Русија неодамна ја лансираше својата апликација за пораки Max, претставена како „национален Месинџер“, но според критичарите, тоа е уште еден чекор кон целосна дигитална контрола врз граѓаните; шпион во вашиот џеб што им овозможува на властите да ја видат секоја порака.

Апликацијата се споредува со кинескиот WeChat, бидејќи нема енкрипција од крај до крај, а правилата за приватност овозможуваат пристап до цела низа податоци – од разговори и контакти до фотографии и локација.

-Креаторите на апликацијата отворено велат дека ќе им предадат сè на властите. За регистрација е потребен руски или белоруски број на мобилен телефон, а тој може да се добие само со државна идентификација, што значи дека секоја активност може да се проследи до поединецот. Сè што правите таму е достапно за ФСБ – предупредува Михаил Климарев, раководител на протераната организација Руско друштво за заштита на интернет.

Max објави дека неговата корисничка база пораснала од 1 милион луѓе на почетокот на јуни на 30 милиони во септември.

Иако тоа е сè уште многу помалку од неговите конкуренти, WhatsApp останува убедливо најпопуларната апликација за пораки во Русија, со околу 96 милиони корисници, проследено со Telegram со околу 90 милиони корисници, Max има моќен поддржувач: државата.

Во јуни рускиот претседател Владимир Путин потпиша закон за создавање „национален гласник“, а руската технолошка компанија VK беше избрана да го развие набргу потоа.

Компанијата е  контролирана од државната гасна компанија „Гаспром“.

The post РУСКАТА АПЛИКАЦИЈА ЗА ПОРАКИ МАХ ИМА 30 МИЛИОНИ КОРИСНИЦИ Критичарите обвинија дека Путин преку неа ги следи сопствените граѓани appeared first on plusinfo.mk.

Американскиот претседател Доналд Трамп се обидува да остави архитектонски белег во главниот град на САД што ниту еден американски претседател не се обидел да го направи со децении. Веќе се видливи златните украсувања на Белата куќа, поплочувањето на градината со рози на Кенеди, а се преуредува и целиот Вашингтон

-Добар сум во градење – изајви неодамна Трамп најавувајќи го потенцијално својот најголем проект – грандиозна нова балска сала од 200 милиони долари.

The Oval Office, then and now. pic.twitter.com/uCclHpveuF

— JoeMyGod (@JoeMyGod) July 16, 2025

Набргу по враќањето во Белата куќа, тој почна да ги украсува ѕидовите на Овалната соба со златни орнаменти, а странските претставници внимателно го пофалија новиот аранжман.

Потоа нареди познатата трева од градината со рози да се претвори во тераса. Трамп објасни дека го направил тоа затоа што жените во високи потпетици паѓале на тревникот.

По завршувањето на терасата, Трамп инсталираше озвучување. Исто така, постави две огромни американски знамиња на тревникот на Белата куќа, како и џиновско огледало на колонадата на Западното крило во кое може да се огледа додека ја напушта Овалната соба.

Трамп вели дека тој лично ги финансира тие „подобрувања“. Но, за поголеми планови ќе му треба помош однадвор.

Белата куќа објави дека новата балска сала, планирана за Источното крило до крајот на неговиот мандат во ноември 2029 година, ќе биде финансирана од Трамп „и други патриотски донатори“.

Трамп, во меѓувреме, вели дека очекува Конгресот да се согласи да плати 2 милијарди долари за неговиот грандиозен план за разубавување на Вашингтон. На патувањето во богатата со нафта Саудиска Арабија во мај, Трамп се восхити на „сјајните чуда“ и се чини дека е решен да создаде свое блескаво пристаниште.

Тоа се движи од преуредување на Центарот за сценски уметности „Кенеди“ со мермерни плочи до поправка на скршени рабници и поставување на мојот асфалт.

Лицето на Трамп дури се извишува над улиците на Вашингтон од џиновските постери на Министерството за труд и земјоделство.

Критичарите велат дека преобразбата на Белата куќа во неговиот втор мандат како претседател е во негов стил. Некои делови од неа сега личат на неговото одморалиште Мар-а-Лаго во Флорида. Ова особено важи за новопоплочената градина со рози со маси за пикник и жолто-бели чадори.

– Ова е ескалација на покажување моќ. Тоа е она што го прави. Го става своето име на Библии и казина, така што логиката има совршена смисла. Освен што сега си игра со угледот на Соединетите Американски Држави и демократското наследство – изјави Питер Лоџ од Универзитетот Џорџ Вашингтон.

