Ливерпул сè уште не се откажал да го привлече централниот дефанзивец на Наполи, Калиду Кулибали.

Според „Паризиен“, менаџерот на тимот од Мерсисајд, Јирген Клоп, сака да формира пар помеѓу Сенегалецот и Вирџил ван Дајк и верува дека клубот ќе го поддржи, иако Ливерпул веќе направи два сериозни трансфери кон крајот на минатата недела кога ги доведе Тијаго Алкантара и Диого Жота.

Изданието тврди дека напаѓачот на Ливерпул, Садио Мане, исто така, се обидува да придонесе за трансферот, убедувајќи го својот сонародник дека би било најдобро за неговата кариера да се пресели на „Енфилд“.

Многу сериозен интерес за Кулибали имаат и Манчестер Сити и Пари Сен Жермен, па дури се тврди дека дефанзивецот постигнал принципиелен договор со „граѓаните“.

Наполи сака меѓу 70 и 80 милиони евра за централниот дефанзивец.

The post Клоп не се откажал од Кулибали, Мане е посредник appeared first on plusinfo.mk.

Премиерлигашот Манчестер Сити работи на трансферот на дефанзивецот на Наполи, Калиду Кулибали.

Според новинарот Николо Скира, англискиот клуб е во напредна фаза на преговори со Фали Рамадани, агентот на Кулибали.

„Граѓаните“ се подготвени да му понудат на играчот 5-годишен договор со плата од 10 милиони евра годишно.

Сега Манчестер Сити се обидува да се договори со Наполи за висината на трансферот. Италијанскиот клуб сака да добие најмалку 80 милиони евра за 29-годишниот дефанзивец.

The post „Граѓаните“ ќе му дадат 10 милиони по сезона на Кулибали appeared first on plusinfo.mk.

Искусниот стопер на екипата на Наполи, Калиду Кулибали е пред заминување од „Сан Паоло“, а клубот е подготвен да го продаде во Манчестер Сити.

Сити е еден од заинтересираните клубови, другиот е градскиот ривал Манчестер Јунајтед, но поверојатно е Кулибали да замине на „Етихад“, каде Пеп Гвардиола го гледа како новиот Винсент Компани.

„Граѓаните“ се подготвени да платат 75 милиони евра за неговото пристигнување, а Наполи сака да искористи голем дел од тие пари за да го финансира трансферот на напаѓачот на Лил, Виктор Озимен.

Французите бараат 60 милиони евра обештетување за неговото заминување.

Островските медиуми, исто така, јавуваат дека сопственикот на Наполи, Аурелио де Лаурентис, сепак одлучил да ја намали цената за фудбалерот, а тие веќе пронајдоа можна замена за Кулибали.

Интересно, тој доаѓа од редовите на Лил, а станува збор за 22-годишниот бразилски стопер Габриел.

The post Кулибали на чекор до трансфер во Сити appeared first on plusinfo.mk.

Дефанзивецот на Наполи, Калиду Кулибали, може да ги смени клупските бои ова лето, но најавениот трансфер во Англија е неизвесен.

Според новинарот Џанлука Ди Марцио, Манчестер сити не е подготвен да ги задоволи потребите на неаполитанците. Претседателот на италијанскиот клуб сака да добие 75 милиони евра за играчот.

Кулибали играше на 29 натпревари оваа сезона.

The post „Граѓаните“ не даваат 75 милиони евра за Кулибали appeared first on plusinfo.mk.

Дефанзивецот на Наполи, Калиду Кулибали може да замине во Ливерпул, пренесува „Тутоспорт“.

Според изворот, англискиот клуб ја води борбата за 28-годишниот Сенегалец. „Мерсисајдерите“ се подготвени дополнително да му понудат подобри услови на дефанзивецот на Наполи, Дејан Ловрен.

Оваа сезона Ловрен има одиграно 14 натпревари на сите турнири во кои постигна гол и направи една асистенција.

The post Ливерпул е подготвен да го жртвува Ловерн за Кулибали appeared first on plusinfo.mk.

Според италијанскиот медиум, Манчестер јунајтед му понудил на калчолигашот 80 милиони евра за 28-годишниот Сенегалец.

Во исто време, Наполи очекува да добие околу 100 милиони евра за Кулибали.

Во сезоната 2019/20, Кулибали одигра 21 натпревар за наполитанците.

Договорот на одбранбениот играч со клубот од Неапол важи до 30 јуни 2023 година.

The post „Црвените ѓаволи“ понудија 80 милиони евра за Кулибали appeared first on plusinfo.mk.

Ексцентричниот шеф ќе се раздели со 28-годишниот дефанзивец доколку добие понуда од 100 милиони евра, пренесува „Кориере дело Спорт“.

Кулибали продолжува да биде еден од најпосакуваните дефанзивци, а силен интерес за него покажуваат Манчестер Јунајтед и Пари Сен Жермен. Сепак, тие треба да бидат свесни дека ќе треба да се потрошат ако сакаат да го имаат Сенегалецот во своите редови.

Оваа сезона Кулибали има одиграно само 15 натпревари досега, откако се бореше со повреди. Сепак, тој одигра клучна улога во пласманот на Наполи за осминафиналето во Лигата на шампионите.

The post Де Лаурентис: 100 милиони евра и Кулибали е ваш! appeared first on plusinfo.mk.