Четиринаесетмесечно дете од Куманово било хоспитализирано откако дошло во контакт со средство за чистење, по што било пренесено на лекарска помош во Општата болница во градот.

Од Секторот за внатрешни работи Куманово информираат дека случајот бил пријавен синоќа.

„На 10.06.2026 година во 20:14 часот во СВР Куманово, од Општата болница Куманово било пријавено дека кај нив било донесено 14-месечно дете од Куманово кое било затруено од средство за чистење“, соопштија од полицијата.

По пријавата, полициски службеници извршиле службен разговор со мајката на детето, а увид на местото направила увидна екипа од СВР Куманово.

Надлежните институции преземаат мерки за целосно расчистување на околностите под кои дошло до инцидентот.

The post ДЕТЕ ГОДИНАЧЕ СЕ ЗАТРУ ОД СРЕДСТВО ЗА ЧИСТЕЊЕ Хоспитализирано е во кумановската болница appeared first on plusinfo.mk.

Турски државјанин на возраст од 26 години е лишен од слобода откако во товарно возило на гранично подрачје кај Куманово бил пронајден поголем количински товар од кожен материјал, соопштија надлежните органи.

Вчера во 16:15 часот мобилен тим од Мобилната единица за компензаторни мерки при Одделот за гранични работи и миграција, при движење од Куманово кон Крива Паланка, забележал товарно возило „мерцедес-бенз“ со косовски регистарски ознаки и го сопрел за контрола.

При деталниот преглед на возилото, управувано од Т.Б.К. (26) од Турција, во товарниот дел биле пронајдени шест вреќи со вкупно 118 парчиња кожен материјал, со проценета површина од околу 177 квадратни метри.

По насоки на дежурен јавен обвинител од Основното јавно обвинителство Куманово, лицето е лишено од слобода по член 278-б од Кривичниот законик, за „прикривање на стоки кои се предмет на криумчарење и царинска измама“.

Тој е спроведен во Полициската станица Куманово, каде што ќе следуваат понатамошни постапки, додека надлежните работат на целосно расчистување на случајот.

The post ГО ФАТИЛЕ СО 77 м² КОЖЕН МАТЕРИЈАЛ Турски државјанин приведен по контрола на мобилен тим appeared first on plusinfo.mk.

Новото мултифункционално спортско игралиште во дворот на ООУ „Браќа Миладиновци“ во Куманово, реализирано со поддршка на финансиското друштво Flex Credit како генерален спонзор и донатор на проектот, свечено беше пуштено во употреба во средата, 3 јуни.

Новото игралиште ќе го користат учениците од ООУ „Браќа Миладиновци“ и ООУ „Крсте Мисирков“, а неговата посебна вредност е инклузивниот пристап што овозможува активно користење и од страна на учениците од помошниот ресурсен центар за деца со посебни образовни потреби. Со тоа се создава безбеден и достапен простор каде сите деца ќе имаат можност за спорт, рекреација и дружење.

По повод отворањето беше организиран ревијален натпревар во рамки на програмата „Забавни мини спортови“, преку кој учениците ги претставија можностите на новите терени за кошарка, одбојка и ракомет, под менторство на наставниците по физичко образование.

На настанот присуствуваа претставници на училиштата, Општина Куманово, ЈП „Куманово План“, како и претставници на менаџментот на Flex Credit.

Проектот е реализиран во рамки на платформата за општествена одговорност на компанијата „Повеќе од финансии – поддршка за заедницата“, преку која Flex Credit инвестира во иницијативи што создаваат долгорочна вредност за локалните заедници.

– За нас ова е многу повеќе од донација. Преку платформата „Повеќе од финансии – поддршка за заедницата“ сакаме да оставиме трајни позитивни промени таму каде што се најпотребни. Веруваме дека секое дете заслужува квалитетен простор за игра, спорт и развој, а особено ни е драго што ова игралиште ќе биде достапно за сите деца без исклучок. Ова е инвестиција во младите, во нивното здравје, другарство и иднина – изјави Тина Трпковска, маркетинг директор на Flex Credit.

Во знак на благодарност за поддршката и придонесот во реализацијата на проектот, на претставниците на Flex Credit им беше врачена благодарница од раководствата на училиштата.

The post НОВО МУЛТИФУНКЦИОНАЛНО ИГРАЛИШТЕ ВО КУМАНОВО Донација од Флекс крдит за учениците appeared first on plusinfo.mk.

Дваесет и едногодишен жител на Куманово е приведен откако не застанал на полициски знак за запирање додека управувал мотоцикл, информираше Министерството за внатрешни работи.

