Во очи на Светскиот ден на крводарителите, Видеолотарија Касинос Австрија ја продолжи својата хумана мисија, реализирајќи ја 26-тата крводарителна акција. Акцијата се одржа во просториите на Институтот за трансфузиона медицина во Скопје.

– Крводарителната акција прерасна во убава и препознатлива традиција што ја негува колективот на Видеолотарија Касинос Австрија, при што голем дел од вработените и индивидуално учествуваат и поддржуваат хумани иницијативи. Со ова, компанијата активно придонесува кон спасување човечки животи и кон промоција на културата на солидарност и хуманост. Придобивките од крводарувањето се повеќекратни. Освен што директно се спасуваат човечки животи, со дарувањето крв се поттикнува и обновување и регенерација на организмот. Дополнително, лицата кои десет пати доброволно ќе даруваат крв, остваруваат право на бесплатно лекување – велат од Видеолотарија.

На 14 јуни светот го одбележува Светскиот ден на крводарителите, датум избран по повод раѓањето на Карл Ландштајнер, научникот без кого модерната медицина не би постоела. Во 1900 и 1901 година, Ландштајнер спровел систематски испитувања на серуми и успеал да ги идентификува крвните групи А, Б и 0, откривајќи дека трансфузијата помеѓу неспоиви крвни групи предизвикува хемолиза, односно уривање на еритроцитите. Подоцна тој и неговите соработници го открија и резус-факторот (Rh), со кој системот на класификација станал комплетен. За ова откритие, Ландштајнер во 1930 година ја добил Нобеловата награда за медицина, а денес се смета за таткото на трансфузиологијата. Светскиот ден во негова чест се одбележува од 14 јуни 2004 година.

The post ВИДЕОЛОТАРИЈА РЕАЛИЗИРАШЕ КРВОДАРИТЕЛНА АКЦИЈА Препознатлива традиција на колективот appeared first on plusinfo.mk.

Вработените во хотел „Фламинго“ Казино, како и голем број граѓани на Гевгелија вчера повторно демонстрираа хуманост при реализацијата на шестата крводарителска акција организирана заедно со Општинската организација на Црвен крст Гевгелија.

Вкупно 76 крводарители се приклучија на акцијата, покажувајќи ја својата солидарност и посветеност кон спасување човечки животи.

– Шеста година по ред со големо задоволство во нашиот хотел ја реализираме оваа хумана активност во соработка со локалната организација на Црвениот крст. Нашите вработени и граѓани одговорија на повикот и успеавме да обезбедиме нови крвни единици за локалните здравствени установи. Воедно со поддршката на крводарителските акции сакаме да помогнеме во поттикнувањето на овој највисок чин на хуманост. Како општествено одговорна компанијата и во иднина ќе продолжиме да бидеме дел од донаторски и хуманитарни активности – вели Елена Mинева од хотелот „Фламинго“ Казино.

Општинската организација на Црвен крст Гевгелија упати искрена благодарност до сите граѓани кои учествуваа во крводарителската акција и со својот хуман чин дадоа значаен придонес во обезбедување навремена помош за пациентите. Со својата поддршка, доброволните дарители уште еднаш ја потврдија важноста на принципот – крвта да биде достапна кога е најпотребна.

Од ОО на Црвен крст Гевгелија информираат дека успешната соработка со хотелот „Фламинго“ ќе продолжи и во иднина, со заедничка определба за поддршка на здравствениот систем и зајакнување на свеста за значењето на редовното крводарување.

Реализацијата на оваа акција претставува уште една потврда за општествената одговорност на казино хотел „Фламинго“, кој континуирано вложува во иницијативи насочени кон градење похумано, солидарно и одговорно општество.

The post КРВОДАРИТЕЛСКА АКЦИЈА НА ХОТЕЛ КАЗИНО „ФЛАМИНГО“ Се пријавија 76 крводарители appeared first on plusinfo.mk.

Компанијата „МаксБет“, која е членка на Асоцијацијата на спортски обложувалници на Македонија (АСОМ), успешно ја реализираше 71-та акција за дарување крв во рамки на својата хуманитарна иницијатива „Животот е крв“.

Акцијата се одржа со поддршка од Институтот за трансфузиона медицина и Црвениот крст.

Интересот на граѓаните беше инспиративен – 25 лица доброволно донираа крв, што значи дека потенцијално се спасени над 50 човечки животи. Оваа бројка е уште еден доказ за тоа како континуираната посветеност на една компанија може да создаде вистинска разлика во општеството, велат од „МаксБет“.

