„Донесената пресуда на Кривичниот суд во Скопје е врз основа на обезбедени докази во текот на постапка која што траеше една година. Здружение на правници Роми потсетува дека работа и законска обврска на полицијата е да обезбеди заштита на животот на граѓаните, укажување на помош и почитување на основните слободи и права, а не вршење на кривични дела, прекшоци и полициска бруталност. Полицијата како дел од Министерството за внатрешни работи и полицаецот како униформирано службено лице врши работи согласно закон и предходно утврдени законски дејствија“, се вели во реакциата.

Исто така, ЗПР го осудува говорот на омраза и етничкото профилирање од страна некои портали во кои експлицитно се наведува етничката припадност на жртвата Н.Јашаровски.

„Етничкото профилирање во медиумите не е исто што и следење и информирање за настаните затоа што ја вклучува намерата за донесување на одлуки врз основа на етничката припадност. ЗПР јавно повикува на објективно информирање согласно Етичкиот кодекс на новинари без поттикнување на говор на омраза, дискриминација и меѓуетнички тензии“, се вели во сооптението.

The post ЗДРУЖЕНИЕ НА ПРАВНИЦИ РОМИ Пресудата на Кривичниот суд е со докази за полициската бруталност appeared first on plusinfo.mk.

Обвинетите се осомничени за злоупотреба на службената положба и овластувања, како и за перење пари.

Во овој судски предмет обвинети се деветмина, меѓу кои и поранешниот градоначалник на Кочани, Ратко Димитров, бизнисменот Томе Главчев, како и Коле Смилевски, Викица Поповски, Гкеоргки Каратолис, Зоранчо Митревски, Влатко Димитровски, Зоран Шуклев и Венци Шуклев.

– Заради интерес на медиумите и невладините организации кои ги следат јавните расправи во Основниот кривичен суд Скопје, ја информираме јавноста дека Обвинителниот акт со КОК – ооа 60/20 поврзан со „Поштенска банка“ против 9 лица обвинети за кривичните дела Злoупотреба на службена положба и овластување, како и перење пари и други приноси од казниво дело, по одржана седница на советот за оценка, донесено е решение со кое обвинението се одобрува во целост – велат од Кривичниот суд.

The post ПРИФАТЕНО ОБВИНЕНИЕТО ЗА „ПОШТЕНСКА БАНКА“ Обвинети се деветмина за злоупотреба на службената положба appeared first on plusinfo.mk.

  Кривичниот суд на затворена седница за 30 дена го продолжил седуммесечниот притвор на бизнисменот Јордан Камчев.

Одлука е донесена на 8 октомври, по барање на Обвинителството да се продолжи неговиот притвор за уште 30 дена. Тој изминатиов период во неколку наврати понуди кауција во замена за куќен притвор, но судот не ги прифати понудените гаранции.

Адвокатите на Камчев тврдат дека судските органи во Северна Македонија ги прекршуваат одредбите на Европскиот суд за човекови права. Тие во повеќе наврати изразија загриженост дека властите не успеале да дадат конкретни причини за продолжување на неговиот притвор и се незадоволни што не се прифатени неговите барања со кауција да биде префрлен во домашен притвор. Тие тврдат дека неговото здравје е нарушено и се загрижени за условите во Затворот Скопје.

– Затворената седница за продолжување на притворот на Камчев без да се информира неговиот правен тим и без обвинение, е срам – велат од адвокатската канцеларија Менкиноски.

Во текот на летото, Камчев се жалеше на влошена здравствена состојба и беше префрлен во болница. Тој беше вратен во затворот во Скопје неколку дена подоцна, но адвокатите тврдат дека тој сè уште страда од сериозни, долгогодишни проблеми со кардиоваскуларното здравје.

The post И ПО СЕДУМ МЕСЕЦИ КАМЧЕВ ОСТАНУВА ВО ПРИТВОР Кривичниот суд решаваше на затворена седница appeared first on plusinfo.mk.

Од судот информираат дека денеска двете лица биле повикани пред судија на претходна постапка при Кривичниот суд, да се прoизнесат во однос на предлогот.

– По нивно сослушување како и ценење на предлогот, судијата на претходна постапка донесе решенија со кои го прифати предлогот и на осомничените им определи мерки на претпазливост согласно член 146 ст.1 т. 1, 2, 3 и 7 односно, забрана за напуштање на живеалиштето односно престојувалиштето. Потоа, обврска за јавување пред службено лице во судот или друг надлежен орган, повремено одземање на патната исправа и забрана за издавање на нова патна исправа или друг документ за преминување на државната граница и забрана за преземање работни активности поврзани со кривичното дело – се вели во соопштението до Основниот кривичен суд Скопје.