Според информациите, настанот се случил на 4 јуни околу 23:50 часот, кога полициски службеници од СВР Куманово го привеле Ј.С. (21) од Куманово.

Претходно, тој управувал мотоцикл и не постапил по наредбата за запирање дадена од полицијата, по што продолжил да се движи.

По преземените мерки, полицајците го пронашле младиот возач заедно со мотоциклот на бензинска пумпа во Куманово. Според МВР, при интервенцијата тој агресивно се однесувал и ги попречувал полициските службеници во извршувањето на нивните службени задачи.

По приведувањето бил однесен во полициска станица, а мотоциклот му бил одземен.

Од Министерството за внатрешни работи најавуваат дека по целосното расчистување и документирање на случајот против него ќе биде поднесена соодветна пријава.

The post МОТОРЏИЈА НЕ ЗАСТАНАЛ НА ПОЛИЦИСКИ ЗНАК И ПОБЕГНАЛ Kумановец заврши во станица, моторот му е одземен appeared first on plusinfo.mk.

Седум лица се лишени од слобода во различни градови низ Македонија во последните 24 часа по пријави за семејно насилство, информира Министерството за внатрешни работи. Дел од осомничените се товарат за физички напади врз сопружници, родители и партнери, а во еден случај била оштетена и покуќнина.

Во Скопје, на подрачјето на Карпош, полициски службеници го привеле Б.М.(45), откако бил пријавен дека физички го нападнал својот 75-годишен татко.

Во прилепско село, пак, бил уапсен 49-годишен маж по пријава од неговата 42-годишна сопруга дека бил нападната во семејниот дом.

Полицијата во Гостивар привела 40-годишна жена од гостиварско село, откако нејзиниот 52-годишен сопруг пријавил дека по расправија била физички агресивна кон него. Според пријавата, таа искршила дел од покуќнината и му го оштетила мобилниот телефон.

Во Неготино бил приведен В.В.(65) од Кавадарци, кој според пријавата во домот им се заканувал и физички ги нападнал својата 53-годишна партнерка и нејзиниот 21-годишен син. За случајот бил известен јавен обвинител.

Полициски службеници во Велес го лишиле од слобода И.М.(49), осомничен дека по расправија физички ја нападнал својата 47-годишна сопруга.

Во Куманово биле приведени две лица. М.М.(40) е осомничен дека ја нападнал својата 37-годишна сопруга во семејниот дом, додека О.З.(46) бил пријавен за агресивно однесување и закани кон неговата 68-годишна мајка.

Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

The post ТАТКО, СОПРУГА, МАЈКА И ПАРТНЕРКА МЕЃУ ЖРТВИТЕ Бран приведувања за семејно насилство низ државата appeared first on plusinfo.mk.

Семејството на трагично починатиот Аган Асани oд Черкезе го посети младиот фудбалер Давид Докмановиќ од Уминдол, кој неодамна му посвети гол. Во знак на благодарност, му ја подарија топката со која Аган играл во својот дом.

Средбата беше полна со емоции.

Гестот предизвика бројни позитивни реакции на социјалните мрежи, каде што многумина ја истакнаа човечноста, емпатијата и силната порака на пријателство и почит што ја испратија двете семејства.

Давид, кој игра за ФК Еуроспорт го постигна голот само неколку денови откако Асани трагично го загуби животот.

Асани беше удрен од автомобил додека возел електричен тротинет.

Неговата смрт предизвика голема тага во Куманово и пошироко, а споменот за него продолжува да живее.

The post 📽️ ГЕСТ ШТО ЈА ТРОГНА ЈАВНОСТА Семејството на починатиот Аган го прегрна момчето што му посвети гол appeared first on plusinfo.mk.

СВР Куманово поднесе кривични пријави против двајца 52-годишни кумановци поради сомнежи за уништување на заштитено културно наследство, бесправно градење, узурпација на државно земјиште и несовесно работење во службата.

Според полицијата, првопријавениот во текот на 2023 година ја урнал куќата на која била поставена спомен-плоча на народниот херој Киро Нацев Фетак. Објектот бил евидентиран како заштитено културно наследство и се наоѓал во регистарот на спомен-обележја на Општина Куманово.

По уривањето на куќата, на истата локација тој, како инвеститор, изградил објект од втора категорија без претходно да обезбеди одобрение за градење од општинскиот сектор за урбанизам. Според пријавата, градбата била подигната на земјиште во државна сопственост.

