За жал, кај нас одамна веќе не станува збор за „ненаучени лекции“, за некултура, невоспитание, безобразие, уличарство… Ова што нам ни се случува не е резултат (само) на тие „бенигни“ домашно-училишни пропусти зашто поминаа доволно години и една општествено зрела и цивилизирана средина веќе ќе ги корегираше. Ќе ги исфрлеше од системот. Ако го имаше.

Овде сепак станува збор за многу, многу подлабоки, иако во основа многу плитки нешта. Но тие плиткоумните влечат во големи длабочини. И имаат различни имиња, за секој „случај“ одделно, но имаат и заеднички именител: вџасувачка омраза кон сопствените држава и народ, кон нивните симболи и/или видни личности, подметнување ужасна ксенофобичност и нетрпеливост кон соседни држави/народи итн. И сето тоа експоненцијално засилено со промената на власта во државава минатата година односно катастрофалниот пораз на „прогресивната“ и „проевропска“ криминално-коруптивна коалиција! Какви димензии поприма оваа жал по тој гнасен „систем“, невидено нешто.

Следствено, не говорам за онакви скандалозни „инциденти“ како оној на кошаркарскиот натпревар во Куманово и на „европскиот“ одговор на фудбалскиот натпревар во Националната арена во Скопје. Тоа се кај нас „маргиналии“, вообичаени (за жал) провинцијализми со еднакво длабок корен како и сите други, но не се така тешко решливи. И да, како што вели Претседателката, токму тие се израз на ненаучените воспитни лекции дома и во училиште, на некултурното однесување поттикнувано во одредени средини но и во дел од политичките партии итн.  Но, тоа што го толерираме, ќе продолжи да ни се случува, зашто (повторно) скандалот во Скопје никој од дотичната страна „не го слушнал“. Глумат – пред кого ли? – дека не го слушнале, но го слушна цела држава, па и меѓународната јавност. Како впрочем и она во Куманово. Меѓутоа, сето тоа стана некаков „локален фолклор“, за жал контролиран токму од „дотичните страни“!

Многу поопасни, поподмолни, перфидно поужасни… се оние јавни изблици на дегутантна омраза на поединци – дел од нив т.н. јавни личности, иако немаат ама баш никаква врска со тој поим! – спакувани во квази-интелектуални пелтечења за власта, државата, народот, културата, идентитетот…, проследени со демагошки провинциски флоскули за наше фалично, фобично (особено албанофобично!), искривено, исконски плашливо битие. И новововедената „опасност“ наречена „српски свет“ којашто се надвиснува над Македонија, а ние никако да ја видиме. Какви „видовити“ тутмаци изникнати од мракобесието на сопствениот ум. А некои од овие простотилаци темпирани токму на годишнината од геноцидната „Олуја“, нудејќи ни го Томсон како пример за идентитетско однесување! Ќе станат ли утре овие шупливи глави заедно со дотичниот, со високо крената рака?

И повторно, и повторно, и повторно ечат флоскулите за некаква непостоечка но во нивните глави посакувана „северномакедонска“ нација, простачкото бербатење на делото на видни личности од „македонското писателство“ (чудно, не го чепкаат „видниот“ македонски журнализам!), „теориите“ за плашливите Македонци, оние кај кои стравот во очите е голем, но и омразата. Плашејќи се од Албанците, нивните/нашите очи, па и светоглед, заедно со омразата, се вртат кон „српскиот свет“. Зошто? Не знаат, ама нашиве селски психотерапевт(к)и уживаат да глумат ученици/ученички на Фројд и Хорни, истураат од ракав тези и теории за некаква нечиста вода што всушност ние самите сме ја избербатиле, а со неа сме се избербатиле и себеси. Историски и идентитетски, како плашливци, мразачи и подлизурковци.

И бидејќи сме такви-никакви, бидејќи де факто и не знаеме кои сме и што сме, тука се тие да ни појаснат. И ни „појаснуваат“ – отсечно, радикално, како со нож пресечено:  од онаа 1991 година ние, вакви слепи, глупи и страшливи, сме под постојан притисок на една пропагандна матрица, на еден светоглед, „наратив и проекција“, а тоа е некаков „поглед и однос“ што македонскиот народ треба (мора) да го има кон соседните три народи, освен српскиот, разбира се. Но зошто, и кој ги наметнува(л) тие матрици, наративи и проекции? Веројатно македонските политички партии, но зошто баш во полза на „српскиот свет“? Ни тоа не знаат да го објаснат? Ама зошто тие што знаат, а едно време седеа и во македонскиот парламент комотно инкасирајќи ги парите од глупавиот македонски народ, тогаш не го говореа тоа јавно, зошто тогаш не се бореа против тие наметнати од некого пропаганди? И против „српскиот свет“, заборавајќи притоа на тезгите на Заев, на пример, и лумперајките на Ковачевски низ Белград?

