Ние добро се познаваме, јас сум вашиот човек, вашиот градоначалник. Заедно поминавме и добро и лошо, и продолжуваме по патот кон успехот, по патот кон развојот на Општината Ѓорче Петров, наведува кандидатот за градоначалник на Ѓорче Петров, Алескандара Стојкоски, во изјавата за медиуми.

– Успеавме во изминатите четири години Општината Ѓорче Петров да ја извадиме од кал и да ја направиме институција вредна за почит, а сега продолжуваме да ја видиме општината Ѓорче Петров на врвот. Во наредниот период ќе го посетиме секој дом, ќе ја претставиме нашата програма, ќе ги поставиме нашите визии, нашата желба да продолжиме да го трасираме патот на успешно и на развиено Ѓорче Петров. На овие избори ќе понудиме програма, заедно со мојот тим од советници во 140 проекти. 140 проекти кои што ќе значат раст и развој на општината во секој сегмент. Ќе се задржиме со фокусот на младите, на дечињата, на младите семејства, на младите брачни парови. Ќе изградиме пет нови детски градинки во Ѓорче Петров, од кои едната во Стопански Двор, другата во Дексион, на булеварот Македонска војска во дворот на ООУ „Димитар Поп Георгиев Беровски“, а првпат детска градинка ќе добијат и жителите на населбата Александрија. Ќе продолжиме да ги подобруваме условите за престој на учениците во основните училишта на цела територија, со цел да воведеме едносменска настава во сите наши основни училишта – рече Стојкоски.

Ќе изградиме пет доградби на основните училишта, односно во ООУ „Јоаким Крчоски“, во централното „Димитар Поп Георгиев Беровски“, во подрачното „Димитар Поп Георгиев Беровски“, во ООУ „Мирче Ацев“, во ООУ „Страшо Пинџур“, а ќе изградиме и ново основно училиште за населбата Александрија, додаде Стојкоски.

– Покрај младите, во фокусот ни остануваат и возрасните. Тие се луѓето кои што со своето искуство и со својот животен пат придонеле многу за нашата општина и за Република Македонија. За нив ќе го изградиме првиот нов пензионерски дом во Ѓорче Петров, а пак, за решавање на проблемот во сообраќајот, покрај тоа што ќе пробиеме повеќе улици, Алексо Демниевски, Веле Марков, улицата Шарпланинска, ќе ја изградиме и првата катна гаража во Ѓорче Петров. Продолжуваме да бидеме посветени на изградбата на современа и модерна спортска инфраструктура, како што тоа го правевме и досега, и покрај осумте новоизградени спортски терени, продолжуваме со изградба на три нови спортски комплекси од кои едниот во Стопански Двор, вториот на полјана во Кучково, и третиот во дворот на ООУ „Тихомир Милошевски“. Поминавме заедно, продолжуваме заедно. Знаете дека јас сум човекот на кој што можете да му верувате.  Јас сум вашиот човек. Сигурен сум дека на 19 октомври ќе го направите вистинскиот избор – порача Стојкоски.

The post ЌЕ НИКНЕ СПОРТСКИ КОМПЛЕКС НА ПОЛЈАНА ВО КУЧКОВО, ЌЕ СЕ ПРОБИЕ УЛИЦАТА ШАРПЛАНИНСКА ВО ДАМЕ ГРУЕВ Стојкоски има план за напредок на општината Ѓорче Петров appeared first on plusinfo.mk.

Денеска и официјално беше промовиран проектот „Приказната продолжува” за изградба на Регионален центар за рехабилитација и ресоцијализација на деца излекувани од малигни заболувања, преку реновирање и адаптација на старото основно училиште во Кучково.

Објектот наскоро ќе ги отвори вратите за престој на младите борци, благодарение на Министерството за локална самоуправа, финансиската поддршка на Владата на Швајцарија и учеството на Општина Ѓорче Петров, како дел од проектот „Одржлив и инклузивен рамномерен регионален развој” фаза 2.

Министерот за локална самоуправа, Златко Перински, градоначалникот на Општина Ѓорче Петров, Александар Стојкоски и в.д. директорката на Центарот за развој на Скопски плански регион, Розета Арсовска, го посетија Центарот во кој во завршна фаза е уредување на просториите и хортикултурното уредување на дворот.

