Во Општина Радовиш е во тек работната фаза од проектот за реконструкција и пренамена на поранешната Стоковна куќа во современ мултифункционален и културен центар со музејска содржина, информираше премиерот Христијан Мицкоски.

На својот Фејсбук профил тој објави слики од реконструкцијата.

„Објектот, лоциран во централното градско подрачје, добива целосно нова намена и значење како јавен простор од културен и општествен интерес.

Во рамки на работната фаза се изведуваат интензивни градежни активности кои опфаќаат конструктивна санација и адаптација на постојниот објект, внатрешно уредување, функционална реорганизација на просторот и создавање услови за современи културни, изложбени и музејски содржини.

Со инвестиција од 229.691.396 денари, обезбедена од Министерството за култура, се поставуваат темелите за нов културен центар кој ќе придонесе за збогатување на културниот живот, зачувување и презентација на културното наследство и зголемена достапност на културни настани за сите граѓани“.

The post 📷 СТОКОВНАТА КУЌА ВО РАДОВИШ ЌЕ СТАНЕ КУЛТУРЕН ЦЕНТАР Реконструкција и пренамена вредни 3,7 милиони евра appeared first on plusinfo.mk.

„Апсолутно. Тоа е уште еден показател дека за добрососедството само нашата страна се грижи“. Ова денеска го изјави премиерот Христијан Мицкоски одговарајќи на новинарското прашање дали Владата ќе реагира откако грчкиот Апелациски суд донесе одлука за укинување на Центарот за македонски јазик во Лерин.

Но, Мицкоски нагласува дека нема да дозволи да биде вовлечен во политички игри.

– Тоа нема да нè обесхрабри. Јас сум свесен дека таму им се потребни провокации за да ние изреагираме реципрочно и да направиме нешто кое што нема никаква врска со нашите интереси, односно остварување на втората наша цел, а тоа е полноправно членство во ЕУ. Уште еднаш нашите партнери од ЕУ можат да сведочат на непочитување на договореното од страна на нашите соседи иако јас сум свесен дека тие ќе се вадат, дека е тоа е судска одлука. Но, нашинците ја имаат нашата поддршка и ќе ги поддржиме во барање на нивното право. Ние како политичари можеме да дадеме логистика, тука е и Европскиот суд за човекови права, така што тие ќе ја имаат апсолутно нашата поддршка. Нема да реагираме како во минатото. Свесни сме дека сè ќе направат нашите соседи за да нè вовлечат во нивната внатрешна политичка расправа и ќе ја направат Македонија како тема, но ние сме одговорни и зрели и тоа нема да го дозволиме – рече премиерот Мицкоски.

Апелацискиот суд во Кожани, Грција, како што објави МКД, деновиве донесе одлука со која се поништува регистрацијата на Центарот за македонски јазик во Лерин. Активистите на Центарот најавија дека ќе ги искористат сите правни средства и оти ќе се жалат до грчкиот Врховен суд и до Судот за човекови права во Стразбур.

Центарот за македонски јазик во Грција е формиран 2022 година како невладина организација/здружение со одобрение од грчкиот суд, со што стана првата организација, која директно се грижи за македонскиот јазик, која што е регистрирана и призната од грчките државни органи.

Лани, во март, Основниот суд во Лерин, во две посебни одлуки, официјално одби повеќе барања/тужби за поништување на првичната одлука за одобрување на барањето за неговата регистрација.

На новинарско прашање дали на средбите со европски функционери разговарал за одложено усвојување на уставни измени и дали наишол на поддршка, премиерот Мицкоски одговори дека нашата Влада не може да влезе во наивен процес каде што само ќе правиме отстапки без притоа да имаме јасна гаранција дека како држава ќе бидеме дел од европското семејство.

– Едно од можните решенија може да биде, како што вие велите, уставни измени со одложено дејство. Но, од она што можам во моментот да го видам, а и што го слушаме, е дека никој ништо не може да ни гарантира. Бидејќи никој ништо не може да ни гарантира не можеме ниту ние да бидеме толкави оптимисти како што би сакале да бидеме и затоа овие два процеси кон полноправно членство во ЕУ и завршување на домашната задача ќе ги водиме паралелно, ќе бидеме фокусирани и на едниот и на другиот, ќе посветиме поголемо внимание на оној процес што зависи само од нас, а тоа е завршување на домашната задача. Доколку се појави двонасочна улица,ние сме тука, подготвени сме да разговараме. Според тоа, не е доволно само едната страна да сака нешто – потенцира Мицкоски.

