Накратко – девојката го остави, спонзорите ги раскинаа договорите со него, па Бака, со вистинско име Богдан Илиќ, сѐ уште не знае дали ќе се врати на снимањето видео содржини.

„Се случија две работи кои ме скршија психички и кои ја убија секоја желба за снимање во јавниот живот. Првата е секако ситуацијата со Кика, а втората е раскинувањето со Ања. Двете ситуации многу лошо влијаеа на мене и тешко ги надминав. Медиумскиот линч што го доживеав по Кика влијаеше на мене сѐ полошо со текот на времето. Луѓето на интернет почнаа да се вртат против мене и да ми покажуваат со прст на улица, „колегите“ ја искористија можноста да ме прозиваат и да соберат прегледи на јутјуб, одење во полиција и слично. Згора на сѐ, јас и Ања раскинавме, и тука „пукнав““, напиша Бака на Инстаграм.

„Не можев да се вразумам цел јануари. Го поминав во кревет, мислејќи: „Што да правам со мојот живот? Честопати сум велел дека ќе престанам да снимам во моментот кога веќе нема да сакам да го правам тоа… Дојде тој момент. Тогаш решив да се откажам и никогаш да не се вратам на Јутјуб. Не можев повеќе да издржам, емоционално и психички бев скршен. Многумина мислат дека морам да снимам затоа што живеам од тоа, но интересен е фактот што од инцидентот со малолетниците, во 2020 година, не сум земал динар од спонзори и дека година и пол заработувам само од прегледите на Јутјуб, а како што знаете, тоа и не е некоја сума“, откри тој.

„Искрено, ми беше премногу тешко и решив да се повлечам. Се посветив на себе, тренинзите, менталното и физичкото здравје, семејството и моите искрени и вистински пријатели кои не ми го свртеа грбот. И конечно, после долго време, повторно сум среќен, почнав да го живеам животот во потполност, тренирам, работам и уживам во животот“, признал Бака Прасе.

За популарноста што ја ужива меѓу младите во последните години говори и фактот што за нешто помалку од шест години од рекламите на Јутјуб заработил околу 100.000 евра.

 

View this post on Instagram

 

A post shared by Bogdan Ilic (@bakaprase)

ФОТО: Инстаграм

The post КОНТРОВЕРЗНИОТ БАКА ПРАСЕ ГО ПРЕКИНА МОЛКОТ Смртта на Кика и раскинувањето со Ања го скршиле appeared first on plusinfo.mk.

Имено, јутјуберот со својата девојка заминал во Холандија поради лошите коментари и закани што ги добивал по смртта на неговата колешка Кристина Кика Ѓукиќ која си го одзеде животот, а потоа ненадејно се вратил во Белград. Сепак, се чини дека не било сè по планот.

Имено, Богдан од социјалните мрежи ги тргнал фотографиите со својата девојка Ања, а таа се фотографирала сама во својот дом и тоа го објавила на нејзиниот профил на Инстаграм.

Богдан потоа напишал и порака за сите на социјалните мрежи и истакна дека имал тежок период.

„Забележав дека на некои мои колеги им е многу жал што не пропаднав по целата ситуација што се случи минатиот месец, а сега бидејќи мислат дека сум долу, сакаат да ме шутираат за да не можам да станам. Да, паднав во глава, размислував да се откажам, но по сите ваши пораки за поддршка, решив да се вратам, со два клипови, и тоа од по милион прегледи. Тоа им ги бодеше очите на тие колеги затоа што мислеа дека ми дошол крајот. Немате поим од животот, колку е тешко да издржиш сѐ што ми се сервира, но и понатаму го вперувате прстот затоа што суетата ве уништува, а не знаете кога сте се родиле“, напишал Бака и додаде:

„Оваа година ми заврши страшно лошо и напорно, почна уште полошо и потешко… Ќе објавам утре зошто да не „црнеам“ премногу сега…“

The post БАКА ПРАСЕ СЕПАК СЕ ВРАТИ ВО СРБИЈА И НА ЈУТЈУБ Но, му се случи нов малер appeared first on plusinfo.mk.

