Поднесена е кривична пријава за „противправно стекнување и прикривање имот” и „перење пари и други приноси од казниво дело” против судија во Апелациониот суд Скопје, соопшти Министерството за внатрешни работи.

„На 20.01.2026 Единицата за корупција во Одделот за сузбивање на организиран и сериозен криминал до ОЈО ГОКК поднесе кривична пријава против Ѓ.Р. (53) од Неготино, со живеалиште во Скопје, поради постоење на основано сомнение за сторени кривични дела „противправно стекнување и прикривање имот” по чл.359-а ст.3 в.в. ст.1 и „перење пари и други приноси од казниво дело” по чл.273 ст.1 од КЗ.

Ѓ.Р., во својство на службено лице – судија во Апелациониот суд Скопје, во временскиот период од 10.02.2020 до денес, спротивно на законската должност за пријавување на имотна состојба или нејзина промена дал лажни податоци за својот имот и имот на неговото семејство, кој имот во големи размери ги надминува неговите законски приходи.

Притоа, на 18.01.2026, врз основа на наредба издадена од судија на претходна постапка од Основен кривичен суд Скопје, во координација со предметен јавен обвинител извршен е претрес во домот на неговите родители лоциран во Неготино, каде на првиот кат, поточно во кујнската просторија, биле забележани сомнителни околности за изведување на градежни активности (корекција на ѕидните плочки), по што при отстранување на една ѕидна керамичка плочка, забележана е дупка во која се наоѓале алуминиумски ролни во форма на цилиндер, спакувани во поединечни 13 пакувања, во кои пронајдени се вкупно 610 банкноти во апоени од по 500 евра и 225 банкноти во апоени од по 200 евра, или вкупно 350.000 евра.

The post СУДИЈАТА РИСТОВ ГО ИЗДАЛЕ ЛОШО ЗАЛЕПЕНИТЕ ЅИДНИ ПЛОЧКИ Кривичната пријава од МВР открива како се откриени соѕиданите 350.000 евра appeared first on plusinfo.mk.