Против овие решенија, од Основниот кривчен суд укажуваат, дека странките имаат право на жалба пред Кривичниот совет.

Минатата недела судија на претходна постапа во Основниот кривичен суд -Скопје по четиричасовниот распит му одреди куќен притвор на поранешниот генерален секретар на Владата Драги Рашковски, додека на Даниел Станчевски од Друштвото за инженеринг, информатика и дигитален дизајн „Инвока груп“ од кое Генералниот секретаријат на Владата го купил софтверот за определување на брзина на возила во сообраќај и изрекување казни, судот му определи мерка куќен притвор.

Основното јавно обвинителство за гонење на организиран криминал и корупција, минатата недела за случајот донесе наредба за спроведува истражна постапка против четири лица за кои постои основано сомнение дека сториле Злоупотреба на службената положба и овластување од чл.353 ст.5 в.в. со ст.1 од Кривичниот законик.

Според Основното јавно обвинителство за гонење на организиран криминал и корупција во временскиот период од месец јануари 2019 година до месец јули 2020 година, првоосомничениот со неизвршување на своите службени должности при спроведување постапка за јавна набавка спровел јавни набавки спротивно на начелото за економичност, ефикасност и ефективно користење на јавните средства, утврдени согласно прописите што го уредуваат користењето на буџетските средства и за три економски оператори прибавил корист – право да учествуваат во постапките за јавни набавки и да склучат договори за истите и притоа да се стекнат со противправна имотна корист на штета на Буџетот на Р.С.Македонија во вкупен износ од 11.018.321 денари (179. 159 евра).

Пред спроведување на постапката за јавна набавка на софтвер, според Обвинителството, првоосомничениот ја договорил набавката на софтверот со третоосомничениот доставувајќи сопствен патент за кој дал насоки за изготвување на техничка спецификација за јавната набавка. Во текот на постапката за јавната набавка наместо преку Електронскиот систем за јавни набавки, првоосомничениот лично ги дефинирал техничките спецификации што упатуваат на патентот, донел одлука за избор и склучување на договор и исплата на фактурите, иако софтверот не бил имплементиран.

The post Судот им определи мерки за претпазливост на двајца од истрагата за Рашковски appeared first on plusinfo.mk.

– Ми се јави Бојан Јовановски, дека треба да одам во Финансиска полиција. Отидов и тие се чудеа зошто сум отишла. Таму ме познаваа многу луѓе. Тогаш разбрав дека некои пари се заробени. Сумата не се кажа. Се зборуваше за голема сума. Таму бевме со Јасна Мандиќ – рече сведокот Агапи Дика.

По испитувањето на Агапи Дика, свој исказ ќе даде сведокот Јордан Камчев. Тој во судницата беше спроведен од Истражниот затвор во Шуто Оризари каде што издржува 30-дневен притвор.

Обвинети во овој случај се Бојан Јовановски, поранешната пратеничка од редовите на СДСМ, Фросина Ременски, Миле Јовановски, (таткото на прво обвинетиот) и Јасна Мандиќ Ерцеговиќ.

Јовановски е обвинет за „измама и перење пари“. Ременски е обвинета за „помагање во делото измама“, Мандиќ за „помагање во измамата и перењето пари“, Миле Јовановски се терети за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.

Сведокот Дика, во Кривичниот суд Скопје, рече дека поврзаноста со Меѓународниот сојуз е преку Бојан Јовановски, (првообвинет, претседател на Меѓународен сојуз).

The post Дика сведочи во „Меѓународен сојуз“: Разбрав дека во финансиската полиција се заробени голема сума пари appeared first on plusinfo.mk.

Обвинителката Ивана Трајковска, објасни дека со изведување на овие докази заврши постапката на презентација на материјални докази од страна на обвинителството.

Обвинетиот Бојан Јовановски, во однос изведените материјални докази (133 вкупно), рече дека станува збор за докази кои никако не можат да го оправдаат обвинителниот акт, ниту пак обвиненијата за перење пари, односно за незаконско држење оружје.

За случајот со невладината организација „Меѓународниот сојуз“, основана од Бојан Јовановски преку која според обвинението биле измамени бизнисмени за наводни центри за возрасни лица, обвинети се и Фросина Ременски, Миле Јовановски, таткото на прво обвинетиот и Јасна Мандиќ Ерцеговиќ.

