Царинските службеници на граничниот премин Богородица запленија златен накит вреден 1,1 милиони денари, при што е спречен обид за криумчарење од страна на двајца косовски државјани, соопшти Царинската управа.

Како што информираат од Царината, случајот бил откриен при влез во државата, кога при контрола биле затекнати осомничените лица со скриен златен накит.

Станува збор за четири златни ланчиња со вкупна тежина од 190,6 грама, кои осомничените ги набавиле во Турција, по што ги сокриле носејќи ги на себе и под облеката во обид да ги пренесат нелегално преку границата.

Случајот е предаден на Одделението за истраги при Царинската управа, кое против сторителите поднело кривична пријава до Основното јавно обвинителство Гевгелија.

Од Царинската управа истакнуваат дека ова е 11-та заплена на злато од почетокот на годината, при што вкупно се одземени околу два килограми златен накит. Од нив, четири случаи се регистрирани на граничниот премин Богородица, пет на Меѓународниот аеродром Скопје, и по еден на Табановце и Блаце.

Во девет случаи досега, против 10 лица се поднесени кривични пријави за криумчарење, казниво по Кривичниот законик.

The post НА СЕБЕ НОСЕЛЕ ЗЛАТО ВРЕДНО 1,1 МИЛИОНИ ДЕНАРИ Царината спречи шверц на накит на Богородица appeared first on plusinfo.mk.

Мобилен царински тим спречи обид за криумчарење златен накит во вредност од околу 1,5 милиони денари на граничниот премин Блаце, информираат од Царинската управа.

Случајот е откриен при влез во државата, кога инспектори од Одделението за оперативни работи, поради основано сомневање, извршиле детална контрола на патничко возило управувано од македонски државјанин.

При прегледот било откриено кршено злато и златен накит со вкупна тежина од 324,7 грама, кои, според Царината, лицето се обидело да ги внесе нелегално во земјата. Накитот бил завиткан во црна ќеса и скриен во фиоката под возачкото седиште.

Од Царинската управа за случајот велат дека ваквите контроли се дел од засилените активности за спречување на шверц на вредна стока.

„Мобилните царински тимови секојдневно спроведуваат контроли на граничните премини со цел спречување на криумчарење и заштита на финансиските интереси на државата. Во овој случај, благодарение на брзата реакција на инспекторите, е спречен обид за нелегален внес на злато со висока вредност“, соопштија од Царинската управа.

Случајот е предаден на Одделението за истраги, кое против сторителот И.М. поднело кривична пријава до Основното јавно обвинителство Скопје за кривично дело криумчарење, казниво по Кривичниот законик

 

View this post on Instagram

 

A post shared by Plusinfo.mk (@plusinfo.mk)

The post 📽️ СПРЕЧЕН ОБИД ЗА КРИУМЧАРЕЊЕ ЗЛАТО НА БЛАЦЕ Царината заплени накит вреден 1,5 милиони денари appeared first on plusinfo.mk.

Златна плочка со проценета вредност од околу 4,5 милиони денари е запленета од страна на царинските службеници на граничниот премин Богородица, откако при детална контрола била пронајдена скриена во обувка на патник.

Според информациите од Царинската управа, автобус кој сообраќал на релација Гостивар–Истанбул бил издвоен за контрола, по што бил извршен претрес на еден македонски државјанин поради основани сомневања.

При проверката, во чевелот на патникот била пронајдена златна плочка тешка 848 грама, внимателно обвиткана во хартија. Според царинските службеници, обидот за криумчарење бил извршен на начин што плочката прво била чувана во облека, а потоа скриена во обувката пред самата контрола.

Против осомничениот е поднесена кривична пријава за криумчарење, а случајот е предаден на Јавното обвинителство во Гевгелија.

The post ЗЛАТНА ПЛОЧКА СКРИЕНА ВО ЧЕВЕЛ Македонец фатен со речиси килограм злато на Богородица appeared first on plusinfo.mk.