Експертите потврдуваат она што ВМРО-ДПМНЕ предупреди за енергетска криза, државата троши двојно повеќе отколку што произведува струја, реагира опозициската партија.

Партијата бара да се формира кризно тело кое ќе даде решенија за надминување на кризата со недостигот на електрична енергија.

Според партијата тоа е неопходно бидејќи последните информации се дека земјава не успева да произведе доволни количини елекрична енергија.

– Власта не е способна да ги менаџира енергетските капацитети на државата. Во изминатиов месец производството е само половина од потребите. Другата половина се покрива со увоз и повлекување од заедничката европска мрежа што е недозволиво за редовни ситуации.Оваа неспсобност и екскурзија на власта ќе ја платиме со 15 милиони евра само за месец октомври, кажа директорот на МЕПСО – велат од ВМРО-ДПМНЕ.

Од ВМРО-ДПМНЕ додаваат дека има опасност земјава да се соочи со енергетска криза во зимскиот период.

– Предупредуваме за да не биде предоцна. Веднаш да се формира кризно тело кое ќе ја разгледа ситуацијата и ќе предложи решенија. Државата, граѓаните и стопанството не смее во 21 век да останат без струја – велат од ВМРО-ДПМНЕ.

The post ДА СЕ ФОРМИРА КРИЗНО ТЕЛО ЗА СПРАВУВАЊЕ СО КРИЗАТА СО СТРУЈА Состојбата е алармантна пред настапување на зимата appeared first on plusinfo.mk.

– Ова не е прес-конференција да судам, ниту да давам квалификации за владиниот неморал. Сакам да испратам апел за целосна мобилизација на сè што може да се мобилизира од институции, ресурси и човечки потенцијал и заеднички да се спротивставиме на огнениот пустош. Апелирам, човечки молам, владините институции да го прават тоа за што се платени, да му служат на народот. Граѓаните се исплашени и под притисок. Имаат чувство дека се оставени на цедило. Сакам да направам јасна разлика и да потенцирам дека народот, пожарникарите и службите кои се на терен и помагаат, ја имаат мојата помош и поддршка, но она што недостасува е отсуството на институционално раководење со тие сили – рече Мицкоски.

Тој посочи дека ВМРО-ДПМНЕ четири дена е во целосна мобилизација. Сите раководства на општинските комитети ширум државата се на терен, Унијата на млади Сили, Унијата на жени, ветераните и сите останати му помагаат на народот, што со физичка сила, што со хуманитарни акции.

– Апелирам да се формира централно кризно тело, а не ова што го има сега државата. Знам дека од Владата ќе одговорат дека веќе има такво, но тоа е далеку под просечно се справува со кризата. Колку животи и имоти треба да се уништат за да Владата да стане сериозна и наместо циркусанти кои кршат ќерамиди со оваа деликатна работа да се зафатат стручни луѓе и тим од професионалци. Мора да се ангажираат најдобрите експерти и да се искористат најдобрите човечки потенцијали. Повикувам во најкус можен рок и Собранието да заседава на посебна собраниска седница каде ќе се разгледува точка со информација за последните случувања со пожарите во Македонија. Мора јавно да се изнесат слабостите за да се најдат решенијата – рече лидерот на ВМРО-ДПМНЕ.

Според него, недозволиво и во најмала рака невкусни се коментарите кои ги даваат институциите „ако видите пожар, оставете да гори, Владата ќе ви плати“. Јасно е дека Владата е неспособна, и таа треба час поскоро да замине.

– Сакам да одговорам на измислиците и учтиво кажано невистините кои провладините платеници ги шират. Истите тие ја обвинуваат опозицијата дека политизирала и дека сме се обидувале политички да профитираме па дури и ме нарекоа мене пироман, додуша политички. Згрозен сум од нивото на речникот што се користи од директните владини платеници но и тие кои се индиректни владини платеници, циркусанти и измамници кои имаат задача да го одвлечат вниманието на народот од вистинските проблеми – рече Мицкоски.

Тој дедаде дека нема да остане рамнодушен ни на монструозните лаги кои доаѓаат од еден ист центар, СДСМ, дека опозицијата распалувала пожари.

– Останувам згрозен како човек и со чувство на гадење гледам на злобата на власта што е доказ само за тоа колку се неспособни да делуваат и помагаат за сметка на тоа колку се способни да лажат и измислуваат. Ги жалам таквите ликови. Денес ќе бидам во Пијанец и Малешевијата, колку е тоа потребно толку време и ќе останеме таму. Ќе обезбедиме во рамките на нашите можности намирници и вода за народот. Повикувам тоа да го направат и сите други општествено одговорни субјекти. Ќе повторам ги повикувам сите општествено одговорни во државата да помогнат на народот, а ВМРО-ДПМНЕ остануваме со народот. Не можеме да направиме чуда, но заедно ќе ја добиеме и оваа битка – рече Мицкоски.

The post МИЦКОСКИ БАРА ЦЕЛОСНА МОБИЛИЗАЦИЈА Централно кризно тело за пожарите и итна собраниска седница appeared first on plusinfo.mk.