Кој плаќа за моминската забава денес? Токму ова прашање предизвика огромна дебата меѓу жените на онлајн форумот Редит (Reddit), а темата очигледно влијаеше на многу идни невести и деверуши кои сѐ повеќе се соочуваат со растечките трошоци и очекувања за организирање свадба.

Една корисничка одлучи отворено да ги праша другите што мислат за ситуацијата и кој, според нив, треба да ги покрие трошоците за моминската забава.

– Ме интересира што мислите, кој плаќа за моминска забава денес? Невестата, кумата или ги делат вкупните трошоци за местото, храната и пијалаците и сите ги покриваат трошоците заедно? За мене е незамисливо кумата да плаќа за сè, а како кума, исто така ми е тешко да кажам колку пари треба да даде секоја девојка за да ги покрие трошоците. Да имав моминска забава, сама би платила за сè, инаку нема да ја имам – напиша таа.

Дискусијата ги подели корисниците, но повеќето од нив се согласија за едно нешто, а тоа е дека е нереално да се очекува кумата сама да ја финансира целата вечер.

Повеќе за ова прочитајте ТУКА.

The post КОЈ ПИЕ, А КОЈ ПЛАЌА НА МОМИНСКИТЕ И ЕРГЕНСКИТЕ ЗАБАВИ? Прашање кое предизвика дебата на Редит appeared first on plusinfo.mk.

Алфонсо Рибеиро сподели трогателна фотографија од неговите последни моменти со блискиот пријател Џејмс Ван Дер Бик, кој почина на 48-годишна возраст по двегодишна борба со колоректален рак, оставајќи ја зад себе својата сопруга Кимберли и нивните шест деца.
Рибеиро, кој е кум на нивната ќерка Гвендолин, откри на Инстаграм дека бил со ѕвездата од „Досонс Крик“ само неколку минути пред да почине. Тој отворено зборува за моментот што никогаш нема да го заборави – можноста да се збогува со Џејмс Ван Дер Бик пред да почине по битката со ракот. ⁠⁠

– Оваа фотографија ја направи Кимберли само неколку минути пред да се збогувам со него. Мојот последен момент го насмеа уште еднаш – напиша во објавата покрај фотографијата направена од сопругата на Џејмс, Кимберли.⁠

 

View this post on Instagram

 

A post shared by Alfonso Ribeiro (@therealalfonsoribeiro)

Двајцата пријатели се зближија откако се натпреваруваа во „Танцување со ѕвездите“ во 2019 година – а Алфонсо вели дека Џејмс и Кимберли навистина му го промениле животот.⁠
⁠
– Тој беше мој вистински пријател, брат и водич во животот – напиша тој во првичниот пост откако се прошири веста за смртта на Џејмс.

– Бев со него низ ова ужасно патување за победа над ракот. Неговото семејство и пријателите се возеа како на ова патување како на тобоган. Височините кога изгледаше дека ќе надмине се, до падовите кога тоа се враќаше.

Неговата порака заврши со ветување до семејството на својот пријател:

– Засекогаш ќе бидам должен за сè што ми дадоа мене и на моето семејство. Тој ќе живее засекогаш во моето срце. Секогаш ќе бидам тука за нивните деца. Можноста да се збогувам овој викенд секогаш ќе живее со мене. Почивај во мир, брате мој. Почивај во мир.

 

View this post on Instagram

 

A post shared by Alfonso Ribeiro (@therealalfonsoribeiro)

The post ПРИЈАТЕЛ НА ПОЧИНАТАТА ЅВЕЗДА ОД „ДОСОНС КРИК“ СПОДЕЛИ СНИМКА ОД ПОСЛЕДНИТЕ МОМЕНТИ Рибеиро е кум на ќерката на Ван Дер Бик, Гвендолин appeared first on plusinfo.mk.

Православните христијански верници во земјава денеска го слават Бадник, ден пред големиот празник Рождество Христово – Божик.

Одбележувањето на Бадник во Скопје ќе почне пред Соборниот храм „Свети Климент Охридски“ во организација на Здружението на граѓани „Одбор за традиционална прослава на Бадник“. Според најавите од организаторите, како и минатата година, делењето бадникови гранчиња ќе се одвива во дворот на Храмот од страната на булеварите „Партизански одреди“ и „Св. Климент Охридски“.

Кум на годинашното одбележување е бизнисменот Зоран Кондратенко, а здравичар е музичарот Јаков Дренковски.

