna leader, has been officially charged by NABU with attempting to bribe MPs, offering cash for votes or switching sides. Footage from the raid shows stacks of dollars in her office. Tymoshenko, now in parliament, calls the charges “absurd.” pic.twitter.com/CMYpIfCoCu

— NOELREPORTS (@NOELreports) January 14, 2026

The post 🎥 ЈУЛИЈА ТИМОШЕНКО ФАТЕНА ВО КУПУВАЊЕ ПРАТЕНИЧКИ ГЛАСОВИ На поранешната премиерка на Украина ѝ се закануваат 10 години затвор appeared first on plusinfo.mk.