СВР Куманово поднесе кривична пријава против Г.Г.(51) од село Липково, општина Липково, поради постоење основи на сомнение за сторено кривично дело „злоупотреба на службената положба и овластување“.

Во текот на 2024, пријавениот, како директор на основно училиште во Липково, склучил договор за вработување, без претходно да обезбеди финансиски средства од Министерство за финансии и без објавување на јавен оглас, оштетувајќи го буџетот на државата во вкупен износ од 577.550 денари.

The post КРИВИЧНА ПРОТИВ ДИРЕКТОР НА УЧИЛИШТЕ ВО ЛИПКОВО Вработувал без оглас и без финансиска согласност appeared first on plusinfo.mk.

Надворешната канцеларија за криминалистички работи Струга поднесе кривична пријава против 64-годишниот А.К. од струшкото село Велешта, поради постоење основи на сомнение за сторено кривично дело „кражба на електрична енергија, топлинска енергија или природен гас“.

Според информациите од Министерството за внатрешни работи, на 30 април 2025 година, при контрола на мерни броила во селото Велешта, вработен во ЕВН Македонија констатирал дека пријавениот извршил премостување на мерната опрема на мерното броило. Со тоа, тој преземал во целост нерегистрирана електрична енергија директно од дистрибутивната мрежа.

Како што информираат од полицијата, со ваквите дејствија му е нанесена штета на ЕВН Македонија во висина од 239.013 денари.

Случајот е целосно документиран, а против лицето е поднесена соодветна кривична пријава.

The post УКРАЛ СТРУЈА ЗА 4.000 ЕВРА Маж од Велешта се приклучил на црно и заработи кривична appeared first on plusinfo.mk.

Секторот за внатрешни работи Струмица поднесе кривична пријава до Основното јавно обвинителство Струмица против 56-годишниот З.Г. од Струмица, поради основано сомнение дека сторил кривично дело „злоупотреба на службена положба и овластување“ по член 353 став 2 и 5, во врска со став 1 од Кривичниот законик.

Како што информира МВР, пријавениот, кој бил директор на Јавното претпријатие за комунална дејност од Струмица, во текот на 2022 година за потребите на претпријатието набавил вреќи за отпад од струмичка фирма, по фактури, во вредност од 1.239.000 денари. Истото го повторил и во 2023 година, кога набавил нова количина вреќи за отпад во вредност од 1.872.660 денари.

Набавките биле спроведени без да се почитува законската процедура за јавни набавки и без да се распише конкурс за избор на идејно решение, со што З.Г. постапил спротивно на член 40 од Законот за јавни набавки.

Дополнително, како директор, З.Г. имал обврска да предложи годишен план за јавни набавки и да донесе одлука за набавка на средства неопходни за работењето на претпријатието. Тој не ја исполнил оваа обврска, со што го прекршил член 34 од Статутот на претпријатието.

Со ваквите дејствија, според наводите на полицијата, на правното лице од Струмица му овозможил да се стекне со противправна имотна корист во вкупен износ од 3.111.660 денари.

The post ПРАВЕЛ ДУБАРИ СО ВРЕЌИ ЗА ОТПАД Ексдиректор на струмичко комунално претпријатие пријавен за злоупотреба на 3 милиони денари appeared first on plusinfo.mk.

Полицијата ноќеска уапси возач во Кавадарци затоа што возел пијан, изетал од патот и удрил во бандера.

„Денеска (20.4.2025) во 02 часот на улицата Страшо Пинџур во Кавадарци, полициски службеници од ОВР Кавадарци го лишиле од слобода В.С.(25) од општина Росоман. В.С. со неговото патничко возило „мерцедес“ со кавадаречки регистарски ознаки, излетал од коловозот и удрил во бандера. По преземени мерки било констатирано дека е под дејство на алкохол, односно дека има 1,59 промили алкохол во крвта, по што веднаш бил исклучен од сообраќајот и задржан во полициска станица Кавадарци“, соопшти полицијата.