Сега на социјалната мрежа ТикТок се појави морничава снимка од разговорот помеѓу Кика и соиграчот во текот на играта „Counter Strike“, кое можете да го погледнете на видеото.

– Некса?

– Кика?

– Дали го сакаш својот живот? – Кика го праша својот соиграч.

– Го обожавам- ѝ одговора тој и ја прашува: „Зошто?

– Дали би дошол на мојот погреб? – гласел нејзиниот одговор.

@speed.jbgK1ka

♬ original sound – K1ka <3

Иако момчињата на нејзина возраст почесто играа игри, Кика покажала дека и девојчињата во тоа можат да бидат многу успешни. Затоа во март 2015 година го лансираше својот Јутјуб-канал „К1КА“ на кој секојдневно објавуваше клипови од популарниот „Minecraft“. Со оглед на тоа што таа беше една од ретките женски играчи кои тогаш уживаа во таа игра, за само десет дена собра повеќе од илјада претплатници. Од ден на ден таа објавуваше нови содржини, па нејзиниот канал стана еден од најбрзо растечките српски канали на Јутјуб.

Дваесет и една годишната Кика си го одзеде животот во изнајмен стан во Белград. Со денови не стивнуваат објавите и коментарите за трагичниот крај на убавата млада девојка.

ФОТО: Инстаграм

The post ИСПЛИВА ШОКАНТНА СНИМКА ОД КИКА И ПРИЈАТЕЛ Од нејзините зборови ќе ви се замрзне крвта (ВИДЕО) appeared first on plusinfo.mk.

Како причина за нејзиното самоубиство во српските медиуми и на социјалните мрежи беше наведена неможноста да го издржи интернет насилството и при тоа како најголем виновник го наведуваа српскиот јутјубер Богдан Илиќ (25), познат како Бака Прасе, поради тоа што пред две години тие двајцата се препукувале преку видеа.

Како што наведуваат денеска српските медиуми, познатата инфлуенсерка се самоубила со предозирање со бензедини и екстази.

Бака Прасе беше приведен, но по 4 часа распит, беше ослободен од полицијата. Потоа, јутјуберот се огласи со емотивен говор во кој ја откри својата страна од приказната.

– Пред 2 години кога се расправавме, кога беа Јутјуб драмите, медиумите објавија дека јас напаѓам луѓе кои имаат рак. Кика немаше рак фала Богу, а сега медиумите објавија дека јас сум убиец, дека сум одговорен за смрт на дете поради таа драма. Сите ми скокнаа на врат без да ги проверат фактите, дека таа се убила поради интернет насилство. Ќе ви прочитам што напиша сестрата на Кики, ќе ѝ го цензурирам името, но прво да ви го кажам мојот дел … – почна Богдан.

Во пораката, пак, од сестрата на Кика, објавена како Стори на нејзиниот профил на Инстаграм, пишува луѓето и медиумите да не објавуваат дезинформации и лаги.

Бака Прасе вели дека тие двајца се разделиле како пријатели. По нивната јавна расправија, тој ја побарал Кика на разговор и со тек на времето се зближиле и развиле идеи за заеднички проекти.

– Бев среќен кога ја добив нејзината доверба, кога почнавме да зборуваме како пријатели и кога ми се довери за некои проблеми низ кои минуваше тогаш. Сакав да работиме заедно, да имаме емисија. Се видовме, не објавив дека се смиривме, бидејќи сакавме да направиме видео – вели Бака Прасе.

Со солзи во очите, тој признава дека не му е лесно.

– Луѓето ми пишуваат дали сум среќен што сум го постигнал ова. Мислите ли дека не ми е криво за сè? Мислите дека не се чувствувам делумно одговорен? Јас сум тој што ја прозиваше и фала Богу што нејзините пријатели ми се јавија и ми кажаа дека не сум јас виновен и ми набројаа со кои проблеми се соочувала, бидејќи имала свои демони со кои не можела да се избори. Но ова нема врска со интернет насилство. Не велам дека е добро тоа што јас го правев пред 2 години. Кои сме ние ако не грешиме? Немаат право да ме осудуваат. Јас ѝ се извинив, таа рече дека разбира и дека не ми замера, дури ми се заблагодари, бидејќи благодарение на мене дознала кои ѝ се вистински пријатели. Немам проблем некој да ме прозива, но не можам да се носам со тоа некој да ме нарекува убиец. Ќе се дознае причината за нејзиното самоубиство – наведе Богдан.

