Полските истражители сè уште не можат да го сослушаат 24-годишниот Михал Окшински, осомничен за девет убиства со елементи на тероризам, бидејќи по две операции се наоѓа во критична состојба во болница во Краков.

Обвинителството отвори истрага за убиството на 6 лица на главниот градски плоштад и за уште 3 убиства во семејниот дом на напаѓачот, за кои е потврдено дека жртви се неговите родители и сестра.

Окшински бил повреден за време на полициската потера и апсењето по нападот во саботата. Лекарите го оперирале двапати, но неговата здравствена состојба засега не дозволува да биде испрашан за мотивите и за околностите на нападите.

Полскиот министер за правда и главен обвинител Валдемар Журек соопшти дека истрагата опфаќа две кривични дела, од кои едното има обележја на тероризам.

„Истрагата се однесува на две кривични дела. Првото е убиство на шест лица со огнено оружје и обид за убиство на повеќе други лица, меѓу кои и полициски службеници. Применетата правна квалификација ја зема предвид и намерата да се заплаши голем број луѓе, поради што делото има обележја на терористичко кривично дело“, објави Журек на платформата Икс.

За двете кривични дела, според полските закони, на осомничениот му се заканува доживотен затвор.

Полската полиција потврди дека трите лица пронајдени мртви во семејниот стан на Окшински, во градот Островјец Швјентокшиски, се неговиот 53-годишен татко, 52-годишната мајка и 20-годишната сестра.

Портпаролот на полицијата Анджеј Фјолек соопшти дека сите тројца биле убиени со огнено оружје. Нивните тела биле откриени во саботата вечерта, при полициска операција во домот на напаѓачот, на околу два часа возење североисточно од Краков.

Полскиот премиер Доналд Туск претходно изјави дека станува збор за најблиски членови на семејството на осомничениот, а полицијата дополнително го потврди нивниот идентитет.

Мотивот за масовното пукање сè уште не е официјално утврден. Полскиот министер за внатрешни работи Марчин Кјервински изјави дека првичните полициски сознанија укажуваат на десничарски и радикални ставови кај Окшински, како и на негова фасцинација со ултранационалистичката идеологија.

Истражителите ги проверуваат овие сознанија, а од станот на напаѓачот заплениле компјутер и носачи на податоци.

Во саботата попладне Окшински со автомобил влегол на преполниот главен плоштад во Краков и почнал неселективно да пука кон минувачите и туристите. Убил шест лица, а ранил 16, меѓу кои и двајца полициски службеници. Неколкумина од повредените се во тешка или критична состојба.

Меѓу загинатите има и британска државјанка, додека меѓу повредените се и државјани на Германија, Велика Британија, Португалија, Русија и Австрија.

Според претходните информации за осомничениот, уште во училишните денови покажувал интерес за насилство и оружје, а цртал вознемирувачки сцени поврзани со пукање. Овие сознанија дополнително се разгледуваат во контекст на неговите радикални ставови.

Полскиот претседател Карол Навроцки прогласи дводневна национална жалост, која се одбележува на 8 и на 9 ноември.

The post УШТЕ НЕ МОЖАТ ДА ГО СОСЛУШААТ НАПАЃАЧОТ ОД КРАКОВ Се бори за живот, го товарат за 9 убиства со елементи на тероризам appeared first on plusinfo.mk.

13-годишното дете кое беше прободено со нож во пределот на срцето во Чаир и натаму е во тешка состојба, информира денеска министерот за здравство, Сашо Клековски на прес конфернеција.

– Последната информација ми е, за жал, од вчера. Сè уште е стабилно, но во животозагрозувачка состојба. Од добрата страна, кинетиката, движењето на срцето, е во ред, меѓутоа сè уште е во животна опасност – рече Клековски.

На 31 август 2026 година околу 22 часот на територија на Чаир, настанала физичка пресметка помеѓу две лица од една страна и И.З.(19), 13-годишник и 16-годишни, сите од Скопје, од друга страна. Притоа 13-годишник со нож им нанел убодни рани на трите лица од спротивната страна.

Министерот за здравство Сашо Клековски информираше дека повреденото дете е во критична состојба и има убодна рана во срцето. Тој веднаш бил опериран и е на интензивна нега.

