Тинејџер од Русија се обидел да ја лекува својата анемија пиејќи сопствена крв, откако таков совет прочитал на социјалната мрежа Тик-ток, по што завршил во болница со влошено здравје, објавија руски медиуми.

Момчето на 17-годишна возраст подолго време имало недостиг на железо и хемоглобин во крвта, па читало здравствени совети на социјалните мрежи. Во еден таков пост се советувало дека пиењето сопствена крв може да го подобри нивото на железо во крвта. Момчето тоа го направило, но набргу се појавиле симптоми, повраќање, треска и болки во желудникот. Неговите родители викнале брза помош, по што тинејџерот бил хоспитализиран. Откако му била констатирана дијагноза на акутно труење, бил пренесен на интензивна нега. Лекарите успеале да го стабилизираат, а откако им кажал зошто пиел крв, го испратиле и на психијатриско советување.

Лекари објаснуваат дека пиењето крв е опасно и воопшто не може да влијае на подобрување на крвната слика. Желудникот не ја апсорбира крвта бидејќи содржи многу железо, што создава иритација и повраќање.

– Кога нивото на железо и хемоглобин се ниски, се јавува клиничка анемија. Придружена е со чувство на слабост, замор и блед изглед на кожата. Ако ги имате овие симптоми, веднаш одете на лекар кој ќе ви ја провери крвта и ќе го открие коренот на проблемот. Анемијата никако не може да се лекува со пиење крв, туку со терапија исклучиво препишана од лекар. На лицата со анемија им се препорачува да направат промени во исхраната, односно да внесуваат повеќе храна богата со железо – вели еден лекар за порталот Москва 24.

The post ТИНЕЈЏЕР ПИЕЛ СВОЈА КРВ ЗА ДА СЕ ИЗЛЕЧИ ОД АНЕМИЈА, ЗАВРШИЛ ВО БОЛНИЦА „Лекот“ го прочитал на Тик-ток appeared first on plusinfo.mk.

Јајцата се основа на секоја кујна: идеални за појадок, неопходни во печењето и составен дел од традиционалните рецепти.

Повеќето од нас многу ги сакаат јајцата, но понекогаш можат да нè збунат.

Сигурно и вие некогаш сте биле изненадени, откако ќе ја скршите лушпата од јајцето и ќе го ставите во тава, да видите црвена дамка на жолчката. Судејќи според реакциите на социјалните мрежи, многумина веднаш помислуваат дека ова е знак на расипано јајце, присуство на ембрион или едноставно, лош квалитет на самото јајце.

Што значи црвената дамка?

Веќе кружат митови околу црвената дамка. Техничкото име за црвената дамка што понекогаш можеме да ја видиме на жолчката е „хеморагија“ или мало крварење. Едноставно кажано, тоа се пукнати крвни садови кои биле оштетени за време на формирањето на жолчката во јајникот на кокошката. Појавата на такво мало крварење е поврзана со физиолошкиот циклус на положување јајца, а не со последователно расипување на производот.

Прочитајте повеќе на „Арт кујна“.

The post СКРШИВТЕ ЈАЈЦЕ И ВИДОВТЕ МАЛКУ КРВ? Што значат и дали смеете да ги јадете јајцата со црвени дамки appeared first on plusinfo.mk.

По средбата со украинскиот претседател Володимир Зеленски во Белата куќа, поранешниот американски претседател Доналд Трамп напиша на својата социјална мрежа Truth Social:

„Му реков, исто како што силно му предложив и на претседателот Путин, дека време е да престане убивањето и да се направи договор! Доста е пролеана крв, границите веќе се исцртани со војна и со храброст. Треба да застанат таму каде што се. Нека прогласат победа и дваjцата лидери, нека пресуди историјата!“.

Зеленски отпатува во Вашингтон за да ја обезбеди поддршката на САД и да побара дозвола за употреба на американски крстосувачки ракети „Томахавк“. Трамп, сепак, изрази воздржаност, предупредувајќи дека испораката на вакво оружје може да ја прошири војната и да ја вклучи Америка подлабоко во конфликтот.

Според „Ројтерс“ и „Вашингтон пост“, разговорот бил долг и, според очевидци, студен, а Зеленски заминал без конкретна одлука за ракетите, но со ветување дека Трамп ќе продолжи да посредува меѓу Киев и Москва.

Во медиумите внимание привлече и вратоврската на американскиот секретар за одбрана Пит Хегсет, која била во боите бела, сина и црвена — идентични на руската тробојка. Едно од толкувањата е и дека тоа се и боите на американското знаме.

