Четири лица се повредени денес, меѓу кои и двајца полицајци, во експлозија што се случи на влез од станбената зграда во атинската населба Колонос, објави порталот Прототема.

Еден од полицајците е тешко повреден, но неговиот живот не е во опасност, додека двајца цивили и уште еден полицаец се здобиле со малку полесни повреди и се хоспитализирани.

Се претпоставува дека експлозијата е резултат на стапица поставена за полицијата.

Полицијата пристигнала на местото на настанот откако добила телефонска пријава за сомнителен предмет. Лицето кое се јавило пријавило дека предметот, куфер, содржи дрога. Меѓутоа, кога полицијата пристигнала на местото на настанот, се случила експлозија на влезот од зградата, каде што наводно се наоѓал куферот.

18 пожарникари од шест возила интервенирале на местото на настанот, а присутни биле и полициски сили. Еден од очевидците рекол дека тој и неговите пријатели, откако слушнале силен тресок, прво помислиле дека се случила сообраќајна несреќа. Кога излегле надвор, виделе чад, а малку подоцна дознале дека експлодирала бомба.

Реакцијата на надлежните служби била итна, а амбулантните возила и полициските сили пристигнале на местото на настанот за само пет минути. Полицијата го третира случајот како многу сериозен и во овој момент не може да се исклучи можноста дека станува збор за стапица наменета да им наштети на полицајците, наведува порталот.

The post ЕКСПЛОДИРАШЕ КУФЕР ВО ВЛЕЗ ОД ЗГРАДА ВО АТИНА Најмалку четворица повредени, двајца од нив полицајци appeared first on plusinfo.mk.

Дваесетгодишен затвореник успеал да избега од затвор во југоисточниот француски град Корбс криејќи се во кувероот во кој се наоѓале работите на неговиот затворски цимер кој бил ослободен на 11 јули.

Овој необичен инцидент го објави францускиот медиум BFMTV.

Претставник на затворските власти го нарече случајот „исклучително редок“ и истакна дека тоа укажува на низа сериозни пропусти во работата на персоналот.

Според него, бегството било можно поради „акумулација на грешки“ за време на надзорот.

Управата за затвори спроведува административна истрага за случајот. Јавното обвинителство во Лион, исто така, објави дека започнало кривична истрага за бегството.

Француските власти ја нагласија сериозноста на случајот поради врските на бегалецот со организираниот криминал. Детали за претходниот криминален досие и поврзаноста на затвореникот беа додадени и во досието за истрагата за бегство.

Безбедносните сили започнаа голема операција за апсење на избеганиот затвореник. Полициските единици во Лион извршија проверки на потенцијални локации каде што бегалецот би можел да побара засолниште.

The post НЕВООБИЧАЕНО БЕГСТВО ОД ЗАТВОР ВО ФРАНЦИЈА Се скрил во куферот на цимерот кој бил ослободен appeared first on plusinfo.mk.

Во продолжение, погледнете за што станува збор:

The post 🎥 УШТЕ ОВА ГО НЕМАВМЕ ВИДЕНО НА ПАРТИЗАНСКА ВО СКОПЈЕ Со едната рака го управува моторот, а со другата – куферот! appeared first on plusinfo.mk.

Љупчо Палевски Палчо, првоосомничениот за грабнувањето и убиството на 14-годишната Вања Ѓорчевска и на 74-годишниот Панче Жежовски е веќе сместен во затворот во Шутка.

The post КУФЕР КО КУФЕР, АМА НЕ ПРАЗЕН Палчо си донел плазма телевизор од Турција за да му се најде во притвор во Македонија appeared first on plusinfo.mk.

Имено, тие добиле поплака дека од нејзиниот багаж се слушаат необични звуци. Некое мистериозно зуење.

Видеото од овој инцидент е објавено на социјалните мрежи и има повеќе од 12,6 милиони прегледи, на кое се гледа како Аманда го вади куферот од авионот, каде што ја чекаа обезбедувањето и членовите на екипажот.

Таа е насмеана, но јасно е дека ситуацијата не е баш најпријатна, пренесува Дејли Мејл.

Конечно го отвора куферот, станува јасно што заборавила таа да исклучи, розовиот вибратор.

Девојката неуспешно го крие својот „срам“ со облеката, а во позадина се слушаат насмевките на присутните.

Аманда објави видео на ТикТок, со порака „Кога целиот авион сака да знае зошто вибрира куферот“, а колку внимание привлече покажува 1,2 милиони лајкови и 13.700 коментари.

– Ова ми се случи еднаш и затоа секогаш ги вадам батериите пред да патувам – ​​напишала една жена.

@amandarojasdCuando todo el avion quiere saber porque tu maleta vibra

♬ original sound – Amanda

The post 📽️ ОТВОРЕТЕ ГО КУФЕРОТ, НЕШТО ЧУДНО БРМЧИ! Позната инфлуенсерка имала непријатна сцена на аеродром appeared first on plusinfo.mk.

Куфер оставен покрај банкомат во кругот на Меѓународната автобуска станица-Транспортен центар во Скопје денеска ја крена полицијата на нозе, бидејќи постоела претпоставка оти во куферот би можело да има експлозивна направа.

Од Министерството за внатрешни работи (МВР) во изјава за Плусинфо потврдија дека се работело за куфер полн со облека, кој некоја повозрасна жена го заборавила кај банкоматот.