The post САМО НИЕ СЕ ГРИЖИМЕ ЗА ДОБРОСОСЕДСТВОТО, А ТИЕ? Владата ќе реагира по укинувањето на Центарот за македонски јазик во Лерин appeared first on plusinfo.mk.

Во текот на изминатите месеци основната активност на здружението беше создавање услови за работа на КИЦ, изнаоѓање на канцеларија, како и нејзино опремување.Центарот ќе реализира различни проекти од областа на културата, туризмот и спортот.

The post 📷 „БУГАРИ УШЛИ У НИШУ“ Отворен бугарски културен центар во Ниш appeared first on plusinfo.mk.

Во рамки на настанот ќе се прикаже филмот „Простор за разговор“ во кореографија и режија на Рисима Рисимкин, а изведувачи се танчарите на Скопје танцовиот театар: Анастасија Данчевска, Дејан Битровски, Адријана Данчевска, Бобан Русески, како и Стефани Шааршмит, Сара Димовска, Клара Христова, Јоана Благадуша, Микаела-Анџела Глигорова, Илина Костовска, Моника Шолевска, Ангела Петровска и Стефанија Милевска Враниќ, студенти на Катедрата за современ танц при универзитетот „Гоце Делчев“. Филмот е создаден како сценска рефлексија на истражувањето за односот на општеството кон темата на родова еднаквост и семејно насилиство, со цел да се сврти вниманието на јавноста кон овој горлив проблем.

На темата ќе се обратат: Бинас Пајазити, директор на училиштето „Никола Штајн“, м-р Небахат Имери, основач на ЗПСП Кортекс работи советување и психотерапија со млади и возрасни, вработена во ЈУМЦСР-Тетово и Рисима Рисимкин, уметник и професор, уметнички автор на проектот кои ќе зборуваат на темата за родова еднаквост и семејно насилство.

Националната турнеја на проектот се случува во партнерство со универзитетот „Гоце Делчев“ – Штип, „Националната мрежа против семејно насилство“ и локални партнери од десетте града во Македонија, кои се занимаваат со култура и темата на родова еднаквост и родово базирано насилство.

Премиерата на „Простор за разговор“ беше на 26 ноември 2022 година во Мала станица во Скопје, и за таа цел беа создадени уметнички рефлексии на темата, преку современа танцова претстава и филм на истата тема. Овој месец турнејата ќе продолжи низ повеќе градови во земјава.

М-р Небахат Имери, психолог и координаторка на Женски Центар Тетово, членка на КОРТЕКС – здружение за психотерапија и советување е активна во соочување и решавање на проблемите во областа на родова еднаквост и семејно насилство. Работи активно и во рамките на повеќе кампањи го претставува сопственото искуство од стручноста за работа со клиенти од аспект на психотерапија и советување на жртви од семејно насилство. Проект кординатор е и на прокетот, кој се одржува во периодот на 2021 и 2022 година, под наслов „На пат кон ЕУ, стоп за насилство врз жените“ преку кој се воспоставува и одржува центар за советување за жени и деца жртви на родово и семејно насилство.

Центарот за советување и психотерапија КОРТЕКС – Тетово е здружение, основано со цел да им се помогне на граѓаните да ја развијат свесноста за важноста на психо-социјалното здравје. Визија на центарот е да биде важен фактор во општествената заедница и преку своите едукативни, експериментални, истражувачки, советодавни, психотерапевтски и други активности да придонесе за зголемување на свеста на граѓаните за потребата од психолошка поддршка, во насока на повисок квалитет и соживот. Работата на здружението ги опфаќа сите категории граѓани (без дискриминација), со цел надминување на стереотипите и предрасудите, во насока на психолошко советување и психотерапија; доближување до граѓаните преку едукативни, експериментални советодавни активности во насока на превенција и подобрување на квалитетот на животот. Работните методи се искуствени, интерактивни во групи или со поединци, индивидуални сесии, дискусии, форуми, презентации, работилници. Основната активност е советување и едукација во смисла на зголемување на самосвеста и зголемување на свеста за другите, што доведува до промени и позитивно разбирање. За време на ковид-19 пандемијата, центарот во соработка со општина Тетово обезбеди платформата за бесплатна психолошка поддршка за граѓаните на Општина Тетово, преку онлајн терапија за деца, тинејџери и возрасни, на албански и на македонски јазик, а лиценцираните психолози на „Кортекс“ се приклучија на националната платформа организирана од Комората на психолози за психолошка поддршка на граѓаните на Македонија.