The post ПРОБОДЕНИОТ 13-ГОДИШНИК СЀ УШТЕ Е ВО КРИТИЧНА СОСТОЈБА Клековски вели дека состојбата му е стабилна, но опасноста не е помината appeared first on plusinfo.mk.

Двајца пациенти на возраст од 76 и 66 години од седумте хоспитализирани на Клиниката за инфективни болести со западнонилска треска, се во критична состојба и се на механичка вентилација на одделот за интензивно лекување, изјави попладнево директорот на Клиниката, Фадил Цана, кој рече дека дополнително за уште тројца пациенти, кои се примени со дијагноза акутно заболување на мозокот и мозочната обвивка, во текот на денов се чекаат лабораториските резултати од Институтот за јавно здравје.

Тој посочи дека сите седум пациенти се од скопски населби, а само еден од нив патувал во Грција. Тројцата за кои дополнително се прават анализи за да се утврди дали го имаат вирусот, појасни Цана, исто така се од Скопје.

– Значи седум се потврдени и кај тројца постои големо сомнение дека може да се работи за истата инфекција. Шеесет и шестгодишниот пациент е хоспитализиран на 26 јули и поради влошување на неговата здравствена состојба и според проценка на лекарите од одделот за интензивна нега, е интубиран и поставен на механичка вентилација. Тој не патувал надвор од државата и има многу коморбидитети. Сите други пациенти се на возраст над 60 години и со многу коморбидитети. Тие се стабилни и се лекуваат според сите современи медицински протоколи. Таа возрасна група е изложена на најтешката инвазивна форма на вирусот – посочи д-р Цана.

Во врска со тоа дали кога лица со вирусот ќе бидат хоспитализирани на Инфективната клиника можеби во стабилна состојба може понатаму да дојде до нејзино влошување, рече дека апсолутно може да дојде до влошување на нивната здравствената состојба и дека не може никој да процени како вирусот ќе дејствува во организмот.

– И затоа стручна проценка на инфектолозите е дека треба да се хоспитализираат, да се следат и да се мониторираат. Со оглед на тоа што се работи за заразно вирусно заболување, за кое според сите светски протоколи, се знае дека нема некој специфичен лек, туку се третираат симптомите (супортивна поддршка), доколку нивната здравствена состојба се влошува, се постапува според сите светски современи протоколи на лекување на ваков вид заболување. Клиниката за инфективни болести останува отворена за згрижување пациенти и е во целосна координација со надлежните здравствени власти. Граѓаните треба да ги следат препораките од надлежните служби – додаде д-р Цана.

The post ДВАЈЦА ЗАБОЛЕНИ ОД ЗАПАДНОНИЛСКА ТРЕСКА СЕ ВО КРИТИЧНА СОСТОЈБА Потврдени се 7 случаи, за тројца се чекаат резултати appeared first on plusinfo.mk.

Стабилна, но опасна по живот е состојбата на 14-годишниот ученик кој беше прободен со нож во основното училиште „25 мај“ во скопската населба Ченто.

Директорот на Ургентниот центар во Клиничкиот центар „Мајка Тереза“ во Скопје, Игор Мерџаноски, изнесе детали за здравствената состојба на ученикот кој беше повреден од негов врсник.

– Пациентот има 14 години и е примен вчера околу 14:40 часот со убодна рана во пределот на стомакот и со посекотина на главата. По приемот е извршена компјутерска томографија и лабораториски тестови и итно е префрлен на интензивна нега, каде што е утврдена индикација за итна операција. Пациентот е опериран вчера. Неговата состојба денеска е стабилна, но сепак е во животна опасност. Има оштетување на црниот дроб и долната шуплива вена, која е вена во пределот на стомакот – изјави д-р Игор Мерџаноски за ТВ21.

Со соопштение на социјалните мрежи се огласи и градоначалникот на Општина Гази Баба, Бобан Стефковски.

„Со жалење и сериозна вознемиреност ја примив информацијата за немилиот настан кој се случил во училиште во Ченто, каде што еден поранешен ученик кој минатата година го завршил своето образование во ова училиште, дошол и повредил ученик од девето одделение. Во разговор со членови на семејството на повредениот ученик информиран сум дека детето е во добра здравствена состојба и се наоѓа на болничко лекување“, пишува во објавата на Стефковски.

Тој додаде дека лицето кое го извршило нападот е обезбедено од страна на МВР.

Стефковски изрази најостра осуда на ваквиот чин.