Историското здружение на Белата куќа, пак, ги стави промените на Трамп во контекст, велејќи дека зградата е „жив симбол на американската демократија што еволуира додека преживува како национално обележје“.

Претседателот на здружението, Стјуарт Меклорин, напиша во есеј во јуни дека реновирањата историски предизвикале критики од медиумите и Конгресот поради „цената, историскиот интегритет и времето“.

„Сепак, многу од тие промени станаа составен дел од идентитетот на Белата куќа и тешко е да се замисли Бела куќа без нив денес“, напиша тој.

Трамп не е првиот претседател кој презел големи реновирања на Белата куќа во текот на нејзината 225-годишна историја. Но, промените на Трамп се најдалекусежните во последните сто години.

Френклин Рузвелт ја надгледувал изградбата на сегашната Овална соба во 1934 година, Хари Труман предводел голема реновација што била завршена во 1951 година, а Џон Ф. Кенеди ја создал модерната градина со рози во 1961 година. Трамп сега ја поплочил таа градина со рози.

The post 📷 ТРАМП ВО СВОЈ СТИЛ ГО МЕНУВА ЛИЦЕТО НА ВАШИНГТОН Започна со златни орнаменти во Белата куќа и поплочување на градината со рози appeared first on plusinfo.mk.

На рокерите од американскиот бенд „КИСС“, се чини, не им пречеше тоа што нивниот политички неистомисленик и соперник – претседателот на САД, Доналд Трамп официјално објави дека составот е меѓу овогодишните добитници на Наградата „Кенеди центар“.

Трамп рече дека бил длабоко вклучен во процесот на селекција оваа година, вклучувајќи ја и неговата намера да стане првиот претседател на САД што ќе биде домаќин на емисијата. А, изборот на „КИСС“ е интересен со оглед на добро познатото политичко „непријателство“ меѓу рок-составот и Трамп.

Имено, рокерите во една прилика рекоа оти „Трамп е вистинска опасност за демократијата“, пренесува „Јаху ентертејнмент“.

– Чест ми е да му оддадам признание на еден од најголемите рок-бендови на сите времиња „КИСС“. Значи, „КИСС“ е основан во Њујорк, 1973 година, а неговите членови-основачи се неверојатни луѓе. Тоа се: Пол Стенли, Џин Симонс, Ејс Фрејли и Питер Крис – изјави американскиот претседател најавувајќи ја наградата.

Тој продолжи:

– „КИСС“ стана светски феномен, со над 100 милиони музички записи продадени ширум цел свет, продуцирани 30 „златни“ албуми и многу други работи. Тие создадоа богатство. Тоа се одлични луѓе, кои работат напорно, и продолжуваат да работат напорно, и го заслужуваат ова признание. А, мене ми е чест да го претставам „КИСС“.

Басистот на бендот и воедно пејач, Џин Симонс, во име на цела група, за „Билборд“ изјави дека „КИСС е олицетворение на американскиот сон“.

– Длабока чест ни е да го добиеме одличјето ‘Кенеди Центар’ – вели Симонс.

На списокот наградени се најдоа и кантри-пејачот Џорџ Стрејт, британскиот глумец Мајкл Крофорд, диско-пејачката Глорија Гејнор и глумецот од „Роки“  и „Рамбо“, Силвестер Сталоне.

„Кенеди центар“ признанијата се доделуваат во главниот град на САД – Вашингтон, за особен придонес за американската култура. Меѓу поранешните добитници на овие одличија се и Арета Френклин, Боно, Мерил Стрип, Рита Морено, Том Хенкс, Пол Мекартни, Роберт де Ниро и Ел-Ел Кул Џej.

The post 📽️ ГО КРИТИКУВАА, ТРАМП ГИ ИЗНЕНАДИ СО НАГРАДА Рокерите КИСС добија почесно признание во Кенеди центарот appeared first on plusinfo.mk.

Новак Ѓоковиќ, по предавањето на мечот од полуфиналето на Австралија Опен против Александер Зверев, конечно одговори на обвинувањата дека го симулирал повлекувањето поради повреда. Србинот го прекина натпреварот откако го загуби првиот сет, жалејќи се на болки во мускулите.

Дел од јавноста веднаш го обвини дека се повлекол само затоа што почувствувал дека натпреварот ќе заврши неповолно за него. Коментарите беа остри, алудирајќи на тоа дека Ѓоковиќ се обидува да избегне пораз на ваков начин.

Сепак, српскиот тенисер не остана без реакција. Тој објави фотографија на која јасно се гледа оштетувањето на мускулното ткиво, придружена со кратка порака: „Само ќе го оставам ова тука, за сите спортски експерти.“

Со ова, Ѓоковиќ јасно покажа дека повредата била сериозна и дека не станува збор за симулација, туку за вистинска спортска неприлика.