The post „ПРОСТОР ЗА РАЗГОВОР“ НА РИСИМКИН УТРЕ ВО ТЕТОВО Филмот зборува за семејното насилство и родовата еднаквост appeared first on plusinfo.mk.

„Комисијата за употреба на имиња на личности смета дека именувањето на здружението Иван Михајлов е провокација за националните чувства на македонскиот народ, имајќи предвид дека се работи за личност блиска со фашистичка идеологија, која со своето дејствување ја негирала посебноста на македонскиот народ, а истовремено предизвикува нетрпеливост, нетолеранција и омраза во македонското општество“ – се вели во соопштението на Министерството за аправда.

Комисијата заседаваше во полн состав. Претседател на Комисијата за употреба на имиња на личности е проф. д-р Сашо Цветковски, дописен член на МАНУ. Нов член е и Евгениј Литовски-кустос, историчар во Министерството за култура.

The post ОФИЦИЈАЛНО „НЕ“ ЗА ВАНЧО МИХАЈЛОВ! Комисијата не го одобри името на бугарскиот клуб appeared first on plusinfo.mk.

– Бидејќи, сега веќе ексдиректорот на МКЦ не ја потпиша таа одлука, од утре МКЦ има нов в.д. директор, Никола Алексов, дипломиран детектив, кој е примен пред два дена преку Агенција за привремени вработувања во МКЦ без никакво искуство и позадина во културна институција. И покрај признанието кое дојде како круна на нашето работење со наградата „13 Ноември“ за заслуги во областа на културата и масовната посетеност, можеби и најголема во историјата на институцијата по повод 50 годишниот јубилеј, годината почна со лоши вести за иднината на МКЦ. Првата е онаа дека буџетот ни е доведен до само 8% од годишниот буџет со кој работевме минатите години, а веднаш потоа и последните случувања во начинот на инсталирање на директор во МКЦ – велат од Програмскиот колегиум.

Нивното соопштение, како што објаснуваат,  следи како потреба за разјаснување на ситуацијата, истовремено и поради сомнежот во законитоста на овие решенија бидејќи со ова, се одбегнува повторно можноста јавно да се спроведе отворен конкурс за директор, на кој отворено и транспарентно би можеле да се пријават сите квалификувани професионалци од областа на културата.

Од Град Скопје денеска известија дека Младинскиот културен центар ќе добие нов директор по евалуацијата на биографиите за таа позиција.

The post НЕЈЌЕШЕ ДА ГО ВРАБОТИ БЕНИ ПА ГО ШУТНАА Од МКЦ ја откриваат причината за смената на директорот, како и назначувањето на „детектив“ на негово место appeared first on plusinfo.mk.

Новите простории на клубот ќе бидат свечено пуштени во употреба во 12:45 часот, а по тој повод во Скопје ќе допатува делегација од Бугарија предводена од министерот за култура на Република Бугарија Велисав Минеков.

За разлика од претходно отворените бугарски културни клубови, кои се отворија во Охрид и во Битола, и беа приватни, ова е државен клуб со официјално име Културно информативен центар на Република Бугарија во Скопје. Тој е отворен пред неколку години врз основа на меѓудржавна спогодба на двете земји од 18 април 2003 година. Оваа спогодба е потпишана од тогашната министерка за култура на Република Македонија Ганка Цветанова и тогашниот министер за надворешни работи на Бугарија Соломон Паси.

Културно-информативниот центар на Бугарија во Скопје располага со библиотека, читална и салон за одржување културни настани, промоции, изложби и филмски проекции.

The post УТРЕ НОВ ДЕН, НОВ ПРЕДИЗВИК ЗА КЛУБОВИТЕ Се отвора бугарски културен центар во Скопје appeared first on plusinfo.mk.

– Предметот се наоѓа во почетна фаза, односно во претходна постапка и е предаден на работа кај советник на Судот и судија кои во следниот период треба да подготват реферат со конкретен предлог по којшто Уставниот суд ќе одлучува на седница – стои во соопштението.