„Насилството не може да се оправда со ништо. Општина Гази Баба останува во постојана координација со надлежните институции кои превземаат мерки за целосно расчистување на случајот“, се вели во објавата на градоначалникот на Гази Баба.

УЧЕНИКОТ ПРОБОДЕН ВО ЧЕНТО Е ВО КРИТИЧНА СОСТОЈБА Врсник е уапсен по нападот

The post ПРОБОДЕНОТО ДЕТЕ ИМА ОШТЕТУВАЊА НА ЦРНИОТ ДРОБ И НА ВЕНА ВО СТОМАКОТ Повредите се опасни по живот appeared first on plusinfo.mk.

Маж е уапсен откако денеска избодел осум лица и повредил уште седум со супстанца за која се верува дека е белило, во фабрика за гума во централна Јапонија, соопштија официјални лица.

Осум лица биле пренесени во болници откако напаѓачот ги нападнал со нож во комплексот на компанијата „Yokohama Rubber“ во градот Мишима, во префектурата Шизуока, западно од Токио, информира противпожарната служба „Fujisan Nanto“.

Од противпожарната служба потврдија за Асошиетед прес дека петмина од избодените лица се во критична состојба, додека други детали засега не се соопштени.

Полицијата на префектурата Шизуока соопшти дека напаѓачот, 38-годишен маж, е уапсен под сомнение за обид за убиство во фабриката, но не изнесе дополнителни информации за можниот мотив.

Седум други лица биле повредени откако напаѓачот фрлил белило врз нив за време на нападот, додадоа од противпожарната служба. Истрагата е во тек, а повеќе детали за инцидентот се очекуваат подоцна.

The post 📽️ ХАОС ВО ЈАПОНСКА ФАБРИКА Осум избодени, седум испрскани со белило, петмина во критична состојба appeared first on plusinfo.mk.

Министерот за надворешни работи и надворешна трговија Тимчо Муцунски на Фејсбук објави дека денеска во земјава се вратени пет пациенти кои се лекуваа надвор од државата по пожарот во дискотеката „Пулс“ во Кочани.

Еден од пациентите се лекуваше во Грција, а четворица во Шпанија. Тие беа пречекани на Меѓународниот аеродром во Скопје.

„Еден од нив пристигна од Атина, а четворица беа транспортирани од Мадрид. Тие се вратија во добра здравствена состојба, по одличната медицинска грижа која ја добија во Шпанија и Грција, за што искрено изразуваме благодарност. Кризниот штаб при Министерството за надворешни работи и надворешна трговија останува целосно активен и продолжува да го координира процесот на репатријација на повредените пациенти, како и поддршката за нивните семејства“, се наведува во објавата.

Претходно, министерот за здравство Арбен Таравари изрази надеж дека по 24-часовен престој, откако ќе бидат направени токсиколошките испитувања, Ангел кој се врати од Атина ќе биде пуштен на домашно лекување.

Во текот на утрешниот ден, според најавите на надлежните, се очекува во земјава да пристигнат уште пациенти кои беа испратени на лекување во странство по пожарот во дискотеката во Кочани во кој загинаа 59 лица, а околу 200 беа повредени.

– Продолжуваме со тековна комуникација со здравствените власти во државите каде што се сместени овие пациенти. Нашите дипломатско-конзуларни претставништва се постојано во комуникација и со семејствата – нагласи Муцунски во изјава за медиуми.

Вчера во земјава се врати и пациент кој беше лекуван во соседна Србија.

Како што информираше  министерот за здравство Арбен Таравари, четворица пациенти кои се лекуваат во странство се во критична состојба.

The post 5 ПАЦИЕНТИ ОД СТРАНСТВО ПРЕЧЕКАНИ НА СКОПСКИОТ АЕРОДРОМ Уште ќе пристигнат во текот на утрешниот ден appeared first on plusinfo.mk.

По завршување на редовниот состанок на кризниот штаб, министерот за здравство Арбен Таравари информираше за состојбата со пациентите, кои беа повредени во несреќата што се случи во Кочани.

Во македонските болници сите пациенти се во стабилна и добра состојба, рече тој и додаде дека планирано е 9 пациенти да бидат испишани на почеток на неделата, откако ќе им бидат направени сите токсиколошки и психолошки испитувања.