„МаксБет“ ја започна иницијативата „Животот е крв“ со цел подигнување на свеста за важноста на дарувањето крв и креирање култура на хуманост меѓу своите клиенти, вработени и пошироката јавност. Со досегашните акции, компанијата успешно воспостави континуитет во поддршка на здравствениот систем и во промовирање на личната и колективната одговорност.

АСОМ ги поддржува ваквите хумани практики на своите членки, верувајќи дека деловниот успех е уште повреден кога е придружен со конкретни акции на грижа за заедницата. Преку координација, соработка и промовирање на општествено одговорни иницијативи, членките на АСОМ ја претставуваат својата улога во општеството не само како економски субјекти туку и како партнери на заедницата во градењето на подобра иднина за сите.

The post АСОМ ЧЛЕНКИТЕ СПАСУВААТ ЖИВОТИ Крводарителна акција реализирана од „МаксБет“ appeared first on plusinfo.mk.

Хотел „Фламинго“ казино и Општинската организација на Црвен крст Гевгелија и вчера успешно ја реализираа петтата по ред традиционална крводарителска акција, која оваа година достигна рекорден одѕив.

Вкупно 91 хуман граѓанин, од кои 70 се вработени во хотелот „Фламинго“ казино, се приклучија на акцијата и даруваа крв, покажувајќи ја својата солидарност и посветеност кон спасување човечки животи.

Крводарителската акција се одржа во просториите на хотелот „Фламинго“ казино Гевгелија, во соработка со Институтот за трансфузиона медицина на Република Северна Македонија.

– Оваа акција, најмасовна досега, претставува значаен чекор во поттикнувањето на крводарителството и создавањето сигурни резерви на крв за оние на кои им е најпотребна. Како компанијата сме горди што сме дел од оваа хумана активности и што на овој начин можеме да вратиме кон заедницата во која што што деловно сме активни. Како општествено одговорна компанијата и во иднина ќе продолжиме да бидеме дел од донаторски и хуманитарни активности – вели Елена Mинева од хотелот „Фламинго“ казино.

Општинската организација на Црвен крст Гевгелија изрази длабока благодарност до сите доброволци кои ја поддржаа акцијата и со својот хуман гест помогнаа во мисијата – крвта да го чека болниот, а не болниот да чека крв.

– Оваа успешна соработка со хотелот „Фламинго“ продолжува и во иднина, со заедничка цел – поддршка на здравствениот систем и унапредување на крводарителската култура во општеството – велат од ОО Црвен крст Гевгелија.

Оваа акција уште еднаш ја потврди заложбата на Казино хотел „Фламинго“ за реализација на иницијативи за градењето похумано и посолидарно општество.

The post РЕКОРДЕН БРОЈ КРВОДАРИТЕЛИ ВО ХОТЕЛ КАЗИНО „ФЛАМИНГО“ Петта крводарителска акција на вработените appeared first on plusinfo.mk.

Својата хуманост на дело ја покажаа вработените во Хотел „Фламинго“ казино, како и останати граѓани крводарители, при што беа собрани вкупно 79 крвни единици.

– Со оваа хумана акција уште еднаш покажуваме дека сме компанија која што е општествено одговорна и секогаш се обидуваме да вратиме кон заедницата во која деловно опстојуваме. Се надеваме со нашиот скромен придонес ќе помогнеме некому кому му е тоа најпотребно – рече Елена Минева од Хотел „Фламинго“ казино Гевгелија.

Вчерашната крводарителска акција, како и во претходните години, е организирана и реализирана во соработка со Црвениот крст Гевгелија.

Првата крводарителска акција Хотел „Фламинго“ казино-Гевгелија се одржа во ноември 2020 година како продолжение на серијата хуманитарно – донаторски активности кои Групацијата Новоматик Македонија и Апекс Македонија ги реализираше во тој период.

Групацијата Новоматик ја манифестираше својата општествена одговорност и во екот на ковид-19 пандемијата. Токму Хотел „Фламинго“ казино – Гевгелија со одлука на менаџментот беше отстапен на здравствените власти за карантин.

Продолжуваме и понатаму посветено преку различни хуманитарни, донаторски активности и покровителски акции да градиме партнерство со заедницата и да придонесуваме во општествениот развој.

The post КРВОДАРИТЕЛСКА АКЦИЈА ВО ХОТЕЛ „ФЛАМИНГО“ КАЗИНО-ГЕВГЕЛИЈА Собрани се 79 крвни единици, зашто секоја капка крв е важна appeared first on plusinfo.mk.

„Црвен крст на град Скопје и Црвен крст на Република Северна Македонија – Општинска организација Центар, во соработка со Институтот за трансфузиона медицина, ќе ја организираат традиционалната крводарителска акција во спомен на роденденот на големиот хуманист и крводарител Тоше Проески кој, за жал, прерано го загубивме“, соопшти Црвен крст на град Скопје.

