Во повеќето европски престолнини, сообраќајот е синоним за метеж, долги редици и постојано чекање на зелено светло. Семафорите станаа неизбежен дел од урбаниот пејзаж и секојдневниот живот на граѓаните.

Сепак, постои еден главен град кој целосно се одвојува од овој образец и докажува дека сообраќајот може да функционира и без семафори. Тоа е Вадуц, главниот град на Кнежевството Лихтенштајн, единствениот главен град во светот без ниту еден семафор.

Овој мал, но добро организиран град, сместен помеѓу Швајцарија и Австрија, има само неколку илјади жители, а сообраќајот е поставен на начин кој првично ги изненадува посетителите. Наместо семафори, возачите се потпираат на сообраќајни знаци, кружни текови и јасно дефинирани правила за приоритет на минување.

Клучно е правилото за десна страна – возилото што доаѓа од десно има предност, освен ако раскрсницата не е означена поинаку. Иако ова правило е познато во многу европски земји, често се игнорира во големите градови поради доминацијата на семафорите.

И покрај отсуството на семафори, сообраќајот во Вадуц се одвива изненадувачки непречено. Причината не е само малата густина на сообраќај, туку и високото ниво на сообраќајна култура. Возачите се внимателни и одговорни, а пешаците се чувствуваат безбедно затоа што правилата се доследно почитуваат.

Овој сообраќаен систем го одразува карактерот на Лихтенштајн – една од најмалите, но и најуредните земји во Европа. Земјата е позната по висок квалитет на живот, безбедност и силно чувство на заедница. Вадуц можеби нема семафори, но има она што сè поретко се среќава во големите метрополи: сообраќај базиран на меѓусебна доверба, почитување и одговорност.

Лихтенштајн е четвртата најмала земја во Европа и една од најбогатите во светот, иако нема свој аеродром. До него може да се стигне преку Цирих, кој е околу еден и пол час возење. Економијата на кнежевството се потпира на специјализирана индустрија; земјата е светски лидер во производството на забни протези, а компанијата Ивоклар Вивадент држи околу 20% од глобалниот пазар.

Работната култура во Лихтенштајн исто така е уникатна: паузата за ручек трае дури еден и пол час, од 12:00 до 13:30 часот, што е меѓу најдолгите во Европа.

Сепак, историјата на оваа земја има и свои контрасти. Лихтенштајн беше последната европска земја која им додели право на глас на жените, дури во 1984 година. Претходните референдуми од 1970-тите не поминаа, а конечната одлука беше донесена со тесно мнозинство, што е еден од највпечатливите примери на бавни општествени промени во модерна Европа.

Вадуц е доказ дека сообраќајот не мора да значи хаос и црвено-зелено трчање. Понекогаш доволна е културата, довербата и јасните правила за приоритет, за да се создаде ред каде што многумина би очекувале метеж.

The post ЕДИНСТВЕНИОТ ГРАД ВО СВЕТОТ БЕЗ СЕМАФОРИ Нема сообраќаен хаос, тука довербата и правилата победуваат appeared first on plusinfo.mk.

Инвеститорот на комплексот „Diamond of Skopje“ вели дека основата на сообраќајницата е готова, бидејќи таа морала да биде завршена за да може врз неа да се градат останатите објекти кои се составен дел од инвестицијата вредна 350 милиони евра.

– Дел од проектот е и подземната сообраќајница што се протега под комплексот „Diamond of Skopje“ и е долга 746 метри и широка 37 метри. Подземната сообраќајница има по две сообраќајни ленти и помошна лента во двата правци и две трамвајски линии во средината. Во моментов, бетонските работи на подземниот тунел се комплетно завршени, односно вкупната должина од 746 метри е целосно ископана, со поставени потпорни ѕидови и фундамент. За нејзината изградба е извршен 14 метри длабок ископ, по што се изградени потпорни ѕидови, кои се веројатно меѓу највисоките во земјава, и на нив е поставен фундамент. Се работи за важен инфраструктурен проект чие ставање во функција ќе овозможи брзо движење низ центарот на градот, што е клучен предизвик во централните градски подрачја. Изградбата на подземната сообраќајница, како и изградбата на останатите две станбени згради, e планирано да се заврши во текот на следната година. Вкупната инвестиција во целиот проект достигна 350 милиони евра – изјавија инвеститорите за Плусинфо.

Градот засега нема никакви активности, ниту во делот на кружниот тек кај Водњанска, ниту пак кај Јужниот булевар, особено откако во октомври се случи отворањето на трговски центар „Diamond Mall“, при што се зголеми бројот на возила кои се движат во овој дел од градот.