Објектот на површина од 650 м² има капацитет за престој на 20 деца со придружба на еден родител во комплетно опремени простории и училници за он-лајн образование, за физикални вежби, соба за психо-социјални работилници, а има и соби за игра и „мирна соба” за рехабилитација.

– Овој Центар ќе значи многу надеж, нови можности, нови перспективи за сите оние мали херои коишто се избориле со канцер. Проектот беше инспириран од сите нив поради потребата од помош во периодот на лекување и потоа, а целта е да им дадеме максимум психосоцијална поддршка во процесот на нивната ресоцијализација и повторна интеграција во општеството, по долгиот престој во болничките установи – истакна градоначалникот Стојкоски кој се заблагодари на сите чинители во реализацијата на проектот.

Марија Вук, претседател на НВО САНО, дел од иницијаторите на проектот, рече дека не станува збор само за обичен објект и едно старо училиште.

– Станува збор за еден паметник кој во иднина ќе нѐ потсети дека доколку нешто вистински се сака, се може и дека само зачувана историја е наша лична карта, а влогот во образованието и воспитанието на децата е патот кој води кон вистински систем на човекови вредности – порача Вук.

Ова е еден од десетте проекти кои Министертството за локална самоуправа ги реализира со финансиска поддршка на Владата на Швајцарија во рамки на проектот „Одржлив и инклузивен рамномерен регионален развој” фаза 2, а чија вкупна вредност е 23.574.074,00 денари, од кои 8.435.000,00 денари се обезбедени од Швајцарска агенција за развој и соработка, 10.380.998,00 денари од страна на Министерството, а Општина Ѓорче Петров учествува со 4.758.076,00 денари.

– Ова е наш мал придонес во насока на поддршка за младите борци и искрено се надевам дека во иднина во овој објект ќе се видат многу насмевки, а децата ќе се ресоцијализираат и навистина ќе го градат патот и секој нов ден во насока на подобра иднина за сите нив. Се надевам дека како Министерство, а убеден сум дека и како Влада, ќе можеме да бидеме сведоци на реализација на многу вакви проекти кои ќе донесат подобро утре за сите граѓани – порача министерот Перински.

Реконструкцијата и адаптацијата на некогашното училиште произлезе и како едно од барањата на граѓаните преку Регионалните форуми на заедниците, организирани од Центарот за развој на Скопски плански регион (ЦРСПР).

– Горди сме на проектот кој произлезе од регионалните форуми организирани од нашиот центар кој на децата ќе им овозможи здравствена, социјална заштита и рехабилитација, како и едукација и ќе им помогне повторно вклучување во образовниот систем на еднакви основи со нивните соученици – изјави в.д. директорката на ЦРСПР, Арсовска.

The post 📷 ВО КУЧКОВО ПОВТОРНО ЌЕ СЕ СЛУША ДЕТСКИ ЏАГОР Еве како изгледа Центарот за рехабилитација на деца излекувани од канцер appeared first on plusinfo.mk.

Во акцијата, како што информира Општина Ѓорче Петров, учествуваа екипи на ЈП „Национални шуми“, градоначалникот Александар Стојкоски, општинската администрација и раководството на компанијата „Адинг“.

Градоначалникот Стојкоски потенцирал дека оваа акција е дел од поголемите заложби на општината за одржлив развој и грижа за животната средина.

– Пошумувањето не е само обврска, туку инвестиција во иднината на нашата заедница. Благодарност до сите кои се вклучија и покажаа дека заедно можеме да постигнеме големи резултати – порача градоначалникот Стојкоски.

„Опожарените површини во атарот на Кучково, кои со години беа еколошки проблем, сега добиваат нов живот благодарение на заедничкиот ангажман на локалните власти, институциите и приватниот сектор. Оваа акција е доказ за тоа како преку соработка може да се постигне значителна промена во насока на зачувување и обновување на природата. Општина Ѓорче Петров ќе продолжи со вакви иницијативи, кои имаат за цел да го направат регионот позелено и поздраво место за живеење“, се вели во соопштението од Општина Ѓорче Петров.

The post ЕКОЛОШКА АКЦИЈА НА ОПШТИНА ЃОРЧЕ ПЕТРОВ Засадени 40.000 садници за оживување на опожарените шуми appeared first on plusinfo.mk.

Од МВР соопштија дека нема повредени лица, а пожарот бил изгаснат од екипа на Бригадата за противпожарна заштита Скопје.

