Над 11 милиони денари за ревитализација на културното наследство во Охрид се издвоени од Министерството за култура, обзнани министерот Зоран Љутков кој денеска е во работна посета на градот.

Љутков истакнува дека годинава се Завод и музеј-Охрид одбележува 75 години од постоењето. Средствата се наменети за ревитализација на Самуиловата тврдина, која опфаќа археолошки доистражувања, поставување илуминација и партерно уредување со летна сцена.

– Се наоѓаме на Самуиловата тврдина – еден од најзначајните симболи на историјата, културата и идентитетот на Охрид. Нашата заложба е ова културно богатство да го зачуваме, но и да му дадеме нова, современа културна содржина – истакна министерот.

Љутко заедно со директорот на Завод и музеј – Охрид, Горан Патчев изврши увид во состојбата на тврдината и ги презентираше активностите.

Со ревитализацијата ќе се овозможи повторно одржување на театарски претстави, концерти и други културни настани, со што тврдината ќе добие и одржлива културна функција.

Покрај тоа, ќе се реализираат и заштитни интервенции и археолошки истражувања на локалитетот Манчевци, каде се наоѓа ранохристијанска базилика со вредни мозаични површини.

Поради констатирани оштетувања, предвидени се активности за дополнителни истражувања, изградба на потпорен ѕид и соодветно инфраструктурно уредување, со цел создавање услови за негова презентација и промоција.

Министерот нагласи дека заштитата, промоцијата и презентацијата на Охрид и Охридската споменична целина, која е дел од светското културно и природно наследство, претставува врвен приоритет за Министерството за култура и туризам.

Љутков потенцираше дека Министерството за култура и туризам останува цврсто посветено на системска грижа за културното наследство, како значаен ресурс за развој на културниот туризам и афирмација на државата на меѓународно ниво.

The post САМУИЛОВАТА ТВРДИНА ЌЕ ДОБИЕ ЛЕТНА СЦЕНА И НОВ ЖИВОТ За амбициозна ревитализација се предвидени 11 милиони денари appeared first on plusinfo.mk.

Во првите пет месеци од 2025 година, туризмот во Македонија доживеа драматично зголемување, особено кога станува збор за посетите од странски туристи од Западна Европа. Анализата на Министерството за култура и туризам покажува пораст од 23,6% во бројот на странски туристи, како и раст од 18,7% во бројот на ноќевања, споредено со истиот период од 2024 година.

Најголемото изненадување доаѓа од Франција, која бележи импресивен скок од 398% повеќе туристи и 303% повеќе ноќевања. Со ова, француските туристи брзо се искачија до врвот на приоритетите на македонските туристички политики.

Германските гости, исто така, покажале силен интерес – со раст од 219% во туристи и 146% во ноќевања, додека туристите од Велика Британија се зголемиле за 204%, со соодветен раст од 139% во остварени ноќевања.

Иако Турција останува на првото место според вкупниот број на туристи и ноќевања, растот од 11% во туристи и 21% во ноќевања ја задржува нејзината доминантна позиција како стабилен пазар.

Она што дополнително го издвојува периодот јануари-мај 2025 е растечкиот интерес за културен туризам надвор од главната сезона, што според Министерството има исклучително значење за анулирање на сезонскиот туризам. Овој тренд носи економски ефект низ целата година, со ангажирање на водичи, угостители, занаетчии и локални заедници.

Таквиот континуитет на туристички движења носи рамномерна распределба на приходите, подобрување на локалната економија и силна поддршка за руралниот туризам и новите дестинации.

Министерството за култура и туризам најави дека ќе ги искористи овие податоци за:

– Планирање на нови промотивни кампањи насочени кон Западна Европа,

– Засилување на авионските линии со Франција, Германија и Велика Британија,

– И поддршка на туристичките оператори кои работат на промоција на Македонија како дестинација со автентична понуда.

Сето ова треба да ја потврди Македонија како силен играч на туристичката мапа на Европа, со раст кој може да донесе рекордни приходи до крајот на годината.

The post ЗАПАДНОЕВРОПЕЈЦИТЕ ЈА „ОКУПИРАА“ МАКЕДОНИЈА Секој четврти турист е странец, омилени дестинации Охрид, Битола и Скопје appeared first on plusinfo.mk.