– Подземната сообраќајница е еден од највиталните делови на комплексот „Diamond of Skopje“. Таа ќе биде прва и засега единствена од ваков вид во земјава. Оттука, од големо значење е нејзино сообраќајно поврзување, поради што нејзината реализација се прави на партнерска основа со Град Скопје, под чии ингеренции се кружните текови на западната и на источната страна. Ние сме во постојана комуникација, фокусирани сме на својот дел од работата и истовремено конструктивни за континуитетот на отпочнувањето на фазите на изградба, кои се во тек од страна на Град Скопје, кој е наш значаен партнер – велат инвеститорите.

Градоначалничката на Скопје Данела Арсовска пред шест месеци изјави дека експропријацијата на објектите на просторот наменет за кружен тек би била неспорна зашто голем дел од засегнатите куќи се дивоградби. Најголемиот проблем, според неа, би бил да се реши ситуацијата со објектот на „Македонски железници – инфраструктура“, кој се наоѓа непосредно до Паркот на новинари, а во кој е сместена значајна ИТ опрема на претпријатието.

Од „Железници инфраструктура“ минатиот месец за Плусинфо рекоа дека спорниот објект во моментов нема некоја значајна опрема која би го забавила процесот на изградба на кружниот тек, но до нив нема официјално барање дека објектот треба да се руши.

– Нашиот диспечерски центар е префрлен од оваа зграда. Останува само дел од опремата, кој може да се дислоцира во секое време и без да предизвика некакви проблеми во работењето. Ние го поддржуваме овој проект на Градот, но очекуваме за возврат на овој имот да добиеме локација во близина на кружниот тек, за да можеме да изградиме реномиран објект. Писмено за ова ги известивме Град Скопје и општина Центар, но немаме информација дали тоа ќе се прифати и каде е обезбедена новата локација. Инаку, немаме добиено барање објектот да го дислоцираме и дека ќе се руши – велат од претпријатието.

Еден месец пред локалните избори во 2021 година, тунелите со кои се спојува булеварот Македонија (Јужен булевар) со булеварот Кочо Рацин увид изврши тогашниот градоначалник Петре Шилегов.

– Ова сообраќајно решение е дел од планот кој го поставив пред четири години кога станав градоначалник – а тоа е Скопје да биде град без сообраќаен метеж, со најголема пешачка зона во Европа во центарот на градот. Со реализацијата на овој план скопјани добиваат брзо и непречено патување низ градот со возила, јавен превоз или други средства за транспорт – изјави тогаш Шилегов и најави дека градежните работи целосно ќе бидат готови до 2024 година.

Мултифункционалниот комплекс „Diamond of Skopje“ се протега на површина од 325.000 метри квадратни, има четири станбени кули со вкупно 772 станбени единици, деловен простор, трговски центар „Diamond Mall“, кој се отвори на 20 октомври годинава, хотел со пет ѕвездички „Limak Skopje Luxury Hotel“.

The post ТУНЕЛОТ ПОД ЛИМАК Е РЕЧИСИ ГОТОВ, АБЕР НЕМА ОД КРУЖНИТЕ ТЕКОВИ Колку долго ќе чекаат 6 ленти и 2 трамвајски линии Градот да ги поврзе во сообраќај? appeared first on plusinfo.mk.

– Градот е заробен во урбан хаос, каде секој гради каде сака, истура бетон врз дрва и зеленило. Луѓето без визија ќе ви кажуваат дека проектите кои ги предлагаме не можат да се реализираат. А ние денес ќе им порачаме дека нивното време во Ѓорче Петров и во Скопје е завршено. Имаа шанса, ја прокоцкаа. А ние сме професионалци што нудат решение – рече Арсовска.

Арсовска уште порача дека неработниците заминуваат и доаѓа време на брзи и сигурни решенија, дека сега е време за професионалците, за менаџерите и за чесните луѓе кои работат.

– Ние сме професионалци кои нудат решенија. Градот Скопје мора да се развива еднакво. И во центарот на градот, но и во овие преубави населби околу него. Тука во Ѓорче Петров, се обврзувам дека за мене нема заборавен населба. Не смее Волково, Кучково, Даме Груев, Ново Село, Орман и Никиштани и Кисела Јабука да немаат чиста вода за пиење или да немаат канализација или асфалт или игралишта за нашите млади генерации. Мораме да работиме на растеретување на сообраќајот и на главната артерија низ Ѓорче Петров, и на влезот на градот Скопје од западен правец, но и на артериите кои го поврзуваат Ѓорче Петров со останатиот дел од градот. За решавање на овие проблеми нема да чекаме четири години. Почнуваме веднаш – рече Арсовска.

Арсовска ги претстави проектите за Ѓорче Петров, проширување на кракот на булевар Теодосиј Гологанов до раскрсница со булевар. Ѓорче Петров и изградба на сообраќајница со четири ленти, инфраструктурни проекти значајни за општина Ѓорче Петров, два нови кружни тека, еден на влезот во Ѓорче Петров од Сарај и друг на улица Македонска војска.

Во соработка со централната власт ќе се предвидат и нови поврзувања со автопатот и обиколницата на клучните излези од градот Скопје, како и чистење на дивите депонии кај Ново Село и многу други.