Втората пријавена, која работела како овластен градежен инспектор, се товари дека несовесно ги извршувала службените должности. Според наводите, таа донела решение врз основа на нецелосно и неточно утврдена фактичка состојба, иако била должна целосно да ја провери состојбата на терен.

The post УРНАЛ КУЌА НА НАРОДЕН ХЕРОЈ, ЗАШТИТЕНА СО ЗАКОН, СИ НАПРАВИЛ ДИВОГРАДБА!? Кривични пријави за кумановски инвеститор и за градежна инспекторка appeared first on plusinfo.mk.

Кумановската полиција го приведе 35-годишниот Д.П. од Куманово, кој се сомничи дека во изминатиот период држел сограѓанин против негова волја во својот дом го принудувал орално да го задоволува и го малтретирал.

Според информациите од СВР Куманово, случајот се случувал од 29 до 31 мај, кога осомничениот, според пријавата, со употреба на сила го држел 36-годишниот познаник во објект во Куманово. Според пријавеното, во тој период Д.П. повеќе пати физички го напаѓал лицето, го принудувал орално да го задоволува и го принудувал да користи дрога.

При полициската интервенција бил извршен претрес, при што кај осомничениот биле пронајдени и одземени марихуана, мобилен телефон со траги од бела прашкаста материја, како и други предмети за кои постои сомнеж дека се поврзани со случајот.

Лицето е лишено од слобода и задржано во полициска станица, а по целосно расчистување на случајот ќе следува соодветна кривична пријава.

Полицијата продолжува со истрагата за целосно утврдување на околностите

The post БАРАЛ ОРАЛНО ДА ГО ЗАДОВОЛУВА И ГО ПРИНУДИЛ ДА СЕ ДРОГИРА Кумановец заврши во притвор поради киднапирање и малтретирање на сограѓанин appeared first on plusinfo.mk.

Екипите на ЈП „Чистота и зеленило“ со механизација се обидуваат да го изгасат пожарот кој избувна синоќа на депонијата Краста во близина на Куманово, соопшти денеска директорот на претпријатието, Сашо Томиќ.

Тој информираше дека сите расположливи екипи се на депонијата и во текот на денот со затрупување на земја ќе се обидат целосно да го изгасат чадењето. Вчера интервенирале и кумановските пожарникари со едно возило од 20: 35 до 23:10 часот.

Депонијата Краста, лоцирана на регионалниот пат Куманово-Пчиња ќе стане претоварна станица од каде сметот од Куманово ќе се носи во Свети Николе, преку проект финансиран од ЕУ во кој се вклучени општини од североисточниот и источниот регион.

Платформата на сметот пред извесен период беше затрупана со земја, израмнета што не дозволуваше да се шири непријатниот мирис и да се потпалува, како што беше пракса изминативе децении, што беше причина за постојани блокади од жителите на блиското село Пчиња кои бара нејзина дислокација.

Краста ќе стане збирна станица на која ќе се селектира отпадот и ќе се транспортира до регионалната депонија. Депонијата Краста функционира од 1958 година и зафаќа површина од 12, 5 хектари. Тука се складира сметот на градот со над 100.000 жители.

The post ГОРИ ДЕПОНИЈАТА КРАСТА КАЈ КУМАНОВО Екипите на „Чистота и зеленило“ се мачат да ја угаснат appeared first on plusinfo.mk.

Тринаесетгодишно дете од кумановското село Черкези загина синоќа во тешка сообраќајна несреќа што се случила на регионалниот пат Куманово–Скопје.

Како што соопшти СВР Куманово, несреќата се случила помеѓу патничко возило „мерцедес“ со кумановски регистарски ознаки, управувано од 24-годишниот Ф.С. од Куманово, и електричен тротинет на кој се наоѓало 13-годишното дете.

По судирот, малолетникот бил итно пренесен во Општата болница во Куманово, каде лекарите ја констатирале неговата смрт.

Возачот на автомобилот бил лишен од слобода во 21:20 часот во Полициската станица Куманово.

„По несреќата, малолетникот бил пренесен во болницата во Куманово каде лекар констатирал смрт. Возачот е лишен од слобода“, соопшти полицијата.

На местото на несреќата увид извршиле јавен обвинител од Основното јавно обвинителство и увидна екипа од СВР Куманово.

The post 13-ГОДИШНО ДЕТЕ ЗАГИНА ВОЗЕЈЌИ ТРОТИНЕТ Малолетник смртно повреден по удар од автомобил appeared first on plusinfo.mk.