Црвениот крст на Република Северна Македонија – Општинска организација Центар и Институтот за трансфузиона медицина, традиционално, по јубилеен 20-ти пат, денеска, во Домот на АРМ, во Скопје, ја организираат крводарителска акција по повод празникот Успение на Пресвета Богородица.

Целта на акцијата е да се обезбедат поголеми количини на крв во летниот период, заради можноста од недостаток на крв и крвни деривати.

„Оваа акција веќе 19 години ја покажува големата хуманост на граѓаните на град Скопје. Започнувајќи со 146 дарувања во 2003-та година, денеска, по 19 реализирани акции, се зборува за вкупна бројка од 4186 единици крв, или во просек 210 крводарители по акција. Ги покануваме граѓаните да ја покажат и овој пат својата хуманост“, апелираат организаторите.

Крводарителската акција ќе се спроведе во Домот на АРМ, од 09:00 до 17:00 часот.

The post КРВОДАРИТЕЛСКА АКЦИЈА ВО СКОПЈЕ ЗА ГОЛЕМА БОГОРОДИЦА 19 години по ред граѓаните ја покажуваат својата хуманост appeared first on plusinfo.mk.

Општинската организација на Црвен крст од Кисела Вода во соработка со Институтот за трансфузиона медицина и Црвен крст на Град Скопје в петок 24 јули ќе ја организираат традиционална крводарителска акција во знак на сеќавање на скопскиот земјотрес од 1963 година.

Акцијата, како што информираат од Црвениот крст, ќе се одржи во дневниот центар за дарување во Домот на хуманитарни организации „Даре Џамбаз“ во период од 9 до 17 часот.

Од Црвениот крст напоменуваат дека акцијата поради ковид-19 ќе биде спроведена по посебни протоколи.

The post Kрводарителска акција во знак на сеќавање на скопскиот земјотрес appeared first on plusinfo.mk.

– И оваа крводарителска акција како и изминатите пет реализирани во време на пандемијата со Ковид-19 се спроведе со целосно почитување  на протоколите на Институтот за трансфузија, Црвен крст на Република Северна Македонија и одлуките на Министерство за здравство и Владата. Пријавувањето за дарување на акцијата се вршеше во текот на изминатите денови и денес,  исклучиво на посебен  телефонски број и на  социјалните мрежи на профилот на Црвениот крст Крива Паланка, со што пријавените добија термин и време за дарување – информира Дарко Пешовски, секретар на ОО Црвен крст, Крива Паланка. Тој упати благодарност до сите хумани граѓани кои учествуваа во акцијата.

The post Во Крива Паланка 60 граѓани даруваа крв appeared first on plusinfo.mk.