The post НЕ МОЖЕ ДА ЧЕКАМЕ НЕКОЈ ДА ЈА КРАДЕ ИДНИНАТА НА СКОПЈЕ Арсовска ќе гради два кружни тека во Ѓорче Петров appeared first on plusinfo.mk.

Од вториот кружен тек улицата продолжува до крстосницата со булевар „Словенија“, каде што се поврзува со булеварот „Словенија“ и со булеварот „Босна и Херцеговина“.

Градоначалникот на Градот Скопје, Петре Шилегов денеска по увидот во работите кај Момин Поток, изјави дека станува збор за најкомплексниот сообраќаен проект во државата, вреден 16 милиони евра. Како што рече, парите се обезбедени од буџетот на градот Скопје.

– Станува збор за изработка на кружен тек со шест коловозни ленти, четири од нив се дигаат на девет метри, и влегуваат во ридата кај касарната Илинден, каде што се изведува вториот кружен тек, со што ќе овозможиме да имаме непречено движење на сообраќајот без застој и без семафори. Станува збор за место каде дневно се движат 25 до 30 илјади возила, со што знаат скопјаните, какви гужви се создаваат – изјави Шилегов.

Тој посочи дека токму овој потег е можеби е највидлива стратегијата на развојот на Градот Скопје. Потсети дека лани ја прошириле улицата „Пластичарска“, годинава го пуштиле булеварот „Никола Карев“, а минатата година ја реконструирале и „8 Септември“, сега со ова ја затвораат целината на оваа делница од градот.

– Инвестирањето во инфраструктурата во овој дел од градот е императив, токму заради тоа што мислиме дека со развојот на инфраструктурата добиваме на развојот на градот, меѓутоа развивајќи ја оваа инфрастурктура го намалуваме и притисокот за урбаното живеење од другата страна на градот, со што би спречиле урбанистичка девастација – рече скопскиот градоначалник.

Според Шилегов, Градот Скопје нема опција освен стретешки да се развива.

– Градот Скопје нема опција освен да не престане да се развива. Токму заради тоа очекувам граѓаните да имаат разбирање, бидејќи овој потег заради сопствената комплексност ќе се изведува во наредниве две до две ипол години – додаде тој.

Градоначалникот на Општина Карпош, Стефан Богоев денеска по увидот кај Момин Поток посочи дека изгрaдбата на два кружни текa и нова инфраструктура значително ќе придонесе во намалување на сообраќајниот метеж, во побрз проток на возила и развој на овој дел од Општината и Градот.

Тој појасни дека оваа клучка претставува тесно грло за граѓаните на Општина Карпош, на Скопје но и на многумина други кои на дневно ниво ротираат на овој потег.

– Градот Скопје во саботата ја заврши изведбата на булеварот „Никола Карев“, а денеска започнуваат активности за решавање на еден децениски проблем. Општина Карпош континуирано вложува во подобрување на инфраструктурата во Момин Поток и Криви Дол. Паралелно, донесени се и детални урбанистички планови за овој дел, делот околу касарнта Илинден – изјави Богоев.

На овој начин, како што рече, се создаваат услови за намалување и дисперзирање на градот од централните населби, кон северниот дел на опоштината и градот.

Премиерот Зоран Заев посочи дека Владата обезбедува максимална финансиска политичка и друга неопходна поддршка за проектите кои се од најголем интерес за граѓаните и што ги спроведуваат општините и Градот Скопје.

Тој напомена дека кога ќе бидат завршени овие две сообраќајни решенија кои опфаќаат и два моста на реката Серава, и дополнително коловозни ленти и крстосници, ќе се обезбеди лесен и непопречуван проток на над 25 илјади автомобили дневно, колку што изнесува фрекфенцијата на овие булевари.

– Освен модерните и функционални сообраќајни решенија и изградбата на патната инфраструктура според највисоки стандарди со овие зафати ќе се осигура поефикасно меѓуопштинско поврзување на општините Центар, Чаир, Капрош и општина Бутел – изјави Заев по увидот на Момин Поток.

Тој рече дека ова е третата фаза од целосната реконструкција на булеварот „Никола Карев“ кој започна со делницата од надвозникот кај Битпазар, и со која се реши познатата „Пластичарска“, се до касарната Илинден.

– Втората делница беше пуштена во саботата и ја опфати делнциата на булеварот „Никола Карев“ од касарната Илинден до клучката кај Момион Поток. Оваа делница во должина од 980 метри се прошири на четири сообраќајни ленти со зеленило и нови пешачки патеки од двете страни. Администрацијата на град Скопје во изминатиот период ги реконструираше и најфрекфентите улици во градот, и над 20 клучки со модерни и фуинкционални решенија – рече Заев.

The post Скопјани ќе добијат два кружни тека кај Момин Поток appeared first on plusinfo.mk.