По осветувањето на гранчињата, подигањето на Бадникарското знаме и исполнувањето на Бадниковата химна, кумот Кондратенко и здравичарот Дренковски, заедно со претставници на Одборот ќе го посетат Домот за стари лица во Злокуќани при што ќе врачат пригодни подароци на штитениците за да им ја доловат атмосферата во пресрет на големиот христијански празник Божик и заедно со сограѓаните и персоналот да ги споделат радоста и среќата што ги носи претстојниот голем празник.

Новиот кум и здравичар по престојот во Злокуќани ќе се упатат кон Соборниот храм, каде претходно со пајтон ќе пристигнат минатогодишниот кум Раде Макеларски и здравичарот Атанас Петров. Потоа во присуство на поглаварот на Македонската православна црква-Охридска архиепископија, г.г. Стефан и свештенослужители ќе се одвива чинот на предавањето на Бадникарскиот ќуп на новите кумови, по што ќе се обрати поглаварот на МПЦ и ќе се освети погачата.

По завршувањето на церемонијата новиот кум со ќупот заедно со здравичарот со пајтон ќе го напуштат храмот „Свети Климент Охридски“ и ќе се упатат кон своите домови.

Во Скопје оваа година поворките ќе започнат од пред Музеј на Град Скопје, со движење низ ул.„Македонија“, а ќе завршат на Плоштадот во Скопје, каде ќе се одржи голем концерт.

Во организација на Здружението „Бадникови поворки“, денеска ќе се одржи Бадниковата манифестација за 2026 година во повеќе од 80 градови и населени места низ земјава, како и меѓу македонската дијаспора во Словенија, Италија, Австрија, Франција и Соединетите Американски Држави.

Централен настан ќе биде големата Бадникова поворка во Скопје, која ќе започне во 12:00 часот од Музејот на Град Скопје, ќе се движи по улицата „Македонија“ и ќе заврши на плоштадот „Македонија“, пред сцената кај Божикната пештера.

По пристигнувањето на поворката на плоштадот „Македонија“, ќе следува „Божикната авантура“ – голема музичко-сценска изведба во живо, со повеќе од 40 музичари, пејачи, актери и учесници од „Златно славејче“. Мјузиклот е реализиран под уметничко раководство на Владо Дојчиноски, со драматургија на Билјана Крајчевска, и преку музика и сценска приказна ја пренесува пораката за Рождеството Христово.

Традиционално, во претпладневните часови, групи деца и млади од Бадниковите поворки ќе остварат празнични посети кај претседателката на државата Гордана Силјановска-Давкова, архиепископот Охридски и Македонски г.г. Стефан, градоначалникот на Град Скопје Орце Ѓорѓиевски, споделувајќи ја радосната вест за Христовото Рождество.

Македонскиот народ со многу внимание и почит ги одбележува овие празници. Божик е Господски празник и се празнува во спомен на раѓањето на Господ Исус Христос. Овој празник е матица на сите други црковни празници, бидејќи со Христовото раѓање се смета и почетокот на новата ера.

Семејството на Бадник се собира на заедничка вечера и според обичајот оваа вечер не се оди на гости. Се прави богата, посна трпеза.

Домаќините се трудат да принесат од се по нешто за да им биде богата трпезата во текот на целата година. Се меси погача, а во некои места се прават зелници. Пред почнувањето на вечерата на која сите се собрани, домаќинот ја благословува трпезата, го крши кравајчето, а некаде го дели зелникот, на толку делови колку што има членови во семејството, оставајќи уште дел за Бога и дел за куќата.

Исто така, вечерта во огнот се става бадниково гранче кое се смета за најздраво дрво, за да бидат здрави сите во семејството. Бадниковите гранчиња се симбол на среќата, љубовта и светлината, со кои православните верници ги украсуваат домовите за Бадниковата вечер, во пресрет на Божик.

The post КУМОТ КОНДРАТЕНКО И ЗДРАВИЧАРОТ ДРЕНКОВСКИ ЌЕ НАЗДРАВАТ ПРЕД СОБОРНИОТ ХРАМ Бадник ќе биде прославен со Бадникова химна, со делење гранчиња и со погача appeared first on plusinfo.mk.

Да негуваме мајчински инстинкт кај вештачката интелигенција (ВИ) за вистински да се грижи за луѓето, вели кумот на ВИ, Џефри Хинтон на конференција.

Експертот признава дека не е сигурен како тоа може да се направи технички, но нагласи дека е клучно истражувачите да работат на тоа.