The post БАКА ПРАСЕ НИЗ СОЛЗИ Не сум убиец, со Кика станавме пријатели (ВИДЕО) appeared first on plusinfo.mk.

Специјалното обвинителство издаде барање до српското МВР да ги собере потребните информации и во врска со другите околности кои се важни за утврдување на целосната фактичка состојба во врска со трагичниот настан.

Засега тој е на распит во својство на граѓанин, а не како осомничен, а понатамошната истрага ќе утврди дали има врска со смртта на јутјуберката Кика.

Младата јутјуберка и тиктокерка Кристина Кика Ѓукиќ (21) изврши самоубиство поради долгогодишното злоставување кое го трпела на социјалните мрежи.

Да потсетиме, Кика беше еден од омилените српски гејмери, јутјубери и инфлуенсери кај помладата популација. Родена е во Белград, имаше само 21 година, а во март 2015 година го лансираше својот канал на Јутјуб каде секојдневно објавуваше клипови во кои ја играла една од најпопуларните игри.

Кика пред две години беше цел на сурови и срамни напади на контроверзниот јутјубер Бака Прасе, кој со денови ја прозиваше во своите клипови на Јутјуб, но и како гостин во програмата на телевизија со национална фреквенција.

Кика на пошироката јавност ѝ стана позната кога влезе во вербален конфликт со Богдан Илиќ, попознат како Бака Прасе. Контроверзниот Јутјубер снимаше клипови за неа, ја прозиваше на сметка на нејзиниот физички изглед и ја нарекуваше со разни навреди, пишува српска „Нова“.

Српската јавност беше згрозена од наводните навреди кои ѝ ги упати Бака Прасе – остана нејасно дали кажувал лаги за нејзината здравствена состојба, велејќи дека оди на хемотерапија.

„Никогаш не сум одела на хемотерапија, ниту сум болна. Тој рече дека ќе ми се извини ако одам на хемотерапија. Јас го поставив прашањето: „Чекај, дали треба да одам на хемотерапија за ти да ми се извиниш?“, буквално рече дека е во ред да се навредува некого, бидејќи како мал имла комплекси затоа што бил слаб, одел во теретана и ги излекувал своите комплекси. Но, тоа не е во ред, бидејќи јас сум слаба и не можам да се здебелам. Некој има здравствен проблем и не може да ослабе, или не може да ја каже буквата „р“, оди кај логопед и не може да го реши проблемот. Не е во ред да навредувате туѓ физички изглед“, изјави Кика во споменатото интервју коментирајќи ја кавгата со јутјуберот во утринската програма.

Во октомври 2019 година, по расправија со Кика, Бака Прасе објави скандалозна и срамна песна наречена „Je l te nije blam“ во која најмногу ги навредуваше неа и нејзината мајка. Песната има речиси осум милиони прегледи на оние кои го величат интернетското злоставување.

ФОТО: Инстаграм

The post ВО ВРСКА СО СМРТТА НА ЈУТЈУБЕРКАТА КИКА Контроверзниот Бака Прасе приведен на сослушување appeared first on plusinfo.mk.

Над 75 отсто од младите меѓу 15 и 19 години во Македонија имаат профил на некоја од социјалните мрежи, а колку од нив биле сајбер-малтретирани, злоставувани или спамирани, не е јасно познато, иако случаите како „Јавна Соба“ и други случаи кои беа обелоденети во jaвноста се наоѓаат во архивите на полицијата.

Сепак, најголемиот дел од малтретирањето на корисниците на интернетот, се одвива секојдневно и далеку од очите на јавноста.

– Најчестите случаи се кај тинејџерските љубовни врски. Девојките ќе дојдат кај психологот и ќе кажат дека биле следени од своите поранешни момчиња. Дечкото им пишува на Фејсбук, по сите мрежи, но и физички се појавува во близина на нивното место на живеење. Ако пораките не успеат кај жртвата, тие ќе стигнат кај пријателите или пријателките, кај членови од најблиското семејство и други – вели Ангела Будиноска, психолог кој работи со млади луѓе.

