Нервозата што зовре на крајот од финалето на Купот на кралот меѓу Реал Мадрид и Барселона го чинеше Антонио Ридигер скапо — шест натпревари суспензија. Германецот e казнет зашто фрли пластично шише кон судијата, па му се нафрли.

Со оглед на тоа што до крајот на сезоната остануваат уште пет кола, а Ридигер неодамна беше на операција на коленото, дел од казната Ридигер ќе ја одслужи на стартот на следната сезона.

Ниту останатите играчи на „кралскиот клуб“ не поминаа без последици. Лукас Васкез доби суспензија за наредните 2 натпревари, откако го предводеше протестот кон судијата во самиот финиш, фрлајќи мраз кон теренот.

Џуд Белингам, кој исто така доби црвен картон на крајот, не беше казнет. Според официјалната проценка, судијата направил грешка, па Англичанецот ќе може да игра во следните натпревари.

Интересно, Винисиус Жуниор, кој беше меѓу оние кои најгласно протестираа против одлуките на судијата на мечот Реал Мадрид-Барселона, мина без никаква санкција.

The post СТИГНА СУСПЕНЗИЈАТА ЗА РИДИГЕР Инцидентот со судијата ќе го чини отсуство од 6 натпревари appeared first on plusinfo.mk.

Напаѓачот на Јувентус, Пауло Дибала, може да ја продолжи кариерата во Реал Мадрид, пренесува „Sport Mediaset“.

Според изворот, кралскиот клуб е заинтересиран за 26-годишниот Аргентинец и е подготвен за него да го понуди во замена Иско или Тони Кроос.

Останува да се почека одговорот на италијанскиот шампион за да се види дали ќе има преселба на играчи во правец Мадрид – Торино и обратно.

Минатата сезона, Дибала одигра 46 натпревари на сите турнири, во кои постигна 17 голови и направи осум асистенции. Исто така, напаѓачот беше прогласен за најдобар играч во италијанскиот шампионат.

The post Реал ги нуди Иско или Крос во замена за Дибала appeared first on plusinfo.mk.

– Јас дефинитивно планирам да ги поминам следните три години во Реал Мадрид затоа што имам договор со клубот. Дали сакам да играм во Премиер лигата? Кога ќе заврши договорот со мојот сегашен клуб ќе имам 33 години. Ова е сериозна возраст да се запрашам како се чувствувам физички, има, ли некоја мотивација, дали сакам да продолжам? Ако сè се вклопува, можеби ќе пробам уште една година да играм. Не исклучувам дека тоа би можело да ми се случи, но тешко ми е да замислам дека ќе се согласам да се преселам во Англија на 33-годишна возраст. Тоа ќе бара многу физички напори – изјави Крос.

Германецот има пет голови и девет асистенции на 33 натпревари за Реал Мадрид во сезоната 2019/20.

The post Крос: Планирам да поминам уште три години во Реал Мадрид appeared first on plusinfo.mk.