The post „И ДВАЈЦАТА НЕКА ПРОГЛАСАТ ПОБЕДА, ДОСТА Е ОД ПРОЛЕАНА КРВ“ Што напиша Трамп по средбата со Зеленски во Белата куќа? appeared first on plusinfo.mk.

Тројца возачи биле приведени за една ноќ поради возење во алкохолизирана состојба, јави МВР.

Во Кичево, на улица Борис Кидрич, полицијата запрела „бмв“ управувано од 26-годишен жител на село Зајас, кој имал 2,08 промили алкохол во крвта.

Неколку часа подоцна, во Куманово, полициски службеници го задржале 34-годишен возач на „смарт“ со 3,43 промили.

Во Битола пак, на улица Македонска фаланга, бил приведен 41-годишен жител на Средно Егри со 1,68 промили, откако бил запрен во „мерцедес“ со битолски регистарски таблиички.

„По целосно документирање на случаите, против тројцата возачи ќе бидат поднесени соодветни пријави по член 297-а од Кривичниот законик – безобѕирно управување со моторно возило“, соопшти Министерството за внатрешни работи.

The post СИНОЌА ПРИВЕДЕНИ ТРОЈЦА ПИЈАНИ ВОЗАЧИ ВО ТРИ ГРАДА Еден имал 3,43 промили алкохол во крвта appeared first on plusinfo.mk.

56-годишниот скопјанец Н.А. е приведен откако на улицата Владимир Комаров во општина Аеродром со својот автомобил удрил во паркирано возило, а полицијата утврдила дека бил под дејство на алкохол – дури 2,57 промили во крвта.

Како што информираат од Министерството за внатрешни работи, инцидентот се случил на 15 јуни, околу 20:50 часот, кога возачот на патничко возило од марката „субару“ удрил во паркирано „фолксваген голф“ со скопски регистарски таблички, сопственост на Љ.Р. (47) од Скопје.

„При увидот и извршените тестирања, било утврдено дека лицето управувало возило под дејство на алкохол. Му беше измерено присуство од 2.57 промили, што претставува сериозно прекршување на безбедносните прописи и го загрозува животот на другите учесници во сообраќајот“, соопштија од СВР Скопје.

Возачот е задржан во полициска станица, а по целосното документирање на случајот, против него ќе биде поднесена кривична пријава по два члена од Кривичниот законик: член 297-а – „безобѕирно управување со моторно возило“ и член 288 – „предизвикување општа опасност“.

The post ВОЗАЧ СО 2,57 ПРОМИЛИ УДРИ ВО ПАРКИРАНО ВОЗИЛО Приведен скопјанец во Аеродром, ќе одговара кривично appeared first on plusinfo.mk.

Полициски службеници од Полициската станица Пробиштип синоќа, околу 23:55 часот, го привеле 64-годишниот М.К. од Пробиштип, откако со својот автомобил удрил во дрво на улицата Јоаким Крчовски во градот.

Инцидентот се случил нешто по 22:25 часот кога М.К., управувајќи патничко возило марка „Пежо“ со пробиштипски регистарски ознаки, изгубил контрола и излетал од патот. При увидот на местото на несреќата и по извршеното алкотестирање, било утврдено дека возачот имал 1,78 промили алкохол во крвта.

Од МВР потврдуваат дека против него ќе биде поднесена пријава за „безобѕирно управување со моторно возило“ по член 297-а од Кривичниот законик.

За случајот бил известен и јавен обвинител. По целосно документирање на случајот, ќе следува соодветна кривична пријава против М.К.

The post ПИЈАН ВОЗАЧ НАПРАВИ ХАОС ВО ПРОБИШТИП Излетал од патот и удрил во дрво, полицијата го приведе appeared first on plusinfo.mk.

Ресенската полиција сопрела „мерцедес“ и го уапсила 27-годишниот возач на кој му биле измерени 2,38 промили алкохол во крвта, соопшти Министерството за здравство. Против него ќе биде поднесена пријава за „безобѕирно управување со моторно возило”.

„На 18.05.2025 во 02.18 часот, полициски службеници од ОВР Ресен го лишија од слобода Д.К.(27) од с.Јанковец, ресенско. При сообраќајна контрола во сeло Јанковец е сопрено патничко возило „мерцедес” со скопски регистарски ознаки, кое го управувал, и по преземени мерки е констатирано дека не поседува возачка дозвола и дека е под дејство на алкохол, односно измерени му се 2,38 промили алкохол во крвта“, се вели во полицискиот билтен.

The post БЕЗ ВОЗАЧКА ДОЗВОЛА И СО 2,38 ПРОМИЛИ АЛКОХОЛ ВО КРВТА Ресенчанец дивеел со „мерцедес“ низ градот appeared first on plusinfo.mk.