Јовановски е обвинет за кривично дело „измама и перење пари“.

Ременски е обвинета за „помагање во делото измама“. За исто кривично дело „помагање во измамата и перење пари“, е обвинета и Јасна Мандиќ, односно обвинетиот Миле Јовановски е обвинет за кривичното дело „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.

The post Јавното обвинителство го сардиса Боки 13 со 133 докази во „Меѓународен сојуз“ appeared first on plusinfo.mk.

– Плаќањето го вршев во штабот на ВМРО-ДПМНЕ во Општина Петровец. И во банка имам уплатено парични средства што се собирани од членарина. Во коверт ми беа дадени уплатници и пари. Членарината ми беше одбиена од плата, месечно. На име донација колку што се сеќавам имам уплатено 20.000 денари – изјави сведокот.

Обвинителката Ленче Ристоска, му предочи пример од уплатницата, на кој сведокот го призна износот, но не и дека е негов потписот.

Пред почетокот на сослушување на сведоците обвинителката Ристоска презентираше материјални докази, т.е уплатници во различни износи.

Обвинителниот акт за ,,Талир” поднесен од поранешното СЈО го опфаќа нелегалното финансирање на ВМРО-ДПМНЕ, и незаконска изградба на седиштето на партијата.

За првото кривично дело обвинети се поранешниот претседател на ова партија Никола Груевски, (се суди во отсуство) поранешниот генерален секретар Кирил Божиновски, поранешниот министер за транспорт и врски Миле Јанакиески, како и поранешниот пратеник Илија Димовски и обвинетиот Леко Ристоски. Според обвинението, тие се товарат дека незаконски добиле најмалку 4,6 милиони евра во кеш за партијата, а потоа организирале тие пари да бидат уплатени на жиро сметката на партијата преку уплатници на име на различни луѓе.

За изградбата на партиско седиште, пак, се обвинети само Груевски и Божиновски. Тие склучиле договор за изградба на објектот со компанијата ,,Бетон” иако според законот не смееле затоа што оваа фирма имала склучено договори за јавни набавки со други државни институции. Со договорот со Бетон тие договориле „несразмерна корист“ за ВМРО-ДПМНЕ и на тој начин се стекнале со имотна корист од над 8 милиони евра за партијата

The post Сведок во „Талир”: Уплатив 20.000 денари како донација на ВМРО-ДПМНЕ appeared first on plusinfo.mk.

Основниот крвичен суд Скопје и  во екот на пандемијата и во недостиг  од најмалку 10 судии  работи со целосна динамика, при што беа донесени пресуди за предмети „Тарифа“, Титаник-2“, „Општина Центар“, „Рекет“, „Тревник“ и за одвоените постапки за случајот „27 Април“.

Претседателот на Основниот крвичен суд Скопје Иван Џолев на денешниот брифинг со новинарите рече дека во овој момент Судот располага со 48 судии, од кои една судијка е на трудничко боледување, а според систематизацијата предвидено е да има 70 судии.

Тој посочи дека од неговото назначување за претседател на Судот во ноември 2017 година досега по разни основи си заминале 20-тина судии, а на нивно место дошле само тројца судии.

За испразнетите судски места, како што рече Џолев,  досега постојано усно и 10-тина пати писмено упатувале  барања до Судскиот совет да делегира  судии, а последното барање било испратено пред  два дена.

Првото барање од Кривичниот суд до Судски совет го упатиле во септември  2018 година, а одговор од СС  добиле во јануари 2019 година и во негој било наведено дека Судот е ажурен и го совладува приливот на предмети.

Во моментов во Кривичниот суд се постапува по 10-тина  предмети од поранешното Специјално јавно обвинителство и според закажаните рочишта и динамиката, како што вели Џолев, постои голема веројатност за пет предмети до крајот на оваа година да има пресуди.

На денешниот брифинг беше кажано дека предметот за Антонио Милошоски од ВМРО-ДПМНЕ познат во јавноста како „Моќник“ е распределен на судијката Ленка Давиткова, но сè уште не е закажано рочиште.

Од Кривичниот суд вчера соопштија дека Советот за оценка на обвинителениот акт поднесен од Основно јавно обвинителство, а во јавноста познат како „Моќник“ против 13 лица донел решение со кое приговорите на обвинетите се одбиваат како неосновани, а обвинителниот акт се одобрува во целост.

The post Дваесетина судии го напуштиле Кривичниот суд, а дошле само тројца appeared first on plusinfo.mk.