– Надвор од државата се 115 пациенти, во критична состојба продолжуваат да бидат 5 пациенти, но состојбата на пациентите флуктуира. Седми ден е, нула починати. Нема ниту еден пациент кој починал. Очекуваме да се подобрува состојбата. Следната недела имаме најави за враќање на повеќе пациенти во државава – рече Таравари на денешната изјава за медиумите, по завршување на редовниот состанок на кризниот штаб.

The post САМО 5 ПАЦИЕНТИ СЕ ВО КРИТИЧНА СОСТОЈБА, ТИЕ СЕ ЛЕКУВААТ ВО СТРАНСТВО Се кројат планови 9 пациенти да излезат од болница appeared first on plusinfo.mk.

Од осумте пациенти кои вчера пристигнаа од Македонија по трагичниот пожар, тројца се на респиратор, а сите имаат изгореници на респираторниот тракт и се во животна опасност, јави од Белград.

Во изјава денеска за РТС, Милан Стојичиќ, директор на Клиниката за пластична и реконструктивна хирургија при Клиничкиот центар на Србија нагласи дека во понеделникот пристигнале осум пациенти со сериозни повреди опасни по живот.

– Тие се згрижени, стабилни се, а лекувањето продолжува, за што секако ќе биде потребно време – додаде Стојичиќ.

– Во најтешка состојба е еден пациент – Стојичиќ.

Во Србија се згрижени 29 тешко повредени лица и се наоѓаат во четири здравствени домови – Воената болница и Клиничкиот центар во Ниш, Воено-медицинската академија во Белград и Ургентниот центар на Клиничкиот центар на Србија.

 

View this post on Instagram

 

A post shared by MOJ – BEOGRAD (@moj_beo_grad_)

The post 📽️ ТРОЈЦА ПАЦИЕНТИ НА РЕСПИРАТОР Осуммината кои вчера пристигнаа во Белград се со повреди опасни по живот appeared first on plusinfo.mk.

„Пациентот примен преку Ургентниот центар вчера со изгореници е во критична состојба и хоспитализиран на интензивна нега. Медицинските тимови ја пружаат потребната здравствена заштита, согласно медицинските протоколи и прават максимални напори за спасување на неговиот живот“, појаснија од Ургентниот центар

• ДАЛИ СЕ КАЧИЛО НА ВАГОН ЗА ДА СНИМИ ВИДЕО ЗА ТИК-ТОК? 17-годишно момче настрада од струен удар во Кисела Вода

На пруга во општина Кисела Вода, момчето било качено на цистерна-вагон кога доживеало струен удар.

Од Министерството за внатрешни работи вчера за МИА појаснија дека цистерната се запалила, а момчето со возило на Итна помош, било пренесено во Ургентниот центар.

Според информацијата на МВР, момчето е на возраст од 17 години, а настанот се случил во 14:55 часот.

The post СЕ БОРИ ЗА ЖИВОТ МОМЧЕТО КОЕ ДОЖИВЕА СТРУЕН УДАР НА ВАГОН 17-годишникот од Волково е во критична состојба appeared first on plusinfo.mk.

– Ситуацијата не е критична – изјави за Њузвик потполковник Назар Волошин, портпарол на групата украински сили „Хортиција“ кои се борат во источна и во североисточна Украина, иако додаде дека битките се „комплицирани и динамично се менуваат“.

Други украински извори се попесимистички. Генералот Кирило Буданов, шеф на киевската воена разузнавачка агенција ГУР, рече дека ситуацијата во Харков од час во час станува се покритична. „Ние сме на работ“, изјави Буданов за Њујорк тајмс.

Руските војници во петокот отворија нов фронт во североисточна Украина. Московското Министерство за одбрана соопшти дека руските сили презеле контрола врз неколку погранични села во регионот на Харков, вклучително и Бухруватка, населба западно од градот Вовчанск, кој се наоѓа на околу 5 километри од границата.

Украинските власти велат дека Вовчанск е под постојано бомбардирање, а војската на Киев вчера соопшти дека нејзините сили се борат со руски војници во северниот дел на градот. Илјадници луѓе ги напуштија пограничните области како Вовчанск од петокот.

The post НА РАБОТ СМЕ, СОСТОЈБАТА Е КРИТИЧНА Шефот на украинското воено разузнавање е песимист за Харков appeared first on plusinfo.mk.