Подносител на иницијативата е политичката партија „Левица”. Подносителот наведува дека оспорените Статут и програма се спротивни на членот 20 став 2 од Уставот затоа што според него се насочени кон разгорување на национална или верска омраза или нетреливост. Во иницијативата е наведено дека дејствувањето на Здружението е насочено кон уривање на уставниот поредок на Републиката и разгорување на национална омраза и нетрпеливост. Подносителот на иницијативата бара поништување на оспорените акти.

Од Уставниот суд информираат дека е оформен предмет во кој се оспорува Програмата за работа и Статутот на Здружението за афирмација на културните вредности на македонските бугари „Цар Борис Трети” – Охрид. И овој предмет се наоѓа во рана фаза – претходна постапка во која се прибираат потребните информации.

Подносител на иницијативата е адвокатот Тони Менкиновски.

– Во иницијативата се наведува дека оспорените акти се противуставни бидејќи се насочени кон насилно уривање на уставниот поредок, попречување на слободното изразување на националната припадност на македонскиот народ, негирање на неговата самобитност и разгорување на национална омраза или нетрпеливост. Подносителот на иницијативата бара поништување на оспорените акти – се вели во соопштението од Уставен суд.

The post УСТАВЕН ОФОРМИ ПРЕДМЕТИ ЗА БУГАРСКИТЕ ЗДРУЖЕНИЈА Се оспоруваат Статутот и програмата на „Иван Михајлов“ и „Цар Борис Трети“ appeared first on plusinfo.mk.

Шефот на дипломатијата наведе дека во рамки на посетата ќе оствари средби со неговиот бугарски колега Николај Милков, со бугарскиот премиер Галаб Донев, но и со лидерите на речиси сите парламентарни политички партии.

– Целта е да се одржи и да се надгради конструктивната атмосфера во односите меѓу нашите две држави изградени посебно во последните неколку месеци, спречувајќи ги обидите за „киднапирање на таа агенда од тие што не посакуваат добри односи помеѓу нашите две пријателски држави”, нагласи Османи.

Министерот за надворешни работи потенцираше дека правиот пат којшто треба да го следиме е преку институционалните механизми да се гради довербата помеѓу двете држави и помеѓу двете општества и градење на заедничката иднина во рамките на Европската Унија.

The post ЌЕ ИНИЦИРАМ ОТВОРАЊЕ НА КЛУБ ВО БЛАГОЕВГРАД Османи во Софија ќе го иницира прашањето за културниот центар appeared first on plusinfo.mk.

А тоа прашање е, всушност, дали „Никола Вапцаров“ е клуб што се промовира како сосема нормален израз на стремежите на бугарските граѓани со македонска самосвест да ги остваруваат своите културни потреби, без оглед што Софија не го признава постоењето на македонско малцинство во Бугарија?

Дали тоа што Софија се повикува на бугарскиот устав кој не „препознава“ малцинства, и не ги спроведува 14-те пресуди на Европскиот суд за човекови права кои се однесуваат на Македонците во Бугарија, е во директна спротивност со принципите на ЕУ и со европските вредности? Обединети во различноста или различни во обединетоста, како што гласи мотото на ЕУ?

Дали за првенците на македонската Влада ќе беше поедноставно и посоодветно доколку македонските клубови во Бугарија и бугарските во Македонија би биле именувани според познатата компромисна и целосно безлична форма во Преспанскиот договор, па така да бидат регистрирани како клубови на Првата страна и оние на Втората страна? Сѐ со цел да се избегнат дискусиите околу културните и националните различности и нивното европско обединување.

Во многу земји во светот постојат македонски здруженија и клубови, меѓу кои голем број едноставно го носат името на татковината, Македонија, или, пак, имињата на познати македонски историски личности.

Во Шведска, на пример, македонските здруженија „Македонија“, „Гоце Делчев“, Даме Груев“, „Питу Гули“, „Кочо Рацин“ се основани под тие имиња пред педесетина години, а и ден денес функционираат како македонски здруженија. Дали таквите именувања, уште во периодот на СФРЈ, биле резултат на иницијативите на самите македонски иселеници, или, пак, препораките и сугестиите за избор на имињата дошле од страна на тогашните надлежни институции во Социјалистичка Република Македонија, е помалку важно, гледано од денешна перспектива.

