„САД се држава која не верувам дека би си дозволила оној кој ги отворил вратите на Конгресот, како Крсто Мукоски во Македонија, да биде амнестиран од власта и судот. Во Македонија токму извршителот што ги отвори вратите за насилството на 27-ми април беше амнестиран, а потоа стана и сојузник на владата и беше богато наградуван со милионски тендери за семејната фирма, со што се испрати порака дека доколку си послушен џубокс пратеник како Мукоски, насилството се исплати и финансиски, и политички. Бонус за ‘вратарот на насилството’ во Македонија беше моментот кога истиот како дел од државната делегација во 2019 беше на аудиенција кај Папата Франциск, со што актуелната власт на Мукоски му организираше и еден вид морално помилување среде Ватикан“, напиша Милошоски.

Затоа, додава тој, „немилите настани од Вашингтон мора да имаат правна разрешница, а нарачателот и извршителот да одговараат, со цел да се спречи понатамошно поларизирање на општеството на највлијателната демократија во светот. Ова ќе биде првиот предизвик за новоизбраниот претседател Бајден.“

The post Милошоски: САД не би го амнестирале „вратарот“, како што беше со Крсто Мукоски во Македонија appeared first on plusinfo.mk.