Контроверзниот американски милионер кој сака да си го продолжи животниот век одново си пресади нова крвна плазма во своето тело. Брајан Џонсон, кој во 2023 година замени литар од својата плазма со донирана плазма од неговиот син кој тогаш имаше 17 години, сега направи целосна замена на плазмата со раствор што содржи 5% албумин и интравенски имуноглобулин (IVIG) .

Тој вели дека лекарите не виделе ништо слично.

„Ми ја отстранија целата плазма од телото, а докторката рече дека тоа е најчистата плазма што некогаш ја видела“, напиша Џонсон во својата објава на Инстаграм.

Џонсон е дел од познатите личности кои сакаат да го „хакнат“ својот животен век за да живеат подолго, па ги нарекуваат и биохакери. Нивните методи, иако базирани на одредени научни студии, се шпекулативни.

Плазмата е течниот дел од крвта и сочинува околу 55 проценти од вкупниот волумен на крв во човечкото тело. Црвените крвни клетки ги сочинуваат преостанатите 45 проценти.

 

View this post on Instagram

 

A post shared by Bryan Johnson (@bryanjohnson_)

Џонсон стана популарен на социјалните мрежи по неговиот протокол за здрава исхрана „Блупринт“ и неговото движење „Don’t die“ што во превод значи „не умирај“.

За себе тврди дека е „најмерениот човек до сега“, алудирајќи на фактот дека тим доктори постојано ги следат и мерат еден куп биомаркери, од неговиот притисок, составот на крвта, шеќерот….Неговата цел е да го намали индексот на стареење колку е можно.

Во диетата на Џонсон нема месо, туку шитаке печурки, црна леќа и многу брокула. Тој исто така пие многу суплементи, редовно вежба и прави 18-часовен пост секој ден.

„Blueprint“ нуди и комерцијални услуги, вклучувајќи тестови за биомаркери кои мерат различни аспекти на здравјето, како што се метаболичката функција, хормоналниот баланс и воспалителните процеси. Овие тестови се достапни за купување и вклучуваат анализа на над 100 биомаркери, со цел да се добие детален увид во здравствената состојба на поединецот. 

Научниците се поделени за методата на „Блупринт“, но таа привлекува внимание во јавноста.

The post 📽 КОНТРОВЕРЗНИОТ БИОХАКЕР СИ ЈА ЗАМЕНИ ЦЕЛАТА КРВНАТА ПЛАЗМА Докторите не виделе вакво нешто? appeared first on plusinfo.mk.

Жител на Крива Паланка пијан се забил со своето „хјундаи“ во бензинска станица на булеварот Србија во Скопје, информираше Министерството за внатрешни работи. Тој лажно се претставил како вработен на АНБ, додека при алкотестот му биле измерени 2,41 промили алкохол во крвта.

„На 16.04.2025 во 02.30 часот на бул.„Србија” во Скопје, полициски службеници од СВР Скопје го лишиле од слобода Б.Р.(31) од Крива Паланка поради сомнение за сторено кривично дело „безобѕирно управување со моторно возило” по член 297 А од Кривичниот законик“, се вели во полицискиот билтен и се додава дека против лицето ќе биде поднесена соодветна пријава.

The post ЛАЖЕЛ ДЕКА Е ВРАБОТЕН ВО АНБ, ИМАЛ 2,41 ПРОМИЛИ АЛКОХОЛ ВО КРВТА Кривопаланчанец со „хјундаи“ се забил во бензинска на булеварот Србија appeared first on plusinfo.mk.

Штипската полиција уапси 22-годишник кој пијан возел „Сеат“ на улицата Гоце Делчево во градот, информираше Министерството за внатрешни работи. При контрола му биле откриени 1,53 промили алкохол во крвта.

„Денеска (13.04.) во 03.41 часот на улица Гоце Делчев во Штип, полициски службеници од СВР Штип го лишиле од слобода П.Ј.(22) од Штип. При контрола во патниот сообраќај, полициските службеници го сопреле П.Ј. кој што управувал патничко возило „Сеат” со штипски регистарски ознаки, и по преземени мерки било констатирано дека тој е под дејство на алкохол, односно дека има 1,53 промили алкохол во крвта, по што веднаш бил исклучен од сообраќај“, се вели во полицискиот билтен.

МВР вели дека за настанот бил известен надлежен јавен обвинител и дека по целосно документирање на случајот, против него ќе биде поднесена пријава за „безобѕирно управување со моторно возило”.

The post БЕОЗБЅИРНО ВОЗЕЊЕ ВО ШТИП На 22-годишник му откриле 1,53 промили алкохол во крвта appeared first on plusinfo.mk.