– Тоа е единствениот добар исход. Ако не сакаат да ме воспитуваат, ќе ме заменат. Овие суперинтелигентни, грижливи мајки со вештачка интелигенција, повеќето од нив нема да сакаат да се ослободат од своите мајчински инстинкти затоа што не сакаат да умреме.

Пионерот на невронските мрежи и добитник на Нобелова награда, предупредил дека постои 10 до 20% веројатност вештачката интелигенција да ја уништи човечката цивилизација и дека сегашните стратегии за контрола се погрешни, јави Си-Ен-Ен.

– Нема да функционира. Тие ќе бидат многу попаметни од нас. Ќе имаат секакви начини да го заобиколат тоа – изјави Хинтон на конференцијата Ai4 во Лас Вегас.

– Ако се паметни, системите на вештачка интелигенција многу брзо ќе развијат две потцели: да останат живи и да добијат поголема контрола – предупредил тој, додавајќи дека сочувството е клучно за да не станат закана.

Феи-Феи Ли, ко-основач на World Labs, со почит не се согласува со тезата на Хинтон и вели дека не е достоинствено луѓето да бидат деца во рацете на ВИ:

– Наша одговорност е на секое ниво да создаваме и користиме технологија на најодговорен можен начин. И во никој момент не треба да се бара од човек да се откаже од своето достоинство.

Емет Шир, поранешен привремен извршен директор на ОпенАИ, рекол дека обидите за уцена од ВИ системи „се случуваат постојано“ и дека побрзо расте нивната моќ. Тој смета дека подобро е да се гради соработка меѓу луѓето и машините.

Хинтон, кој во 2023 година ја напуштил „Гугл“ за да зборува за опасностите, предвидува дека суперинтелигентна ВИ може да се појави за 5 до 20 години. Иако стравува од ризиците, тој гледа можности за нови лекови и за подобри терапии за рак.

– Не верувам дека ќе живееме вечно. Мислам дека вечниот живот би бил голема грешка. Дали сакате 200-годишни бели луѓе да владеат со светот? – прашал Хинтон на конференцијата.

The post КУМОТ НА ВЕШТАЧКАТА ИНТЕЛИГЕНЦИЈА ИМА НЕОБИЧЕН ПРЕДЛОГ Потребен е мајчински инстинкт кај машините? appeared first on plusinfo.mk.

Верскиот празник „Бадник“, ден пред Христовото раѓање, Божиќ, беше одбележан денеска во Соборниот храм „Свети Климент Охридски“ во Скопје. Традиционалниот настан започна со химна и подигнување на бадникарско знаме. Свештени лица извршија осветување на бадникови гранчиња, но и на кумовата погача, што подоцна беше поделена помеѓу присутните. Беше примопредаден и бадникарскиот ќуп.

Пред присутните се обратија минатогодишниот бадникарски кум Божидар Јанковски, новиот кум Радомир Макеларски и здравичарот меѓу бадникарите, Атанас Петров, како и градоначалникот на општина Центар, Горан Герасимовски.

– Живееме во времиња на бурна демократија. Да се потрудиме на новите генерации да им овозможиме подобра иднина. А вие, избраните претставници од народот, во општините и Градот, потрудете се да го направиме ова наше Скопје уште поубаво и посреќно место на живеење – порача Петров.

Градоначалникот Герасимовски рече дека празниците зближуваат и посака убави празнични денови со спокој, љубов и благосостојба.

– Да се обединиме, да правиме добри дела и да сме солидарни со оние, на кои сме им потребни. Да ја чуваме традицијата што обединува и да ја пренесуваме на идните генерации – истакна Герасимовски.

Во своето обраќање, Макеларски рече дека бадникарскиот ќуп е голем трофеј за него и неговото семејство, ќупот не се купува, но, не се ни продава.

– Од ова место, сакам на сите, без разлика на вера и националност, да им порачам, да се сплотиме сите заедно, да живееме во слога и мир – нагласи новиот бадникарски кум.

Кумот традиционално доаѓа и си оди со зурли и тапани, со пајтон, со што, како што беше кажано, се почитува пајтонот како заштитен знак на старо Скопје. 

The post СЕ ОБРАТИЈА КУМОТ И ЗДРАВИЧАРОТ, СЕ ВЕЕШЕ БАДНИКАРСКОТО ЗНАМЕ Бадник прославен пред Соборниот храм appeared first on plusinfo.mk.