По целосно документирање на случајот ќе следува соодветен поднесок.

The post СИ „ИГРАЛЕ“ СО ПЕТАРДИ И ПРЕДИЗВИКАЛЕ ПОЖАР Уапсени двајца малолетници во Кучково appeared first on plusinfo.mk.

Во Скопје падна првиот снег оваа зима.

На повисоките делови од градот веќе се создава бела покривка.

Читатели на Плусинфо ни испратија видео снимка од скопско Кучково, каде што се гледа дека во моментов вее снег.

Според УХМР, времето во текот на денот ќе биде облачно со врнежи од дожд, кои наместа ќе бидат пообилни (над 25 l/m2). На планините врнежите ќе бидат од снег.

The post 🎥 ПАДНА ПРВИОТ СНЕГ ВО СКОПЈЕ Во Кучково веќе се формираше бела покривка appeared first on plusinfo.mk.

Вкупна вредност на проектот е 23.574.074 денари, од кои 10.380.998 денари се обезбедени од Министерството за локална самоуправа, 8.435.000 денари се обезбедени преку Швајцарската влада, а општината обезбеди 4.758.076 денари.

– Со овој проект ја потенцираме инклузијата на деца по преживеан канцер во социо-културниот и образовен живот на регионално ниво преку дијалог, градиме доверба и свесност за различностите, заради подобар квалитет на живеење и создавање услови за креативен, социјален и независен живот преку подобрен пристап до услугата-основно образование. Со овој проект се надминува и системски пропуст во образованието кај овие деца преку дигитален наставен материјал прилагоден за учење од далечина – рече министерот за локална самоуправа Ристо Пенов.

Тој посочи дека пред педесет години, ракот во детството беше неизлечива болест. Денес, речиси 80% од децата кои се соочиле со оваа болест, имаат некакви негативни последици бидејќи, преживувањето не доаѓа без негативни ефекти. Ракот и неговите третмани покажаа сериозни последици на капацитетот кај детето да биде активно од физички, физиолошки и психосоцијални аспекти.

– Поради местоположбата го одбравме селото Кучково кое е лоцирано во руралното подрачје на општина Ѓорче Петров, на 600 метри надморска височина и изоболува со пасишта, зеленило, беспрекорна природа и чист воздух. Постоечкиот објект на основното училиште во село Кучково е изграден е во 1921 година, но состојбата во која се наоѓа објектот овозможува идеални услови за негова реконструкција и адаптација – вели Пенов.

Тој потенцираше дека спроведените истражувањата сериозната последица која се јавува поради специфичноста и должината на лекувањето, кај децата на училишна возраст е нивното отсуство (најмалку една училишна година) од редовното образование. Во овој случај се работи т.е. детектиран е системски пропуст, а децата-ученици лекувани од канцер, покрај социјалната и физичка дистанца од соучениците и другарчиња на училиште, имаат и голем пропуст во образованието.

– Затоа беше неопходно да се обезбеди Регионален Центар каде на децата со прележан канцер, организирано и на едно место ќе им се понуди грижа, професионална поддршка и едукација, со цел да се надмине системскиот пропуст и да им се помогне не само на емоционално, психичко и физичко ниво, туку да се вратат во образовниот процес и во новиот живот по канцер – заклучи Пенов.

Директорот на Центарот за развој на Скопски плански регион Јане Мицевски најави дека предвидено е објектот да биде завршен за околу за 6 месеци.

The post ВО КУЧКОВО ЌЕ СЕ ГРАДИ ЦЕНТАР ЗА РЕХАБИЛИТАЦИЈА НА ДЕЦА КОИ ИМАЛЕ РАК Тука ќе закрепнуваат и ќе го учат пропуштеното appeared first on plusinfo.mk.

– Во изминатиот период интензивно се работеше на уредување на локалитетот Крст во Кучково, за ѓорчепетровци да имаат убаво уредено катче каде што ќе можат да се рекреираат во текот на убавите сончеви денови и за време на викендите. Проектот веќе е генерално финиширан и се работи на завршни детали, резултираше со масовна посетеност како од граѓаните на општина, така и од посетители од другите делови на Скопје – вели Стојкоски.

Како што објасни градоначалникот, изминатите два викенди ова место го посетиле над 5.000 луѓе, со што можеме да утврдиме дека е зголемена фреквенцијата на луѓе, а со тоа и фрлањето на отпадоци од храна и пијалаци е во зголемен обем.