– Денеска во СВР Скопје е пријавено дека во кругот на Меѓународна автобуска станица- Транспортен центар во близина на банкомат бил оставен куфер. Веднаш се преземени соодветни мерки и активности, направени се потребните проверки и утврдено е дека станува збор за повозрасна жена која го оставила куферот, во кој имало облека односно нема никаква опасност за граѓаните – велат од МВР.

Како што и претходно објавивме, повикувајќи се на извори од ЈП „Македонски железници – Транспорт“, целиот објект денеска бил евакуиран и сите вработени во железничката станица и во автобуската станица биле принудени да го напуштат објектот додека специјалните полициски единици за спречување тероризам си ја вршат својата работа.

The post КУФЕР КАКО КУФЕР! Наместо бомба, полицијата пронашла само облека appeared first on plusinfo.mk.

Имено, кога им бил измерен багажот, сфатиле дека еден куфер е три килограми потежок отколку што треба. Бидејќи не сакаа дополнително да платат, решија да го отворат за да видат што е толку тешко внатре и да исфрлат неколку работи.

Сепак, тоа што го нашле внатре дефинитивно не било за „фрлање“. Тие три вишок килограми се точната тежина на нивната чивава Ики.

Тие не се обиделе да ја прошверцуваат – Ики самата влегла во куферот и се скрила внатре. Ако навреме не беше забележана поголемата тежина на багажот, чивавата ќе полеташе со сопствениците.

Ики е склона да копа низ облеката и да се крие под неа, но сепак останува малку нејасно како сопствениците не забележале дека кучето го нема никаде во куќата.

Во секој случај, тие биле многу среќни што ја откриле навреме, бидејќи се прилично сигурни дека таа немало да го преживее летот.

Вработен на аеродромот се понудил да го чува кучето додека не се вратат сопствениците кои тргнале на пат.

The post НА АЕРОДРОМ ОТКРИЛЕ ДЕКА БАГАЖОТ Е ПОТЕЖОК 3 КИЛОГРАМИ Кога го отвориле куферот доживеале големо изненадување! (ФОТО) appeared first on plusinfo.mk.

Како што објави денеска весникот „Ле Паризиен“, во вторникот околу 7:30 часот, човекот отишол во полициска станица за да ја открие својата страшна тајна. Тој на полицаец му рекол дека неговата мајка починала во 2014 година, на 75-годишна возраст, во станот во 20-тиот арондисман, каде што живеела сама. Тој прецизира дека боледувала од рак и дека ќе умрела како резултат на оваа болест.

Во бањата од станот полицијата го открила мумифицираното тело на мајката, сместено во куфер покриен со церада. Тој користел и пена за прикривање на непијатниот мирис.

Аутопсијата спроведена во средата, на 2 јуни, во форензичкиот институт во Париз, не открила траги од насилство, со што се исклучила тезата за намерно убиство. Според „Ле Паризиен“, полицијата верува дека човекот решил да ја открие својата тајна затоа што било наредено ислегување од станот и дека не знаел што да прави со мумијата.

Мажот бил ослободен во средата вечерта во Париз, каде бил во полициски притвор речиси 48 часа поради прикривање на труп. Истрагите спроведени од судската полиција продолжуваат под надлежност на обвинителството во Париз.

The post ХОРОР ВО ПАРИЗ Седум години ја чувал мртвата мајка во куфер, причината е бизарна appeared first on plusinfo.mk.

Официјално нема објаснување како Трамп ќе му го предаде на Бајден нуклеарниот куфер, со кој американскиот претседател во секој момент може да лансира нуклеарни ракети. Куферот го носи воен помошник, кој мора постојано да биде со претседателот.

Вообичаено, куферот се предава на друг помошник, кој стои до новоизбрниот претседател на инаугурацијата. Но, денеска размената ќе се случи поинаку бидејќи Трамп во осум часот по источноамериканско време ќе замина на Флорида и ќе биде претседател до 12 часот.

– Постојат најмалку три, евентуално четири идентични куфери. Еден е со актуелниот претседател, вториот е кај потпретседателот, а третиот традиционално е кај лицето одредено да преживее важни настани, како инаугурацијата. Денеска еден куфер ќе биде надвор од градот, што значи дека само куферот на потпретседателот Пенс ќе биде во Вашингтон, освен ако воената канцеларија на Белата куќа не подготвила еден за Бајден – изјави Стивен Шварц, кој повремено пишува за „Атомик сајентистс“ (Atomic scientists).

Шифрите за активација на Трамп ќе важат до 11 часот и 59 минути по локално време, по што ќе бидат исклучени.

– Во согласност со 20 амандман Доналд Трамп е претседател до 11 часот 59 минути и 59 секунди и до тогаш има легални овластувања да употреби нуклеарен арсенал, Ако помошникот го прати до Флорида, тој на пладне треба да замине и со куферот да се врати во Вашингтон – посочува Шварц.

Во меѓувреме Бајден ќе го доби својот „бисквит“ (пластична картичка со шифрите за нуклеарен напад), најверојатно пред инаугурацијата, како и потпретседателката Камала Харис, но кодовите ќе бидат активни по 12 часот по локално време.

The post Не е познато кога и како Бајден ќе го добие нуклеарниот куфер appeared first on plusinfo.mk.

Сообраќајот во тој дел од градот бил блокиран повеќе од еден час, а куферот го прегледувала Единицата за деминирање, вклучително и полициски кучиња, пренесува приштинскиот весник „Коха“.

Сообраќајот повторно ќе биде пуштен откако специјалната единица ќе го провери теренот.

The post Приштина блокирана поради еден сомнителен куфер appeared first on plusinfo.mk.