Од Одборот за традиционална прослава на Бадник денеска најавија дека традиционалното собирање на бадниковите гранчиња ќе се одржи на 22 овој месец од 12 часот на падините на Водно каде, според најавите, покрај годинашните кум и здравичар, ќе бидат присутни и поранешни кумови и здравичари. Централната прослава за Бадник ќе се одржи традиционално на 6 јануари на платото пред Соборниот храм во Скопје.

Годинашниот кум вели дека отсекогаш сакал да биде дел од оваа манифестација и дека навистина се израдувал кога го поканиле да биде кум.

– Отсекогаш кога сум ја гледал оваа манифестација, сум сакал да се вклучам, но знам дека за кум или здравичар не можеш сам да се понудиш туку треба да те поканат. Кога ми понудија да бидам кум, бев збунет и не можев да поверувам дека ме избрале. Едвај го чекам моментот кога ќе почне манифестаицјата за да го доживеам чувството како и претходните кумови – рече Макеларски.

Од Општина Центар, која традиционално учествува во организацијата на овој настан, најавуваат дека ќе продолжат да бидат покровители и во иднина.

The post 📷 КОГА МИ ПОНУДИЈА, НЕ МОЖЕВ ДА ПОВЕРУВАМ ДЕКА МЕ ИЗБРАЛЕ Радомир Макеларски е новиот кум за Бадник appeared first on plusinfo.mk.

Тој е еден од групата полицајци што во ноември 2020 стопираа сомнителен камион со струмички таблички за којшто не постоле документи од царина, но како што вели, под притисок на претпоставените, шоферот не бил задржан во станица и пуштен да си тера со камионот.

Бучков тврди дека во моментот кога го проверувале камионот ги провериле и регистерските таблички и тие се воделе на фирма регистрирана на кумот на Вице Заев.

Оваа изјава е дадена пред неколку месеци, но поради активна истрага на МВР, дури сега ја објавуваме. МВР веќе спроведе акција во која според последните информации уапсени се 35 цариници од Струмица и Гевгелија. Пред четири години во Шуто Оризари, Бучков заедно со полициската група по забележување на камионот инсистирале да го проверат шоферот и документацијата од царина. Веднаш по нивното пријавување, следувале притисоци од претпоставените, сведочи Бучков, пренесе Алфа.

Бучков бил даден на дисциплинска постапка бидејќи, според претпоставените, од полициска станица Шутка незаконски го проверувал струмичкиот камион. Исто така тој сведочи дека поради одмазда, МВР му мести ситуација дека не дозволил постапување на полициски службеници на улица, а лично министерот Спасовски му потпишал отказ. Добил клоци и тупаници од колегите од крим техника кои според него не може случајно да се нашле на лице место на улица во Струмица.

Бучков е убеден дека тогашната власт го штитела криминалот на кумот на братот на поранешниот премиер Зоран Заев, а тој случајно го затекнал камионот, па поминал пекол и агонија што му ја направиле, како што тврди, неговите шефови.

Инаку, БЈБ на МВР, Министерство за финансии, УЈП и Јавното обвинителство пред еден месец влегоа во фирмите на струмичкиот бизнисмен Ристо Крмзов. Тој се сомничи за перење пари, двојни плаќања, незаконско постапување и даночни затајувања.

The post 📽️ ГО ПРОВЕРИЛ КАМИОНОТ НА КУМОТ НА ВИЦЕ ЗАЕВ И СИ ЈА НАШОЛ БЕЉАТА Поранешен полицаец сведочи за шверцот со брендирана стока appeared first on plusinfo.mk.

Во своето обраќање денеска пред Соборниот храм Јанковски го честита празникот Бадник и порача да имаме разбирање за различностите, за секого во овој град, и да простуваме.

– Јас сум попско дете. Мојот дедо бил поп и јас поради тоа се чувствувам посебен денеска пред овој храм и на овој ден. Сигурен сум дека мојот дедо поп Станко и мојата баба попадија Нана би биле денес горди на својот внук. Благодарам на сите за оваа приивлегија која ја имаме денес. Скопје е на сите родени во Скопје, но и на сите кои живеат во него. Таа различност на сите жители на Скопје го прави Скопје метропола. И тоа така засекогаш треба да остане – рече Јанковски.

Јанковски со сопругата Радмила Шекеринска и со ќерката Ада, следејќи ја традицијата, седнаа во пајтон и се упатија низ скопските улици.

The post 📷 БОБО „ДАЈНЕРС“ Е БАДНИКАРСКИОТ КУМ Со сопругата и со ќерката во пајтон го прошетаа Скопје appeared first on plusinfo.mk.