The post ДАЛИ ЃОКОВИЌ ГЛУМЕЛ ПОВРЕДА? Фотографија што открива сè и ги замолчи критичарите appeared first on plusinfo.mk.

Мерката ќе важи и за оние кои се прогласени за виновни за „дискредитација“ на вооружените сили, за оние кои бараат санкции против Русија како и за оние кои се прогласени за виновни за поттикнување екстремистичка активност.

Новиот закон, кој допрва треба да биде одобрен од Горниот дом на рускиот парламент и од претседателот Владимир Путин, ќе и овозможи на државата да ги заплени имотите на Русите кои ја напуштија земјата и ја критикуваа војната во Украина и продолжуваат да се потпираат на приходите од изнајмување на нивните домови или станови во Русија.

The post РУСИЈА ВО ВОЈНА СО КРИТИЧАРИТЕ Ќе се конфискува имотот на секој што шири „лажни вести“ за армијата appeared first on plusinfo.mk.

„Амстердам” (Amsterdam)

Можеби е неверојатно тоа што филм каде што глумат Кристијан Бејл, Маргот Роби, Крис Рок, Роберт Де Ниро, па дури и познатата пејачка Тејлор Свифт, може да добие оценка 6,1 на ИМДБ. А, и тоа  му е „многу”, според Глејверман, бидејќи „се работи за бизарно фијаско што е и досадно, и навредливо во истовреме”.

– Сместен во Америка од 30-тите, којашто изгледа како да е под стакло, „Амстердам” ги сместува Бејл, (Џон Дејвид, б.п.) Вашингтон и Маргот Роби во целосно неинтересен љубовен триаголник. Но, вистинската тема е фашистичкиот напад. Кога филмот ќе стигне до таа точка, просто посакуваш Расел да почне од почеток – смета критичарот.

Ова достигнување на режисерот Дејвид О. Расел е критикувано и поради отсуството на јасна тема.

„Мињони: Подемот на Гру” (Minions: The Rise of Gru)

– Кога анимираните продолженија не служат за ништо друго освен да бидат „печатница за пари”, тоа може да биде многу безживотно. Можеби затоа петтото продолжение на „Подлиот јас” (Despicable Me) изгледа како 105-то – оценува Глајверман.

„Коски и сè” (Bones and All)

По филмот „Викај ме по своето име” (Call Me By Your Name) од 2017 година, кој ги освои и критиката и публиката и ја издигна кариерата на Тимоти Шаламе, младиот глумец повторно работеше со режисерот Лука Гвадањино во необична љубовна приказна. Овој пат главни протагонисти се Ли (Шаламе) и Марен (Тејлор Расел), двајца млади кои се вљубуваат и патуваат низ САД на маргините на општеството – како канибали.

Публиката на филмот му даде оценка 7,1, но според Глајверман, и тој не заслужува „толку многу”.

„Потпалувачка” (Firestarter)

Во новата преработка на истоимениот трилер-роман на Стивен Кинг, девојче со вонредни пирокинетски моќи се бори да го заштити своето семејство и себеси од злобните сили… Првата екранизација е направена 80-тите, а и тогаш, како и сега, не успеа да ја воодушеви ни публиката, ни критиката.

– Зошто воопшто правите преработка на еден од најлошите филмови на Стивен Кинг од 80-тите? За да докажете дека можете да направите уште полоша верзија!? – прашува критичарот.

„Три илјади години копнеж” (Three Thousand Years of Longing)

Овој долгоочекуван филм е заснован на расказот „Џинот во окото на славејот” на А.С. Баје. Режисерот Џорџ Милер го прочитал пред повеќе од 20 години и оттогаш сонувал да направи филм.

Гледачот се среќава со Алитеа (Тилда Свинтон), осамена Англичанка која наоѓа украсено шише при патување во Истанбул, Турција. По враќањето дома, таа го трие за да го исчисти, но од него излегува – „Џинот” (Идриз Елба), кој ветува дека ќе и исполни три желби. За да ѝ помогне да одлучи околу желбите, „Џинот” ја носи низ минатото…

За критичарот, сепак, гледањето на филмот било „тешко”, а љубовниот заплет е „како копиран” од сосема друг филм.

„Русокоса” (Blonde)

„Русокоса” е адаптација на романот на Џојс Керол Оутс, заснован на биографијата на легендарната холивудска актерка Мерлин Монро. Во главната улога е Ана де Армас. Иако филмот беше ветувачки, публиката на крајот критикуваше дека приказната се оддалечила од животот на дивата и оти ја претставува како беспомошна жртва.