Ама затоа сега ни ја подметнуваат приказната дека ние всушност и не си го знаеме реалниот идентитет туку тој ни е „сервиран македонски идентитет”, темелен на омразата кон соседите, а особено кон Албанците, дома и надвор!

И мразејќо ги сите околу нас, а плашејќи се само од едни, ние се вртиме во историски мрачниот мразачки круг цели триесет и четири години, заплеткани во мрежите на антагонистичките чувства кон невините ни соседи, фатени во стапицата на пропагандите, домашни и странски, а особено – српски! И штом тоа „како официјална политичка одредница“ го констатира и извештајот на еу (малите букви се…) ние тука немаме што и со кого да спориме туку само да ја прифатиме. И да ја поздравиме, ако треба и онака како Томсон, со високо крената рака во хитлеровски поздрав.

Нашата поводливост, но и празноглавост, наводно оди дотаму што ние слепо се придржуваме кон српските „суптилни“ рецепти што ни диктираат конкретно однесување особено кон Албанците во земјата. Затоа, веројатно, и она навивање неодамна во Куманово. Но, како ли овие србофобни празноглавци го објаснуваат сличното навивање на Албанците во Националната арена? Чии рецепти тие следат, според кои и какви матрици се однесуваат…, или тие нешта се резервирани само за македончето? И дали србофобичноста и македонофобичноста на овие шушумиги, на која би им позавиделе сите соседи кои така сакаат да нѐ гледаат, имаат слична „задршка или антагонизам“ и кон другите соседи или тие „чувства“ се резервирани само за северниот? Се разбира, тие сега си лечат комплекси уште од времето на бившата држава, којзнае колку малечки се чувствувале тогаш, иако тие и такви чувства немаат ама баш никаква врска со другиот туку само и исклучиво со себеси! Ни толку не научиле од Фројд, Јунг и компанија. Тие се малечки во секој поглед, минорни човечиња, сега раскрилени во нивната омраза кон еден народ камуфлирана низ нивното „откривање“ на фобичноста на Македонецот. И не научија дека кај народите/нации нема таков role model кој би им диктирал специфично однесување. Или ако има, македонските не се такви како што тие ги гледаат и опишуваат. Луѓето сепак, па и во оваа Македонија, се индивидуи со лични чувства и погледи на светот, па и на соседите.

Тоа што ваквите улични гатач(к)и сакаат да ни наметнат одредено национално однесување – или синдром! – и зошто, е прашање за сериозни анализи од одредени државни институции. Бидејќи, повторно: таквите обиди и однесување, во основа ксенофобични и со намера да инсталираат некаков колективен срам и вина кај луѓето, не можат да се подведат под слобода на јавен збор. Или навивање на натпревар. Во таков случај  ризикуваме и навивачките националистички и ксенофобични скандирања да се затскриваат зад таа завеса.

И токму тоа се лекциите што тешко се учат, индивидуално и колективно. Индивидуалното учење зависи од личните капацитети, а тие кај овие се ниски, многу ниски. Тоа се во принцип неморални и општествено отуѓени луѓе кои во општествените процеси го разбираат само звукот на сребрениците. А нив, сребрениците, барем денес, ги има од многу страни. Но кога такви простаци држат општествени лекции, тогаш проработуваат стомачните грчеви. А треба да проработи и нешто друго, ако го има, ако постои, а се вика – држава!

П.С.

Говорејќи за „завесите“, еве веднаш ни се нудат нови, специфични и само „наши“: не можеле да се поистоветуваат скандалозните националистички пораки, имало меѓу нив „суптилни“ разлики. Господ да чува и да брани!

Извор: Теодосиевски уметност

The post Лекции што тешко се учат appeared first on plusinfo.mk.

На 16 декември Георгиевски мора да се појави како обвинет во овој случај, во Обвинителството во Битола. Во спротивно, тој ќе биде присилно донесен, пишува во поканата, која била испратена во почетокот на декември.

Бугарскиот клуб „Иван Михаилов“ е формиран пред три години, но по неговото официјално отворање во април годинава, беше организиран институционален и медиумски напад врз управата и поддржувачите на клубот. Само десет дена по отворањето, влезната врата беше запалена, а насилникот Ламбе Алабаковски е пуштен на слобода, велат медиумите во Бугарија.

Пред две недели имаше пукање од огнено оружје врз бугарскиот клуб во Охрид, „Цар Борис Трети“. Пред тоа, неколку пати беа фрлани камења кон клубот. „Досега нема апсења или официјално оградување од официјалните власти од овие терористички акти врз бугарските клубови“, пишува БГНЕС.

The post ПРЕТСЕДАТЕЛОТ НА КЛУБОТ „ИВАН МИХАЈЛОВ“ ЌЕ ОДГОВАРА ЗА РАСИЗАМ И КСЕНОФОБИЈА Против Љупчо Георгиевски е подигнато обвинение appeared first on plusinfo.mk.