Кумот на Јана, Игор Петковски, за Макфакс вели дека заминале оти целосно ја изгубиле вербата во нашите институции.

– Стравуваа како ќе појдат со синот на лекар ако некогаш затреба, не дај Боже. Поминаа шест месеци од смртта на Јана, се спакуваа и тројцата заминаа од државава. На најтешкиот начин почувствуваа како функционира таа спрега меѓу здравството, судството и сите институции што имаа допир со случајот на Јана. Сите оставија впечаток дека се штитат едни со други. Најгневни се на обвинителката, која го затвори случајот само врз основа на изјави, истрага не видовме. Институциите покажаа дека сите се поврзани едни до други и кај нас се владее по системот на династија – вели Игор Петковски, кумот на Јана, за Макфакс.

Инаку, Јана почина на 22 март годинава во ЈЗУ Клиничката болница „Д-р Трифун Пановски“ во Битола, а нејзините родители се убедени дека причина за смртта е лекарска грешка оти ѝ била дадена инфузија со гликоза, која ѝ го качила шеќерот во крвта на 19 единици, а претходно никогаш немала такви проблеми.

Девојчето беше однесено на лекар поради симптоми на настинка.

The post „КАКО ДА ГО ОДНЕСЕМЕ СИНЧЕТО НА ЛЕКАР АКО НЕКОГАШ ЗАТРЕБА?“ Родителите на малечката Јана од Битола ја напуштија Македонија appeared first on plusinfo.mk.

Човекот кого го сметаат за „кум на вештачката интелигенција“, Џефри Хинтон, даде отказ од Гугл велејќи за Би-Би-Си дека последиците можат да бидат „прилично страшни“. Хинтон има 75 години и смета дека во моментов чет-ботовите не се поинтелигентни од нас, „но мислам дека наскоро можат да бидат“.

Според овој познат компјутерски научник и когнитивен психолог, чет-ботовите, како Чат ГПТ наскоро би го надминале нивото на информации кои ги поседува човечкиот мозок.

– Во моментов, она што го гледаме е како ГПТ-4 веќе го надминува, го засенува обичниот човек во количината на општо знаење и тоа го надминува за многу. Во однос на расудувањето, чатот уште не е толку добар, но веќе може да прави едноставни расудувања.

– И со оглед на стапката на напредок, очекуваме работите да се подобруваат доста брзо. Затоа треба да се секираме за ова – додава тој.

Лоши луѓе ќе ја користат ВИ за лоши работи

Во написот на Њујорк Тајмс, д-р Хинтон се осврна на „лошите актери“ кои би се обиделе да користат вештачка интелигенција за „лоши работи“. На прашањето на Би-Би-Си да елаборира за ова, тој одговори дек „ова е само еден вид на најлошото сценарио, еден вид на кошмарно сценарио“.

– Можете да замислите, на пример, некој лош актер како (рускиот претседател) Путин реши да им даде на роботите способност да создаваат свои помали цели, подцели.

Научникот предупреди дека ова на крајот може да „создаде подцели од типот на „треба да добијам повеќе моќ“.

Ова е друга интелигенција, еден робот учи, 10.000 веќе знаат

Тој додава:

– Дојдов до заклучок дека видот на интелигенција што го развиваме е многу различен од интелигенцијата што ја имаме. Ние сме биолошки системи, а тоа се дигитални системи.

– И сите овие копии можат да учат одделно, но веднаш да го споделат своето знаење. Значи, како да имате 10.000 луѓе и секогаш кога едно лице ќе научи нешто, секој автоматски го дознава тоа. И на тој начин овие чет-ботови можат да знаат многу повеќе од која било личност.

Гугл беше многу одговорен

Тој нагласи дека не сака да го критикува Гугл и дека технолошкиот гигант бил „многу одговорен“.

– Всушност сакам да кажам некои добри работи за Гугл. И тие важат без разлика што бе работам за Гугл.

Одговорноста во пристапот неодамна ја потврди и главниот научник на Гугл, Џеф Дин. Тој изјави:

– Остануваме посветени на одговорен пристап кон вештачката интелигенција. Постојано учиме да ги разбираме ризиците кои се појавуваат, додека истовремено храбро ги правиме иновациите.

The post СТРАШНО Е, БОТОВИТЕ ЌЕ НЀ НАДМИНАТ „Кумот“ на вештачката интелигенција даде отказ во Гугл appeared first on plusinfo.mk.