По целосно документирање на настанот, против него ќе биде поднесена пријава по член 297-а од Кривичниот законик  за кривичното дело Безобѕирно управување со моторно возило, се додава во соопштението.

The post УАПСЕН ПИЈАН ВОЗАЧ КОЈ ИЗЛЕТАЛ ОД ПАТОТ И УДРИЛ ВО БАНДЕРА Ќе добие кривична пријава за безобѕирно возење appeared first on plusinfo.mk.

Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири паника и манипулира пред избори. Сашко Митовски свесно ги лажеше граѓаните и на Крива Паланка и на целата држава дека загадувањето на водата во Крива Паланка со цијанид е 100-тици пати над дозволеното, истакна на прес-конференција Емил Спасовски пратеник од ВМРО-ДПМНЕ.

-Анализите кои ги објави Државниот инспекторат за животна средина го покажуваат спротивното и го демаскираат трулиот обид на Митовски да манипулира. Мизерно е како Митовски не се колебаше да манипулира со најчувстителната тема за граѓаните – безбедноста на водите и почвата, само за да шири паника и ќари некој ситен политички поен пред избори. Го повикуваме Јавното обвинителство да ја согледа реалната состојба и да поднесе кривична пријава против Сашко Митовски, за ширење паника – истакна Спасовски.

Тој предупреди дека дејствијата на Митовски се дотолку поголеми што тој е носител на јавна функција, која во дел од јавноста може да создаде краткотраен привид дека тој ја говори вистината, и со тоа да предизвика огромен страв.

– ЈО треба да ги земе во предвид овие околности, но и стварниот ефект предизвикан од паниката која ја рашири Сашко Митовски и да поднесе кривична пријава против него – додава Спасовски.

The post ГРАДОНАЧАЛНИКОТ НА КРИВА ПАЛАНКА ЛАЖЕШЕ ДЕКА ИМА ЦИЈАНИД ВО ВОДАТА Обвинителството да му поднесе кривична, бара ВМРО-ДПМНЕ appeared first on plusinfo.mk.

Министерството за внатреши работи поднесе кривична пријава против 13 лица, меѓу кои двајца поранешни вработени во Министерството и еден актуелен полициски службеник. Пријавата е против 12 лица македонски државјани и 1 странец, за 45 кривични дела поврзани со криумчарење луксузни возила како и фалсификување исправи и злоупотреба на службена положба

Полицијата истакна дека оваа акција е дел од поширока истрага за криминални активности со луксузни возила и изрази уверување дека дополнителни детали ќе бидат објавени во текот на наредните денови.

Инаку, полицијата со поддршка од повеќе оддели низ државата, успешно спроведе акција против организиран криминал поврзан со луксузни моторни возила. Шест лица се приведени, а по уште четворица се трага, соопштија од Министерството за внатрешни работи.

„На 29 декември 2024 година, врз основа на издадени наредби од судија за претходна постапка и јавен обвинител, спроведени се 10 претреси на различни локации. Седум од претресите биле во Скопје, а по еден во Дојран, Неготино и Битола. Во акцијата учествувале полициски службеници од СВР Скопје, ЕВР Ѓорче Петров, како и од Одделот за криминалистичка полиција, Единицата за брзо распоредување и СВР Битола“, велат од МВР.

Приведените лица се идентификувани како К.С., Н.П., М.С. и Д.И. од Скопје, В.Ц. од Стар Дојран и Н.Г. од Битола. Полицијата работи на пронаоѓање на уште четворица осомничени: И.А., Д.М. и Ф.С. од Скопје и А.Т. од Неготино.

При претресите се пронајдени и одземени четири луксузни возила, околу 32.500 евра во готовина, разновидна службена документација, купопродажни договори, пет германски регистарски таблички, 25 грама кокаин, лаптопи и мемориски уреди.