Како што информираа оттаму, бидејќи истече рокот за отстранување на содржините на социјалните мрежи за кои е утврдено дека освен што шират вознемирувачки говор во кој се величаат ликот, делото и идеологијата на Михајлов, постојат и сериозни индиции дека имаат расна и ксенофобична содржина, предизвикуваат нетрпеливост, омраза и дискриминација и го повредуваат правото и слободата на поголем број на луѓе, сега понатамошната постапка ја води Основното јавно обвинителство.

Членот на Комисијата Весна Бендевска потенцира дека иако имаат право да поведат прекршочна постапка, сепак решиле тоа да го препуштат на Основното јавно обвинителство, кое побарало од нив до достават информации и копии од спорните содржини објавени од страна на клубот на социјалните мрежи.

– Спорните содржини упатуваат не само на вознемирувачки говор, туку постојат сериозни индиции дека се повредуваат правата на поголем број на луѓе, а тоа упатува на одредби од членот од Кривичниот закон, со што топката ја префрламе на Основното јавно обвинителство – изјави Бендевска.

Таа додаде дека денеска истекува и рокот за препораките и во однос на спорното име и содржината на клубот, со што следен чекор е заседавање на Комисијата и утврдување на можна прекршочна постапка.

Бендевска појасни дека во однос на овие две препораки, Министерството за правда треба да достави писмо, бидејќи тие се задолжени да извршат вонреден надзор на примената на одредбите на Законот за здруженија и фондации, а културниот центар треба да докаже пред Централниот регистер дека одлучиле да го сменат името.

На конференцијата беше информирано дека до Комисијата пристигнале голем број на претставки од граѓански здруженија кои се однесуваат на бугарската заедница во државава.

– Впрочем, ние сме затрупани со такви претставки, кои во најголем дел доаѓаат од здруженија на граѓани со оправдан интерес. Тие постапки се во тек и ги работиме – рече Бендевска.

Комисијата за спречување и заштита од дискриминација (КСЗД) минатиот месец утврди дискриминација по основа на национална и етничка припадност во врска со формирањето на здружението Културен центар „Ванчо Михајлов” – Битола. Седиштето на Клубот беше отворено годинава во строгиот центар на Битола, чин што ја разбранува јавноста, но и институциите, поради спорното име и содржините објавени на социјалните мрежи.

The post ПОСЛЕДЕН ДЕН КЛУБОТ „ВАНЧО МИХАЈЛОВ“ ДА СЕ ПРЕКРСТИ Обвинителството да се расправа со расната и ксенфобична содржина appeared first on plusinfo.mk.

The post ХОЛОКАУСТОТ НИКОГАШ ДА НЕ СЕ ЗАБОРАВИ Ковачевски повика да бидеме гласни против антисемитизмот appeared first on plusinfo.mk.

Тоа го прават во време на локални избори и за спас на еден ионака очаен резултат.

Јасно е дека добро сфатиле оти грешките, пропустите и попуштањата кон Софија сериозно ја нагризле поддршката кај електоратот, па сега се обидуваат да превртат нешто што било државна политика, и тоа го прават заради партиските интереси на локални избори.

Тоа се вика заробена држава!

Веројатно и одлично знаат дека за датумот и европската иднина нема да се одлучува во нивен мандат, па решија вака лесно и недржавнички да ја отфрлат досегашната нивна позиција и да заиграат на антибугарскиот сентимент.

За една работа СДСМ никогаш не била обвинувана, а тоа е дека е ксенофобна и националистичка. За жал, со Заев и тоа дно е сега пробиено.

(ФБ статус на авторот)

The post Заев заигра на антибугарскиот сентимент appeared first on plusinfo.mk.

Комитетот, како што пишува во соопштението,  стравува од можното искористување на авганистанската криза во пресрет на локалните избори и очекува говорот на омраза да расте, па најави и пријави за говор на омраза и ширење ксенофобија.

„Ваквото искористување на судбината на луѓе, кои бегаат за да го спасат својот живот поради тоа што се соочени со смртни закани во својата земја, се коси со меѓународните конвенции на кои сме се обврзале како држава (Конвенцијата за статусот на бегалците на Обединетите нации и Европската конвенција за човекови права), но и со основните морални начела за солидарност со оние кои се обесправени и чија егзистенција е директно загрозена“, се вели во соопштението.

Хелсиншкиот комитет за човекови права, додаваат оттаму во наредниот период будно ќе ги следи случувањата на терен и ќе овозможи правна поддршка за 450 хуманитарни работници, граѓански активисти, новинари, преведувачи и нивни семејства, кои ќе бидат прифатени во земјава и згрижени во неколку хотели.

Комитетот исто така го следи и ксенофобичниот говор во јавноста и редовно ќе поднесува пријави за говор на омраза до надлежните институции.

The post СОЛИДАРНОСТ НАМЕСТО КСЕНОФОБИЈА! Хелсиншки комитет апелира да не се поттикнува говор на омраза кон Авганистанците appeared first on plusinfo.mk.