Тој апелира сите трговци да ја почитуваат владината одлука за трговските маржи зашто од неа, како што истакна, нема никој да загуби и највеќе ќе добијат потрошувачите, односно граѓаните на државата.

Според Бектеши, анализите покажуваат дека руско-украинскиот конфликт директно не би влијаел врз македонската економија, имајќи ја предвид трговската размнеа.

-Кризата индиректно може да влијае, посебно во делот на енергенсите зашто директно сме поврзани со над 70 отсто од трговската размена со ЕУ, но ги преземаме сите соодветни мерки на дневна основа за да нема ценовни шокови, посебно за клучните производи кои се најважни за потрошувачите и нашите граѓани – истакна министерот.

Одлуката за одредување највисоки трговски маржи на продажните цени на основните прехранбени производи во трговијата на големо и мало стапи во сила денеска, а минатиот вторник ја донесе Владата по предлог на Министерството за економија. Со тоа, престанува да важи претходната одлука за замрзнување на цените на основните прехранбени производи.

Новата одлука, во која на листата на основни прехранбени производи се додадени и овошјето и зеленчукот, пченицата, суровото сончогледово масло и солта, ќе важи до 31 мај годинава.

Со одлуката се определува највисоката трговска маржа да изнесува до 5 отсто на продажната цена пресметана во трговијата на големо, односно до 10 отсто на продажната цена во трговија на мало кај лебот, шеќерот, солта, брашното – тип 400, суровото сончогледово масло и сончогледово масло за јадење, трајното млеко со масленост од 2,8, 3,2 и 3,5 отсто, свежото месо и сувомеснати производи, сирењето и урдата, оризот, јајцата, тестенините, пченицата и овошјето и зеленчукот. Кај трговците на мало во вкупниот износ на трговската маржа до 10 отсто се вклучени рабатот и надоместоците кои трговецот на мало ги наплаќа од трговецот на големо за рекламирање и за примарни и секундарни позиции за изложување на стоките на рафтови, односно полици.

Доколку трговците не се придржуваат до оваа одлука согласно Законот за трговија ќе следуваат глоби во износ од 800 до 1.000 евра во денарска противвредност за микро трговец, од 1.600 до 2.000 евра за мал трговец, од 3.000 до 6.000 евра за среден трговец и од 7.000 до 10.000 евра во денарска противвредност за голем трговец.

The post НЕ ПАНИЧЕТЕ, НЕМА ДА ИМА ЦЕНОВНИ ШОКОВИ Бектеши тврди дека имаме доволно залихи од прехранбени производи appeared first on plusinfo.mk.

– Сега е многу тешко да се размислува за што било друго освен за војната во Украина. Оваа војна ќе генерира многу голема економска криза. Дури и да застанат работите на сегашната состојба, ќе има сериозни економски последици, не само за Балканот, туку и за Европа. Прво ќе се одрази на повисоки цени, што веќе и се случува со цената на нафтата, која е највисока во последните години. Пораст на 30 отсто на европските пазари. И пред војната имавме зголемени цени, но сега се повеќе ќе се зголемуваат- рече Јовановиќ.

Тој рече дека особено ги следи економските случувања во земјава и Србија, во кои последните месеци инфлацијата е 6 и 7 отсто, а во следниот период таа ќе се зголеми уште повеќе.

– Вториот канал е директниот трговско-инвестициски канал од Русија, која е четвртиот инвеститор во Западен Балкан. Руските инвестиции нема да бидат присутни во регионот, а исто така и извозот кон Русија. Ќе се создаде дупка и тоа ќе има економско влијание – рече Јовановиќ.

Според него, војната во регионот ќе се одрази во мала мерка и на финансискиот пазар, а забавениот раст во ЕУ, ќе влијае и на Западен Балкан, бидејќи ЕУ е најголемиот трговски партнер на овој регион.

– Лекциите кои ги научивме од ковид-пандемијата, можат да бидат корисни и за тековната криза. Владите треба да преземат дејствија. Тоа е првата лекција која ја научивме од пандемијата. Земјите кои трошеа најмногу за време на пандемијата, имаат најдобри економски резултати. Владите треба да ги регулираат цените. Северна Македонија и Србија го направија тоа. Некои земји од регионот, како и државите од ЕУ, ги регулираа цените на енергенсите – вели Јовановиќ, кој смета дека владите треба да ги оданочат богатите.

Тој потенцира дека „сите не се наоѓаме на ист брод“, односно во пандемијата, иако таа се одрази врз сите, богатите не страдаа исто како и сиромашните, а тоа истото важи и за кризите.

– Богатите имаа пари и можеа да се заштитат, вели Јовановиќ, кој потенцира дека владите треба да има помогнат на оние на кои навистина им треба помош, а не на сите. Милијардерите го зголемија богатството, а сиромашните станаа уште посиромашни – нагласи економскиот експерт.