Но прашањето што останува отворено е дали, според денешните искривоколчени политички поимања, најдобро решение што би можела да го понудат македонските владини кругови би одело на линија таквите именувања на клубовите во дијаспората да се одвиваат во духот на наједноставно можно решение. На пример, Македонски клуб 1, клуб 2, клуб 3 итн. Неутралноста и поттурнувањето настрана на чувствителните историски теми се чини е најдоброто решение за кое се определува актуелната македонска влада, а и не предизвикува главоболки, посебно сега кога треба да се забрза македонскиот пат кон евроинтеграциите.

Во периодот на Студената војна од разни центри беа лиферувани политички вицови со значајна доза на црн хумор, чие осило неретко откриваше прикриени претензии во меѓународните односи. Еден од најгрдите вицови на Балканот, што зачестено можеа да се слушнат некаде во периодот пред паѓањето на Берлинскиот ѕид и Железната завеса, гласеше отприлка вака: „Што се добива откако ќе се избања Македонец – када со валкана вода и чист Бугарин“.

Проблемот е што во актуелниов миг ваков вид одвратна црнохумористична инвентивност поминува низ политичка призма во која веќе нема никакви прикриени пораки. Официјална Софија денес применува државна политика со искличително високо ниво на притисоци и уцени, со цел да ја „филтрира“ историјата на својот западен сосед, така што со отстранување на насобраната национална идентитеска нечистотија на показ на меѓународната јавност ќе се појават неговите чисти „бугарски корени“.

Основен стремеж на фашизмот отсекогаш бил да се фалсификува историјата, да се препишува и корегира историографијата според сопствени видувања. И Адолф Хитлер и Мусолини ги изградиле своите движења врз преформулирање и разубавување на сопствената национална или етничка историографија, наметнувајќи се потоа како гаранти за повторното раѓање на тие разубавени времиња.

Во Европа во последните години зачестија изборни победи на екстремни десничарски партии. Многумина овој десничарски ветер го нарекуваат враќање на фашизмот. Но, дали она што го гледаме денес навистина е исто како она што се случило во Италија на Бенито Мусолини или во нацистичка Германија? „Историјата не се повторува, туку се римува“ е цитат што апокрифно му се припишува на Марк Твен. Социолошкиот нестор Зигмунт Бауман го велеше истото: варијациите на одредени теми изгледаат предодредени да се повторуваат низ историјата.

Прашањето е, всушност, дали фашизмот денес се враќа во мода, така што се употребува во острите напади против политичките противници? Во такви услови Брисел веќе се соочи со сериозни проблеми во обидот да им наметне на европските држави политика што е во спротивност со нивните културни и економски традиции. Веќе е раширено сознанието дека европската соработка мора да биде превреднувана , при што ќе бидат земени предвид интересите на сите земји. Унија која поаѓа од централизирана бирократија, која единствено поставува услови и обврски, не може да смета на долга иднина.

Од европските политичари сега се ночекува да размислат дали централно управуваната ЕУ е иднината на Европа, или, пак, континентот треба да се состои од национални држави кои соработуваат врз основа на принципите на самоопределување.

Во таков случај би морала да заврши реториката на фашизмот и едновремено да се прашаат сите држави во Европа како треба да изгледа идната соработка.

Во таа смисла, тоа што Бугарија моментно го злоупотребува своето членство во ЕУ за да наметне претстава дека нејзините државни и национални интереси мора да се заштитат преку „филтрирање“ на македонската историја и нејзино постепено претопување во „заедничка“, но, пред сѐ, бугарска историографија, е невиден цинизам и лицимерие врз кое се потпира наводното градење на добрососедски односи. Но од печатот на цинизам треба да се ослободи и ЕУ, која ноншалантно ги следи и недоволно реагира на бугарските неразумни уцени. Доколку навистина сака да ја прими Македонија, и целиот Западен Балкан, во членството на ЕУ.

Македонија од своја страна веројатно би можела да се воздржи и да не ја потсетува Софија на нејзиното фашистичко и окупаторско минато, доколку Бугарија, наместо егоизам, покаже малку добра волја за да престане со агресивните напори за разубавување на најмрачните страници од сопствената национална историја.

The post Клубови на Првата и на Втората страна appeared first on plusinfo.mk.