Организаторот додава дека оваа крводарителска акција стана веќе препознатлива во Скопје и е посетена од голем број граѓани. На овие акции реализирани во чест на Тоше досега се собрани повеќе од 5.300 единици крв.

The post ДОНИРАЈТЕ КРВ, СПАСЕТЕ ЖИВОТ! Крводарителска акција за роденденот на Тоше appeared first on plusinfo.mk.

– Крводарителството е доброволна акција, која некому може да му го спаси живот. Постапката за дарување е брза и мошне едноставна, а јас скоро секогаш кога сум во можност, практикувам да се вклучам во вакви хумани активности – изјави Игор Стефановски Иџе.

– Акцијата веќе е убава хумана традиција, која ја практикуваме како колектив, додека голем дел од вработените практикуваат и индивидуално да поддржуваат вакви хумани активности. На овој начин, даваме придонес во спасувањето човечки животи и во промовирање и поттикнување на доброволното дарување крв – велат од Видеолотарија.

Крводарителството е доброволен чин и индивидуален одраз на хуманост и на солидарност. Крводарител може да биде секое лице на возраст од 18 до 65 години, со добра општа здравствена состојба. Според критериумите за крводарување, мажите може да даруваат крв на секои 3, а жените на секои 4 месеци. Едно крводарување може да спаси 3 до 4 човечки животи.

The post ХУМАНА ТРАДИЦИЈА Видеолотарија реализираше уште една крводарителска акција appeared first on plusinfo.mk.

– Акцијата е убава хумана традиција, која ја практикуваме двапати во годината како колектив, додека голем дел од вработените практикуваат и индивидуално да поддржуваат вакви хумани активности. На овој начин Видеолотарија ја негува и поттикнува солидарноста и одговорноста на нашите вработени, во насока на давање корпоративен придонес во градењето и негувањето на подобро општество за сите – се наведува во соопштението од Државна видеолотарија на Македонија.

The post КРВОДАРИТЕЛСКА АКЦИЈА ВО ВИДЕОЛОТАРИЈА НА КАСИНОС АВСТРИЈА Крв дари и шампионот Игор Стефановски – Иџе. appeared first on plusinfo.mk.

– Со оваа крводарителска акција го најавуваме почетокот на традицијата на нашиот хотел во соработка со Црвениот крст и со Институтот за трансфузиона медицина за годишна акција за дарување крв. Интересот за оваа хумана активност кај вработените беше голем и повеќе од 50 вработени доброволно се пријавија за дарување. Со ова уште еднаш покажуваме дека сме компанија која што е хумана, која што сака да помага, општествено одговорна и секаде каде што можеме подаваме рака. Се надеваме со нашиот скромен придонес ќе помогнеме некому кому му е тоа потребно – изјави по повод крводарителската акција, Елена Минева од казино „Фламинго“ хотел во Гевгелија.

Од Општинската организација на Црвен крст- Гевгелија, казино „Фламинго“ хотел доби благодарница за покажаната општествена одговорност и несебичната поддршка и помош во развој на хуманитарната акција.

– Крводарителството е синоним на Црвениот крст, а ние како негови претставници ја покажуваме неговата хумана страна заедно со една општествено одговорна компанија како што е „Фламинго“. Голема чест е да се соработува со луѓе кои што имаат иста визија за доброто на граѓаните. Се надеваме дека ваквата акција ќе биде пример дека секој еден од нас ќе дарува крв бидејќи секоја капка крв може да спаси човечки живот – вели Лазар Мешков, секретар на ОО Црвен крст Гевгелија.

Казино „Фламинго“ хотел е и меѓу компаниите кои што го помогнаа и отворањето на нови простории за општинската организација на Црвениот крст во Гевгелија.

Првата крводарителска акција во казино „Фламинго“ хотел се одржа во ноември 2020 година како продолжување на хуманитарно-донаторски активности кои Групацијата Новоматик Македонија и Апекс Македонија ги реализираше од почетокот на пандемијата со ковид-19.

За време на пандемијата казино „Фламинго“ хотел во Гевгелија со одлука на менаџментот беше отстапен на здравствените власти за карантин, а во јавните здравствени установи беа донирани болнички кревети и медицински материјали во вкупен износ од 200.000 евра.

The post КАЗИНО „ФЛАМИНГО“ ВО ГЕВГЕЛИЈА ДОМАЌИН НА КРВОДАРИТЕЛСКА АКЦИЈА Повеќе од 50 вработени даруваа крв appeared first on plusinfo.mk.