Даниела Зампини, специјалист за вработување од Меѓународна организација на трудот (ИЛО) посочи дека владите треба да водат дијалог со работодавците и работниците кога носат некоја мерка, како на пример, договарање за минималната плата.

Зампини рече дека пандемијата открила недостаток во однос здравствената грижа.

– Здравствената грижа зависи од статусот на вработување. Ако сте вработени имате пристап до здравствена грижа, за разлика од невработените. Тоа треба да се смени. Без разлика дали некој е вработен или не, секој треба да има пристап до бесплатна здравствена грижа – вели Зампини.

Таа посочи дека за време на пандемијата многу луѓе, кои биле на дното на пирамидата, а останале без работа, влегле во графата на најсиромашни.

– Тие што се најдолу на пирамидата, плаќаат најмногу за даноци, а добиваат најмалку – вели Зампини, која рече дека треба да се трансформираат системите за социјална заштита.

Таа, меѓу другото, зборуваше дека треба да се посвети внимание и на понудата и на побарувачката на пазарот на трудот.

Барбара Садовски, регионален експерт од Полска, говореше за социјалното претприемништво.

– Социјалните претпријатија имаат клучна улога на лицата кои имаат помало ниво на едукација, потоа за оние кои се верски и етнички малцинства, како и за бегалците. Во Полска, сега со илјадниците бегалци од Украина, социјалните претпријатија ќе одиграат клучна улога. Тие имаа клучна улога и за време на пандемијата – вели Садовски.

Таа посочи дека во земјава веќе има подготвено Стратегија за социјално претприемништво, но дека сè уште се работи на законското решение.

The post ДОАЃА ПОГОЛЕМА ЕКОНОМСКА КРИЗА Јовановиќ смета дека владите треба да преземат дејствија appeared first on plusinfo.mk.

Како што соопштија од Народна банка, оценето е дека заштитните механизми во нашиот финансиски систем се соодветни и тој ќе продолжи да функционира непречено и да овозможи поддршка на економијата.

„Руски или украински капитал не е присутен во сопственичката структура на нашите банки, така што од тој аспект нема изложеност врз стабилноста на домашниот банкарски систем“, се вели во соопштението.

Советот констатира дека девизните резерви се во сигурната зона и обезбедуваат доволна девизна ликвидност на домашната економија и стабилност на домашната валута.

На седницата беше констатирано дека треба да се продолжи со внимателно следење на ситуацијата, која се менува од час во час.

Советот разгледа и други точки поврзани со редовното работење на Народната банка. Советот ги разгледа и ги усвои Финансиските извештаи на Народната банка и Годишната сметка за 2021 година, коишто беа предмет на ревизија на независно друштво за ревизија.

„Според мислењето на независниот ревизор, Финансиските извештаи ја прикажуваат објективно финансиската состојба на Народната банка, како и резултатите од работењето и паричните текови, во согласност со меѓународните стандарди за финансиско известување“, наведуваат од Централната банка.

The post БАНКИТЕ СЕ СИГУРНИ, НЕМААТ РУСКИ И УКРАИНСКИ КАПИТАЛ Денарот е стабилен, а девизните резерви се во сигурна зона appeared first on plusinfo.mk.

Рускиот амбасадор во ЕУ, Владимир Чижов, ги отфрли американските предупредувања за можен руски напад врз Украина денеска.

– Што се однесува до Русија, можам да ве уверам дека денеска нема да има напад. Нема да има ескалација ниту наредната недела, ниту во неделата потоа, ниту во наредниот месец. Војните во Европа ретко започнуваат во среда – пишува  Чижов во текст објавен во денешното издание на германскиот дневен весник Ди Велт.

Американската администрација предупреди дека е можен руски упад во Украина пред затворањето на Зимските олимписки игри во Кина во недела.

САД и нивните сојузници во НАТО тврдат дека Русија подготвува напад врз Украина, обвинување кое Москва го негира.

Чижов ги осуди забелешките на САД за можен напад врз Украина.

„Кога обвинувате – кока кажувате особено многу сериозни обвинувања против Русија – имате и одговорност да презентирате докази. Во спротивно тоа е клевета. Па, каде се доказите?“, напиша рускиот дипломат.

Амбасадорот повторно го повика Западот сериозно да ги сфати безбедносните грижи на Русија.

Кремљ побара НАТО да ги ограничи активностите во Источна Европа и да вети дека нема да ги додаде поранешни советски републики, како Украина, како нови членки. Москва, исто така, побара забрана за распоредување вооружени системи, вклучително и американски систем за противракетна одбрана, во близина на границите на Русија.

The post ВОЈНИТЕ ВО ЕВРОПА НЕ ЗАПОЧНУВААТ ВО СРЕДА Рускиот амбасадор во ЕУ побара докази од САД за обвинувањата appeared first on plusinfo.mk.