ПОЛИЦИЈАТА ПРЕТРЕСУВАШЕ ВО СКОПЈЕ, НЕГОТИНО, ДОЈРАН И ВО БИТОЛА Детали за денешната голема полициската акција

ВО ЗЕМЈАВА ВНЕСУВАЛЕ АВТОМОБИЛИ КОИ БИЛЕ ПРЕДМЕТ НА МЕЃУНАРОДНА ИСТРАГА Го менувале бројот на шасија и ги продавале возилата

The post КРИВИЧНА ПРИЈАВА ЗА 13 ЛИЦА, МЕЃУ НИВ И ПОЛИЦАЈЦИ Спектакуларна акција на МВР, разбиена криминална група за луксузни возила appeared first on plusinfo.mk.

Правното лице и неговиот управител во мај 2019 година поднеле барање за целосна реконструкција на постојниот базен на хотелот врз основа на основен проект изготвен во 2016 година.

Градоначалникот на Општина Струга, третообвинет во предметот, постапувајќи по барањето, наместо да го одбие или да дозволи реконструкција во постојниот габарит на објектот, во јули 2019 донел одобрение за градба со кое на инвеститорот му овозможил да изгради и да се стекне со имотна корист – недвижност, односно дополнителен кат на објектот со отворена галерија и тераса, со вкупна бруто површина од 513 м2 и проценета вредност од 781.527 евра. Со ова тој ги пречекорил границите на своите службени овластувања, постапил надвор од барањето за реконструкција и спротивно на постапките пропишани во Законот за градба, а со цел за друг да прибави имотна корист.

Четвртиот и петтиот обвинет се исто така службени лица – референт и раководител од Секторот за урбанизам и просторно планирање на Општина Струга, кои го изготвиле и одобриле одобрението за градба со што несовесно постапиле во вршењето на своите овластувања и должности.

Останатите седум обвинети во предметот се вештаци од областа на градежништвото, архитектурата и урбанизмот кои давале лажни наоди и мислења во кривичната постапка за бесправно градење. Имено, Основното јавно обвинителство Струга, водејќи ја истрагата за овој предмет наредило три вештачења – во 2021, 2022 и 2023 година од различни стручни лица од наведените области кои во наодите тврделе дека бесправно изградениот објект според своите габарити, внатрешна површина и висина одговара на техничката документација од основниот проект. Тие не навеле дополнителни забелешки за реалната состојба на лице место, а сите отстапувања ги констатирале како законски уредени измени при градење.

Првообвинетото правно лице и управителот се обвинети за кривично дело – Бесправно градење од член 244-а, градоначалникот за – Злоупотреба на службена положба и овластување од член 353, двајцата други службеници во Општината како соизвршители за кривично дело – Несовесно работење во службата од член 353-в, а вештаците се обвинети за кривично дело – Давање лажен исказ според член 367 од Кривичниот законик.

The post МЕРКО ДОЗВОЛИЛ БЕСПРАВНО ГРАДЕЊЕ ОБЈЕКТ КАЈ ХОТЕЛОТ „ДРИМ“ ВО СТРУГА Обвинети се 11 лица и една фирма appeared first on plusinfo.mk.

Според информацијата, полицијата поднела кривична пријава против 28-годишниот И.Ј. од селото Велешта поради постоење основи на сомнение за сторено кривично дело „производство и дистрибуција на детска порнографија“.

– Тој, користејќи апликации за комуникација, на повеќе социјални мрежи се зачленувал во групи, во кои ширел содржина со детска порнографија. Потоа ги споделувал во други групни и лични профили со кои разменувале линкови од групи со таква и слична содржина – изјави портпаролот Стефан Димоски.

Полициски службеници, како што појасни, направиле претрес во неговиот дом во Велешта, при што биле пронајдени експлицитни фотографии кои биле одземени.

The post КРИВИЧНА ПРОТИВ ПЕДОФИЛ ОД ВЕЛЕШТА Произведувал детска порнографија appeared first on plusinfo.mk.

Пријавениот на 29.06.2024 околу 06.20 часот, во својство на полициски службеник, напуштајќи го работното место, заминал на улицата Бетовенова каде се сретнал со едно лице, по претходен договор за средба, и во еден момент пријавениот Т.А. со службениот пиштол испукал неколку пати, со што предизвикал општа опасност за граѓаните во околината. Именуваниот полициски службеник не го пријавил настанот во СВР Струмица, повторно се вратил на работното место и по завршување на смената во СВР Струмица се раздолжил со опремата и си заминал.

