Агуеро дојде во Барселона ова лето како слободен играч од Манчестер Сити, каде што помина една деценија и стана најдобар стрелец во историјата на „граѓаните“, но пред помалку од три месеци му беше дијагностицирана аритмија откако се пожали на болка во градите и вртоглавица на натпреварот со Алавес.

Тој сега доби четири понуди за нова работа. Неговиот поранешен клуб Манчестер Сити сака Агуеро да биде актуелен амбасадор на клубот. Покрај таа понуда, Агуеро има и две понуди од Аргентина, едната да биде помошник тренер на селекторот Лионел Скалони во репрезентацијата, а другата да води една од помладите категории во селекциите на Аргентина.

Четвртата понуда засега е работа како стручен коментатор на една од најголемите ТВ мрежи.

Пред да дојде во Барселона, Агуеро играше за Индепендиенте, Атлетико Мадрид и за Манчестер Сити, за кои постигна 260 гола на 390 натпревари, од кои 184 во Премиер – лигата

The post НИЗ СОЛЗИ СЕ ЗБОГУВАШЕ ОД ФУДБАЛОТ Агуеро веќе има четири понуди за нова работа appeared first on plusinfo.mk.

Агуеро на прес конференцијата не можеше да ги сокрие солзите на неговиот крај на играчката кариера.

– Донесов одлука да прекинам со професионалното играње. Ја донесов оваа одлука поради проблемот кој го открив пред пола месец. Зборував со медицинските лица, кои ми рекоа дека е најдобро да прекинам да играм. Десет дена претходно ја донесов одлуката, и сакав да ви ја соопштам. Јас сум среќен поради кариерата која ја имав. Секогаш уживав кога играв фудбал од почетокот од мојот прв контакт со топката, се до крајот. Мојот сон беше да играм во Европа тој сон ми се исполни. Играв во најдобрите клубови. Давав се од себе, и ви благодарам што сте тука со мене. Беше магично да се добие шанса да се игра во Барселона, еден од најдобрите тимови во светот. Многу сум почестен поради таа можност, како и поради можноста да играм во репрезентацијата на Аргентина. Играв во големи клубови како Атлетико Мадрид, Манчестер Сити и кажувам крај со крената глава. Знам дека многу луѓе ми даваат поддршка во овие моменти и јас сум им многу благодарен поради тоа. Многу ми значи – рече Агуеро.

Потоа емотивно го поднесе и видеото кое му го пуштија од Барселона. Плачеше и неговото семејство кое беше присутно, а и неговите поранешни тренери и сегашни соиграчи. Беше присутен и Пеп Гвардиола како и челници од аргентинската и од шпанската фудбалска федерација.

The post АГУЕРО НИЗ СОЛЗИ ЈА СООПШТИ НАЈТЕШКАТА ОДЛУКА Прекинувам со активно играње, иако фудбалот ми беше сѐ (ВИДЕО) appeared first on plusinfo.mk.

Аргентинецот минатиот месец се пожали на болки во градите и проблеми во дишењето на мечот против Алавес. Тестовите покажаа дека се работи за аритмија и во прв момент беше пренесено дека напаѓачот ќе паузира најмалку три месеци.

Сепак, подоцна беше објавено дека проблемите се посериозни и дека докторите го советуваат фудбалерот да почне да размислува за крај на кариерата.

Медиумите од Шпанија сега пренесуваат дека Кун Агуеро донел одлука и во среда на прес-конференција ќе соопшти дека става крај на кариерата на 33 години.

The post ТАЖЕН КРАЈ ЗА АГУЕРО Поради проблеми со срцето, Аргентинецот предвреме заминува во пензија appeared first on plusinfo.mk.