Кој ќе им укаже на нашите деца да не објавуваат сè и сешто, во полетот да станат славни, влијателни и популарни на Јутјуб, Фејсбук, ТикТок, Инстаграм, Редит и Снапчат, на возраст кога уште не се полнолетни и свесни за товарот со кој треба да се справат? Задевањето и злоставувањето на интернет се чинат сè почести од малтретирањето лице в лице меѓу врсниците особено кога децата имаат онлајн-настава и кога целиот нивен социјален живот е негде таму во етерот.

Кика била навредувана од Бака Прасе, неговите видеа имале милионски прегледи

Додека се расчистува случајот со Кика Ѓукиќ, добро е да се знае дека таа била постојано малтретирана и следена на социјалните мрежи, од повеќе лица. Познатиот српски јутјубер Бака Прасе со денови ја навредувал неа, а потоа и нејзината мајка. Во октомври 2019 година, по расправија со Кика, јутјуберот ја направил песната „Je l te nije blam“ во која најмногу ги навредуваше неа и нејзината мајка. Песната има речиси осум милиони прегледи. Дали е притисокот од јавноста тој што го предизвика хаосот?

Богдан Илиќ, вистинското име на Бака Прасе, ја навредувал и поради нејзиниот физички изглед, а лажел и дека таа е болна и дека оди на хемотерапија. 

Само родителите можат да ги вразумат младите, а фали и домашно воспитание

„Натпреварот во глупости“ поради внимание е нешто што трае и веројатно ќе потрае. Во еден пример, младите во САД на ТикТок се тркаа кој ќе успее да лапне поголема таблета од прашок за перење, иако можеби и самите знаат дека тие се отровни. Според Будиноска, единствениот начин ова да сопре е самите родители преку разумен разговор да им укажуваат на децата на последиците од нивната расеаност. Kaj некои деца проблем е и тоа што отсуствува базичното домашно воспитување.

– Младите се невнимателни и родителите се тие кои треба да им обрнат внимание за тоа што прават онлајн. Сум имала неколку случаи на сајбер-булинг. Денес е многу лесно да се згреши. Знаеме што се објавува на Инстаграм, Тик Ток, какви глупости се прават на Фејсбук и многу е битно младите од дома да имаат поголема соработка. Родителите почесто да ги потсетуваат децата дека не треба да си играат играчки и за тоа да зборуваат секој ден – вели таа.

Интернетот им дава слобода на децата, но треба да се знаат границите

Колку и да изгледа непродуктивно во тие „бунтовнички“ години, разговорот меѓу родителот и детето, постојаното укажување можат да бидат клучни во неговото правилно насочување.

– Родителите можат да им посочат со примери на децата за тоа колку е опасно изложувањето на нивните информации – смета Будиноска.

Учењето преку примери е добра пракса. А, најдобар пример се приватните информации, слики или видеа кои толку лесно се оддаваат во јавноста.

– Детето се чувствува слободно да објавува сè и сешто на Фејсбук, но треба да знае дека тоа има последици. Сами и доброволно ги објавуваат тие нешта и можат да бидат жртви на сајбер-следење. Но, тука многу врска има домашното образование – вели психологот.

Имаме одредница во законот, но се казнува ли сајбер-малтретирањето?

Во македонското законодавство не постои изразот „сајбер-булинг“. Затоа во законот нема одредба со која би можело директно да се влијае на овој вид насилство. Сепак во Кривичниот законик според членот 144, став 4 се вели дека за тој што по пат на информатички систем ќе се заканува дека ќе стори кривично дело се предвидува казна затвор од пет години.

– Од моето искуство што сум го имала со клиенти со сајбер-задевање и сајбер-злоставување, изложување на профили и слично, објавување на работи во нивно име, крадење слики, искуството е такво што кога ќе се обратат до полиција ништо не се преземало. Досега имало изрекувани забрани за приближување на одреденото лице кои ги вознемирува, но ништо повеќе од тоа. Така што мислам дека би било многу покоректно кога државата би била многу поинволвирана во сето тоа. Прашање е колку Законот има можности за вакво нешто – вели Будиноска.