Пријавениот преку неговите колеги, полициските службеници П.П. и С.Д., кои биле испратени од СВР Струмица по поднесена пријава од граѓанин, се обидел да го прикрие настанот што не било пријавено од нивна страна.

Одделот  за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност против полицискиот службеник Т.А. и ќе изрече задолжителни мерки за отстранување од работното место до завршување на дисциплинската постапка, а против полициските службеници П.П. и С.Д. ќе поднесе предлог за поведување постапка за кршење на работниот ред и дисциплина.

The post НА БЕТОВЕНОВА СВИРЕЛ СО ИСТРЕЛИ Полицаец суспендиран зашто пукал на улица во Струмица appeared first on plusinfo.mk.

Во соопштение за јавноста ЗНМ открива дека од странски амбасади и од МВР бара да го осудат прашањето поставено од Илиевски со колешката Лепа Џундева од ТВ24 во кое тој ја прашува зошто во интервју со грчки политичар често го користи името Северна иако според законот тоа не мора да го прави.

Конкретната причина за барањето од ЗНМ Илиевски да заврши во затвор е прашањето составено од два збора
„Добро, зошто” објавено на социјалната мрежа Фејсбук.

Според соопштението на ЗНМ, овие два збора објавени од новинарот се вршење на кривично дело поврзано со поттикнување на говор на омраза и закани за што Илиевски според законот треба да добие затворска казна.

Целото соопштение на ЗНМ и Независниот синдикат на новинари:

„Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) изразуваат загриженост за говорот на омраза кон новинарите, особено новинарките, на социјалните мрежи во земјава. Овој вознемирувачки тренд претставува сериозна закана за слободата на медиумите и ги поткопува демократските вредности и принципи што ги поддржуваат Македонија и нејзините меѓународни партнери. Дополнително ваквите притисоци создаваат чувство на несигурност и предизвикуваат самоцензура во медиумскиот простор.

ЗНМ и ССНМ денеска упатија заедничко писмо до странските амбасади и организации во земјава со особена загриженост во контекст на интернет заканите и нападите врз новинарките.

Последен сериозен случај на закани и поттикнување на говор на омраза на социјалните мрежи беше со колешката Лепа Џундева од ТВ 24, а поврзано со нејзиното интервју со грчкиот пратеник Сиригос. Дел од ова интервју, извадено од контекст, на својот Фејсбук профил објави Богдан Илиевски, ТВ водител на вечерна емисија, со што поттикна говор на омраза и закани кои можат да доведат до насилство. Некои онлајн медиуми како Off.net.mk ја продолжија кампањата за оцрнување кон Џундева, користејќи ја нејзината слика на социјални мрежи со што дополнително се испровоцираа лични навреди, повици за омаловажување како и експлицитни закани по животот на новинарката од страна на трети лица кои коментираат на овие објави.

За овој случај ЗНМ вчера поднесе официјално барање за кривично постапување до Секторот за компјутерски криминал и дигитална форензика при МВР преку правен застапник во име на колешката Џундева. Оттука, го повикуваме Министерството за внатрешни работи итно да ги преземе сите мерки за расчистување на овој случај, а од ОЈО очекуваме брзо процесуирање и ригорозни казни за оние кои објавуваат закани по животот на медиумските работници.

ЗНМ и ССНМ потсетуваат дека онлајн заканите и говорот на омраза на социјалните мрежи може да претставуваат сериозна загрозување на безбедноста. Апелираме до граѓаните да се воздржат од закани кон новинарите и медиумските работници, бидејќи таквите постапки претставуваат кривични дела за кои можат да следат и затворски казни“, се вели во соопштението.

Во продолжение, ви го пренесуваме и одговорот на Илиевски испратен до ЗНМ и до ССНМ:

The post КАДЕ ТУКА ЗНМ ГЛЕДА ГОВОР НА ОМРАЗА? Бетмен Велит ќе тужи ако не му се извинат appeared first on plusinfo.mk.