-Најпрво сакам да го честитам празникот Рамазан Бајрам, на сите граѓани од муслиманска вероисповед да им посакам добро здравје, среќа, благосостојба во нивните и во сите домови. Сакам од Крушево, тука, да порачам дека Крушево е еден од нај запоставените градови во Македонија. Централната власт воопшто не води сметка за Крушево, пристапните патишта до Крушево се катастрофални. Патот Демир Хисар – Крушево е во очајна состојба, туризмот е на најниски гранки го сега – истакна Ѓорѓија Сајкоски.

Локалната самоуправа не вложува ништо во Крушево, ниту централната, ниту локалната власт. Крушево е заборавено од властите, рече генералниот секретар на ВМРО-ДПМНЕ.

– Затоа, сакам да се повикам на Манифестот од Крушевската Република и на некои постулати од него, да повикам на единство на граѓаните тука во Крушево и во цела Македонија. Да ставиме крај на неправдите, крај на криминалот, крај на корупцијата, крај на задолжувањата кои што ги прави оваа власт. Да се обединиме во насока да донесеме подобар живот, подобри услови во здравството, подобро образование и подобро да живееме сите во нашата Македонија – повика Сајкоски.

The post ПО ПРИМЕРОТ НА КРУШЕВСКИОТ МАНИФЕСТ Сајкоски од Крушево повика на единство на сите граѓани appeared first on plusinfo.mk.