Направете скриншот од малтретирачот за да може да го пронајдат

Имајќи предвид дека заканата сторена преку социјални мрежи е еднакво значајна како и секоја друга форма на закана истата не треба да се занемари и треба да се пријави во најблиската полициска станица. Пред да се пријави случајот во полиција жртвата треба да биде сигурна дека зачувала копија, т.н. скринштот од комуникацијата како и копија од профилот на осомничениот како доказ дека бил постоечки во моментот, во случај подоцна да го отстрани.

– Имало случаи кога сме пријавиле во полиција, но освен забрана за приближување полицијата не направи ништо во врска со тие случаи – вели Будиноска.

Сајбер-булингот е многу тешко да се забележи и да се докаже. Тенка е границата меѓу задевање, злостувавање, досаѓање и реална закана. Македонија забележува случаи кога луѓе добија пријави поради пишување на статуси на Фејсбук полни омраза кон некого или нешто или кога имало закана кон политичари и видни јавни личности, но прашање е како и колку се постапува во овие случаи.

Што по дефиниција е сајбер-малтретирањето?

Сајбер-малтретирањето е малтретирање што се случува преку дигитални уреди како што се мобилни телефони, компјутери и таблети. Сајбер-малтретирањето може да се случи преку СМС, текстуални пораки и апликации или преку интернет на социјалните медиуми, форуми или игри каде што луѓето можат да гледаат, учествуваат или споделуваат содржина.

Сајбер-малтретирањето вклучува испраќање, објавување или споделување негативна, штетна, лажна или злобна содржина за некој друг. Може да вклучи споделување лични или приватни информации за некој друг што предизвикува срам или понижување. Некои видови на сајбер-малтретирање ја преминуваат границата на незаконско или криминално однесување.

The post КАКО ДА ГИ СПАСИМЕ НАШИТЕ ДЕЦА ОД ЗЛОБНИ ХЕЈТЕРИ? Случајот со Кика ги вознемири родителите во Македонија appeared first on plusinfo.mk.

Иако ништо поконкретно не се соопштува за мотивите на 20-годишната девојка да си го одземе животот, медиумите потсетуваат дека популарната Кика долго време водела борба со притисокот од јавноста и со насилството на социјалните мрежи.

Ова е едно од нејзините познати видеа:

@kikax3Reply to @ponosan_srbin_3 Zato radite šta hoćete u životu, ljudi će kenjati svakako šta god uradili, bitno je da ste VI srećni.♬ original sound – Kristina Đukić

Тажната вест за смртта на Кика ја објави нејзината мајка Наташа Ѓукиќ.

– Со огромна болка ве известувам дека мојата ќерка Кика вчера почина. За датумот ќе ве известам – напиша нејзината мајка, скршена од болка.

Кика стана популарна преку интернет-драмите, па затоа се смета дека одлуката да си го одземе животот ја донела откако веќе не можела да го издржи притисокот од јавноста.

Поттикната од овој шокантен чин, се огласи и позната Јелена Карлеуша:

– Поради тоа што слушнав дека девојчето си го одзело животот поради сајбер насилство имам да го изјавам следново: На сите ни се крвави рацете, како општество сме за ова виновни! Тоа што сум јас јака и навикната со години да ме навредуваат и малтретираат јавно, не значи дека е нешто на што некој треба да се навикне и не значи дека е нормално тоа да ви се случува. Не е нормално да ве навредуваат илјадници малоумници без име и фотографија. Како друштво станавме еден куп психопати кои ги забавува кога некој друг пати и се нервира. Решението е секој оној кој јавно ќе навредува друг преку социјалните мрежи да се осуди на казна затвор. Така ќе размислат што прават – напиша Карлеуша.

Погледнете го ова виде за популарната српска инфлуенсерка:

The post ПОСЛЕДНИОТ ЧИН ОД ДРАМАТА НА 20-ГОДИШНАТА СРПСКА ЈУТЈУБЕРКА Популарната Кика си го одзеде животот (ВИДЕО) appeared first on plusinfo.mk.