– Ние како општина во изминатиот период поставивме корпи за отпадоци, како и два големи контејнери коишто служат за складирање на отпадот, но и покрај тоа сепак се забележува несовесно фрлен отпад и по зелените површини во околината – рече првиот човек на општината.

Тој упати апел до сите граѓани кои го посетуваат локалитетот да се однесуваат совесно и да го одлагаат отпадот на точно предвидените места за тоа, се со цел да се задржи хигиената на локалитетот Крст – Кучково и околината на високо ниво и со тоа да работат на промоција на најубавото место за рекреација во нивната општина.

– Општина Ѓорче Петров во наредниот период ќе работи на доуредување на локалитетот и на поставување нови помали корпи секаде каде што циркулира поголема маса на посетители – додаде Стојкоски.

The post КРСТОТ ВО КУЧКОВО СТАНУВА АТРАКЦИЈА Расте бројот на посетители, но и на несовесните кои фрлаат отпад кај ќе стигнат appeared first on plusinfo.mk.

Стотици граѓани во потрага по чист воздух се искачија кај крстот во Кучково, кој се наоѓа на висина од околу 700 метри. Некои раздвижија за да ги „стопат“ мрсните новогодишни софри, некои си зеле столчиња и си направија пикник.

– Пече сонце, температурата е над 16 степени. Нема место за паркинг, цело Скопје е горе – вели еден наш сограѓанин.

Погледот кон градот е невозможен, зашто Скопје изгледа како потонато во море од магла.

The post СОНЦЕ ВО КУЧКОВО ДОДЕКА ПОЛОВИНА ЗЕМЈА ТОНЕ ВО МАГЛА Скопјани излегоа на воздух (ГАЛЕРИЈА) appeared first on plusinfo.mk.

– Несомнено секој архитект се соочува со предизвикот да направи дело коешто ќе му пркоси на забот на времето и ќе ја има во себе претпоставката дека е градба по мерка на човекот. Македонските архитекти често се соочуваат и со дополнителни предизвици – со барањата на инвеститорите, со апетитите на урбаната мафија или, како што имавме ситуација во време на едноумието, а и до пред некоја година, да треба да задоволуваат небулозни идеолошко-политички барања. Згора на тоа, ја имаат и природната обврска да ја чуваат и усовршуваат македонската традиционална архитектура, изјави Претседателот Пендаровски при доделувањето на наградата.

Градинката е во завршна прва фаза, додека во втората фаза во иднина, се планира изведба на кровна градина. Истовремено, во соседно Кучково се планира отворање на „Еко училница“ со сличен современ амфитеатрален изглед каде што учениците ќе можат да се рекреираат, објави градоначалникот на општина Ѓорче Петров, Александар Стојкоски.

„Потпишавме договор со Министерство за Финансии за изведба на проектот за партерно уредување на локалитетот КРСТ во с.Кучково-фаза 1 (Еко Училница) и „Набавка на Комунално возило за зимско одржување на улици и патишта во руралните општински средини“, напиша Стојкоски на Фејсбук.

Се работи за простор од 5.456 м² во село Куково кој ќе биде партерно и хортикултурно уреден.

The post ВОЛКОВО СО УЛТРАМОДЕРНА ГРАДИНКА, КУЧКОВО ДОБИВА „ЕКО УЧИЛНИЦА“ Македонските архитекти размислуваат поинаку appeared first on plusinfo.mk.

За пожарите се известени припадниците на Територијалната противпожарна бригада на Град Скопје. Во моментов се преговара за исклучување на струјата со ЕВН со цел да не се предизвикаат дополнителни искри и ширење од пожарот.

Од ЦУК велат дека пожарот од Ракотинци се движи кон Сопиште.

На имејлот на МИА стигна и писмо потпишано од жители на селото Кучково, во кое наведуваат дека пожар го зафатил селото и упатуваат апел да се реши проблемот со водата.

„Почитувани медиуми вие сте нашиот спас, ПОМАГАЈТЕ! Општината не се јавува на нашите повици. Без капка вода сме, ако се прошири пожарот ќе изгориме! Во селото живееме само постари луѓе ако зафати тешко ќе може да се спаси нешто“, се наведува во писмото.

The post Пожар избувна во скопските села Ракотинци и Кучково appeared first on plusinfo.mk.