– Начинот на кој Ендрју Доминик го конструира толкувањето на познатата слика за ѕвездата гарантира дека секојпат кога ќе видиме првична слика, таа ќе биде извалкана од потсвесните врски со овој грд, неавтентичен портрет – вели критичарот Питер Дебруж.

„Голема бубачка” (Bigbug)

The post КРИТИЧАРИТЕ КРИТИКУВААТ Ова се најлошите филмови во 2022 година appeared first on plusinfo.mk.

Гурна во моментов е професор и директор на постдипломски студии таму во рамките на Одделот за англиски јазик. Неговиот главен академски интерес е постколонијалното пишување и дискурсите поврзани со колонијализмот, особено кога станува збор за Африка, Карибите и Индија.

Од 1980 до 1982 година, Гурна предавал на Универзитетот Бајеро Кано во Нигерија. Потоа се префрлил на Универзитетот во Кент, каде што докторирал во 1982 година. Објавил десет романи и серија раскази. Темата за проблемот со бегалците се провлекува низ неговите дела.

Уредувал два тома „Есеи за африканското пишување“ и објавил написи за бројни современи постколонијални писатели. Тој е уредник на списанието „Васафири“ од 1987 година.

Иако понекогаш се наведуваат индивидуални дела како причина за добивање на оваа престижна награда, Шведската кралска академија, всушност, го зема предвид целиот труд и придонесот на авторот при изборот на победникот.

Нобеловата награда за литература беше доделена 113 пати помеѓу 1901 и 2020 година, односно беа доделени 117 поединци (101 мажи и само 16 жени). Делата на победниците беа напишани на 25 различни јазици.

Најмладиот лауреат беше англискиот писател, новинар, писател на раскази, поет и романсиер Родјард Киплинг, на 41 година, а најстариот е лауреатката Дорис Лесинг, која имаше 88 години кога беше наградена во 2007 година.

The post НОБЕЛОТ ЗА ЛИТЕРАТУРА ВО РАЦЕТЕ НА АБДУЛРАЗАК ГУРНА Бескомпромисна белетристика за бегалците од Африка appeared first on plusinfo.mk.

Со тоа, филмот ќе добие 8 проекции, свртувајќи го вниманието на филмските критичари, професионалците и публиката.

Секој месец, уредничкиот тим на кинотеката одбира филм за кој мисли дека заслужува да се прикаже на големо платно во нивната престижна институција.

„Ќе бидеме во неверојатно друштво, филмови на месецот претходно беа ремек-делата на светската кинематографија: „Елена“ на Андреј Звјагинцев, „Молитва пред мугра“ на Жан-Стефан Саува и „Јавачот“ на Клое Жао“, се наведува на официјалната Фејсбук страна на филмот „Исцелител“.

Данската кинематографија е една од најстарите и најпрестижните во светската филмска историја, дом на филмските великани Карл Теодор Дреер, Ларс фон Триер, Томас Винтерберг и Николас Виндинг Рефн. Првата филмска проекција се одржала во Копенхаген во далечната 1896, само една година по првата проекција на филм воопшто.

The post Данската кинотека го прогласи „Исцелител“ за филм на месец ноември appeared first on plusinfo.mk.

Варошанец ја доби оваа награда за предлог истражувачкиот проект „Тајните места на Скопје“.

Проектот се осврнува на ургентната потреба од документирање, мапирање и архивирање на современото модерно уметничко наследство: скулптури, објекти, мурали, мозаици, витражи и сл., поставени во јавен простор на територијата на градот Скопје, создадени во периодот по втората светска војна сѐ до 90-тите години на 20 век. Тој им дава видливост на познатите, а открива и помалку познати остварувања на модерната, реализирани во јавен простор, на отворено, но и во разновидни објекти од јавен карактер: згради на јавни установи и деловни објекти,  дворови на фабрики и сл.

– Ова истражување и дава светлина на модерната уметност и од контекст на круцијалноста во урбанистичкото планирање на градот, во кое уметнички дела се планираат како интегрален дел од една архитектонската целина, а не како нивна декорација. Со тоа проектот открива дела и целини коишто преку годините и заради непланските зголемувања, украсувања и сквернавења на јавниот простор (особено со проектот Скопје 2014) се сокриени, запоставени, оштетени или оставени на забот на времето – велат од комисијата која му го додели признанието.

The post Благоја Варошанец ја доби наградата „Ладислав Баришиќ“ appeared first on plusinfo.mk.